السلام عليكم ورحمه الله وبركاته
انا بنت عندي ٢٠ سنة
عندي في البيت مشاكل كبيرة ما بين اهلي وواصلة للانفصال وماما بقاله بتاع ٥ أو ٦ شهور سايبة البيت وحاليا رفعت قضية نفقة وعايزانا بس اهل ابويا وابويا مش عايزين يودونا ليها لأنها طالبة مبلغ علشان تاخدنا ويعتبر عفش البيت ما عدا أوضة النوم ودلوقتي بيعملو أنهم يقولو كلام لينا زي مثلا المحامي قال إن امكو مش عايزاكو وأنها طلبت نفقة علي نفسها بس ومش رافعة ليكو القضية هي عمتا قالتلنا من البداية أن النفقة بتاعتي وبتاعت اخواتي لازم احنا الي نعملها علشان احنا معانا بطايق وخصوصا انا علشان معدية السن القانوني ف يعتبر انا مسئولة عن نفسي حاليا انا نفسيتي متدمرة حرفيا وحاسة الدنيا كل شوية بتسوء وخصوصا أن ابويا عايز هو كمان زي ما ماما عملت قضية هو كمان يعمل فيها انا مقهورة عليا انا واخواتي واحنا مالناش ذنب وحياتنا هتقف ولو حتي اجي عريس أو حد سأل عليا دلوقتي أو فيما بعد هيقولوله أن أهلها كذا ويبعد احنا مفيش حد هيتأذي غير انا واخواتي وبالفعل بنتأذي كل يوم في غياب ماما عننا ومش بنشوفها غير كل فين وفين وانا طبعا الكبيرة في يعتبر شايلة البيت ومسئولية اكبر مني وخصوصا اني ف جامعة
مش عارفة اتخطي الأفكار السلبية وبقعد اعيط كتير وخصوصا أن في ظلم كبير لينا من ابويا وأهله ومش معترفين بأي غلط وجدو عارف كل حاجة وحرفيا في حاجات ابويا عملها متتعداش بالقانون بس جدو ولا مرة قاله انت غلط وابويا نفسه بيقولنا أن ماما زي ما مشيت ترجع وأنه معملش حاجة رغم سمعناه كذا مرة بيكلم بنات وبينكر ده وبيقول اصل بكلم واحد صاحبي وبيبررو الخيانة أنه شئ طبيعي وكل الرجالة بتعمل كدا وشايفين أن دماغي صعبة وكدا انا مش همشي ف جوازة بدماغي دي
وعليكم السلام ورحمة الله وبركاته. أولاً، أنا آسفة جداً للي بتمرّي بيه، وأقدر تماماً إن الضغط ده ثقيل عليكِ ومؤثر على نفسيتكِ بشكل كبير. أنتِ بنت في العشرين، شايلة مسئولية البيت والجامعة مع بعض، وبتواجهي ظلم وتلاعب من الجانبين، ده موقف صعب ومرهق، ومش ذنبكِ خالص إن الأمور وصلت كده. عشان تتغلبي على الأفكار السلبية دي، ركزي أولاً على اللي تقدري تتحكمي فيه: دراستكِ ومستقبلكِ. حاولي تخصصي وقت يومي ثابت للمذاكرة، حتى لو ساعة أو اتنين، عشان تحسي بإنجاز صغير يومي يعزز ثقتكِ بنفسكِ. كمان، اكتبي يومياتكِ بصراحة: اكتبي المشاعر والأحداث بدون فلتر، ده بيساعد على تصفية الذهن ويقلل من تراكم الأفكار. من الناحية الإسلامية، تذكري إن الصبر والتوكل على الله هما أقوى سلاح، فحافظي على صلاتكِ وادعي الله بفرج قريب، واستعيني بآيات مثل "إن مع العسر يسرا" لتذكير نفسكِ إن الوضع ده مش دائم. بالنسبة للمستقبل والزواج، ركزي على بناء شخصيتكِ القوية دلوقتي، لأن اللي هيجي يقدر قيمتكِ هيحترم ظروفكِ ومش هيحكم عليكِ بأخطاء أهلكِ. لو لقيتِ فرصة تتكلمي مع محامي موثوق أو جهة رسمية بخصوص القضية، اعملي كده بهدوء عشان تحمي حقوقكِ وحقوق إخوتكِ. أنتِ مش لوحدكِ في المعاناة دي، وكتير بنات مرّوا بظروف مشابهة ونجحوا في تجاوزها بالتركيز على أنفسهم. ابحثي عن أسئلة مشابهة على فدني عشان تشوفي تجارب أخرى وتستفيدي من وجهات نظر إضافية. أنتِ قوية، وهتعدي الفترة دي بإذن الله، ولو عايزة تتكلمي أكتر أنا هنا.
