انا مبعرفش اقعد ساعة مثلا غير لما اكون حاسس بغازات في بطني يعني كل صلاة لازم اتوضى لها والصلاة التراويح بضايق اوي لما كل شوية تجيلي الغازات دي بحس اني مش فريش كدا ومش عارف اركز في الصلاة انا سنى شهرين ونصف وابقا ١٦ وبدخل الحمام بس بحس عندي امساك دايما وانا اكلي بايظ واهلي دايما بيقولولي كده وبشرب مياه قليل وجسمي يعني ولا تخين ولا رفيع ولكن مايل اني رفيع
غير من طريقة اكلك وابعد عن المشروبات الغازيه اشرب لبن رايب عشان يحسن معاك الهضم ويقلل الغازات ممكن تاخد برشام فحم لحد ما تحسن من اكلك وخصوصا قبل التراويح عشان يمتص الغازات ومتضطرش تفقد وضوئك
تم النشر الجمعة، ٢٨ فبراير ٢٠٢٥
احببت ان ارد عليك في موضوع الوضوء فإن كان خروج الغازات منك مستمراً بحيث لا يتوقف وقتاً يكفيك لكي تتطهر وتصلي قبل أن يخرج وقت الصلاة؛ ففي هذه الحالة أنت من أهل الأعذار، وصاحب العذر الدائم عليه أن يتوضأ بعد دخول الوقت، أي بعد أن يؤذن المؤذنون للصلاة يتوضأ ثم يصلي بهذا الوضوء فريضة ذلك الوقت وما شاء من الصلوات معها، ويبقى على وضوئه لا يضره خروج هذا الحدث الدائم، وهو الغازات بالنسبة لك، فخروجها لا ينقض الوضوء حتى يخرج وقت هذه الصلاة، فإذا جاء وقت الصلاة الثانية وأراد أن يصلي توضأ ثانية وهكذا لكن اذا ما زال لم يخرج وقت الصلاة الاولى و احدثت فلا يجب ان تتوضى مجددا
تم النشر الجمعة، ٢٨ فبراير ٢٠٢٥
أخي العزيز، من الأمور المهمة التي يجب مراعاة صحتك الجسدية والنفسية، خاصة في مرحلة عمرك الحالية. تواجه مشكلة الغازات والإمساك، وهذا قد يكون مرتبطًا بعدة عوامل، منها النظام الغذائي وقلة شرب الماء. إليك بعض النصائح التي قد تساعدك في تحسين الوضع: تحسين النظام الغذائي : حاول تضمين المزيد من الألياف في وجباتك، مثل الفواكه، الخضروات، والحبوب الكاملة. هذه الأطعمة تساعد في تحسين الهضم وتخفيف الإمساك. زيادة شرب الماء : مهم جدًا أن تشرب كمية كافية من الماء يوميًا، على الأقل 8 أكواب في اليوم. الماء يساعد في تحسين حركة الأمعاء. ممارسة النشاط البدني : حتى لو كان ذلك عبر المشي لفترات قصيرة يومياً، فإنه يمكن أن يساعد في تحسين عملية الهضم. تجنب الأطعمة الغير مناسبة : حاول تجنب الأطعمة المقلية، الأطعمة الدهنية، والمشروبات الغازية التي قد تسبب الغازات. استشارة طبيب مختص : إذا استمرت الأعراض، يجب عليك زيارة طبيب مختص لتقييم حالتك بشكل دقيق وتقديم المشورة المناسبة. تذكر أن صحتك تلعب دورًا كبيرًا في شعورك بالراحة والتركيز في الصلاة. واجعل من الصعب تناول وجبات منتظمة ومتوازنة أولوية لضمان تحسين حالتك. أسأل الله أن يحفظك ويرزقك الصحة والعافية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٧ فبراير ٢٠٢٥
اعتقد انه القولون العصبي
تم النشر الخميس، ٢٧ فبراير ٢٠٢٥
اكشف احتمال يكون عندك القولون هو الذى يسبب الغازات
تم النشر الثلاثاء، ٤ مارس ٢٠٢٥
طيب بالاضافه الكومنت اللي فات هناخد الكلام ده معانا وهقولك حبه ملاحظات كده. لاحظت انك بتقول دايما عيش ياريت لو نقفل حوار العيش ده تماما ونبدله بتوست بني وتاكل رز عادي ولكن برده نقلل مكرونه لان الدقيق الأبيض والمعجنات عموما اكتر حاجه بتعمل كده. كمان لو بتاكل بسرعه قلل السرعه دي وامضغ الحاجه كتير اوي في بؤك. ياريت اي خضار أخضر بلاش منه ده يضم معانا باميه وملوخيه كمان. طيب بتشرب اي كافيين قهوه نسكافيه دول برده بيعملوا كده وناس كتير يجيلها غازات من اللبن. وطبعا برده هتقفل ع الصودا خالص. طبعا دي ممنوعات كتير اوي. حضرتك هتعمل ايه بقي احنا داخلين ع صيام اهه. لاحظ نفسك دلوقت انا هفطر كذا بس هاخد رز بدل العيش ياترى جاب نتيجه انهارده طيب هجرب اجيب بداله التوست. طيب بكره لو بشرب قهوه مااجرب نعناع ينسون عناب وفي قمر الدين بقي. طيب عايز زبادي ف السحور تعبتني الصبح اشيلها. طيب اتسحرت فول يبقى بلاش زبادي عشان اعرف مين تعبني فيهم. البقوليات كمان بتبهدل الدنيا أوي. فاانت لاحظ نفسك. طيب مش هعرف اعمل كده ف رمضان معانا حل وسط هو انك تفطر نص فطارك لحد ماتخلص تراويح وترجع تكمله. وممكن تثبت سحور عارف انه مش بيتعبك. حاجه كمان مهمه. لازم تشرب مايه عشان حركه الامعاء وذهنك وكمان تتمشى لان المشي احسن من يساعد حركه الامعاء عشان الامساك ده معناه ان هضمك دخله اكل صعب ففضلاته لا يمكن التعامل معاها. وشفاك الله وعفاك♥️
تم النشر الجمعة، ٢٨ فبراير ٢٠٢٥
الأعراض دي أعراض القولون العصبي وهو مرتبط بصحتك النفسية لأن انا كمان عندي القولون العصبي اكيد لما بتتعصب او بتزعل بتحس ان الأعراض دي بتزيد عندك وممكن تحس ببعض الألم ف المعدة وكمان ف بعض الأحيان بتأثر ع الضهر والرجل ف حاول تحسن نفسيتك وبالنسبة للأكل ف ابعد عن الدهون زي الأكل اللي بيحتوي ع زيت او سمن بكميات كبيرة حاول تاكلي أكلات خفيفة وبذات بالعشا وكل فواكه كتير بس هو السبب الأساسي فيه هو الضغط النفسي ف حاول تهدي نفسك وبعد عن أي حاجه بتسببلك التوتر او الزعل .
تم النشر الخميس، ٢٧ فبراير ٢٠٢٥
وبالنسبة انا باكل ايه فطاري وعشايا دايما عيش والغدا بروتين وعيش برضوا وقليل لما اكل رز ومكرونة وبرضوا بيبقا بكميات صغيرة غالبا وقليل لما اكل خضار في الغدا وبيبقا برضوا بكميات صغيرة غالبا وقليل لما اكل خيار وطماطم وفاكهة
تم النشر الخميس، ٢٧ فبراير ٢٠٢٥
لعرض السؤال في فدني اضغط هنا