من تلات سنين بالضبط 2021 كنت مهووسة بفرقة وبحبهم جدا وكا نوقتها عندي اكتئاب وهم ساعدوني اتخطى الاكتئاب واحي نفسي وضحكوني في الوثت اللي محدش كان قادر يفهمني حستهم العالم بتاعي وعيلتي التانية المهم بمرور الوقت قررت اني اكون فانز ليهم واعرفهم اكتر وبعد فترة صاحبتي كانت بتقولي ان القئد بتاعهم نشر اغنيه من زمان بيسئ فيها للإسلا م وانا مصدقتهاش وقعدت ادافع عنهم واقولها انو مسحها وقعدت اعيط لاني قررت اتخلى عنها لانها ازاي يعني دول الناس اللي كانو معايا وقت حزني واكتئابي وفهموني ازي تقولي كده.. بالمختصر اتعلقت بيهم في الفترة دي مكنش عندي صحاب غيرها وبدأت الدراسة شهر 9 واحاولت اتعرف عل صحاب بعد مدة شوفت بالصدفه فيديو بعنوان عمري مانسيته " حوار هادئ مع صديقي الارمي " سمعت الفيدو وخرج من الودن التانيه طنشته كان بيقول عل سماع الاغاني وغض البصر وانا مهتميتش وقولت انا بحبهم واتعلقت بيهم خلاص اعمل ايه وكنت حرفيا كانو اكتر حاجه في حياتي كانو مصدر الهما بس عادي يعني كنت بعمل حاجات تانيه في وقت من الاوقات قررت اسيبهم قولت لنفسي حرام عليا كده يعني انا في الاول مكنتش اعرف انو حرام وغلط اللي بعملوه بس لما عرفت انو حرام ماستريحتش من جوايا وضميري كل شويه يحسسني بالذنب بتابعيهم وعلرفة كويس انو حرام وفي صراع مع نفسى اني هعيش من غيرهم ازاي واحد منهم بقى كان مختلف بالنسبالي ومميز عن اي حد كان اسمه "جيمين" ليه مميز ومختلف بالنسبالي عنهم لأني حبيته اوي غير حبي ليهم من سنتين 2022 بدأت اتخيل وجوده معايا وانو بيواسني ازاي كنت بعمل كده عادي ب"احلام اليقظة " من زمان عندي وتخيله كان بيقوي الموضوع عندي حبيته اكتر كان بيشجعني عل كل حاجه دراسه واستمري وكنت بكتب بالفصحي كما قليل اوي لما كنت بتخيله باللهجه المصريه نادر جدا كمان واستمريت عل الحال وكان بينفع معايا اشكيله حياتي ويسمعني ويواسيني كان معايا في كل لحظة يلا اتشجعي وانزلي لوحدك دوري عل شغل كان مصدر اماني وهو اللي خلاني ارجع اكتب كنت مبسوطه اوي بخيالي بس كل مافتكر الحقيقة اقعد اعيط هو مشهور ومش مسلم والشخصيه اللي انا خلقتها مش حقيقة اصلا انا بتخيل انا مريضه حرفيا مهووسه بشخص ميعرفش بوجودي اصلا وكنت بغير عليه من اي بنت تقرب منه وكانه مثلا يعرفني اصلا ولا كأننا في علاقة بس في الحقيقة لو اتكلمت في موضع اتجوز بشكل جدي لأ ليه عشان انا بصراحه واخدة الموضوع ده تسليه مش اكتر زائد اني عمري ماعتبرته انو تخيلته كزوج هو حبيبي اه بس متخيطتش حدودي زي علاقه الاب وبنته علاقتي بجيمين في كتباتي كانت كده بالفعل المهم لما قررت اسيب الفرقه معرفتش اتخبى عنهم بسهولة لاني زي ماقولت كان مميز بالنسبالي عدى الوقت شهر11 2023 سمعت بخبر انو قائد الفرقة منزله اغنيه مسيئة وبشكل مباشر ساعتهاانامكنتش متابعه بس انا كنت غبيه وقتها بروح اعرف معني كلمات الاغنيه من الفانز اللي بيعي هيدافع عنه واستريحت لما عرفت ان الاغنيه مفهاش حاجه ويقصد حاجه تانيه بس كان في ذرة شك عدى الوقت وكسلت ابحث عن الاغنيه وبالصدفه جالي نفس البنت اللي مترجماه الاغنيه بتعتذر عل اللي عملته اجلت تاني اشوف الاغنيه عشان اتاكد واللي هو مش مهتمه اني طده كده بتابع حبيبي جيمين بس بعدين لأ لازم اعرف وطلع فعلا بيسيئ للإسلام وبشكل مباشر كمان حرفيا من بعدها لما بشوف اي حد لسه بيتابععم وومسلم بشمئز منه اللي هو انت ازاي كده معندكش مبادئ او بتوهم نفسك انو ميقصدش.. ده برضو مش موضوعنا المشكله في جيمين اللي انا لسه بتابعه مش عارفه اتحخطى فقعدت مع نفسي.. طب انتي بطلتي تتابعيهم عشان كده بتابعي واحد ازاي يعني ماهو من الفرقة وطبيعي هيدعم صاحبه ولو حد من الرفقة كان معترض عل الاغنيه كان اتكلم ولكن محدش منهم عمل اي حاجه معناه انهم بيعمدو بعض وبعدين يعني ايه اصلا بتحبيه ديه انتي كده بتتعلقيه بيه اكتر فقررت ابطل اتابعه بالرغم من اني زعلت عليه اوي وعيطت يهبس فكرت نفسي ان "من ترك شيئا لله عوضه الله خيراً منه"
