السلام عليكم
والله الايام دي عندي ضيقة رهيبة
انا عيلتي كانت الامور تمام والحالة المادية ممتازة جدا
مؤخراً الحالة المادية بقت سيئة وطلباتي وطلبات اخواتي زادت ربنا يعين اهلى مش بيقصروا بس فعلاً في فرق واضح في الحالة المادية بقيت فعلا طول الوقت شايل الهم وزعلان بسبب كدا ، كان نفسي أنزل اشتغل واساعد بس للاسف انا ف كلية عملية ولازم احضر واذاكر
بجد محتاج الناس الي هنا تقولي انا دايما متضايق ليه
السلام عليكم ....ربنا يبارك فى تربية اهلك الطيبة انت شاب محترم وحاسس بالمسؤولية وهى دى اللى مخلياك تبقى متضايق انت ممكن تساعدهم من غير ما تنزل تشتغل على فكرة ...تدور ع الاماكن اللى تجيبوا منها المتطلبات بسعر ارخص مثلا ودى تبقى مهمتك ومساهمتك معاهم ....تشيل عنهم المجهود البدنى او المشاوير تكلم اخواتك فانكم ممكن تتشاركوا بعض الحاجات عشان تقللوا الطلبات وهكذا كل ده هتحط كل جهدك فيه عشان تبقى استخدمت احساسك بالمسؤولية فى شىء ومتبقاش حاسس انك متكتف وان شاءالله اول ما تتخرج او حتى فى الاجازات تقدر تشتغل وتساهم معاهم وتوريهم ازاى انت مقدر التعب والظروف
تم النشر الاثنين، ٢٢ سبتمبر ٢٠٢٥
وعليكم السلام ورحمة الله وبركاته، اسأل الله ان يفرج همّك وان يرزقك من حيث لا تحتسب، اولا استعن بالله، وادعو الله ان يفك هذا الضيق، حاول العمل بعمل جزئي ولا يأخذ كثيرا من وقتك، مثلا تعليم دروس لطلاب بالابتدائي، لا تحتاج لتحضير تقريبا، ومثله العديد... ومن الكلام فهمت ان مسؤولية العائلة على ظهرك، ربما بسبب عدم وجود الاب لا اعلم، لكن احتسب الأجر عند مساعدتك لهم، جزاك الله خيرا ، فإنك مأجور حتى على تفكيرك بهم بإذن الله وطبعا من اهم الامور هو الاستغفار، اكثر من الاستغفار بجلسات طويلة، بلسانك وبقلبك، وستندم، ستندم انك لم تبدأ من قبل، وذلك من الانشراح والرزق الذي سوف ستراه بإذن الله...
تم النشر الأحد، ٢١ سبتمبر ٢٠٢٥
انا خريج كلية عملية ولو رجع بيا الزمن هشتغل وانا في الكليه انا شايف اصلا بالذات الكليات العمليه محتاح تشتغل بره الكليه انا عارف سحلت الكليه والله مثلا انا في مشروع التخرج كنت بخرج من الكليه اتنين بالليل في العادي ايام قبل التقييمات كنت بخرج ١١ ممكن قبلها بشويه بعدها بشويه وكان معايا ناس تانيه مش مديه الكليه نفس الاهتمام واشتغلوه مع الكليه اول ما اتخرجوه فتحوه مكاتب خاصه بيهم فالكليه مابتعلمش عاوز تتعلم اشتغل وشوف السوق الدنيا في ايه ساعتها هتشوف الكليه هتفيدك بي ايه وكمام معظم دول العالم الناس بتشتغل وهي في الكليه عشان تصرف على نفسها الموضوع مش سهل بس انت قبل الشغل مش انت بعد الشغل
تم النشر الأربعاء، ٢٤ سبتمبر ٢٠٢٥
بص يا صاحبي، أنا عارف إنك متضايق عشان.. مش قادر تساعد دلوقتي ، وده إحساس طبيعي جدًا. بس اسمعني: أهلك مش منتظرين منك حاجة غير إنك تركز في كليتك وتنجح . ده في نظرهم أكبر مساعدة ، لأنهم شايفين فيك غد أفضل . مش لازم تشيل فوق طاقتك ولا تحس إنك مقصر. الظروف دي مش بإيدك ولا بإيدهم، لكن إنت بتعمل أهم دور بتبني نفسك علشان تقدر بكرة تسندهم صح.