تم النشر الاثنين، ٢٤ أغسطس ٢٠٢٦
أمك المنتصرة حاليا في القضية صح ؟
تم النشر الاثنين، ٢٤ أغسطس ٢٠٢٦
جدو مش موجود من زمان وتيتا اصلا خايفين منها أنهم يرحولها تفضحهم في المكان وتطلب ليهم النجدة زي ما قالت ومع ماما بس بتقولها استني اخوكي وخالو اصلا بيقولها ارجعي ونمضي عليه شروط الي اتعملت اصلا قبل كدا ومعملش بيها
تم النشر الاثنين، ٢٤ أغسطس ٢٠٢٦
منا عارفة والله وبقول يارب يرجعلنا حقنا بالعدل مش اكتر من العدل بس واحد مش بيصلي غير الجمعة عايزة منه اي وشاكين في معلش في الكلمة أنه بيشرب حاجة معنه قدامي مش بيشرب السجاير بس طلع بيشرب سجاير عادي واحتمال حاجات تانية
تم النشر الاثنين، ٢٤ أغسطس ٢٠٢٦
طب امك معندهاش اخوات ؟ طب وفين ابوها وامها ؟ أي رأيهم
تم النشر الاثنين، ٢٤ أغسطس ٢٠٢٦
هو هيتحاسب دينيا علي دا أساسا
تم النشر الاثنين، ٢٤ أغسطس ٢٠٢٦
وتاني حاجة هو مش عايز يطلق علشان متاخدش ولا حاجة من حقوقها وقال تروح تخلعه معندوش مشكله
تم النشر الاثنين، ٢٤ أغسطس ٢٠٢٦
هي ماما معندهاش اي دخل ومش موظفة أنها تصرف كل الي بتعمله شغل ادوات كهربائية وبس وخايفة من نقطة أن اي حد يكون عايز يتقدم ويبعد لأن مفيش اب وجدي بيقول مش هتخرجو من هنا ده بيتكو رغم أن ابويا كتير قال غورو ف داهية والباب اهو مفتوح وكذا مرة يقولها بس الفكرة كدا هيرتاح لا هيصرف جنيه علي حد وهيرمينا ولا هيسأل فينا انتي فاهماني دي الفكرة كنت اقولك اه ممكن انا ادي دروس ف تخصصي بس الفكرة لسا فاضلي سنتين كلية وصعبة ف مش هعرف أوفق وف نفس الوقت مش عارفين نتأقلم من غير ماما
تم النشر الاثنين، ٢٤ أغسطس ٢٠٢٦
والله يا بنتي بصي انها تتطلق منه احسن من أنها تكمل عيشة علي القرف دا ، والرزق من عند ربنا وانتي منكم تستثمري أي هواية انتي بتحبيها وتشتغل عليها وتساعدي امك في المصاريف وتصرفوا علي نفسكم ، منكم تتعاوني انتي واخواتك الشباب وتشوفوا كل واحد بيتميز ب ايه ، انى اعرف واحده قريبتنا حرفيا جوزها اتجوز عليها والزوجة الثانية دي قالتله يطلق الأولي وطلقها ورماها هية وعيالها في الشارع ، رغم أنها وقفت معاه في الحلوة والمرة وظروفي مكنتش احسن حاجه وفضلت سنداه لحد لما جاب فلوس واتجوز عليها ، بعد م تطلقت بقا ، ابنها اللي كان عمره ١٧ أو ١٨ قالها يلا نمشي وأخذها وراحوا الصحراوي يعيشوا هناك ، واستغل علي نفسه بهوايات هو ببحبها وحرفيا والله بقا معاهم فلوس دلوقتي اقسم بالله حاجه تشرف ، رح بني لأمه بيت ما شاء الله وحالتهم المادية اتغيرت للأفضل بكتير اووي ، وتعرفي ابوه بقا مفلس مبقاش معاه حاجه بسبب مراته التانية دي ، والناس شفقت علبه فكلموا ابنه وقالوله يبعت لأبوه دخل كل شهر يقدر يصرف علي نفسه منه فقالهم ماشي معنديش مشاكل، فسبحان مغير الأحوال بجد .
