السلام عليكم ورحمة الله وبركاته
انا تايهة و مش عارفة اعمل اي تعبت لسبب ما
و هو اني مش انا، مبقتش نفس الشخص حصلي حاجات غيرتني غصب عني و ده مأثر ع علاقتي بكل ال حوليا اقربهم اختي الكبيرة بس مش متفهمين انه غصب عني والله غصب عني،
هم شايفين اني متغيرة وبس و اني بتقمص ع اي حاجة و بزعل ال حوليا و بشخصنها مع اي حد حتي لو سبب يبان تافه، بس محدش حاول يفهمني انا تعبانه اوي من حوايا من ال حصل مؤخرا منهم اني كنت مع امي لمدة شهر ف مستشفي ف محافظة تانية معاها لوحدي باخد بالي منها عشان تعبانه و محدش كان معايا ولا جنبي وقتها كل حد كان وراه حاجة و طبعاً تفاصيل كتير ف الشهر ده
و اكتر حاجة مأثرة عليا ان ف اخره مامتي تعبت و وقعت و قلبها وقف بين ايدي ماتت قدامي ونا لوحدي، انا كنت عندي 18 الموقف ده حصل ف شهر 10 ال فات، و بعد ما اتوفت رجعت محافظتنا و كان في حد فحياتي و كان مكلم اختي انه هيجي يتقدم و طلع مش قد كلامه و مشي هو كمان و ده اثر عليا و غير ضغط امتحانات و الناس ال بتعزي و تفاصيل المستشفى مش بتروح من بالي خالص
و صحابي ال بتاعة مصلحة و ال عاوزة حاجة يعني مش قريبين ف مبقتش بتعامل مع حد حلو غصب عني، بقيت بتقمص و بزعل من اقل حاجة و محدش فاهم ان بسبب ال حصل اخر فترة و بيلوموا عليا طيب انا اعمل اي؟
تعبانه اوي لا عارفة ارجع زي الاول ولا متحملة حد يقولي انتي اتغيرتي و احنا هنغير معاملتنا و نحسب كلامنا معاكي عشان مبقتيش زي الاول، اسفة ع الإطالة
السلام عليكم ورحمه الله وبركاته. طبعا دي مؤثرات كتيره جدا وكلها علشان تتعامل معاها مره واحده ده بيكون صعب حتى انت لو احنا قلنا انك تقدر تتعامل مع كل ده طبيعي هتلاقي الحاجات بتطلع من نفسك لنفسك انت ممكن تحسي انها غريبه وما تتحملهاش. محتاجاني اكتر حاجه في الوقت ده انك تعبري بشكل واضح جدا انه انا محتاجه دعمك دي اكتر حاجه الدعم ده بيكون عامل ازاي الدعم ده مش لازم بس انه استحملوني زي ما انا كده الدعم ده بيكون فعلا محتاجاه فانت محتاجه حد يحس بالوجع اللي انت حاساه فضروري الكلام ان انت كتبتيه ده تقعدي مع اختك مثلا وانا موضوعه وانا بتوجعني ومش بقدر انساها ضروري جدا انك تعملي معاها ده وتتكلمي معاها وتطلبي منه دعم اللي هي بتبقى متصوره. اللي مش بيروح. عندها طريقه وتزعل بيها لو انت محتاجه طبطبه لو انت محتاجه انها تاخذي في حضنها كثير علشان تبقى كانها بتقول لك انا موجوده حتى لو ماما ما بقتش موجوده لازم تعبري الحاجات اللي انت محتاجاها لان هم مش هيفهموا لوحدهم افعالنا على مواقفهم مش هتقول لهم احنا محتاجين ايه بالظبط هم مش قادرين يترجموا احنا محتاجين لازم التعبير يكون من عندك انت انت بتقولي انت محتاجه ايه ايه تقدري