تم النشر الأحد، ٢١ سبتمبر ٢٠٢٥
وعليكم السلام ورحمة الله يا أخي، أولاً، أحب أقول لك إن مشاعرك هذه طبيعية جداً في ظل ظروف الضغط والتغيرات اللي مريت بها. مرورك بضيق نفسي بسبب تغير الحالة المادية وحملك لهموم عائلتك هو أمر يفهمه أي إنسان كريم ومحترم. خليني أساعدك بطريقة منظمة تبين لك خطوات عملية للتعامل مع تفكيرك وأحاسيسك: فهم سبب التفكير الكثيف أنت تشعر بالقلق لأنك ترغب في مساعدة أهلك لكن ظروفك الدراسية المحدودة تمنعك من العمل. هذا صراع داخلي بين مسؤولياتك ورغباتك، وده طبيعي جداً. تنظيم الأفكار حاول تخصص وقت بسيط يومياً – 10 إلى 15 دقيقة – تكتب خلاله كل أفكارك ومخاوفك بدون حكم عليها. هذا يساعدك تخرجها من داخلك ويقلل من ضغط التفكير المستمر. تخصيص وقت للتركيز على الدراسة لأن دراستك مهمة جداً لمستقبلك، حاول تضع جدول منظم يقلل من التشتت والتركيز على مهام معينة في أوقات محددة. هذا ينظم تفكيرك ويخفف الشعور بالعجز. تقبل الواقع والتأكيد على تحسن المواقف الله كريم، الظروف الحالية مؤقتة، والوضع المادي قابل للتحسن إن شاء الله. ذكّر نفسك بنعم الله التي ما زالت موجودة لديك. الاعتماد على الدعاء والصبر من أعظم ما يُعين على الضيق هو التوجه إلى الله بالدعاء وطلب العون، وأيضاً الصبر الجميل. الله مع الصابرين. تغيير نمط التفكير لاحقاً عندما تشعر بتزايد التفكير السلبي، حاول تشتت انتباهك بنشاط إيجابي أو حديث مع أحد أفراد العائلة، أو قراءآءة شيء مفيد، أو حتى مشي بسيط. أخيراً، إذا شعرت أن هذه الأفكار مستمرة وتؤثر على حياتك اليومية بشكل كبير، لا تتردد في استشارة أحد الخبراء في الصحة النفسية على منصة "فدني" من خلال صفحة الخبراء، فهم قادرون على تقديم مشورة شخصية تناسب وضعك. وأذكر نفسك دائماً أنّك لست وحدك، وأن الله لا ينسى عباده الصابرين. أنا هنا دائماً معاك، وإن احتجت أي دعم أو نصيحة، لا تتردد بالسؤال. هل تود أن أساعدك في تنظيم جدول يومي للدراسة وتخفيف التفكير؟
تم النشر الأحد، ٢١ سبتمبر ٢٠٢٥
اسأل نفسك سؤال انت بتروح الجامعة ليه علشان تجيب فلوس وتريح اهلك بعدين
تم النشر السبت، ٢٧ سبتمبر ٢٠٢٥
متفكرش وخليك في الحاضر وسبب المستقبل لرب الغيب وحاول تحوش من مصروفك ومتتحملش شئ فوق طاقتك واعلم أن الفرح والحزن والرخاء والشدة مش بيدوم دائماً فوقتا تعب وشقاء وقتا رخاء ورفاهية
تم النشر الاثنين، ٢٢ سبتمبر ٢٠٢٥
ممكن تشتغل وانت في كلية علمية عادي بتحصل والله بالعكس ده هيديك خبرة و قوة عن غيرك لما تتخرج ... شوف شغلانة par time و مش كل ايام الاسبوع واشتغلها بس خد اجازة ايام الامتحانات... و ياسلام لو عندك مهارة معينة و تشتغل بيها فريلانس ... قاعد في بيتكم و الشغل اونلاين فلوس أكتر في وقت أقل ... و الحلو في الفريلانس ان انت المتحكم في وقتك مش حد تاني متحكم فيك زي مدير او غيره ... شوف اي مهارة كويسة عندك واشتغل بيها علي مستقل او خمسات او أي موقع من دول ... متخفش مش هتسقط وظف بس وقتك صح و فرغ نفسك ايام الامتحانات ... و متخافش ع اهلك شدة و تزول زي غيرها و ربنا يعينك و تساعدهم... اشتغل ساعد حوش .... دير اموالك بذكاء ... مش هتنضر والله
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا