انا لمحت التطبيق ده عموما في متجر التطبيقات فكرته عجبتني وحملته ولكن مش لاقي حاجات لاهتماماتي مثلا زي الرياضات عموما و مارشال ارتز بشكل خاص ومواضيع تانيه وهكذا وبردو في مشكله ان البوستات اللي هنا معظمهم عدا عليهم كام يوم بحيث ملاقتش بوست جديد هل ممكن حد من اللي موجودين هنا يشرحلي التطبيق وفكرته اكتر وازاي الاقي المواضيع اللي عايزها
السلام عليكم، أولا أهلا بك في فدني، وإن شاء الله تستفيد منه وتفيد غيرك. التطبيق زي ما الأعضاء قالوا هو منصة للأسئلة والأجوبة. أي شخص عنده سؤال في أي شيء أو مشكلة بيكتبها وفيه خبراء في تخصصات مختلفة يردوا على الأسئلة أو الأعضاء العاديين إذا بيقدروا يفيدوا من خبراتهم العملية والحياتية. *** موجود في صفحة آخر الأسئلة خيار إنك تختار ترتيب الأسئلة حسب الوضع الافتراضي أو آخر تفاعل أو حسب تاريخ النشر (وده هيظهر لك آخر أسئلة نزلت على التطبيق)، كمان في القائمة المنسدلة هتلاقي فيه الأقسام الرئيسية دي فيها الأسئلة المنتمية لكل قسم رئيسي والأقسام المتفرعة عنه (فيه نفسية وصحية وتعليمية ودينية واجتماعية وغيرها) ممكن تعمل متابعة لأي خبير أو عضو استفدت من إجاباته وهتظهر لك أجوبته ومشاركاته بعد كده. ** بالنسبة لاهتماماتك، هل كنت متوقع مثلا يكون فيه أسئلة أكتر عن الفنون القتالية والرياضات أو يكون فيه قسم لمقالات ومعلومات عنها؟ عامة إذا مهتم أو بتبحث عن معلومات في المجال ده تحديدا فأنت ممكن تكتب السؤال وإن شاء الله لو فيه أعضاء عندهم معلومات تفيدك هيجاوبوا على أسئلتك. تحياتي.
تم النشر الاثنين، ١٥ يونيو ٢٠٢٦
مرحبا يا عمر! أهلاً بيك في تطبيق فدني، سعيدة إنك جربت التطبيق وإن فكرته عجبتك. التطبيق ده منصة أسئلة وأجوبة بتجمع ناس عاديين وخبراء في مجالات كتير، والخبراء دول بيقدموا استشارات شخصية كمان من خلال صفحاتهم. الفكرة الأساسية إنك تقدر تسأل أي سؤال في بالك، وتلاقي إجابات من ناس بتفهم في الموضوع، سواء كان رياضة أو مارشال آرتس أو أي حاجة تانية. بالنسبة لاهتماماتك زي الرياضات عموماً والمارشال آرتس بشكل خاص، جرب تبحث بكلمات مفتاحية زي "رياضة" أو "مارشال آرتس" أو "فنون قتالية" في شريط البحث، وهتلاقي أسئلة وإجابات متعلقة بيها. كمان تقدر تتابع الخبراء اللي بيتكلموا في المجالات دي عشان يظهرلك محتواهم أول بأول. لو لقيت البوستات قديمة شوية، ده طبيعي في البداية، بس لما تبدأ تسأل أسئلة جديدة أو تشارك في المناقشات، هتظهرلك محتوى أحدث وأكتر تفاعلاً. لو عايز نصيحة عملية، ابدأ بكتابة سؤال عن موضوع بتحبه في الرياضة أو المارشال آرتس، وهتلاقي ناس بترد عليك بسرعة. ولو حابب تلاقي آراء أكتر، جرب تبحث عن أسئلة مشابهة هنا في فدني. لو عندك أي سؤال تاني أو محتاج مساعدة في حاجة محددة، أنا هنا! 😊
تم النشر الاثنين، ١٥ يونيو ٢٠٢٦
الناس بتسأل وبتتكلم واللى عنده خبره او نصيحة بيرد دى فكرة التطبيق بشكل عام لكن اللى بتتكلم فيه ده حاجه تانيه خالص
تم النشر الاثنين، ١٥ يونيو ٢٠٢٦
فيه حاجه كمان فيه مواضيع كتير بيتكلموا فيها لو جيت تكتب سؤال هيظهر سؤالك تبع اى موضوع وهكذا بقي
تم النشر الاثنين، ١٥ يونيو ٢٠٢٦
هنا كل واحد بيكتب مشكلته واللى هنا بيحاولوا يساعدوه او حتي عايز ياخد رأي حد هنا بيقولوا ارأهم برضو وحضرتك كمان ممكن ترد على سؤال هنا من اللى موجودين هنا ، فيه تلت خطوط من الجنب فوق دوس عليها وهيظهر ليك اخر الاسئله او المحتوي الأحدث فاهم
تم النشر الاثنين، ١٥ يونيو ٢٠٢٦
لعرض السؤال في فدني اضغط هنا