هو ليه الناس ال اذونا بيعيشو حياتهم عادي واحنا ال بنتعب ومش بنعرف نعيش ليه هما حياتهم ماشيه وانا حياتي وقفت مع إن ربنا منتقم جبار ليه انا مش عارفه اعيش وهو مكمل حياته وعايش وكمان مبسوط ليه يارب مجبتليش حقي حسبي الله ونعم الوكيل
بصي هي المشكله مش فيهم ، المشكله بتبقى فيكي انتي لانك انتي اللي اديتي مساحه لنفسك تتعلقي بحد او أمل وانت عارفه انه فيه نسبه ولو قليله انه ممكن ميحصلش ، تخيلنا دلوقتي انه في شخص ما ضايقك او زعلك ف تفتكري انه الكون هيقف ف اللحظة دي لحد ما الشخص دا يجي يصالحنا ، لا بالعكس الدنيا بتمشي وهتمشي وهو هيمارس حياته عادي وانتي اللي هتدخلي ف دوامه من الحزن وكل ما بتشوفيه او بتفتكري حاجه كلنت يتجمعكم مع بعض بتتضايقي ، طيب ليه ، ليه متبقيش زيه ، وليه متتعلميش من الموقف دا انك فيما هو قادم متفتحيش الباب للأخر ومتتعلقيش بحد كل اللي بينك وبينه خطوبه ، الخطوبه ماهي اللي خيط رفيع جدا جدا جدا ممكن يتقطع ف اي لحظة ، فتره الخطوبه بتبقي فتره تعارف يعني المفترض اننا نحكم عقلنا فيها عشان نشوف هل احنا مناسبين لبعض ولا لا ولكن مشكلتنا اننا مش قادرين نوازن الامور صح واوقات بيبقي غصبا عننا بسبب مثلا اننا مستنيين اللحظة دي من زمان وان الواحد يحب ويتحب ونتعلق يالشخص دا بس المشكله اننا بنستعجل والكلام دا مينفعش ف فتره الخطوبه ، ممكن يكون ردة فعله دي نتيجه لانه شافك متعلقه بيه وانك مهتمه بيه زياده عن اللزوم ففيه ناس كدا لما بتلاقي الطرف الاخر متعلق بيه وبدأ يهتم بزياده عن اللزوم بينفر منه ، عارف انه الكلام ممكن يكون صعب بس الاصعب اننا منتعلمش من المواقف اللي بتحصل ف حياتنا ، وبخصوص سؤالك عن ليه رينا معقبهوش ، هو لو خطيبك وسابك فهو معملش حاجه غلط عشان ربنا يعاقبه وحتى لو كنتوا متزوجين وتطلقتوا برضوا دا حلال هو أبغض الحلال ولكنه حلال برضوا ، مشكلتنا اننا بنتعامل مع ربنا مش بكونه رب لا بنتعامل على انه اب والعياذ بالله ، اللي هو لما حد يزعلني هيجيبلي حقي لا دا تفكير غلط ، ربنا بيبتلينا ليربينا ويعلمنا وهو بيسبب الاسباب واحنا علينا نسعى لها
تم النشر الأحد، ١٥ مارس ٢٠٢٦
بصي اللي بيظهر بره مش دايما هو اللي جوه، والناس بتبين أحسن ما عندها حتى لو حياتهم فاضية. تركيزك معاه هو اللي بيعطل حياتك إنتي، مش حياته هو. و فكرة إن ربنا منتقم جبار دي حقيقة، بس التوقيت بتاع ربنا. حقك مش هيضيع، بس مش لازم تشوفي القصاص دلوقتي عشان تبدأي تعيشي. و فيه فرق كبير. الضحية بتفضل محبوسة في الوجع، لكن المجني عليه بيقوم ويكمل حياته ويخلي النجاح هو أكبر رد اعتبار لنفسه صفي حسابك مع ربنا قولي حسبي الله ونعم الوكيل وسيبي الملف كله لربنا يقفله بمعرفته، وانشغلي إنتي بترميم نفسك وبس. الخلاصة أكبر عقاب للشخص اللي أذاكي هو إنه يحس إن وجوده أو غيابه مابقاش مأثر فيكي ولا معطل مركبك عيشي حياتك ،بعتذر على الإطالة وجد والله ربنا يحفظك ويسعدك
تم النشر السبت، ١٤ مارس ٢٠٢٦