تعدي المرحله دي او تعدي الفتره الصعبه دي. كمان صحابك الناس اللي حواليك وانت تحسي انه مفيش حد بيعمل حاجه علشانك وبطبيعه تحسيه دلوقتي لانك محمله بكمل من الالم مع ايه موقف صغير انت بتزودي القلم فوق القلم كان بيبقى اي موقف صغير بتحسيه اكبر من حجره لمجرد ان انت اصلا عندك الم كبير. الله يرحمها تعبانه خالص انت ربنا عليك بنعمه كبيره جدا انك واحده تضرها في الوقت ده يعني رزق البر صدقيني عظيم عظيمه ان شاء الله ربنا يعني كان بيقول على سيدنا عيسى انه كانه بره من امهم يعني هو كان مش مكتوب للفضاء ومش هيكون شقي في حياته. ولا يكون فيه تعب في حياته عشان هو كان بار باب البيت من اكثر الحاجات اللي بتخلي الانسان معاه كده فرد اخضر بانه ربنا يرسل بيه في حياتي كل الثقات عنهم علشان هو كان بارد. انت ربنا رزقك بالنعمه دي مبسوط بس الجزء السلبي فيه بصي على الجزء اللي انت اخذتيه ان هم كان عندهم مش اللي كنت متاح لكل الفضل ده لوحدي ثاني حاجه جميله.
تم النشر الثلاثاء، ٢٨ يوليو ٢٠٢٦
السلام عليكم، أولا ربنا يرحم والدتك ويصبرك على فراقها. اللي أنتِ فيه طبيعي بعد الصدمات اللي مريتِ بها، كان لازم تترك أثر. نفسك محتاجة تتعافى. الأول لازم تتفهمي إنها محتاجة وقت للتعافي والنسيان فبلاش تضغطي عليها أو تحسي بالضيق من التغير الحالي، افهمي إنها مرحلة طبيعية بعد الصدمة ومرحلة مؤقتة إن شاء الله لو قررتِ إنك تتجاوزيها. لا تضغطي على نفسك إنك لازم ترجعي زي الأول بسرعة. استعيني بالله واصبري وخذي الأمور واحدة واحدة. ** قللي احتكاك بالناس اللي بتلومك أو بتعمل حاجات تضايقك وتفجر حساسيتك الحالية. لو فيه إمكانية تعملي عزلة مع نفسك لفترة فاعملي ده واستغلي عزلتك في مراجعة أفكارك واستخدام الكتابة في تفريغ مشاعرك على الورق. لو مفيش خالص شخص واحد قريب وأمين تفضفضي معه، خلاص الجئي للورق وفضفضي مع نفسك، ده بيساعد في تقليل الضغط اللي جواكِ، بس استمري عليه. (خاصة لو فيه تفاصيل معينة بتتكرر في دماغك وحاسة إنها عاملة ضغط كبير عليكِ) اعملي روتين يومي يغير من نفسيتك ولو عندك إمكانية تروحي أماكن جديدة تغير جو، ده هيساعد في تحسن نفسيتك. لو لقيتِ مع كل الخطوات دي محتاجة متابعة مع مختصة نفسية تساعدك بخطوات عملية وتدريبات ومتابعة فمتتردديش في الخطوة دي. المهم في كل ده تستعيني بالله وإنك لا تستسلمي للوضع الحالي وتفضلي تاركة نفسك في دوامة الحزن لفترة طويلة من غير عمل أي شيء يخرجك منها. خلي في بالك، والدتك أكيد مش هتحب إنك تفضلي على الحال ده فاعملي ما بوسعك لتغييره، وإن شاء الله ربنا يقويك ويغير أحوالك للأفضل. ربنا معك.💚
تم النشر الاثنين، ٢٧ يوليو ٢٠٢٦
