كيف اصلح علاقتي بالله دنيا كلها بايظه معايه ومش عارفه ارجع لربنا ومضغوطه بسبب فرحي ومبقتش اشعر بلذة طاعات ولا بستغفر زي الاول ومش حاسه باي حاجه ودايما حاسه اني في حاجه منعاني وبقيت بتساهل بالذنوب ومحسش بتأنيب ضمير ضايعه قوي عايزه نصايح عشان اعرف ارجع لربنا واصلح علاقتي واعرف اخطط لفرحي ونا مبسوطه واستعين بالله فكل اموري عشان ربنا يكرمني عايزه اكون قريبه من ربنا انصحوني
مرحباً يا بسمة، أشعر بصدق بما تمرين به من ضيق وحيرة، وفعلاً عندما تتعقد العلاقة مع الله، يبدو أن كل شيء في الحياة يتعب ويشوش على القلب. في البداية، أريد أقول لكِ بحنان: أنتِ لستِ وحدك، وهذه اللحظات الصعبة كثير من الناس يمرون بها، وهي أحياناً دعوة قوية للعودة لله بقلب جديد. لكي تصلحي علاقتك بالله تدريجياً وتبدأي تشعري بالسكينة والطمأنينة، إليك بعض الخطوات العملية: النية الصادقة: اجعلي قصدك واضحاً أمام الله أن ترغبي في العودة إليه بكل قلبك ونفْسك، وأنكِ تطلبين منه المعونة والمغفرة. ابدئي بخطوات صغيرة: لا تجبري نفسك على شيء كبير فجأة، مثلاً جربي قراءة آية أو آيتين من القرآن يومياً، أو الدعاء بأي كلمات بسيطة تخرج من قلبك. الصلاة: حتى وإن شعرتِ بصعوبة، حاولي المحافظة على الصلوات في أوقاتها، وحاولي أن تركزي في صلاتك ولو قليلاً، فالصلاة هي الرابط المباشر بينك وبين الله. التوبة والاستغفار: اجعلي عادة الاستغفار يومياً، واعتقدي يقيناً أن الله يرحمك ويريد لك الخير وأن باب التوبة مفتوح دائماً. ابتعدي عن مصادر الحزن: مثل الأخبار السيئة أو الأشخاص الذين يجرونك للتوتر، وحاولي أن تملئي وقتك بأمور ترفع من معنوياتك. التفكر في نعم الله: خصصي وقتاً لتذكري النعم التي حولك، حتى لو بسيطة، فهذا يعينك على الشعور بالشكر والرضا. اطلبي الدعم من الله دائماً: تواصلي معه بالدعاء، واطلبي منه أن يصلح حالك، حتى لو بالكلمات البسيطة التي تأتي من قلبك. ولا تنسي أن تفتحي قلبك لرحمة الله بلا خوف، فهو أقرب إليك من حبل الوريد. إذا شعرتِ أنكِ بحاجة لمساعدة أعمق، يمكنكِ زيارة قسم الخبراء في تطبيق فدني والبحث عن متحدث نفسي أو مدرب حياة متخصص، ليصحبك خطوة بخطوة. وأخيراً، أنصحك بالبحث هنا في فدني أيضاً لأن هناك الكثير من الأسئلة المشابهة التي تحتوي على تجارب ونصائح قد تلهمك. أنا هنا دائماً معك، وإذا حبيتِ نتابع سؤالك أو نوضّح أي نقطة، لا تترددي تسألي! دمتِ بخير يا بسمة، وربنا يصلح بالك ويهديك على طريق السعادة والرضا.
