السلام عليكم, هو انا المفروض لما اجي اخش على محاضرة جديده اراجع على القديم ولا اعمل ايه... و اراجع على قد ايه عشان مضيعش وقتي في مراجعة قديم و اسيب جديد
بالعكس مراجعة القديم لا تقل اهمية عن مذاكرة الجديد و هتعرف/ي قيمة دة لما يجى وقت الامتحانات هتلاقى كل حاجة ملمومة و اللى واقع منك حاجات بسيطة جدا ممكن تخلى يوم بس للمراجعة او الافضل و دة عن تجربة و نتايجه مبهرة المراجعة بالعين فقط كدة عشر دقايق او ربع ساعة بالكتير قبل ما نبدأ فى مذاكرة محاضرة جديدة و بالذات لو مرتبطين ببعض
تم النشر الثلاثاء، ٢٥ نوفمبر ٢٠٢٥
المراجعه هي مجرد تاكيد فلو المحاضره الجديده بتاخد 3 ساعات مذاكره او اكتر خلي للمراجعه جزء بسيط في الآخر يعني مثلا قبل النوم ب 2ساعتين راجع القديم لانه مش هياخد مجهود انت المفروض كده كده حافظه وفاهمه واهم حاجه الصلاة عشان ربنا يكرمك بأعلى الدرجات، دنيا وآخرة إن شاء الله ♥
تم النشر الأحد، ٢٣ نوفمبر ٢٠٢٥
السلام عليكم، المراجعة مهمة وضرورية جدا، المذاكرة بدون مراجعة هتلاقي كأنك معملتش حاجة. المفروض المعلومات الأول بتخزن في الذاكرة قصيرة المدى ومع المراجعة بتتنقل للذاكرة طويلة الأمد فتثبت فلازم يكون فيه جزء ثابت للمراجعة في جدولك. *** الجدول وطريقة المذاكرة وتنظيمها يختلف من شخص لآخر وهيعتمد عليك. ممكن تخلي نصف الوقت لمذاكرة الجديد والنصف الثاني للمراجعة أو ثلث للجديد وتلتين للمراجعة، ده يرجع لك. *** للمراجعة، أقترح تمشي بنظام التكرار المتباعد https://www.ajnet.me/lifestyle/2023/1/3/التكرار-المتباعد-كيف-يساعد-في-تذكّر اللي هو بيعتمد على مراجعة المعلومات على فترات زمنية متباعدة، فيه منه نظام 2357 وهو إن المحاضرة الجديدة هتذاكريها أول ما تاخديها وبعدين تراجعيها اليوم الثاني ثم الثالث ثم الخامس ثم السابع ثم اليوم 14. المراجعة مش لازم يعني تاخد ساعات، مجرد قراءة المحاضرة والتأكيد على أهم النقاط والأجزاء فيها... مع كل مرة بتراجع فيها المحاضرة بيكون المرة اللي بعدها أسهل. ** هيفيد طبعا كتابة أهم الملاحظات أثناء الاستماع للشرح والمراجعة تكون مرة بقراءة سريعة للشرح من الكتاب ومراجعة دفتر ملاحظاتك. ** حل الأسئلة كمان طريقة من طرق المراجعة وبتساعد على تثبيت المعلومات وسرعة استدعائك لها وكل ما حليت وبحثت عن الحل اللي وقف قصادك كل ما هتثبت معلوماتك. ** فالخلاصة، لو مشيت بنظام التكرار المتباعد هيكون عندك جدول أصلا بمواعيد مراجعة المحاضرات القديمة... راجع التواريخ أمام كل محاضرة وراجعها في الوقت المخصص حتى لو هتعطي كل محاضرة منهم بس 10 دقائق تتذكر أهم المعلومات فيها. ** وبالتوفيق إن شاء الله.
تم النشر السبت، ٢٢ نوفمبر ٢٠٢٥
الخطوط العريضة هي العناصر الأساسية اللي بتقسم المحاضرة ، أمارات بتفكرك بالمجمل ، جمل صغيرة بتوضع عنوان لكل فقرة في نفس المحاضرة ،،، علامات أو إشارات خاصة بيك لوحدك تتعامل بيها مع عقلك عشان يفتكر
تم النشر الأربعاء، ٢٦ نوفمبر ٢٠٢٥
ممكن توضحلي اكتر حضرتك قصدك ايه بخطوط عريضة
تم النشر الأربعاء، ٢٦ نوفمبر ٢٠٢٥
اولا مع كل محاضرة لازم بتعمل خطوط عريضة واضحة و بسيطة و انت اللي بتعملها بنفسك و اللي بيها تتذكر في وقت قياسي و سريع كل الحاصل فيها و بتكون بترتيب اللي بيها لما تكون ناسي جزئية معينة تقدر ترجع للشرح بتاعها بسهولة من خلال المحاضرة الأساسية ،،، يعني بتعمل عملية ربط لمخك من خلال النقط المهمة أنه ينشط و يذكرك بالمحاضرة ... و النقط الأساسية دي تقدر تراجعها كلها قبل الدخول في أي محاضرة جديده و هتلم معاك الدنيا بسرعة ،،، و ربنا يوفق الجميع.
تم النشر الأربعاء، ٢٦ نوفمبر ٢٠٢٥
ذاكر القديم مع الجديد نص ساعه مراجعة و الباقي للجديد او جدول يوم كامل للمراجعة
تم النشر الثلاثاء، ٢٥ نوفمبر ٢٠٢٥
ممكن تخصص ٥ ايام ف الاسبوع يوم لكل ماده ف الجديد واليومين الباقين للقديم
تم النشر الاثنين، ٢٤ نوفمبر ٢٠٢٥
اذا كانت المحاضره جديده متعلقه بما فات او لو ذاكرتها مش هتفهم الا لما تذاكر الي قبلها او بالمعنى الاصح الماده الي بتذاكرها دي ماده تراكميه يبقا لازم تجيب الي قبلها الاول وتمشي بالترتيب لكن لو حاجه ملهاش علاقه اوي وتقدر تفهمها لوحدها خلاص اوكي ذاكر الجديد والقديم جيبه بعدين
تم النشر الأحد، ٢٣ نوفمبر ٢٠٢٥
لعرض السؤال في فدني اضغط هنا