انا بنت عاديه جدا كنت شاطره ف دراستي وبحب الحياه حبيت شاب ابن الجيران حاول يكلمني كذا مره وفي الاخر اتكلمنا هو كان ويشرب حشيش وكان مش محترم بس كان معايا انا غير الناس كلها كان بيعاملني احلي معامله وانا كنت لسه صغيره فضلنا ع الوضع دا وكل يوم اعرف انه بيمد ايده ع مامته بس كنت بخاف اتكلم معاه ف حياته الشخصيه مع العلم باباه متوفي اهلي لما عرفو عقبوني اسوا عقاب وبهدلوني اوي لحد ما دماغي انفتحت والصراحه انا وقتها ادمنته اوووي مكنتش قادره ابعد عنه خالص مهما انضرب او مهما يحصل كنت بكلمه برضو واخيط دماغي واجبس دراعي وامووت من الضرب وانحبس واتمنع من دراستي واللي فيا فيا بعدها هو سافر علشان يكون نفسه وكدا واتقدملي عريس موفقتش اهلي ضربوني وبابا خبطي ف التلاجه دماغي انفتحت واتطريت اوفق غصب عني وحددو مهله الخطوبه ٨ شهور ف ٨ شهور كنت بحاول اخليه يكرهني بكل الطرق وحتي قولتله اني بحب واحد تاني وفضل متمسك بيا اوووي حتي وانا ف الشهر ٦ ابن الجيران نزل وكان بيحاول يوصلي بكل الطرق بعدها كلمته كان وحشني اووي وكنت عاوزه افهمه اللي بيحصل بس معرفتش كان بيعيط وبيقولي وحشتيني وفضلت اكلمه لحد السهر السابع بعدت عنه وكنت بحاول انتحر لحد ما جا يوم فرحي واتجوزت وبعد جوازي هو رن عليا وشتمني الفاظ وحشه اووي وبدا يهددني اني ارجعله انو لازم نهرب من باب الحب وانا الشيطان شد عقلي للفكره دي وكان جوزي بعدين عني وكان بيحب وحده تانيه ف قررت اهرب انا وهو واخدت دهبي معايا هو اخد مني الدهب وسلمني للشرطه وقالي ابوكي مبلغ اني خاطفك روحي قوليلهم اني مش خاطفك وتعالي وانا عملت كدا والموضوع طلع اكبر من كدا بعدها معرفتش اوصله خالص وحصل مشاكل واتطلقت وعدا ع والموضوع سنتين حياتي مدمره ودموع وبهدله حاولت اتخطي الموضوع بكل الطرق مش عارفه بعدين الفتره دي ظهر شاب ف حياتي جيرانا برضو كان خاطب وساب خطيبته ومش بيشيل عينه من عليا محترم وبيصلي وحالته ع قده ليل ونهار بيحاول انو يوصلي بس هو ميعرفليش رقم ولا اي حاجه وانا برضو معرفش هو عارف بحكايتي او لا حاسه انو لسه مفكرني بنت ارجو حد يفديني انا مش بنام من كتر التفكير ومش عارفه اعمل ايه هو اتعلق بيا اوووي وميعرفش اني كنت متجوزه .. اكلمه ازاي او اعمل ايييه فيدوني؟
تركيزك على ان تكونى مع شخص وانسياقك وراء احتياجك العاطفى اوقعك فى ازمة كبيرة من قبل ...فارجوكى الا توقعى نفسك مره اخرى واحد مبتتكلميش معاه ولا تعرفيه ..ومن مجرد نظرات بتقولى اتعلق بيا ( كلام غير منطقى ) وبيأكد انك لسه نفس الطفلة اللى لاغيه عقلها وبدون اى اعتبارات مركزه فى حاجة واحده. ارجعى وحطى تركيزك تشوفى نفسك اكتر من الرجال حولك ونظراتهم واهتمامهم
تم النشر السبت، ١٦ ديسمبر ٢٠٢٣
طبعا مش محتاجين نقول إن حكاية هربك مع الشخص النذل دي كانت غلطة كبيرة جدا واستمرارك في علاقتك به من البداية قبل الزواج كانت غلطة كبيرة كذلك لا أعرف إذا كنت تعلمت درسا من كل ما مر بك أم لا عموما .. بالنسبة للشخص الجديد لا تحتاجين لأن توضحي له أي شيء ولا أن تتواصلي به لأنه ببساطة لو كان شاريك في الحلال سيسأل عنك وسيعرف أنك كنت متزوجة وانفصلت .. وسيتخذ خطوة جادة لو كانت ظروفك مناسبة له وإذا كانت غير مناسبة وكان شخصا محترم فسيصرف عنك نظراته واهتمامه.
تم النشر السبت، ١٦ ديسمبر ٢٠٢٣
انتي محتاجة تقربي من ربنا وتنضجي الاول وبعدين تفكري في الموضوع ده تاني وتحمدي ربنا أنه عداكي من كل ده مارسي هواية اشتغلي وقربي من ربنا وابعدي عن الموضوع ده دلوقتي خالص عشان انتي بتتعلقي ب أي حد الظاهر غير الباطن
تم النشر السبت، ١٦ ديسمبر ٢٠٢٣
حاولي انك تبعدي عن اي علاقة دي الوقت لان انت بدك بس انك تملئي الفراغ لي فقلبك او تنسي به حبيبك السابق راح تعملي اكبر غلط و تضلمي السيد لازم انك تعالجي نفسيا و تسترجعي ثقتك بنفسك و تنسي كل شيء و الشخص الي كنتي معه بعدين راح يجيبلك ربنا شريك مناسب لحياتك
تم النشر الاثنين، ١٨ ديسمبر ٢٠٢٣
صلي واعرفي عن ربنا اكتر كلنا محتاجين نعرف عن ربنا اكتر ونقرب منه اكتر ماتجلديش نفسك مافيش حد مش بيغلط كل بني ادم خطاء وخير الخطائين التوابين استغفري كتير صلي احضري دروس دينية وسيبك من موضوع الارتباط ده فترة لما تسترجعي نفسك وقوتك النفسية هتعرفي تختاري شريك لحياتك تستقري وتهدي وتعفي نفسك بس ربنا يرزقك كل الخير والعفة والاستقرار في حياتك يااارب ويرزقك زوج صالح تقي نقي يرعي الله فيكي اللهم امين
تم النشر السبت، ١٦ ديسمبر ٢٠٢٣
صلي صلاة الإستخارة واستشيري الله عز وجل قبل كل شيء فالله وحده من يعرف الخير من الشر
تم النشر السبت، ١٦ ديسمبر ٢٠٢٣
مش فاهمه نفيدك بأيه انتى المفروض مريتى بتجربه تعلمك حاجه والواضح أنك ماتعلمتيش وبعدين الشخص الأخير ده ظهر ف حياتك ازاى مش مفهومه قصتك او ناقصه
تم النشر السبت، ١٦ ديسمبر ٢٠٢٣
لعرض السؤال في فدني اضغط هنا