تم النشر الاثنين، ١٨ أغسطس ٢٠٢٥
اولا : ابتعدي عن ذنوب الخلوات و حاولي تحرمي نفسك منها يعني متمسكيش التليفون كتير أو تقعدي لوحدك . يعني يكون فيه انشطه يوميه تشتغلي عليها يعني مثلا تقعدي مع صحباتك أو تخرجوا سوا لمطعم أو تتمشوا سوا و تقعدي مع الاهل كتير الفتره دي ..دا إن كان فيه ذنوب خلوات. ثانيا : اسهل طريق لسهولة الطاعه و محو الذنوب هو ذكر الله يعني متبخليش علي نفسك في الذكر يعني تقولي مثلا بعد البوست دا سبحان الله و بحمده مش هياخد منك دقيقه حرفيا تخيلي انت عندك كام دقيقة في اليوم صاحية يعني مثلا ٨ ساعات نوم يبقي قدامك ١٦ ساعه يعني ٩٦٠ دقيقة و انت عملتي سبحان الله و بحمده ١٠٠ مره في دقيقة 🙂 ..و لو خلصتي الذكر دا قولي ١٠٠ برده لا حول ولا قوة إلا بالله ..عشان ربنا يقويك علي نفسك و يعينك علي فعل الطاعات صدقيني والله الذكر دا عظيم جداا جداا لابعد الحدود ..مجرد ما تقولي الاذكار دي هتلاقي النفسية ارتاحت شويه و هتبدأي تشوفي اذكار تانيه تقوليها و تشغلي بيها وقتك زي سبحان الله و الحمد لله و الله اكبر و لا إله إلا الله ... و سبحان الله و بحمده سبحان الله العظيم .. و عندك الاستغفار ..و الصلاة علي النبي ..والله الاذكار دي هتعيشك في جنه الدنيا بس لو لسانك بيقولها بكثرة و تمعن و تركيز و تقعدي تتأملي في خلق الله ..اسهل طريق علي فكرة للقرب من ربنا هو ذكر الله ...هحاول اقنعك ..دلوقتي انت لما تكوني بتحبي حد مش بتقعدي تتكلمي عنه و تفكري فيه كتيير!! ..و لما هو يعرف انك بتتكلمي عنه و بتفكري فيه كتيير هيحبك اكتر ..و لله المثل الاعلي ..انت لما تذكري ربنا كتير ربنا ..يبقاا ربنا بيحبك عشان هداكي و حببك في ذكره بس استمري عليها حتي و انت ماشية في الشارع أو رائحه لاي مكان بره البيت و انت قاعدي في البيت و هكذااا. معلش بقاا عارف إن الرد كان طويل شويه بس والله اول الطريق عشان تقربي لربنا و دا واللي كان حصل معايا حرفيا هو ذكر ربنا عشان امسح الذنوب لإنها كانت بتثقلني عن طاعة ربنا و برده حاولي تجبرني نفسك علي الدعاء و تقولي يا رب تهديني انا مليش غيرك .. و تذلي نفسك لربنا ...الله عزيز يبنتي مش تقولي يا رب تهديني و انتي بتفكري في الطبخ أو البطاطس أو تفكري تجربي الدعاء مع ربنا .لا.لا .. ادعي ربنا و انت متأكده أنه استجاب ليكي يعني تكوني مطمئنه و بعدين الحمد لله انك مسلمه ..يعني ربنا بيحبك 😅 و اختارك من مليارات البشر عشان تكوني مسلمه ... اهم حاجه دلوقتي ذكر ربنا الدعاء الصلاة و حاجه ورا حاجه هتبدأي تقربي لربنا و تفعلي طاعات كتير انت مكنتيش تتوقعي انك في يوم من الايام هتعمليها ..بس لما تقطعي الذنوب اقطعي مره واحده و خليكي واخده قرار حاسم مش متردده و هعمل الذنب دا بكره او بعده أو بعد اسبوع او حتي بعد شهر او شهرين سنه ..القرار قرار و تجبربي نفسك عليه عشان تبقاا صادقه فعلا في التوبه اسأل الله لكي الهداية و انا يوفقك في زواجك و يسعدكم و يرزقكم الذرية الصالحه 🤲🏻🫡 و يا رب مكنش طولت في الإجابة
تم النشر الاثنين، ١٨ أغسطس ٢٠٢٥
السلام عليكم ورحمه الله وبركاته. يعني هناك على تجربتي الشخصيه لما الدنيا بتبوظ كده بجدد الناس يعني انا بحس انه تجديد النيه ده بيفوق البني ادم كده وبيخليه يعمل ريسريش كده لاي حاجه ممكن تكون استلت في الطريق بتاعه قبل ما اعمل اي حاجه لازم اجدد نيتي فيها انا بعمل ده ليه انا رايحه المشوار ده ليه انا نيتي منه ايه الاول هبقى بفكر بشكل مادي او بشكل دنيوي اللي هو انا رايحه عشان اخلص الحاجات بتاعه الفرح لا انا عايزه نيتي نيتي انا مش عايزه النيه بس تبقى الفرح انا عايزه ان هي تبقى عشان انا بقى اعد نفسي اني اوفر بيت جميل بيت اقدر اعيش فيه مرتاحه واحقق غايه ربنا من انه يكون بيت مسلم ااا اخلي فيه الزوج مرتاح انا اكون انا فيه مرتاحه ونقدر ان احنا نعين بعض على الاوقات الصعبه اللي انا عملت ايه انا جددت النيه طب انا جددت النيه