ماذا افعل كي احفظ القران بشكل سريع وتعلم القراءه بالتجويد
يوجد تطبيق اسمه ترتيل موجود على Google play store (المتجر) يمكنك منه سماع القران بالتجويد ويمكنك تحديد نطقك ايه او كلمه معينه كذلك يمكنك تحديد ايات محدده لفهمها من الشرح في حال عدم القدره على حفظها أعتقد أن الفهم يسهل الحفظ كثيرا كما يتيح لك أن تسمع لنفسك ععن طريق فتح المايك ويبدأ بتسجيل الآيات ويعلمك الخطأ ويصحح لك نصيحه على الهامش الاهم في حفظ القران الاستمرار والتكرار ولا تستعجل اعقد النيه وتوكل لو بايه كل يوم لكن باستمرار على مدار عام وسترى الفرق اتمنى أن تكون استفدت من الاجابه 🕊️وفوقك الله ويهدنا لطريقه
تم النشر الثلاثاء، ١١ يوليو ٢٠٢٣
أول حاجه أنا احيكي على سؤالك تاني حاجه و ده أولا مفيش حاجه نقدر نتعلمها بسرعة لازم ناخد وقت و إلا هنبقى معرضين للنسيان على طول أنت تقدري تحفظي القرآن بتجويده من البيت بمجهودك الشخصي و تسمعي لنفسك و تصححي بنفسك أو تسمعي لحد من أخواتك أو والداك و هما يصححولك لكن ديه بيبقى فيها الشيطان مدخله سهل كده لأنك هنا مفيش مراقب عليكي فهيكون أبواب الإغراء اللي ممكن تخليكي تبطلي من أول دقيقة كتير فديه هتحتاج عزيمه عاليه منك تقدري تحفظي قرآن فى مقرأه أو مع صحباتك و ديه مدخل الشيطان الوحيد فيها هو إنو يحاول يمنعك إنك متروحيش أو متحفظيش بس برضوا محتاج عزيمه منك . و تقدري تحفظي قرآن من البيت من على النت ،، أنا سمعت ديه بس معرفش الصراحه تقدري تتواصلي معاهم إزاي. ربنا يوفقك و تكوني من حفظة القرآن البرره وبس.
تم النشر الثلاثاء، ١١ يوليو ٢٠٢٣
الشكر لله🥹🤍 ربي يعينك ويساعدك ع تقربك ليه كمان وكمان🤍✨
تم النشر الثلاثاء، ١١ يوليو ٢٠٢٣
شكرا علي المساعده
تم النشر الثلاثاء، ١١ يوليو ٢٠٢٣
مفيش حاجه اسمها احفظ القرآن سريع.. لا احنا لازم نتقن قيمة كل حرف علشان نقدر نحفظه.. و مش هتحفظي لوحدك.. كنت بحاول ف البيت كتير و م اخدتش خطوه لازم يبقي ف حد معاكي بيتابعك.. انزلي مقرأه واحفظي مع حد... والله لو ليكي واحده صحبتك تساعدك وتعينك ع طاعة المولي عز وجل.. و مع الحفظ اسمعي كتير. وهاتي كتاب تفسير والجزء اللي هتحفظيه اعرفي تفسيره بيساعد ع الحفظ بإتقان... وربي يجعلنا واياكي من حفظة القرآن الكريم🤲🏻🤍✨
تم النشر الثلاثاء، ١١ يوليو ٢٠٢٣
خلينا متفقين أولًا إن كل شيء بإذن الله، المهم الإخلاص في النية لله، ثانيا هتبحثي على اليوتيوب عن تعلم التجويد وأحكام القراءة وده سهل تتعلميه بالمتابعة، ثالثا هتبدأي تحفظي حاجة بسيطة حتى ولو آيتين مش مشكلة وتسمعي القرآن بصوت الشيخ الحصري وده الأفضل في مخارج الحروف والتجويد، شوية شوية هتلاقي نفسك بتحفظي أكتر. ولو بطلتي ترجعي تاني مش مشكلة المهم الاستمرارية ولو مفيش محفظة تقدري تراجعي معاها ابقي راجعي مع نفسك وانتي بتصلي قيام الليل باللي حفظتيه وده هيثبته إن شاء الله ، رابعًا بقى والأهم البعد عن المعاصي وكل ما يهلك النفس، حتى لو وقعتي في معصية اوعي تستصغريها وتوبي إلى الله، و ربنا يجعلك من أهل القرآن.
تم النشر الاثنين، ١٠ يوليو ٢٠٢٣
اسمعيه كتير ورددي وراه
تم النشر الثلاثاء، ١١ يوليو ٢٠٢٣
في تطبيق اسمه ترتيل ممكن يفيدك ان شاء الله
تم النشر الاثنين، ١٠ يوليو ٢٠٢٣
لعرض السؤال في فدني اضغط هنا