انا دلوقتي ٣ ثانوي من اول السنه وانا معنديش اي حماس خالص لدرجة اني راكمت اول فصول في المناهج مع اني كنت شطره ودمي خفيف واي حد يقع معايا يحبني بس بقيت مختلفه خالص انا كنت بحب الرياضه الجري وكدا بس اتمنعت عني لاني كبرت وكانت هي دي الحاجه الوحيده في حياتي الي كنت بستمتع فيها من قلبي من اعماق اعماق قلبي
انا بتعلم بسرعه جدا انا اتعلمت كرة طايره في شهر ورحت مسابقه اخدت انا وفريقي طبعا المركز الاول وكنت بلعب كنغ فو وكرة طائره وبحبها جدا انا حاسه اني بقيت مختلفه وكئيبه وعلطول بعيط بسبب اني مش بلعب رياضه
بس انا بقيت مختلفه مش عارفه اقولها ازاي انا قبل ما انام كنت زمان بفكر في حياه في اي حاجه عادي جدا دلوقتي بتفكيري خيالي قتلت ناس وحلمت في اليوم دا بقتل ناس واحشائهم بره والحلم الي زي دا حلمت بيه اكتر من مره وفيه حاجات كتير تاني بس انا طولت
اللي جواكي شعور بالغضب لعدم الرضا عن تغيير عاداتك وافكارك وانجازاتك لاسباب انتي شايفاها غير منطقية من وجهة نظرك حاسه انها تحكم من المسؤلين عنك اللي هم اهلك ... هم اكيد بيتمنوا لك كل الخير وحريصين على مصلحتك وخايفين عليكي من حاجات كتير مش هيعرفوا يعبرولك عنها وبيحاولوا يحموكي من كل المخاوف اللي بتيجي في بالهم ... انتي دلوقتي قدامك هدف لازم تركزي فيه وتحققيه انك تجيبي درجات كويسة تساعدك تدخلي الكلية اللي حابها وتختاري مسارك اللي جي بشكل سليم وصحيح وحطي في بالك ان انتي اللي بتنجحي في اي حاجة تدخلي فيها مش النشاط هو اللي بينجحك يعني اقصد عادي الفترة دي تختاري نشاط تاني او هواية تانية زي عزف تمثيل رسم تلوين غناء اي حاجة حسية او فنيه توظفي فيها طاقتك وتنجحي فيها برضو وتكوني دايرة علاقات وهكذا ... وبكرة تدخلي الجامعة والدنيا تكبر ودايرتك وخبرتك تزيد وتطوري وشخصيتك تتطور وهكذا ... ربنا يكتبلك التوفيق وتحصلي اكبر قدر من الدرجات يساعدك الفترة اللي جاية في الاختيار شيلي من دماغك اي افكار سلبية وركزي على تحقيق النجاح والسعادة اللي تستحقيهم وربنا يوفقك
تم النشر الاثنين، ٣٠ مارس ٢٠٢٦
السلام عليكم أهلا بيكى طبيعي جداً إنك تحسي باللخبطة دي وأنتِ في 3 ثانوي ، اللي بتمرى بيه ده مش فشل ولا إنك بقيتي وحشة، ده رد فعل طبيعي لضغط كبير وكبت بسبب انك مبقتيش تعملى الحاجات اللى كنتى بتعمليها من كلامك انك كنتى بتلعبى رياضه كتير وفجأة وقفتى كل دا بالتالى جسمك كان متعود على مجهود بدني عالي، ولما وقف فجأة، طاقتك دي اتحولت لـ طاقة غضب واكتئاب وخيالات غريبة الخيالات ديه متخليهاش تأثر عليكى في علم النفس، لما بنكبت مشاعرنا أو بنتحرم من حاجه معينه العقل الباطن بيبدأ يفرغ الغضب ده في صورة خيالات عنيفة أو كوابيس، كأنه بيحاول يصرخ. دي مجرد وساوس ضغط مش حقيقتك خالص. أهم حاجه دلوقتى نحاول نخرج من اللى احنا فيه علشان مفيش وقت أنتِ قلتي إنك بتتعلمي بسرعة جداً، ودي ميزة مرعبة! استغليها. ابدئي من النهاردة:سيبي اللي فاتك مؤقتاً"وابدئي مع المدرسين في الجديد عشان ما يتراكمش أكتر.واعملى وقت لل مراجعة لقديم: خصصي ساعة مثلا يوميا تراجعى فيها القديم هتلاقى نفسك بلمسة ذكاء وشوية تركيز لميتي الدنيا، لأنك أصلاً شاطرة. بلاش جلد ذات أنتِ لسه في أول السكة والوقت معاكي، بلاش تحسسي نفسك إن الدنيا باظت.
تم النشر الثلاثاء، ٣١ مارس ٢٠٢٦
بصي ده والله اعلم بيحصل بسبب تمكن الشبطان من دماغك بطريقة ما دي مش انتي ولا دي تصرفاتك الشيطان عرف يدخلك من مدخل التسويف والندم والهم وبيبقا سبب كبير اوي فاللي بيحصل الاغاني فهل انتي متيمعي اغاني ؟..بصي انا بصراحه مريت بحاجه شبه كده وفعلا ده كان من الشيطان كنت كل ما اقرب من ربنا كل حاجه بتختلف مكنتش يعني بعمل حاجات صعبه انا اول حاجه بدات بيها وغيرت كل حياتي هيا الصلاه انا قبلها مكنتش منتظمه وده اكبر مدخل للشيطان حاولي تحافظي على الصلاه في مواعيدها وبعدين اقراي اذكار المساء والصباح ولازمم قبل النوم تقولي اية الكرسي والمعوذتين كل دي لازم تبقى حاجات اساسيه في حياتك ومتياسيش في المذاكره صدقيني هتلحقي بس قومي وابداي واعتمدي على ربنا وادعي ربنا كتيير وحتى لو اخر شهر او شهرين ان شاء لله تعرفي تخصلي المتراكم اتفرجي على فيديو دكتور حسام ..كان بيقول انو اكتر واحد كان بيسوف في تالته ثانوي وقدر ينجح عشان استغل اخر شهرين صح ..حاولي تبداي على طول واستعيني بالله قبل كل مذاكره وربنا يوفقك يا رب
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا