ليه كل ما ادخل علاقة ما شاب تفشل مع انه نيتى زواج ويكون عارف يومين يكون معى نتكلم ثالث يوم يختفى بدون سبب للعلم عمر فى اواخر العشرين
ممكن حل ضروري
من غير زعل بس الرجاله ( مش كلهم طبعا) بتحب تصاحب البنت يومين يتصورو معاها بعدين يسيبوها ف لو عايزه بجد جواز ناجح اقعدي في الخطوبه كتير، اقل حاجه سنه اما لو حابه اكتر هيبقي احسن طبعا.. دي نصيحه مامت صحبتي ليا مجربتهاش بصراحه بس عاجباني 🙂🙂
تم النشر الجمعة، ١٢ يونيو ٢٠٢٦
السلام عليكم ورحمه الله وبركاته. طيب بما ان الموضوع كل شويه بيتقفل من بدايته فخليني هنا اوريكي حاجه منها وهو انه ربنا بيبعت لك علامات تقول لك مش هو ده الطريق مش هو ده طريق الجواز النيه بتاعتك ممكن تكون انك زواج بتتعرفي على الشخص تكونوا مناسبين لبعض ولا لا ولكن مين قال لك انه الشخص ده زيه زيه بيفكر بنفس الطريقه او انه مشترك معك في نفس هذا هو بيلاقيكي فعلا كل هدفك جوازنا كان هو كان هدفه اصلا يرتبط ويحب ويطلع مشاعره ولا انه المواعيد قوي فقال يقفل. الموضوع. كل جديد اشارات ورسائل بتقول لك مش ده الطريق السريع فعلا مش ده الطريق السليم لو احنا عايزين بدايه تكون انا عايزه اشخاص عندهم نفس النيه فانا ممكن انصحك بانك تجربيه ااا تطبيق زي تطبيق الصالون وده التطبيق الوحيد اللي انا ممكن ارشحه رغم ان في تطبيقات. للجواز ولكن تطبيق الوحيد اللي اقدر ارشحه لاني اتعاملت مع المقيمين على التطبيق بشكل قريب وعارفه قد ايه الناس دي بتراعي ربنا في في مراقبتها جوه التطبيق وااا ما بيسيبوش حد يكون متلاعب يدخل جوه التطبيق ممكن بعد تجرب تدخلي بعنيه الزواج وتبقي عارفه ان كل اللي داخلين داخلين بنيه الزواج وهتلاقي على تطبيق مش بس. الشخص نفسه ممكن تلاقي مامته ممكن تلاقيه اخته فده يكون الطف واخف كثير جدا جدا بلاش الطريق بتاع اا التعارف والارتباط لانه مش هتلاقي حد بنفس نيتك خالص هيجي معاكي في الاول كده يقول اه ده هي بس بتقول كده لكن هلاقيكي بتتكلمي بشكل جدي يتعارف للزواج فاخذ بعض وهيمشي لانه كلهم هيكونوا عايزين بس يقضوا وقت لطيف وخلاص.
تم النشر الجمعة، ١٢ يونيو ٢٠٢٦
حبيبتي مفيش شخص سوي ومحترم هيختفي من اللاشيء لو هو نيته كويسه ف طالما اختفى وهو عارف نيتك الجواز معناها هو م جاهز ل ده واختفى بعدها بيومين لأنه م هيقولك اكيد انا عيل وبلعب من يوم فاهماني ف عززي نفسك والي عاوزك هيتكلم مع اهلك
تم النشر الخميس، ١١ يونيو ٢٠٢٦
أختي العزيزة، أفهم تمامًا شعورك بالإحباط والحيرة، خاصة وأنتِ في أواخر العشرينات ونيتك واضحة نحو الزواج. هذا التكرار يحدث لكثير من الفتيات، وغالباً ما يكون له أسباب مشتركة يمكن التعامل معها بوعي وخطوات عملية. أولاً، دعينا نفكر في النمط الذي يتكرر: الشاب يظهر حماسًا ليومين ثم يختفي. هذا غالبًا يشير إلى أن التواصل بدأ بطريقة غير رسمية أو بدون إطار واضح يلزم الطرفين. في السياق الإسلامي، العلاقات التي تبدأ بالكلام المباشر دون إشراك الأهل من البداية قد تفتقر إلى الجدية، لأن الرجل لا يشعر بالمسؤولية الكاملة. جربي أن تجعلي أي تواصل مستقبلي يتم من خلال ولي أمرك أو بطريقة رسمية منذ البداية، حتى يعرف الشاب أن الأمر ليس مجرد "دردشة". ثانيًا، خذي وقتًا للتأمل الذاتي بهدوء. اسألي نفسك: هل أختار الشباب الذين يظهرون اهتمامًا سريعًا لكنهم غير مستعدين فعليًا للزواج؟ هل أشارك تفاصيل شخصية كثيرة في الأيام الأولى مما يجعل الشاب يشعر بالضغط؟ أو ربما تكون توقعاتك عالية جدًا في وقت قصير. اكتبي قائمة بما حدث في العلاقات السابقة (دون الدخول في التفاصيل العاطفية) وركزي على الأنماط المشتركة، مثل نوع الشخصيات التي تجذبينها أو طريقة بدء الحديث. هذا سيساعدك على التمييز بين الجدي وغيره. ثالثًا، ركزي على تطوير نفسك ووضع حدود واضحة. اجعلي الزواج هدفًا يتم من خلال التعارف المنظم والمحترم، ولا تترددي في سؤال الشاب مبكرًا عن استعداده المالي والعائلي. كوني واضحة في نيتك دون أن تكوني ملحة، وإذا اختفى بعد يومين فهذا في حد ذاته إشارة إيجابية بأنه لم يكن مناسبًا. أنتِ لستِ وحدك في هذا، ومع قليل من التعديل في النهج ستجدين الشخص المناسب الذي يقدر نيتك الجادة. خذي الأمر خطوة بخطوة وثقي بنفسك.
تم النشر الأربعاء، ١٠ يونيو ٢٠٢٦
النية الصالحة لا تصلح العمل الفاسد، مفيش حاجه إسمها نيتي صالحة في علاقة لا ترضى الله أدعي ربنا سبحانه وتعالى بالزوج الصالح وسيبي أي علاقة محرمة واتقي الله في نفسك وفي زوجك المستقبلي وادرسي عقيدة عشان تفهمي قدرك
تم النشر الخميس، ١١ يونيو ٢٠٢٦
الطريق مش مباشر وحرام ، نيته الزواج يبقا يروح للأب مش ليكي ،وأي حد لو عاوزك بجد مستحيل يكلمك إنتي ، هيكلم أسرتك ، أنتي غالية ما ترخصيش نفسك وما تجريش ورا حد واعرفي الاسلام رفع قدر المرأة قد إيه، اقرأي عن الموضوع ده ،فإنتي كل المطلوب منك إنك تكوني معززه مكرمه في بيت أبوكي لحد مايجيلك نصيبك لحد عندك
تم النشر الخميس، ١١ يونيو ٢٠٢٦
طبيعى وممكن يكون مش شايف انكم مع بعض مناسبين
تم النشر الجمعة، ١٢ يونيو ٢٠٢٦
عليكي بتقوى الله .. مادام بتتكلمي معاه قبل الزواج فمش هيثق فيكي كزوجة تربي ولاده
تم النشر الخميس، ١١ يونيو ٢٠٢٦
لعرض السؤال في فدني اضغط هنا