السلام عليكم
انا عندي 18سنه وطالبه ثانويه عامه السنه دي قصتي مرهقه نفسيا بالنسبه ليا جدا ومش عارفه اتجاوز كل الي حصل معايا من وانا صغيره كنت بتعرض لتنمر من اهلي امي وبابا وقرايبي وعندي اخت تؤام دايما في مقارنات بيني وبينها من وأنا صغيره كانوا بيحاولوا يلغوا شخصيتي وعايزيني اكون زي اختي في كل حاجه وكل التصرفات وانا دايما برفض كدا واقولهم انا حابه اكون نفسي مش حد تاني
كبرت ودلوقتي معنديش ثقه بنفسي نهائي وعايزه حد طول الوقت يقولي كلام حلو علشان يكون عندي ثقع بنفسي شايفه نفسي مش حلوه دايما بسبب الي كنت بشوفو وانا صغيره وبابا اكتر واحد آذاني نفسيا لانوا دايما بيجي عليا وعارف اني مأذيه نفسيا من وانا صغيره وعادي امتحاناتي قربت ومعنديش ثقه بنفسي رغم ان مستوايا حلو جدا بس دايما من قله الثقه بيجي في دماغي اني مش هقدر اجيب حاجه لان دايما كانوا بيقولولي انتي فاشله ومش هتجيبي حاجه
حاسه اني ضعيفه اووي ومش قادره اكمل حياتي احتياجي اني عايزه حد قريب مني طول الوقت بيخليني عايزه اقرب من اي حد واحب اي حد اعمل اي علشان اقدر ارجع ثقتي بنفسي وابقا قويه ومستناش كلمه كويسه من حد.
السلام عليكم ورحمه الله وبركاته طبعا من اكتر الحاجات المرهقه نفسيا ان يكون في احتياج عندنا واحنا صغيرين واهلنا مش بيوفروا لنا الاحتياج ده. احنا نفضل لحد الوقت اللي احنا هنقول فيه كفايه كده هنفضل مستنيين ان احنا نشوف منهم اللحظه اللي هما يكونوا بيدونا فيها اللي احنا محتاجينه. الحقيقه انه وارد انه الاب او الام يفوقه في لحظه ما ويشوفوا قد ايه هم قصروا في النقطه دي ويبداوا فعلا يدونا ودي هتكون النهايه السعيده طيب هي اه حاجه هتكون جميله ولكن مش هي الاحتمال الوحيد لانه في احتمالات اخرى والاحتمالات الاخرى بتقول انه ممكن لحد اخر يوم في عمرهم ما يتنبهوش للنقطه دي ولا يحاولوا يصلحوها طيب هل احنا هنفضل مرهونين بانتظار ان هم يدونا طبعا ممكن واحنا صغيرين واحنا اطفال نفضل قاعدين مستنيين لانه ما عندناش غيرهم لا حول لنا ولا قوة وما نقدرش نعمل حاجه غير ان احنا نفضل طول الوقت مستنيين ماما او بابا يدونا الاحتياج ده. في المرحله الخاصه بتمام النضج النفسي والذهني والعاطفي بتاع الاشخاص بيقدروا يقولوا خلاص كفايه كده احنا مش هنستنى ثاني ومعنى ان احنا مش هنستنى ثاني خلاص انا كده مش عايز حاجه من ماما وبابا لا طبعا انا هفضل طول الوقت بالنسبه لي هم اهم مصدر لاحتياجاتي. ** طب هقدر اعمل ايه بعد ما اكون ناضج وكبرت واقدر اقول خلاص كفايه كده مش هفضل حاطط نفسي في وضع الانتظار وعايزه اتحرك بنفسي لقدام اللي اقدر أعمله ان انا اقدر اشوف ازاي املى نفس الاحتياج ده ولكن بالطريقه الصح طبعا زي ما انت بتقولي انا بقى طول الوقت مستنيه انه حد يقول لي كلمه كويسه او ياكد علي ان انا حلوه او شاطره او اي حاجه. طبعا ده شيء طبيعي جدا طيب انا فعلا اعمل ده اه انا ممكن أبدأ اشوف مين من المحيط اللي حواليا بس المحيط الصح اللي اقدر ان انا املى منهم الاحتياجات دي بدون ما ده يشكل اي ازمه او مشاكل كبيره فيما بعد يعني انا مش هلجا لحد ما اعرفوش انا هبص