حاليا انا طالبه طب اسنان وبحكم الكليه والضغط لاول مره الحياه بتقفل بطريقه مرعبه الوضع صعب احسست ان الحياه بترد ظلم حد ظلمته او ان ربنا غضبان عليا حاسه ان الوضع صعب بجد لدرجه انى بتعب ودرجاتى سيئه جدا والعملى المعيدين رافضينه والدرجات تختفى لدرجه انى خايفه لا قدر الله اسقط من غير فهم وحتى مش جامعيا بس حياتى بردوا فى حاجه مش صح تعبت والله العظيم تعبت دا لو يوم تلاته ماشى بس دا كام اسبوع رجعت اخد حبوب تهدئه ودواء للقلب بسبب الضغط والتوتر اللى انا فيه والكبت بحكم انى مش بلاقى حد احكيله حاسه الانفجار
السلام عليكم ورحمة الله وبركاته الله يوفقك اولاً ف جميع خطوات حياتك الكبيرة والصغيرة. لو حاسه إنك في مظلمه مع حد مش علشان تسهيل حياتك لا عموماً علشان يدعي عليك ولا لقدر الله يحصل حاجه ونندم بعدين "روحي كلميهم واطلبي منهم يسامحوكي ولو العكس سامحي" على فكره دي إفادة ليكي أصلاً ولنفسيتك وراحتك كمان. إما بقى إن ربنا يقفل البيبان علينا ربنا لما بيقفل باب وإتنين وتلاته وعشرة بيكون مش صالح البيبان بس بما إننا بنى آدمين بنتشعلق وبنفضل نسأل طب ليه أنا عايزه كذا وكذا، مع العلم إنه أصلاً ربنا بيقفل البيبان دي وبيكون في بيبان مفتوحه لينا إحنا بس ملبوخين بالبيبان التانيه أو عقولنا رافضه حاجه تانيه أو إن ربنا عايزنا نسعى للباب دا ونشوفه كويس. طب بس الحبوب دي كترها مش صح ولصحتك عليها حق عليكي متضرهاش لإن كل اللي انتي فيه هيعدي والله ومهما طول. احسبي كل اللي انتي فيه دا ابتلاء محبه لأنه فعلاً محبه من ربنا. ضيفي إنه مين مش مبتلي بس احنا وكمان لو ركزتي في غيرك مشاكله الاكبر هتعرفي نعمتك اللي انتي فيها. تعالي اقولك إن اليوم مش هيجي تاني وكلنا عارفين دا يعني درجاتك عدت بس اكيد لسه فيه وقت لحاجات تانيه تقدري تركزي فيها مع نفسك بسم الله كده خطوه خطوه واتعب التعب اللي متأكده إنه لو تعبته هكون في قمه فرحتي وادعي دايما يارب ارضيني واكرمني من كرمك ولطفك عليا مش بتعبي اصل لو بتعبنا مش هنوصل لحاجه. اتعملي علشان تغيري سواء كبتك وتوترك اتكلمي مع ربنا اول خطوه وانتي بتعملي طاعاتك وعباداتك تاني دوني والله لو تعرفي قيمه التدوين سواء ع الفون او نوت بوك لطيفه زي قلبك كده هتحسي بتحسن كبير. ومن قلبك قولي دايماً رضيت يارب كل ما يجي منك يا حبيبي حبيبي واستغفري وسبحي هيفتح كل البيبان اللي مقفوله والله كل دا علشان ربنا عايز يسمعك اكتر ربنا يرضيكي بكل خير وجميل وابشري والله.