تم النشر الاثنين، ٢٤ أغسطس ٢٠٢٦
وبيزلونا علي اللقمه ولي جبته ده وعيشو عيشة الناس الطبيعية وبلاش العيشة الي كانت امكو معيشهالكو وغلط ونجيبلكو فلوس منين والكلام ده بيت عيلة معانا احنا بس لقيت بيت عمه حرفيا تحتنا ومش بنعرف عنهم اي حاجة بس هم مركزين بس معانا اكتر من أنهم عايزنا نعيش ١٠ ايام شغل لابويا بيبات فيهم برا عادي ب ٨٠٠ جنيه عادي وهو ف الطبيعي بيديني ١٨٠٠ ل ٢٠٠٠ ولما نقول مش بيكفو بنطلع مبذرين واه بيظلموني كل شوية اني بدي فلوس لماما منهم علشان كدا مش بيكفو واني مش بروح الجيم وباخد فلوسه وبديهم لماما وحاجات كتير بيظلموني انا بالذات فيها وبتقهر حرفيا من الظلم ده
تم النشر الاثنين، ٢٤ أغسطس ٢٠٢٦
حرفيا فعلا معانا حاجات حرفيا تسجنه بس ماما علشانا احنا مش عايزة علشان مين هيصرف علينا وهو عارف كدا بس قلبه ميت خالص ومش هامه اهم حاجة شاغل دماغه ازاي تطلع ومينفعش وحرام شرعا انها تخرج طالما علي ذمته ويطلع منها كدا لا عيال ولا مصاريف ولا خسارة
تم النشر الاثنين، ٢٤ أغسطس ٢٠٢٦
عايزة أقولك كذا مرة ماما تمشي مرة من السنة الي فاتت بس هو راحلها واتأسفلها ورجعنا بعدها رمضان الي فات بقي كانت بتمسك تلفونه وتلاقي بلاوي ومشيت وكل ده كنا بنمشي معاها وكان بالعافية يبعت ٤٠٠ وكلام زي كدا وفي الاخر جدو يجي ليها ويقولها انتي عايزاه يطلع علي مئذنة ويقولك انا اسف وطلعو أن معموله اعمال وسحر واخدوه لشيخ وطلعو حاجات من بطنو وبتاع المرادي بقي مشيت واخدت هدومها ومأخدتناش في الاول اتخض بعد كدا بقي ف حاله برود هترجع علشان العياى
تم النشر الاثنين، ٢٤ أغسطس ٢٠٢٦
مع إن تعرفي زوجته دي أهلها يقدروا يودوه في داهية بس هية اللي رفضت
تم النشر الاثنين، ٢٤ أغسطس ٢٠٢٦
ف احساسك دا عرفاه لإني شفت المواقف بعيني
تم النشر الاثنين، ٢٤ أغسطس ٢٠٢٦
وفي الآخر علفكرة زوجته رجعت بعد م هو راحلها عند اهلها وقعدوا مع بعض اتكلموا وقالتله هرجع بس بشرط نطلع من بيت اهلك قالها ظروفي مش حلوه دلوقتي ، تعالي وعلي شهر ١ أو ٢ هكون جبت فلوس ونأجر بره، فوافقت ورجعت وشوفي احنا حاليا في شهر ٨ ومبنالهاش حاجه وقاعدة معاه مستحمله عشان عيالها قولنالها عيالك مش حبين العيشة قالت عشان بس خراب البيوت وكدا
تم النشر الاثنين، ٢٤ أغسطس ٢٠٢٦