على اللي حواليا هلاقي مثلا حد من صحابي دي انا بحبك كلامك وبحب قوي لما بتقولي لي على حاجه انها حلوه ده بيديني شعور حلو وابقى كده بعمل ايه ابقى كده قاصده اني اقول لصاحبتي انت مصدر للكلام الحلو واطلبه منها كده انا باخد اللي انا محتاجاه من غير ما اكون قاعده مستنيه المصدر الثاني اللي هو احتمال انه ما يعملش اي حاجه دي اول نقطة. ثاني حاجه بقى عشان نقدر نعدي الموضوع ده هو ان احنا نسامح اهلنا على تقصيرهم سامحهم على النقطه اللي هم فيها باحسن طريقه وارد جدا يكونوا كانوا كذا شايفين انه دي طريقه تشجيع ان دي حاجه عشان يخلونا دائما في احسن مكان او يتاكدوا انهم مطمنين علينا وانه نتائجنا في الحياه كويسه طبعا اه بغض النظر إن النتائج قدامهم مش كويسه وفي حاجه مش تمام لكن هم مش قادرين يشوفوا ده فاحنا هنسامحهم على قد ما هما مش قادرين يشوفوا الجزء السيء فين وفاكرين ان هم كده بيعملوا افضل حاجه احنا نسامحهم لانهم مش قاصدين ومش عاوزينا نكون في وضع سيء لكن هم كانوا بيحاولوا يخلونا في احسن وضع زي ما هم شايفين.
تم النشر السبت، ٢٦ أبريل ٢٠٢٥
8 قواعد لتصبح شخصاً لا يمكن زعزعته أبداًأتقن هذه القواعد، ولن يهزك شيء: 1. انظر في عيون الآخرين مهما كانوا.عيناك هما أقوى أدواتك لإظهار الاحترام الصامت. عندما تنظر مباشرة في أعين شخص ما وتحافظ على نظرتك، فإنك تظهر أنك واثق، مسيطر، وغير خائف.تجنب تحريك عينيك بشكل متوتر؛ فهذا يشير إلى انعدام الأمان. سواء كنت تتحدث، تستمع، أو حتى مجرد حاضر، حافظ على التواصل البصري المباشر. الأمر لا يتعلق بالترهيب، بل بخلق الثقة وإظهار القوة معًا 2. استجب بتحكم، وليس بعاطفة.ردود الفعل العاطفية تكشف عن نقص في ضبط النفس. عندما يتحدث إليك أحدهم، سواء كان ذلك مديحًا، إهانةً، أو تحديًا، خذ لحظة قبل الرد.هذا التوقف ليس ترددًا، بل هو خطوة محسوبة تمنحك وقتًا للتفكير والرد بدقة وهدوء. الرد البارد والموجز يعكس الثقة ويُبقي الآخرين متحيرين بشأن أفكارك.تذكر: الصمت غالبًا ما يكون أقوى من الردود المتسرعة. تميزك في ضبط أعصابك يجعلك مختلفًا في عالم مليء بالمتسرعين. 3. احمِ نقاط ضعفك.العالم مليء بأشخاص يستغلون نقاط الضعف. لتصبح شخصًا لا يُقهر، يجب أن تحمي نقاطك الحساسة كما تحمي درعًا.سواء كانت مخاوف، انعدام أمان، أو محفزات عاطفية، احتفظ بها لنفسك. بدلًا من الكشف عن نقاط ضعفك، اعمل على تقويتها في الخفاء.كلما قل ما يعرفه الآخرون عما يمكن أن يؤذيك، زادت قوتك في نظرهم. الضعف ليس عيبًا، لكن مشاركته دون حذر قد يكون خطيرًا. 4. تبنّ هدوءًا لا يُكسر.التوتر والذعر يظهران بسهولة. يمكن للناس أن يشعروا باليأس من بعيد. عندما تكون في موقف صعب، تصرف وكأنك معتاد عليه.حتى لو كنت محاطًا بالفوضى، فإن هدوءك يجعل الآخرين يرونك كشخص متزن وجدير بالثقة. القلق يُضعفك، لكن الهدوء يعزز هيبتك.يتبع الناس أولئك الذين يحافظون على برودة أعصابهم تحت الضغط. تعلم أن تتنفس، تهدأ، ولا تسمح للعالم برؤية توترك. 5. ارتدِ كما لو كنت مسيطرًا.مظهرك يحدد النبرة قبل أن تنطق بكلمة. ارتداء ملابس أنيقة ومرتبة، مع ساعة لافتة، يعزز حضورك فورًا.