وعليكم السلام ورحمة الله وبركاته. أول حاجة أحب أقولها لكِ: اللي بتمرّي بيه مش "تغيّر عادي"، ده صدمة حقيقية. أمك توفت قدامك وأنتِ لوحدك، وكنتِ مسؤولة عنها في محافظة تانية، وبعد كده الشخص اللي كان هيتقدم سابك، وضغط الامتحانات والناس اللي بتعزي… كل ده حصل في فترة قصيرة وأنتِ لسه 18 سنة. طبيعي جدًا إنكِ تحسي إنكِ "مش أنتِ"، وإن الغضب والتقمص والحساسية الزائدة بقت طريقة جسمكِ وعقلكِ يحموكِ بيها. ده مش ضعف ولا "بتقمصي"، ده رد فعل طبيعي لفقدان كبير. اللي بيحصل دلوقتي إن أهلكِ شايفين النتيجة الخارجية (الزعل السريع والانعزال) ومش شايفين السبب الداخلي، وده بيخلّيكِ تحسي إن محدش فاهمكِ. الحل مش إنكِ ترجعي "زي الأول" بين يوم وليلة، لأن اللي حصل غيّركِ فعلاً، والرجوع للنسخة القديمة مش هيحصل. الهدف دلوقتي إنكِ تتعلمي تعيشي مع النسخة الجديدة دي بطريقة ألطف مع نفسكِ ومع اللي حواليكِ. ابدئي بخطوات صغيرة وعملية: اكتبي كل يوم 3 أسطر عن اللي بيحصل جواكِ، حتى لو كان غضب أو حزن، عشان تفرّغي الضغط قبل ما يطلع على الناس. لما تحسي إنكِ هتزعلي من حد، خدي 10 ثواني قبل ما تردي، وقولي لنفسكِ "ده مش عنهم، ده عن اللي جوايا". لو قدرتِ تتكلمي مع أختكِ الكبيرة بهدوء وتقولي لها "أنا مش بتقمص، أنا لسه بتعالج اللي حصل معايا"، ممكن ده يفتح باب تفاهم، بس لو مش قادرة دلوقتي، متضغطيش نفسكِ. وأهم حاجة: الصلاة والدعاء والقرآن بيساعدوا في تهدئة القلب في الفترات دي، لأن الفقدان ده اختبار كبير وربنا بيحب الصابرين. أنتِ مش لوحدكِ في الإحساس ده، كتير بنات مرّوا بمواقف مشابهة وكتبوا عنها في فدني. ابحثي عن أسئلة مشابهة هناك، هتاخدي أفكار إضافية. خدي وقتكِ، ومتستعجليش على "الرجوع للطبيعي". الشفاء مش خط مستقيم، بس كل يوم بتعدّيه وأنتِ بتحاولي تفهمي نفسكِ أحسن، ده خطوة لقدام. لو حابة تكتبي أكتر عن اللي بيحصل معاكِ، أنا هنا أسمعكِ.
تم النشر الأحد، ٢٦ يوليو ٢٠٢٦
السلام عليكم ورحمة الله وبركاته. مصيبة وفاة أمك هي مش عليكي لوحدك ولكنها على إخواتك كمان فمن الطبيعي ان نفسيتهم تكون سلبية ويبدأوا يلوموكي كتفريغ لسلبيتهم .. على العموم انتي لكي بنفسك وعليكي انك تتأقلمي مع حياتك منغير والدتك .. مش هديكي طريقة للتأقلم ولكن هديكي المفتاح اللي بإذن الله هيكون سبب في تأقلمك وهو الدعاء لله وحده
تم النشر الثلاثاء، ٢٨ يوليو ٢٠٢٦
أولا ربنا يرحم والدتك. في كتابين قرأتهم قبل كده و اظن ان ممكن تلاقي حل لمشكلتك فيهم أو على الأقل تستفيدي منهم تغير الشخصية.دي اسماء الكتب (أللا مكترث- و - المدخل لفهم سيكولوجية الإنسان المهزأ) الكاتب (كيرلس بهجت) و أعانكِ الله في حياتكِ
تم النشر الاثنين، ٢٧ يوليو ٢٠٢٦
لعرض السؤال في فدني اضغط هنا