ومين قالك إنه عايش حياته عادي؟ هل انت عايشة معاه ٢٤ ساعة علشان تعرفي حياته فيها إيه؟ طيب لو افترضنا إنه كده هو مش فيه قيامة وحساب؟ هل هيقدر يدخل الجنة وهو ما سددش اللي عليه من حقوق العباد؟ طبعا إطلاقا ده يحصل يبقى اللي مفترض عليكي ايه؟ توكلي امرك لربنا .. وتركزي في التعافي من أذاه وفقط التوقف تماما عن مراقبته وانتظار الانتقام لانه للأسف ده مش بيساعد على التعافي. ده كده عامل زي اللي الشخص اللي كل لما الجرح يعمل قشرة يقوم شايلها فتنزف تاني التعافي محتاج نبعد تماما ونقطع كل السبل اللي بتجيب لنا أخباره ربنا يرزقك التعافي
تم النشر السبت، ١٤ مارس ٢٠٢٦
بصي لما الإنسان يتأذى بيحس إن الدنيا وقفت عنده لوحده، وبيشوف الناس التانية مكملة حياتها عادي بس الحقيقة إن كل واحدة ليها ابتلاء مختلف يمكن إحنا مش شايفينه في ناس شكلها مبسوطة من بره لكن جواها تعب كبير ربنا عادل فعلًا، ومفيش حد ظلم حد إلا وهيتحاسب حتى لو بعد وقت. يمكن اللي أذاكي باين إنه عايش حياته عادي دلوقتي، لكن الحساب عند ربنا أدق من أي حاجة أهم حاجة متوقفيش حياتك بسببه، حاولي ترجعي تقفي تاني خطوة خطوة، وسيبي حقك على ربنا لأنه عمره ما بيضيع حق حد ربنا يوفقك و يحفظك ❤️
تم النشر الأحد، ١٥ مارس ٢٠٢٦
يا حبيبتي، قلبك واجعك أوي دلوقتي وأنا حاسة بوجعك ده كله، وده طبيعي جداً لما حد يأذينا ويسيبنا في الهم ده. ليه هما عايشين مبسوطين؟ ده اختبار ليكي، مش نهاية حياتك. حياتك وقفت بس مؤقتاً، وأنتِ اللي هتحركيها تاني. ابدئي دلوقتي بخطوات صغيرة عملية: كل يوم حددي هدف بسيط : زي تمشية ١٠ دقايق، أو اقري صفحة قرآن، أو اعملي حاجة بتحبيها زي طبخ طبق مفضل. ركزي على نفسك : اكتبي ٣ حاجات شاكرة عليها كل صباح، وده هيغير نظرتك تدريجياً. صلي وادعي : قولي "حسبي الله ونعم الوكيل" زي ما بتقولي، واستعيذي بالله من الوساوس دي. أنتِ قوية يا بنتي، وهتقدري تعيشي أحسن منهم كلهم. لو عايزة دعم أكتر، دوري في فدني على أسئلة مشابهة هتلاقي إجابات كتير مفيدة، أو شوفي الخبراء هنا: https://www.fedni.net/experts – فيه متخصصين في الصحة النفسية هيساعدوكِ. ربنا يفرج همك ويجيب اللي فيه الخير يا رب. 💕 أنتِ مش لوحدك!
تم النشر السبت، ١٤ مارس ٢٠٢٦
اعلم هذه الأمور تماما ـ لكن الاسباب كثيرة ومتشعبة والأمر غير واضح ـ لكن هو اختار الرحيل بالفعل اذا كان عندك اخطاء صححيها وادعي الله ان يرزقك الصالح ولا نعلم اين الخير لعله شر لك او انت شر له ـ ودائما نقول ان العلاقات التي اساسها مبني على العاطفة فقط ستنهار لامحال لأن العاطفة هشة وتتغير وتتلون بسرعة وعلى كل حال الحل الآن هو التغيير والتركيز على الحاضر والله المستعان.
تم النشر السبت، ١٤ مارس ٢٠٢٦
وانا حبيته واتعلقت بيه كان احن حد عليا وفجأة بقى شخص تاني مش طايق يشوفني ف حياته حتى
تم النشر السبت، ١٤ مارس ٢٠٢٦
كان متقدملي
تم النشر السبت، ١٤ مارس ٢٠٢٦
هل ما تتحدثين عنه علاقة عاطفية وهل هي شرعية ام غير شرعية حتى نحكم.
تم النشر السبت، ١٤ مارس ٢٠٢٦
لعرض السؤال في فدني اضغط هنا