انا ربة منزل متزوجة وعندى اطفال ابحث عن عمل اون لاين يقدر يساعدنى مادياً ومعنوياً ايضاً واقدر اتحكم انا فى ساعات العمل بتاعته ميكونش شيفتات وإلزام بالوقت
ويكون مضمون وأمان طول عمرى نفسى اشتغل حتى فى جريدة اونلاين بحب الكتابة جدا. او حتى مقدمة برامج اذاعية أو كتابة سير ذاتية ليها علاقة بالتاريخ بحب اى حاجه فيها روح وعبق.. ممكن اعرف اعمل اى بالظبط عشان اقدر اشتغل فى المجال الى انا عاوزاه
السلام عليكم، أولا ربنا يعينك ويوفقك وإن شاء الله تلاقي الشغل اللي عاوزاه بأقرب وقت. بالنسبة للعمل الحر أو الأونلاين، طالما أنتِ الحمد لله محددة عاوزة أي مجال تحديدا فإن شاء الله مع الخطوات الصح توصلي. لو هتختاري كتابة المحتوى فالأفضل تاخدي الاول دورة في كتابة المحتوى عشان تعرفي أساسيات كتابة المقالات في حالة اخترتِ المحتوى الطويل أو كتابة محتوى للسوشيال ميديا عشان هي مش مجرد كتابة، فيه أساسيات وخطوات عشان تكتبي محتوى يشد القراء وينشط الخوارزميات فيساعد على انتشار المحتوى. *** مقدمة برامج لو بتجيدي الإلقاء فممكن تشوفي على يوتيوب الدورات المجانية الخاصة بالإلقاء وبالفويس أوفر عشان تعرفي أكتر عن المجال. *** دي أول خطوة بعدها، خطوة التسويق لنفسك وشغلك. لازم تعملي بورتفوليو بنماذج العمل سواء مقالات أو تسجيلات صوتية لمقالات أو قصص تاريخية، بحيث لما تقدمي على فرص العمل أو تنشري نماذج شغلك العميل يعرف أنتِ تقدري تقدمي إيه وهل تعرفي تعملي الخدمة اللي هو عاوزها ولا لأ. *** بعد البورتفوليو، عندك إما مواقع العمل الحر زي خمسات ومستقل ودي بتعملي حساب عليها وبترفعي البورتفوليو، في خمسات الناس بتشوف خدمتك وبتطلبها منك والأفضل لو عندك حساب على سوشيال ميديا تنشري الرابط بتاعك عشان الناس توصلك أسرع. وفي مستقل العملاء بيكونوا ناشرين المشاريع اللي طالبينها وأنتِ بتقدمي عليها وتحاولي تقنعي العميل يختارك من بين الكل. **** وفيه عندك خيار تاني وأقترح تعمليه سواء اشتركتِ في خمسات ومستقل أو لأ، وهو إنك تعملي حساب على لينكدن. دي خطوة مهمة جدا وهتساعدك توصلي للعملاء اللي مستهدفاهم... بتعملي الحساب وتكتبي المهارات بتاعتك وتنشري أعمالك وكتاباتك وتنشري كمان بوستات بمعلومات من خبرتك توصل للناس أنتِ تقدري تعملي إيه. وبتضيفي ناس من نفس مجالك ومن مجالات قريبة، وتتفاعلي مع منشوراتهم وتعلقي عليها، ده هيخليك معروفة ويسهل الناس تفتكرك لما تدور على شغل تبع مجالك. *** ممكن تقرئي إجابتي على السؤال ده، فيها روابط لدورة مهمة لعمل السيدات من المنزل من أكاديمية ابن سينا وكمان رابط قناة مفيدة جدا عن العمل الحر وهتعرفك الطريق الصحيح إن شاء الله. https://www.fedni.net/q/52847274/كيف-أجد-عمل-ا-أونلاين الأهم من كل اللي فات إنك تستعيني بالله وتتوكلي عليه وتدعيه دائما بالرزق الحلال وخرجي صدقات شهرية حتى لو بمبلغ صغير، وإن شاء الله ربنا هيبارك لك ويرزقك من واسع فضله. وبلاش تقلقي من ناحية الاحتياج للمال والشغل بصورة ملحة لأن التعلق الشديد والقلق بيعمل نتيجة عكسية ويؤخر الشغل والدخل. استعيني بالله وابدئي وإن شاء الله ربنا يوفقك.💚💚
تم النشر الخميس، ١٧ سبتمبر ٢٠٢٦
أهلاً بكِ يا صديقتي، وأشكركِ على مشاركتي أحلامكِ وطموحاتكِ بهذه الصراحة. أفهم تماماً رغبتكِ في عمل راقٍ ومحترم يناسب ظروفكِ كربة منزل متزوجة ولديكِ أطفال، ويمنحكِ حرية التحكم في وقتكِ دون التزام بساعات ثابتة أو شيفتات. كما أقدر حبكِ الشديد للكتابة والتاريخ والسير الذاتية ذات الروح والعبق التاريخي، فهذا شغف جميل يمكن تحويله إلى مصدر رزق آمن ومُرضٍ نفسياً. ابدئي بخطوات عملية بسيطة لبناء مساركِ في هذا المجال. أولاً، أنشئي محفظة أعمال (بورتفوليو) تضم مقالات أو سير ذاتية قصيرة كتبتِها بنفسكِ عن شخصيات تاريخية أو أحداث تراثية، حتى لو كانت للنشر الشخصي في البداية. يمكنكِ التركيز على كتابة محتوى لمواقع ثقافية أو مجلات إلكترونية تهتم بالتاريخ والتراث العربي والإسلامي، فهذا النوع من الكتابة مطلوب ويحترم قيمكِ. كما يمكنكِ البحث عن فرص كتابة سير ذاتية لشخصيات عامة أو مشاريع ثقافية، أو المساهمة في إعداد محتوى لبرامج إذاعية أو بودكاست تاريخية بطريقة مرنة (مثل تسجيل حلقات من المنزل في أوقاتكِ المناسبة). لجعل العمل مضموناً وآمناً، ركزي على بناء سمعة مهنية من خلال الالتزام بالجودة والأصالة في كتاباتكِ، وابدئي بمشاريع صغيرة تتطور تدريجياً. يمكنكِ أيضاً استكشاف فرص الكتابة الحرة في مجال التاريخ والسير عبر منصات عربية متخصصة في المحتوى الثقافي، أو حتى تقديم خدمات كتابة سير ذاتية للأفراد أو المؤسسات. تذكري أن الاستمرارية والتعلم المستمر (مثل تحسين مهارات الكتابة والتدقيق) سيساعدانكِ على النجاح دون الضغط على وقت عائلتكِ. أنصحكِ بالبحث عن أسئلة مشابهة على فدني للحصول على آراء إضافية من نساء أخريات في نفس الوضع. أنتِ قادرة على تحقيق ذلك، وأنا هنا لدعمكِ خطوة بخطوة.
تم النشر الخميس، ١٧ سبتمبر ٢٠٢٦
لعرض السؤال في فدني اضغط هنا