مظهرك الخارجي يعكس الانضباط، الاهتمام بالتفاصيل، واحترامك لنفسك. يعاملك الناس بشكل أفضل عندما تكون أنيقًا، وتشعر أنت بنفسك بثقة أكبر.تذكر، مظهرك هو درعك، والانطباعات الأولى أهم مما تتصور. 6. تحدث بوعي.التحدث ببطء هو إشارة خفية على الثقة. عندما تتحدث بسرعة، قد تبدو متوترًا أو غير واثق.عندما تبطئ حديثك، فإنك تُظهر أنك تقدر أهمية كلماتك، وتجبر الآخرين على الاستماع بانتباه أكبر.الثقة ليست في الصوت العالي، بل في الكلمات المدروسة. اجعل كل كلمة تنطقها ذات قيمة. 7. تحكم في وقفتك.كيف تحمل نفسك هو لغة بحد ذاته. السير بأكتاف مشدودة، وصدر مرفوع قليلًا، ورأس عالٍ يعكس الثقة دون الحاجة للكلام.وضعية الجسم تعبر عن القوة، الجاهزية، والاحترام للنفس. في المقابل، الانحناء يُظهر شعورًا بالضعف وقلة الأهمية.قف مستقيمًا، وستلفت الانتباه فور دخولك أي مكان. 8. تجاهل آراء الآخرين.أحد أكثر الأمور تحررًا هو التوقف عن الاهتمام بما يعتقده الآخرون عنك. القلق بشأن آراء الناس لا يفعل سوى تقييد إمكانياتك.عندما تعيش بأسلوبك الخاص ودون اعتذار، فإنك تمنح نفسك الحرية لتحقيق أحلامك دون الخوف من الأحكام.تذكر: أعلى الأصوات انتقادًا غالبًا ما تكون من أكثر الأشخاص عدمًا للأمان. كلماتهم لا تملك أي سلطة إلا إذا سمحت لها بذلك.5 قواعد للنجاح : 1 - لا يمكنك الفوز إلا عندما يكون عقلك أقوى من عاطفتك . 2 - الإنضباط يؤدي إلى العادات.. العادات تؤدي إلى الإستمرار ..الإستمرار يؤدي إلى النمو . 3 - إدارة الأموال أهم من الحصول عليها. 4 - كلما كنت أكثر هدوءأ كلما كانت أفكارك أكثر وضوحا تحرك باستراتيجية وليس بعواطف. 5 - الأعذار تجعل اليوم سهل ولكن الغد أصعب، الإنضباط يجعل اليوم صعبا ولكن الغد أسهل
تم النشر السبت، ٢٦ أبريل ٢٠٢٥
يا اختي الكبيره اي حد بيقولك كلام وحش ده شخص شايفك لعبه يجرحها وقت ما يحب اي حد شايف شكلك وحش تجاهليه عشان انتي شبه اختك وال اعرفه ان انهم بيحبوا اختك ف اكيد الشخص ده بيقولك الكلام ده بس كنوع من التنمر وعلى فكره انا فرحت انك عاوزه تكوني نفسك اما بالنسبه لي ثقتك في نفسك دي ف ما تقارني نفسك بغيرك كل واحد ليه نفسه وعيوبه و ميزاته و انا هنا عشان اشجعك تحققي ثقتك بنفسك عشان انا برضه بحاول أحقق ثقتي بنفسي بس لو ما هتقضري قوي ثقتك بالله و قربي من ربك و ما تشيلي هم الدنيا هي ما حياة الدنيا لهو ولعب و هي قصيره هتنتهي بسرعه ومش هيبقى غير الآخرة و افكرك ان آدم نزل الدنيا كعقاب فالدنيا عقاب و اختبار اما بالنسبه لي فراغك العاطفي فأنا مش عارفه اقولك ايه عليه عشان انا نفسي عندي فراغ عاطفي بس افكرك ان رغم انه عندي وعندك ما يدفعنا اننا نعمل علاقه او اي حاجه تانيه تمام، يارب اكون شجعتك تكملي الاختبار بتاعك و الله يوفقك و في رعاية الله
تم النشر السبت، ٢٦ أبريل ٢٠٢٥