اه بالظبط هو عارف انها معندهاش اغلي مننا وأن تيتا صعبة ومش هتقدر تقعد معاها ف مهما طالت هترجع غصب عنها وكلام قاله لخالتو أنه مش هيخليها تطلع من باب البيت واهلها مش هيدخلو ليها البيت
تم النشر الاثنين، ٢٤ أغسطس ٢٠٢٦
وكمان الشخص دا بيقول انه بيحبها
تم النشر الاثنين، ٢٤ أغسطس ٢٠٢٦
عايزة أقولك أهلي واخدين بعض عن حب ف ازاي بيبحبها ويعمل كدا ف فكر الناس
تم النشر الاثنين، ٢٤ أغسطس ٢٠٢٦
زوجته برده سابته وهو اخذ منها الأولاد بحجه يلوي دراعها عشان ترجع
تم النشر الاثنين، ٢٤ أغسطس ٢٠٢٦
وحتي اهل الشخص دا مش مغلطينه في حاجه رغم انه غلطان والناس عارفه كدا
تم النشر الاثنين، ٢٤ أغسطس ٢٠٢٦
حرفيا والدك شخصيته شبه نفس الشخص وربي
تم النشر الاثنين، ٢٤ أغسطس ٢٠٢٦
مواقف ضرب يعني ولا اي
تم النشر الاثنين، ٢٤ أغسطس ٢٠٢٦
عارفة الفكرة بيعرف يمثل اوي ويعمل نفسه بيعيط بقي والناس كلها مفكراه مظلوم وان ماما مشيت علشان الفلوس وهو من كتر ما بيمثل صدق نفسه حتي قدامنا يقول أنا مش وحش لي شايفني وحش انا طيب
تم النشر الاثنين، ٢٤ أغسطس ٢٠٢٦
احب اقولك اني شفت مواقف عملي من دي بعيني لبعض الناس🙂
تم النشر الاثنين، ٢٤ أغسطس ٢٠٢٦
لا بتعرف كل حاجة اول بأول وهي بتتواصل وبتقولنا علي كل حاجة برضو بتحصل معاها ومش عاجبها وكل ما تحكي لحد أن في ضرب وكدا بيقولولها بنته بس منكرش أن الناس كلها مغلطينه بس محدش بيتكلم حتي جدو يومها مقالهوش حاجة ولا عاتبه هو عم ابويا طلع علي صوت صويتي وكان برضو مش مغلطه اوي وكان بيقولي أن افتكرت عامله عاملة وبيضربك 🙂
تم النشر الاثنين، ٢٤ أغسطس ٢٠٢٦
أمك مقالتلكوش حاجه ؟ ، وانتوا محكتولهاش حاجه عن الضرب اللي بيحصلكم؟
تم النشر الاثنين، ٢٤ أغسطس ٢٠٢٦
اه وبقابلها كل كام يوم بنزل الجيم وبتنزل حتي لو اشوفها واخواتي كذلك كانو من وراهم ف الاول بس بقو عارفين وحاليا كل فترة بنقولهم هنروح مثلا نقعد يومين وكدا بس فعلا الوضع تقيل علينا جدا ربنا مش يحط حد مكانا بجد
تم النشر الاثنين، ٢٤ أغسطس ٢٠٢٦
بتتواصلي مع والدتك من وراهم ؟
تم النشر الاثنين، ٢٤ أغسطس ٢٠٢٦
انا الحمد لله متعلمة ورايحة تالتة كلية والحمد لله بتقدير كل ترم واخواتي واحد ف تالتة ثانوي وواحد ف تانية اعدادي وبنحاول نتعايش
تم النشر الاثنين، ٢٤ أغسطس ٢٠٢٦
