بقالي فترة مرة واحدة لقيت شعري ببقع كتير وبطوله من غير ما ألمسه حتى، جربت معاه منتجات بس مش لاقيه نتيجة خالص بحس بيقع أكتر ممكن حد يقولي اعمل ايه عشان زعلانة اوي عليه وهو بيقع كتير كدة
السلام عليكم و رحمة اللّٰه و بركاته ، ممكن نقص في فيتامين معين ، أو بسبب توتر و ضغط نفسي ، و ممكن بردو عادات غلط ، ف لو أنتِ معندكيش اول سببين و اللي هم مش هقدر أساعدك فيهم ، ف هقولك عادات بشوف بنات كتيرة بتعملها و بتبقا غلط تماماً، هجاوبك كوني مُجربه لأغلب العادات الصح مش خبيرة، أولاً و العاده المنتشرة عند الغالب هو تمشيط الشعر و ربطه بعد الإستحمام مباشرةً و ده بيسبب سقوط الشعر جداً لإن الشعر و هو مبلول بيبقا في أضعف حالاته ، ثانياً منصحش أبدا ب إستعمال فرشة للشعر لإن هي بتسلك الشعر من الخارج بس و ده بيسبب تشابك ف لما تيجي تفكي التشابك بيبقا صعب ف بيتساقط جداً ، لذلك يستحسن تستعملي مشط خشب "على حسب قول بعض الخبراء" أو لو هتستعملي مشط بلاستيك ف استعملي واسع ع مدار اليوم و المشط الضيق استعمليه قبل النوم او لما تصحي ، لو أنتِ من النوع الي شعرك بيتشابك بسرعة ف يستحسن إنك تسرحيه كتير لإن زيادة التشابك هيؤدي التساقط لما تمشطيه، بس لما تيجي تمشطي شعرك قسميه الشعر لنصفين و فكي التشابك من تحت الأول بعدها لفوق ،خلي عندك تسريحة ثابته لشعرك ضفيرة أو تلميه كله ع شكل كعكة المهم متسيبهوش مفرود طول الوقت ، يستحسن مترفعيش شعرك لفوق ولا تربطيه جامد لإن ده بردو هيخلي الشعر خفيف مع الوقت و يقصفه، تجنبي المكوه أو الإستشوار تماماً بعد الإستحمام أو بشكل عام و بردو حاولي تتجنبي الإستحمام ب مياه سخنه لإن ده مُضر للشعر يستحسن تكون معتدله لا هي ساخنه زياده ولا هي بارده زياده، حاولي تثبتي شعرك على نوع شامبو مناسب منغير تغيير كتير لإن الشعر بيحب الروتين الثابت "ع قول أحد الخبراء" ، تجنبي الكريمات الي فيها عطور قوية لإنها ممكن تكون مؤذيه لشعرك لو هو ضعيف و بردو يستحسن إستشارة طبيب لو الموضوع زاد عن حده لإن وارد جداً إن السبب الرئيسي هو نقص أحد الڤيتامينات ، و بالتوفيق إن شاء اللّٰه
تم النشر الجمعة، ٢١ نوفمبر ٢٠٢٥
لو كانت نفسيتك وحشه الفتره الي فاتت يبقى اكيد بسبب كده انتي دلوقتي محتاجه تروحي لدكتور جلديه وتعملي تحاليل فيتامينات الشعر تشوفي عندك نقص ولا لا او ممكن يبقا عندك صلع وراثي محتاجه دكتور يعرفك فين المشكله عشان تقدري تعالجيها لكن متستخدميش اي منتج وخلاص
تم النشر الأحد، ٢٣ نوفمبر ٢٠٢٥
هو غالبا بيبقي نقص فيتامينات وخصوصا الحديد كنت زيك كده وكان عند نقص حديد بس المفروض تأخدي حديد مش اقل من ٣ شهور عشان شعرك يبدأ يطول أو ممكن يكون برده عندك قشره في الشعر ديه بتوقع شعر بردو بس الاول تروحي لدكتور جلد كويس عشان يحدد السبب
تم النشر الثلاثاء، ٢٥ نوفمبر ٢٠٢٥
يمكن نفسية او انميا او نقص معادن في جسمك -متسرحيش شعرك وهو مبلول خليه ينشف خالص لان الشعر بيبقي تقيل وهو مبلول -سرحي بمشط خشب - وخدي فيتامينات -وبترجع بردو الاسباب للاكل ف كلي الحاجات اللي غنية بالمعادن
تم النشر الجمعة، ٢١ نوفمبر ٢٠٢٥
تم النشر السبت، ٢٢ نوفمبر ٢٠٢٥
تم النشر السبت، ٢٢ نوفمبر ٢٠٢٥
تمام شكرا ليكي جدا وياريت لو تعرفي وصفات قولي وانا هشوف ايه المناسب ليا وهعمله وشكرا جدا ليكي
تم النشر السبت، ٢٢ نوفمبر ٢٠٢٥
اعملي تحليل ، vit d + مخزون حديد، دايما بتبقى المشاكل في نقص من الاتنين دول اختي كان عندها نفس المشكلة واكيد لازم تتابعي مع دكتور
تم النشر الثلاثاء، ٢٥ نوفمبر ٢٠٢٥
وبكل بساطه عايزه اقول لك روحي حللي واكتشفي السبب لان لما تعرفي السبب هتعرفي ايه الحل وهتاخدي فيتامينات بقى تاخدي علاج معين حتى ممكن تاخدي وصفات الدكتورة تقولها ليكى هتروحي للدكتوره جلديه وتقولي لها كذا كذا بيحصل هتروحي لدكتوره جلديه وتقولي لها شعري بيقع وعايزه اعرف ايه السبب احلل ايه او اعمل ايه عشان ميقعش وبإذن الله هتقولك الحل بس توكلى على الله وخدى بالاسباب وابدا متسمعيش كلام اى حد فى السوشيال عن وصفاتهم الجامدة جمودة😂 استشيرى طبيبة وخايكى فاكرة أن ربنا سبحانه وتعالى هيسالك على صحتك ف لازم تحافظى عليها
تم النشر الاثنين، ٢٤ نوفمبر ٢٠٢٥
شكرا جدا ليكي
تم النشر الأحد، ٢٣ نوفمبر ٢٠٢٥
لعرض السؤال في فدني اضغط هنا