عمري ١٧ عام في الصف الثالث الثانوي اعاني منذ الصغر من التنمر مشاكل اسرية بين والديّ رفض من جميع الجهات الا اذا كنت شخصا مميزا لم يقبلني ابي الا وانا الأولى على مدرستي لم تقبلني امي الا وانا امتص كل غضبها تجاه الناس كنت أنطلق كلما انضغطت لاثبت لنفسي انني لست كما يروني مجرد فتاة قصيرة القامة او كمايقولون صغيرة
اخترت الدراسة عن بعد هذا العام لتجنب الاحتكاك بالناس وسماع كلامهم المؤذي ولكن هيهات فإني دخلت العام وانا لا أريد أن ألتحق بالكلية حتى لا أرى أناس جديدة دخلت ولم يكن بداخلي ذرة وقود واحدة وتركت نفسي لأحلام اليقظة وإذ بي لا أستطيع أن أجلس ساعتين لأذاكر بعدما كنت أذاكر بالثمان ساعات اريد واجلس على الكتاب حتى احلام اليقظة هربت مني
لا أحد بجواري حتى هاتفي أثناء الدراسة اعترف انني احتاج لشخص يساعدني كصديق ندرس سويا ولكن لا يوجد ولا ادري ماذا أفعل الامتحان على الأبواب وانا لا استطيع الحراك
بصي ربنا مش مستني منك تبقي خارقة وإنتي مكسورة. هو عارف الظروف اللي حواليكي، وعارف إن. صبرك ده في حد ذاته عبادة. غيري فكرتك عن ربنا؛ هو مش واقف لك على الغلطة أو الدرجة، هو الرحيم اللي حاسس بيكي أكتر من نفسك. ابدأي وقولي يا رب أنا هحاول عشانك، وخليكي واثقة إن ربنا هيجبر بخاطرك جبر يتعجب له أهل الأرض. والضغوط اللي حواليكي دي أهلك، التنمر، كلام الناس هي ابتلاءات مش قدرك المحتوم. في الدين، الصبر على أذى القريب أجره عظيم جداً. اعتبري نجاحك في المذاكرة مش مجرد تعليم، ده جهاد عشان تثبتي لنفسك إنك غالية عند ربنا، وإن كلام البشر لا بيقدم ولا بيأخر في قيمتك الحقيقية. وبما إنك حاسة بوحدة ونفسك في صديق، جربي تخلي ربنا هو الصاحب. في وقت السحر قبل الفجر بمدة او حتى وإنتي قاعدة مخنوقة، اتكلمي معاه بالعامية، احكي له عن أحلام اليقظة اللي بتهربي ليها، وعن تعبك. ده هيديكي طاقة نورانية تكسر حالة الجمود اللي إنتي فيها. وانسي فكرة الـ ٨ ساعات مذاكرة دلوقتي خالص. الشيطان بيستخدم المثالية عشان يحبطك يا إما أذاكر يوم كامل يا إما بلاش. ابدأي بـ ١٠ دقائق بس بتركيز، وقولي يا رب دي ليكي. البركة بتيجي من الاستمرارية البسيطة مش من الكمية الكبيرة وإنتِي مضغوطة وجربي تسمعي رقية السكينة أو سورة البقرة بهدوء وإنتي بتذاكري، بتطرد التشتت وأحلام اليقظة وبتهدي النفس جداً. بعتذر عن الإطالة ، وجد ربنا يحفظك ويوفقك
تم النشر الاثنين، ٩ مارس ٢٠٢٦
بصي متخليش الدراسة مهرب ليكي من مشاعرك. فرغي مشاعرك بطرق تانيه صحية. انتي بتذاكري عشان تنجحي وثبتني نفسك لنفسك مش للناس. ولا لأهلك. وفكره ان باباكي عايزك علطول الأولى فده عشان هو عايز مصلحتك بس متحدديش قيمتك بانك الأولى أو لا. انتي انسانه عندك مشاعر مش آله هتقعد تذاكر طول الوقت. ولو قعدتي تكبتي مشاعرك هيجي وقت مش هتعرفي تبصي فيه للكتاب. لازم تفرفي بين المذاكره كوسيلة عشان توصلي لاهدافك. وبين انها قيمتك ولو فشلتي فيها فخلاص كده انتي بلا قيمه. ده غلط تماما. ومجرد ما تفهمي الفكره دي هتحبي المذاكره لأنها سلاح في ايدك مش عبء عليكي. بالتوفيق يا جميلة ❤️
تم النشر الاثنين، ٩ مارس ٢٠٢٦
أختي العزيزة، أشعر بألمك وثقل ما تحملينه منذ الصغر، وأنتِ قوية جداً لأنكِ وصلتِ لهذا العمر محافظة على نفسكِ رغم كل ذلك. أنتِ لستِ "صغيرة" أو أقل، بل أنتِ مميزة بجهدكِ السابق اللي خلّاكِ تدرسين 8 ساعات! الآن، الامتحانات قريبة، ونقدر ننقذ اللي باقي مع خطة بسيطة وعملية. خلينا نبدأ خطوة خطوة: 1. رتبي يومكِ الآن (ابدئي صغير عشان ما تهربي) : حددي مكان دراسة هادئ، بدون هاتف (ضعيه في غرفة ثانية). ابدئي بـ 10 دقائق فقط لمادة واحدة سهلة (مثل الرياضيات أو اللغة). استخدمي تايمر. خلصتِ؟ خذي مكافأة صغيرة زي فنجان شاي أو مشاهدة فيديو مضحك لدقيقتين. زيدي تدريجياً: اليوم 10 دقائق × 3 مرات، غداً 15 دقيقة × 4. كده ترجعي الوقود شوي شوي. 2. قاتلي أحلام اليقظة بالتركيز الإيجابي : قبل الدراسة، اكتبي 3 أشياء شاكرة لله عليها (مثل: "الحمد لله على عقلي اللي يقدر يتعلم"). هذا يغير مزاجكِ ويقلل الهروب. لو جات الأحلام، قولي لنفسكِ "بعد شوي" وقومي غسل وجهكِ بماء بارد أو امشي 30 ثانية في الغرفة. 3. استعيني بالله أولا: ادعي: "اللهم يسر لي ولا تعسر". اقرئي آية الكرسي قبل الجلوس، هي تحميكِ من الوساوس وتعطيكِ قوة. تذكري قوله تعالى: "إن الله مع الصابرين" – صبركِ ده هيجيب خير كبير. 4. للصديق الدراسي : في فدني، ابحثي عن أسئلة مشابهة زي "كيف أركز في الثانوي" هتلاقي إجابات من بنات زيكِ. كمان، شوفي صفحة الخبراء https://www.fedni.net/experts – في متخصصين في التنمية الذاتية والدعم النفسي يقدروا يساعدوكِ بجلسة خاصة. أنتِ مش لوحدكِ، والأزمة دي مؤقتة. ابدئي اليوم بالـ10 دقائق، وغداً هتقولي "نجحت!" أنتِ تستاهلي النجاح، يا قوية! 💪❤️
تم النشر الاثنين، ٩ مارس ٢٠٢٦
حبيبتي صلي واذكري الله كثيرا وادعي أن تستعيدي طاقتك و تركيزك و الله يهونك عليك أن شاء الله
تم النشر الأربعاء، ١١ مارس ٢٠٢٦
لعرض السؤال في فدني اضغط هنا