السلام عليكم ورحمة الله وبركاته
دلوقتي انا يا جماعه عمري ١٤ تالته اعدادي بس للأسف عندي مشاكل في نفسيتي وشخصيتي شويه لأن تربيتي كانت منعزله ومتقوقعه اوي بس برضه في حاجه للأسف بعملها هي عاده طفوليه لسه باستعمل تيتينه ومش عارفه اوقف لما ماما شافتها خدتها وانا يومها لما عرفت قعدت اعيط بشكل تلقائي غصب عني والله بس لقيتها وبقيت باستخدمها تاني باستخدمها لما أتوتر أو اقلق أو اعيط او احيانا وانا نايمه بس الناس الي تعرف بتقعد تعاتبني في ده كتير جدا وبرضه بيقولوا تخيلي تكبري وتتجوزي وأنت لسه بتعملي كده وأنه ممكن يطلقك وكلام كتير من ده وأحيانا كمان بقيت استعمل صباعي
بصي مبدايا انا حاسه بيكي ومش بلووم عليكي خالص لان انا عارفه ومتاكده أن دي حاجه انت اتعودتي عليها وبقت جزء لارادي منك بس الحل هو عندك انت وبس ازاي انا عاوزه التيتينه تكون قدامك علطول وبالذات في وقت التوتر أو الغضب بس انا عوزاكي في وقتها كل مره تجربي انك تقاومي ومتاخديهاش وتقولي جوه عقلك ونفسك انك اقوي منها وأن مش هي دي الحاجه اللي وتتحكم فيكي أو في حالتك المزاجيه وعوزاكي بقا تدخلي عاده تانيه مكانها زي اي زي مثلا انك أو ماتحسي بتوتر وضغط وتعملي الخطوات اللي فوق دي تقومي تصلي او مثلا تلوني أو تطلعي البلكونه وتاخدي نفس وتطلعيه براحه أو تجيبي ورقه وتقعدي تكتبي كل اللي انت حساها وتشخبطي كمان لو عاوزه صدقيني واحده واحده مع الاراده والمحاولة هتبطليها وادعيلي وتكوني فخوره اووي بنفسك وخليكي عارفه انك بتبطليها عشان نفسك مش عشان حد لأن التيتينه بتعمل مشاكل في الفك والاسنان اصلا ربنا معاكي يا جميله
تم النشر الاثنين، ٣١ أغسطس ٢٠٢٦
وعليكم السلام ورحمة الله وبركاته يا جويرية، شكراً إنك شاركتيني مشكلتك بصراحة كده، ده شيء شجاع جداً منك وأنتِ لسه في سن ١٤ سنة. أول حاجة أحب أقولها لكِ: مش عيب ولا ضعف إنك لسه بتستخدمي التيتينة أو صباعك أحياناً، ده عادة طفولية بقت وسيلة للتهدئة لما بتتوتري أو تحسي بالقلق، وكتير بنات في سنك بيمرّوا بحاجات مشابهة بسبب التربية المنعزلة أو الضغوط النفسية. المهم دلوقتي إنكِ عايزة تتغلبي عليها، وده أول خطوة إيجابية. الناس اللي بيعاتبوكِ بكلام زي "تتجوزي وأنتِ لسه كده" بيخلوا الموضوع أصعب، بس حاولي تتجاهلي الضغط ده وتركزي على نفسكِ. العادة دي مرتبطة بالتوتر، فجربي تلاحظي الأوقات اللي بتلجئي فيها ليها (زي قبل النوم أو لما بتعيطي) وتحاولي تستبدليها بحاجة تانية عملية، زي إنكِ تمسكي كرة صغيرة أو لعبة في إيدكِ، أو تكتبي اللي بيضايقكِ في ورقة وترميها، أو تقرئي قصة خفيفة. كمان، لما تلاقي نفسكِ بتمدي إيدكِ للتيتينة، قولي لنفسكِ جملة بسيطة زي "أنا أقوى من التوتر ده" وابتعدي عن المكان شوية. ابدئي تدريجياً، مثلاً قللي استخدامها في النهار أولاً، وكافئي نفسكِ كل أسبوع بنجاح صغير (زي شراء حاجة تحبيها). أنتِ قادرة تتخلصي منها، خاصة وأنتِ لسه صغيرة وبتتعلمي السيطرة على نفسكِ. ادعي ربنا يقويكِ ويسهل عليكِ الأمر، ولو حسيتِ إن القلق بيزيد، حاولي تتكلمي مع مامتكِ بطريقة هادية عشان تساعدكِ بدل ما تخبيها. لو عايزة تتكلمي أكتر عن خطوات معينة أو تشاركيني تقدمكِ، أنا هنا أسمعكِ وأدعمكِ. أنتِ مش لوحدكِ في ده، وهتتغلبي عليه إن شاء الله.
تم النشر الجمعة، ٢٨ أغسطس ٢٠٢٦
@A7_ae_ mn شبه دي 🍼بس من غير الزجاجة ، وراها بيكون في قطعة بلاستيك عريضة علي قد الفم عشان متدخلش كلها الفم
تم النشر الأحد، ٣٠ أغسطس ٢٠٢٦
اي ال تيتينه دي ؟
تم النشر السبت، ٢٩ أغسطس ٢٠٢٦
@مجهولة . اها بيقولو عليها عندنا اسمها سكاته 😂
تم النشر الخميس، ١٠ سبتمبر ٢٠٢٦
لعرض السؤال في فدني اضغط هنا