في انهي اتجاه اتجاه ربنا واحده واحده هبدا الاقي نفسي ان انا اسعى اني اعمل بسنه الرسول عليه الصلاه والسلام اللي هي الزواج انا نيتي هنا ان انا اسعد قلب امي انا نيتي هنا ان انا اعمل بيت مسلم صالح انا نيتي هنا ان انا اكون مبسوطه فلما اكون مبسوطه اقدر اشكر ربنا على النعم اللي عندي وهكذا اعدد النعمه عدد النيه في كل حاجه انا اعمليها من اصغر الحاجات لاكبر الحاجات من ساعه ما تصحي من النوم وان شاء الله ان شاء الله تشوفي اثر عظيم ربنا ييسر لك الاحوال وتتجوزي على خير الفتره دي بتكون ضغطه عشان بيكون فيها حاجات ماديه كتير حاجات بتربطنا بالدنيا كتير عايزه اخلص ده واشتري ده واعمل ده واشوف ايه اللي ناقص واتوتر جدا ومش قادره اقبل بان حاجه تبقى ناقصه وعايزه كل حاجه تطلع باحسن شكل وعايزه احسن حاجه فالحاجات بتشدنا ناحيه حاجات دون دنيويه من غير ما نحس بنبعد عن الامور الروحانيه. في حد نصحت التعليقات ان انت تاخدي فولو مع نفسك وانا انصحك جدا جدا عشان تحسي بالتوازن مهما عملتي بالمشاوير خلي فيه وقت ولو ربع ساعه انت قاعده فيهم على المصليه حتى لو مش بتدعي حتى لو مش بتصلي حتى لو مش بتقرئي قران مش بتعملي اي حاجه بس الوقت ده هو وقت انت قاعده في سكون. ومستشعره معايا ربنا بس ربنا دلوقتي في اقرب وضع ليكي وانت في اقرب وضع لربنا ممكن تسجدي ممكن تقضي الوقت ده وانت ساجده لانه اقرب موضع ما بين العبد وربه وهو موضع السجود ممكن تعملي كده واستشعري بس حتى لو ما دعيتيش بحاجه حتى لو ما قلتيش اي حاجه ولكن استشعري بس انك هنا في اقرب نقطه لربنا حتى لو ده مش وقت الصلاه حتى لو لا قدر الله عدى عليك اليوم وانت وقعتي الصلوات بتاعت اليوم اعملي برده الموضوع ده هيفرق معاكي جدا ان شاء الله. طول ما انا بتكلم انا نيتي واتجاهي كله ناحيه ربنا يبقى خلاص انا رجعت تاني كل الوصلات اللي لها علاقه بعلاقتي بربنا اا تجديد النيه حاجه مهمه جدا جدا تعداد النوايا حاجه عظيمه جدا يعني بلاش تكون نيتي حاجه واحده انا. عايزه نيتي.
تم النشر الثلاثاء، ١٩ أغسطس ٢٠٢٥
أولا الدعاء كتير أدعي لنفسك كتير وافضل اوقات الدعاء في الثلث الاخير من الليل صلي ركعتين وادعي كتير أن ربنا يهديك ويردك للطريق المستقيم ثانيا الصحبه الصالحه اللي بتعين على الطاعه يعني يبعتوا لبعض صليتوا طيب تعالوا نحفظ تعالوا كل واحدة تشرح صفحه من كتاب السيره النبويه والشخص النضيف من قلبه هو اللي يشوف الناس كلها احسن منه لانه عارف هو بيعمل ايه في الخلوات وميعرفش الناس ربنا يردنا الي طريق الهدايه
تم النشر الاثنين، ١٨ أغسطس ٢٠٢٥
ركعة وتر
تم النشر الثلاثاء، ١٩ أغسطس ٢٠٢٥
ادخلي غرفتك ليلا.... صلي ركعتين... طولي السجود..... طولي الدعاء.... لكن دعاء عبد مرمي علي عتبتة العبودية.
تم النشر الاثنين، ١٨ أغسطس ٢٠٢٥
Jhjjh. انا حقيقي بعمل كدا وعامله ورد يومي وبصلي شفع والوتر مشكلتي اني بقيت مش حاسه بلذه الطاعات الاول كنت بعملها ونا مبسوطه دلوقتي حاسه كاداه عباده وكمان مبقتش اصلي قيام الليل زي الاول واحينا مش بقرا الورد اليومي.
تم النشر الاثنين، ١٨ أغسطس ٢٠٢٥
جربي كدا تصلي كل صلواتك وتخلي وقت لذكر الله وبعدها قراءة ورد من القرآن على قد ما تقدري ما يوم صفحه صفحتين وقبل ماتنامي صلي الشفع والوتر وادعي ربنا بكل حاجه تتمنيها هتلاقي نفسك مرتاحه عن تجربه إنك تأدي العبادات دي حاجه مريحه جداً وعلى فكره هتلاقي ليهم وقت لان أصلا مش بياخدوا وقت كبير لا والله جربي كده ومش لازم كله ورا بعضه يعني على مدار اليوم حاجه حاجه هتلاقي نفسك مرتاحه أنا بعمل كده وبحس إن دي احلى حاجه في اليوم وهحاول استمر على الشفع والوتر وعادي أصلا كلنا لازم نحاول اصلاح أنفسنا واحده واحده وكل حاجه هتبقى كويسه طول ما ربنا رزقك نفس مش حابه المعصيه والبعد عن الله ف دي نعمه كبيره اوي وربنا يريح بالك يارب.
تم النشر الاثنين، ١٨ أغسطس ٢٠٢٥
لعرض السؤال في فدني اضغط هنا