عملت ايه بعدها كتبت مشكلتي ليه خلاص هبطل احاول اتخيله واشوف صوره وفيدوهات له وبدأت صفحه جديده وقولت لنفسي معاه في كتاباتي هو كده كده مش حقيقي وهخترع اسم جديد واهو بكده بطلت اتابعه واستمرت عل الكتابه كنت فخورة بنفسي اني نسيته بس احيانا بزعل وافتكر ايام مكنت بحبه ومهووس بيا بالصدفة شوقت مقطع قصير ليه باغنيه جديدة واتاثرت ومعرفتش امنع نفسي وكنت مبسوطه اوي اني ءوفته وسمعت صوته بعظين افتكرت انو خلاص مينفعش اللي بعمله بس برضو روحت اسمع الاغنيه وانا حاسه بالذنب بس ده كان قبل حواري مع نفسي انو بيدعم صاحبه وكده وبعدها قولت لنفسي طالما بطلت اتابعه يبقى لما اشوف حاجه متعلقه بيه اعديها لانهم مشهورين واكيد هتطلعي حاجات عنهم بالصدفه فلما تطلع هعملها سكيب ومش هتهم وهتبطل تجيلي وبالفعل حصل
بس بعد ماسبتهم حسيت بفراغ كبيرفي حياتي بس اكتشفت اني مبسوطه من غيرهم عادي بس بدات احب نفسي بالفعل لما سبتهم شغلت نفسي بنفسي وحاولت اتطورها وعاظي لقيت نفسي برسم برضو حاجات بحبها من غيرهم لسه بحاول افهم نفسي بس مبسوطه اني عرفت اتخطاهم ماعداه هو اللي شاغل تفكيري اوقات بفكر فيه...
ايه رأيكم في قصتي وايه القنوات المفيدة اللي اقدر استفاد منها حاجات تكون طويلة وتفدني او حاجه استبدلها بيهم لاني بحس اني ساعات بضعف لما بشوفهم صدفه فيديو مثلا
وبس ♡شكراً لاي حد قرأ لحد هنا ♡♡
كل ما في الموضوع ان ممكن حياتك مكانش موجود فيها شئ مهم او شئ تلاقي نفسك فيه. او احتمال يكون فيه مشاكل، ف اخترتي انك تهربي عن طريق اي شئ .. كويس اوي انك فهمتي انك متعلقة بحاجه بطريقة مرضية. واحييكي على ده .. حاليا بقى حاولي تثقفي نفسك .. سواء بالقراءة او الدورات .. او التطوع - اندمجي في الحاجات ديه اكتر لانها هي اللي هتفديك. والقنوات ديه حلوة جدا وهتفيدك قناة جيل يقرأ قناة أخضر قناة الزتونة سلسلة Hazcast لحازم الصديق سلسلة البودكاست ل لدروس اونلاين (احمد ابو زيد) سلسلة show cast ل أحمد شاهين
تم النشر الأحد، ٢٨ يناير ٢٠٢٤
والله اكتر استفادة هى هتلاقيها من اللى انتى عديتى بيه. جوه تجربتك اتعلمت حاجات كتير واتأكدتى من حاجت كتير فيكى جميلة. مبادئك ومجاهدتك لنفسك من الحاجات اللى تخليكى تنتصرى على اى وقت صعب باذن الله نقاط القوة زوديها عشان تحميكى فى اى وقت صعب... اقرأى عن قواعد العقيدة او اسمعى بودكاست او كتب مقروءة .
تم النشر الأحد، ٢٨ يناير ٢٠٢٤
انا فعلاً مع الوقت نسيتهم بس حبيت اشارك قصتي وكده +مش معلقة صور ليهم وماسحة اغانيهم من زمان
تم النشر الاثنين، ٢٩ يناير ٢٠٢٤
امسحي كل أغانيهم وأي حاجة تخصهم من الموبايل ولو اشتريتي حاجة؟ خاصة بيهم عينيها في مكان بعيد،ولو معلقة صور شيليها ارميها، وكل م تفكري فيهم روحي اقرأي قرآن، استغفري، سبحي أي حاجة بس متفكريش فيهم مع الوقت هتلاقي انه عادي بالنسبة ليكِ متتابعيهش ولا تشوفي أخبارهم
تم النشر الاثنين، ٢٩ يناير ٢٠٢٤
في تطبيق اسمه MP3Quran بيتم عرض عليه. -إذاعة صور من حياة الصحابة رضوان الله عليهم-باذن الله هيفيدك في استبدال امثال هؤلاء باشخاص نسال الله ان يجعلنا منهم
تم النشر الأربعاء، ٧ فبراير ٢٠٢٤
بصي اشغلي نفسك بحاجة تانية
تم النشر الاثنين، ٢٩ يناير ٢٠٢٤
لا تسأل الأعضاء عن بيانات شخصية حتى لا يتم إيقاف حسابك
تم النشر الأحد، ٢٨ يناير ٢٠٢٤
عندك كام سنة ودارسة ايه فى تعليمك وعايشة فين
تم النشر الأحد، ٢٨ يناير ٢٠٢٤
لعرض السؤال في فدني اضغط هنا