الفكرة ضاغطين علينا جامد جدا وهو مش عايز يصرف لو روحنا لماما وبيقولنا دي عايزة العفش والمبلغ كذا وانا مقدرش اصرف المبلغ ده والفكرة أنه بيقبض مبلغ وطلع مخبي علينا حاجات كتير ومش بيدينا المبلغ كله وبيصحك علي ماما وعالطول مشيلنا هم أن مفيش ومعيش وحرفيا شيلو الهم معايا غير أن اصلا بني علاقة معانا وحشة اوي ولما كبرنا بقينا باردين معاه بسبب أنه خلاص اتبنت الحيطة وبيلومنا وخصوصا انا لانه ليا معاه موقف وحششش ومع ذلك محاولش يصلحه لا ده المعاملة بقت اوحش اني قولت ودافعت عن نفسي ولسا ضاربني لمجرد أنه شافني بعيط رد مني علي رد منه كان جايبني من شعري جر وكفوف لدرجة مكنتش بعرف لا احرك رقبتي ولا جسمي وف الاخر هو الي اتلوي ويقولولي محدش من ماما أو خالتو يعرف علشان الموضوع ميكبرش وعالطول قاعدة خايفة
تم النشر الاثنين، ٢٤ أغسطس ٢٠٢٦
انتي عاملة اي في دراستك ؟ وهما ؟
تم النشر الاثنين، ٢٤ أغسطس ٢٠٢٦
واحد زي دا من كلامك ، معلش محدش يقدر يتعايش معاه وخلي عيلته تنفعه
تم النشر الاثنين، ٢٤ أغسطس ٢٠٢٦
انا البنت الوحيدة والكبيرة والباقي ولاد
تم النشر الاثنين، ٢٤ أغسطس ٢٠٢٦
وعلفكرة هو لو رفع قضية هو كمان المحكمة مش هيبقا قدامها غير انها تخيَّركم انتوا الأولاد هتروحوا لمين امك ولا ابوكي لإنكم بلغتوا خلاص
تم النشر الاثنين، ٢٤ أغسطس ٢٠٢٦
ما هو عايزها ترجع بس ماما زي ما بيقولو فاضت مش قادرة تستحمل خلاص ومحدش شايفله غلط من أهله وكل حاجة ليها مبرر
تم النشر الاثنين، ٢٤ أغسطس ٢٠٢٦
عندك اخوات شباب كبار ولا كلكم بنات ؟
تم النشر الاثنين، ٢٤ أغسطس ٢٠٢٦
اكيد ونعم بالله بس الفكرة احنا كبار ٢٠ و ١٧ و١٣ يعني كلنا كبار
تم النشر الاثنين، ٢٤ أغسطس ٢٠٢٦
يعمل زي ميعمل إن شاء الله أمك الفايزة وهيروح يتذلل تحت رجليها عشان ترجعله
تم النشر الاثنين، ٢٤ أغسطس ٢٠٢٦
ربنا مش هينصر الظالم إن شاء الله
تم النشر الاثنين، ٢٤ أغسطس ٢٠٢٦
هو غصب عنه المحكمة هتوديكم لأمكم طالما أمك المنتصرة هنا
تم النشر الاثنين، ٢٤ أغسطس ٢٠٢٦
وغير كدا عايز يعمل قضية علشان تبقي قضية قصاد قضية وحاليا عامل توكيل للمحامي
تم النشر الاثنين، ٢٤ أغسطس ٢٠٢٦
اه اكيد الحمد لله بس هو رافض يديها اي حاجة حتي احنا لو عايزين نشوفها يبقي نروحلها لانه وبيقول لخالتو تبريني يعني متاخدش حاجة وتاخد العيال من غير مصاريف وكدا تمام
تم النشر الاثنين، ٢٤ أغسطس ٢٠٢٦
لعرض السؤال في فدني اضغط هنا