وعليكم السلام ورحمة الله وبركاته. عزيزتي، أود أن أبدأ بتقديم الدعم لك واعتبري ما تمرين به تحديًا، وليس نقطة نهاية. من الواضح أنك قد تعرضت لمواقف صعبة من التنمر والمقارنات التي أثرت على ثقتك بنفسك. وهذا ليس من السهل تحمله، وبالتأكيد غير عادل. أولاً، يجب أن تتذكري أن لكل إنسان قيمته ومكانته، ولا يمكن المقارنة بين الأشخاص. أنت فرد فريد بشخصيتك، ومواهبك، وطموحاتك. التقدير الذاتي هو عملية مستمرة، ويبدأ من داخل النفس. من المهم أن تعملي على تغيير تلك الأفكار السلبية التي تجول في ذهنك. حاولي كتابة إيجابياتك ونجاحاتك، حتى لو كانت صغيرة. هذا سيساعدك على رؤية نفسك بشكل أكثر موضوعية وإيجابية. ثانيًا، بالنسبة لمشاعر الفراغ العاطفي التي تشعرين بها، من المهم محاولة بناء شبكة من الدعم حولك. قد يكون ذلك من خلال الصداقات أو الأنشطة التي تعكس اهتماماتك. حاولي الانخراط في الهوايات التي تحبيها، فهذه قد تكون طريقة رائعة لتكوني محاطة بأشخاص إيجابيين ولتكوني أكثر سعادة. أما بخصوص اختباراتك، فحاولي أن تتذكري أن تلك هي فرصة لإثبات نفسك. لا تدعي كلمات الآخرين تأثر عليك. كوني إيجابية، وضعي أهدافًا. حاولي تعليم نفسك أن النجاح ليس بالضرورة أن يكون في الشكل أو العلامات فقط، بل هو أيضًا في المثابرة والاجتهاد. إذا كنت بحاجة إلى مزيد من الدعم النفسي، يمكنني مساعدتك في البحث عن استشارات متخصصة أو مجموعات دعم في مجتمعك. تذكري دائمًا أن كل شخص يعاني من التحديات، ولكن الرباط والاعتماد على النفس هما مفتاحا التغلب. أنتي قادرة على تجاوز هذه الصعوبات، وأنا أؤمن بمقدرتك على تحقيق النجاح والسعادة. توجهي بالدعاء لله بدعوات صادقة، وكوني واثقة بأن الله معك. وفقك الله وجعل مستقبلك مشرقًا.
تم النشر الجمعة، ٢٥ أبريل ٢٠٢٥
شكرااا اووي علي الكلام دا فعلا بيفرق معايا شكراا ♥باذن بالله في وقت صغير هقدر اتخطي كل دا
تم النشر السبت، ٢٦ أبريل ٢٠٢٥
بصيانا جربت التنمر من وانا صغير من اهلي واصحابي بردو بس قدرت اتخطى دا واجهت ده انتى لازم تواجهي دا عن طريق انك تعملي اي حاجه تزود ثقتك بنفسك مثلا انت فحصه وفي حاجه مش فهماها وخايفه تسألي وقتها واجهي خوفك واسالي ثقتك بنفسك هتزيد مع الوقت كل مره تواجهي خوفك هي طوبه في بناء شخصيتك الي انت عايزاها مش إلي هما عايزنها اعملي الي انت عايزاه طلاما مابيغضبش ربنا ومش مخالف للعادات والتقاليد كوني نفسك ومتسمعيش كلامهم اذى الاهل دا اناعارف انه صعب جدا واكتر حاجه بتاثر في شخصيه اي حد بس في النهايه دول اهلك واكيد مش قصدهم يدمروكي هما كانو فاكرين انك كده هتبقي احسن سامحيهم لله وخديهم على قد عقلهم لو حاولو يتدخلوا فحياتك الشخصيه اقرأي كتير عن الثقه بالنفس. انت الحل عندك للمشكله دي حاجتين انك تقربي من ربنا لان دا هيوصلك لسلام وتصالح نفسي كبير والتاني انك تزودي ثقتك بنفسك وباين عليكي انك انسانه ناجحه وانا واثق انك هتقدري تتخطي دا وهتبقي حاجه كبيره فالمستقبل وانا عارف انك عندك احتياج للمشاعر والكلام الحلو بس اوعي تكلمي ولاد هتندمي العمر كله قاومي واستمري وحاولي تعملي صحاب وادعمي نفسك دايما قولي انا هقدر انا جميله انا حابه نفسي انا شاطره انا قويه دايما شجعي نفسك قولي لنفسك الكلام الحلو الي نفسك تسمعيه بعدين وربنا ييوفقك
تم النشر السبت، ٢٦ أبريل ٢٠٢٥
لعرض السؤال في فدني اضغط هنا