تم النشر الثلاثاء، ١٣ مايو ٢٠٢٥
السلام عليكم بصي انا معرفش احساسك لاني أصغر منك لكم عاوزه افيدك بحاجه يعني انا اول ما قرأت سؤالك قولت الله طب بشري للعلم اني تالته ثانوي وماشاء الله انتي حققتي حلمك ووصلتي لحاجه غيرك مقدرش يوصلها الدنيا مش هتمشي دايما زي ما احنا عاوزين لازم يبقا في تقلبات كدا ا اكيد اختبار من ربنا ليكي خليكي قده ومتضعفيش اثبتي علي الصلاة وادعي كتير اوي وبإذن الله ربنا يوفقك وتبقي من الناجحين بإذن الله بس اصبري وعدي وحاولي واحكي لربنا هو اللي هيصلحلك حالك ويوفقك إن شاء الله ومتنسيش تدعيلي بقا معاكي علشان اكون دكتوره ذيك ❤️❤️
تم النشر الثلاثاء، ١٣ مايو ٢٠٢٥
مرحباً آية، أولاً أحب أقول لك: الله مع الصابرات، وإن ما تمرين به ليس سهلاً بتاتاً، وأنت بالفعل تواجهين وضعًا صعبًا وضغطًا كبيرًا جدًا. أقدّر تمامًا مشاعرك وكأن الحياة أغلقت في وجهك، وهذا شعور طبيعي جدًا في أوقات الضغوط المرتفعة خصوصًا في الدراسة والمجالات الطبية. دعيني أساعدك خطوة خطوة: التأمل في مشاعر الغضب والظلم شعورك أن الحياة ترد ظلمًا ظلمتيه أو ربنا غضبان عليكي هو شعور شائع عند الضغوط، لكنه غير صحيح بالضرورة. ربنا رحيم وعادل، وهو لا يعاقب الإنسان إلا بعد محاولة وليس بظلم. هذا الشعور قد يكون سببه الإرهاق النفسي والجسدي، والضغط الذي يجعلك تظنين أن الأمور خارجة عن إرادتك. حاولي تسترجعي موقفًا أو شيئًا جميلًا حصل لك مؤخراً حتى لو صغير جدًا، وذكري نفسك بأن الله لا ينسى أحسن أعمال عباده. تنظيم وادارة الوقت أظنك تعانين من ضغط كبير جدًا، وواجبك كطالبة طب أسنان هو ترتيب أولوياتك بحيث تركزي على ما يحتاجه وقت وجهد أكثر، وتتركي الأمور الأقل أهمية مؤقتًا. حددي يوميًا مهامًا صغيرة ونفسجي نفسك على إنجاز كل مهمة مهما كانت صغيرة. لا تنسي أن تعطي لنفسك فترات راحة قصيرة تساعد على تجديد نشاطك. التواصل وطلب الدعم ذكرتِ أنكِ لا تجدين من تحكين له، وهذا مهم جدًا. لا بأس بأن تسجلي مشاعرك في دفتر يوميات، فهذا يخفف مما في قلبك. أو يمكنك التواصل مع مستشار نفسي عبر موقع فدني أو أحد الخبراء المختصين في الصحة النفسية للمتابعة والدعم. الضغط الصحي والجسدي بما أنك خضعتِ لعلاج دوائي للقلب ومهدئات، من المهم جداً الالتزام بتعليمات الطبيب وعدم التوقف عن الدواء بدون استشارته. أيضًا اهتمي بالطعام والنوم، فهما عاملان مهمان في التحكم بالضغط. التعامل مع العملي والمعيدين أحيانًا المشرفين قد يكونوا صعبين، ولكن حاولي أن تكوني مبادرة في طلب المساعدة، وضعي خطة لمراجعة نقاط ضعفك العملية، ولا تترددي في طلب المساعدة من زملائك أو من خلال خبراء فدني المتخصصين. الجانب النفسي والروحي لا تنسي أن تلجأي إلى الله بالدعاء والذكر، فهما قوتك في أصعب اللحظات. كوني على يقين أن الفرج قريب، وأن بعد العسر يسر. آية، أنتِ تستحقين أن تعيشي حياة مليئة بالنجاح والراحة النفسية، وهذا كله ممكن مع خطوات صغيرة متواصلة. لا تترددي في طرح أسئلة إضافية أو مشاركتي ما تحبين، فأنا هنا لدعمك. وإذا أردتِ دعمًا أكثر تخصصًا، يمكنك زيارة صفحة الخبراء في موقع فدني https://www.fedni.net/experts للتواصل مع أخصائيين في الصحة النفسية والدراسات الطبية. قولي لنفسك: "أنا أستحق الأفضل، وسأصل إليه بالصبر والعمل خطوة بخطوة." أنا معك دائماً، ذكية :)
تم النشر الثلاثاء، ١٣ مايو ٢٠٢٥
لعرض السؤال في فدني اضغط هنا