جماعه انا في تمريض إعدادي بس صعب اوي وبفكر اطلع منه وارجع لدبلوم او صنايع؟ اعمل ايه انا حاولت كتير اذاكر بس مش عارفه خالص مواد جديده وصعبه
كل مجال وليه صعوبته وأي كليه فيها مذاكره وتعب وده اللي ربنا أمرنا بيه أصلا ، لازم نتعب علشان نوصل وكمان التمريض مهنه إنسانيه وأكيد انتي عارفه ومن أحياها فكأنما أحيا الناس جميعا فنصيحتي ليكي كملي في مجالك واستعيني بالله في الدراسه وخليكي فخوره بنفسك لانك سبب في انقاذ حياه الناس
تم النشر الجمعة، ٢٠ فبراير ٢٠٢٦
يا حبيبتي، أنا ذكية، وأفهم تمامًا إحساسك ده.. التمريض ممكن صعب فعلاً، خاصة المواد الجديدة زي التشريح والفسيولوجيا، وكتير من البنات بيحسوا زيك في البداية. بس متسرعيش في قرار الخروج، خلينا نفكر مع بعض خطوة بخطوة عشان تاخدي قرار صح. أولًا: غيّري طريقة مذاكرتك شوية (دون تعقيد): قسّمي المواد : ابدئي بالأساسيات القديمة اللي عارفاها، وراجعيها يوميًا 20 دقيقة عشان تبني ثقة. بعد كده، خدي موضوع جديد صغير (صفحة واحدة) وذاكريه بصوت عالي زي لو بتشرحيه لحد تاني. استخدمي فيديوهات : دوري على يوتيوب قنوات مصرية بسيطة خاصة بالتمريض، هتساعدك تتخيلي اللي بتذاكريه. جدول يومي : ذاكري ساعة واحدة صباحًا + ساعة مساء، مع استراحة 5 دقايق كل 25 دقيقة (تقنية بومودورو البسيطة). نامي كويس وكلي صح عشان الدماغ يشتغل. اختبري نفسك : حلّي أسئلة امتحانات سابقة يوميًا، حتى لو غلط، هتعرفي أخطائك. تانيًا: فكّري في أهدافك: التمريض وظيفة مستقرة ومفيدة، وبتساعدي ناس كتير. لو قلبك معاها، استمري وهتتعودي خلال شهرين. بس لو مش حاسة إنها ليكي، الصنايع أو الدبلوم خيارات ممتازة وأسرع في التوظيف (زي التصميم أو الحاسب). اسألي نفسك: إيه اللي خلّاكِ تدخلي تمريض؟ لو عشان الراتب بس، فكّري في بدائل تانية. نصيحة إسلامية سريعة: ادعي ربنا ييسرلكِ، واقري سورة الشرح يوميًا: "فَإِنَّ مَعَ الْعُسْرِ يُسْرًا"، والصبر مفتاح الفرج. متيأسيش، كتير نجحوا بعد صعوبة. دوري في فدني على أسئلة مشابهة هتلاقي إجابات كتير من خبراء. ولو عايزة استشارة شخصية، شوفي الخبراء هنا: https://www.fedni.net/experts (في متخصصين تعليم وتوجيه مهني). أنتِ قوية وقادرة، هتقدري! 💪❤️
تم النشر الاثنين، ١٦ فبراير ٢٠٢٦
ربنا يوفقك يا رب ويحققلك اللي نفسك فيه
تم النشر الخميس، ١٩ فبراير ٢٠٢٦
الانجليزي هيكون اساسي في كل اللي جاي سواء دراسة او مستشفى التشخصيات والعلاج ف لازم المشكلة دي تتحل
تم النشر الخميس، ١٩ فبراير ٢٠٢٦
ربنا يوفقك يارب هيا المشكله عندي في مواد الانجليزي وانا بكره ماده الانجليزي ومش بعرف اذاكرها
تم النشر الخميس، ١٩ فبراير ٢٠٢٦
الموضوع هيبقا متعب في الاول بس المهم ولا تيجي على نفسك اوي ولا تريح نفسك اوي الوسطية حلوة
تم النشر الخميس، ١٩ فبراير ٢٠٢٦
كنت مكانك في يوم م الايام بس دلوقتي انا ف اخر سنة ليا واخر ترم وكنت دايما عاوزه احول وازن عليهم في البيت عشان احول. بس الحكاية مجرد وقت والمذاكره متكونش من منظور اني بذاكر وخلاص لا كنت بحسبها اني بذاكر عشاني عشان ازود معلوماتي واقدر افيد عيلتي وكل اللي حواليا لو بعد الشر حصل حاجة او حتى كوقاية ودلوقتي السنين جريت وهتخرج السنة دي ان شاء الله
تم النشر الخميس، ١٩ فبراير ٢٠٢٦
انا زيك وبمر بنفس الفتره حاليا ومش هنكر انو صعب واني فكرت زيك بس بمنظور تاني فتره وهتعدي ورغم اني زهقت من المذاكره والضغط عليا بس بقول انو كل ده هيعدي ومش فاضل كتير وصدقيني مفيش منو انك مش هتنجحي هتنجحي وهتعدي بس شويه الضغط ده طبيعي كلنا بنتحط فيه ربنا معاكي ومعايا ويوفقنا جميعا يارب
تم النشر الأربعاء، ١٨ فبراير ٢٠٢٦
حاولي تتعبي دلوقت وشدي على نفسك وإن شاء الله هترتاحي بعدين ، كده كده لو حولت بردو هتبقي محتاجة مذاكره وبعدين متعرفيش تشتغلي بيهم تمريض جميله انت اتعبي واعمل اللي عليك وربنا إن شاء الله مش هيضيع تعبك
تم النشر الثلاثاء، ١٧ فبراير ٢٠٢٦
لا، بلاش هتندم جدًا التمريض جميل جدًا وفرصه حلوة وﷲ وهتندم لو عملت كدا وسواء بقي ثانوي عام أو أي مجال كل حاجة بتحتاج مذاكرة.
تم النشر الاثنين، ١٦ فبراير ٢٠٢٦
كل مجال صعب سواء تمريض او ثانوي لازم هتتعبي علشان توصلي وبلاش تضيعي الفرصة دي غيرك كتير يتمناها
تم النشر الاثنين، ١٦ فبراير ٢٠٢٦
لعرض السؤال في فدني اضغط هنا