انا عندي حساب انستا كل ما انزل استوري تيجي حسابات +18 تشوف الاستوري بعمل حظر لهم وعملت الحساب برايفت الحساب يبقي بنت مابينا ناس مشتركه واقبله ومش كنت ببقى عارفه وبعد كدا يقلب الحساب +18 لغايه ما زهقت مسحت الحساب وعملت واحد جديد بردوا نفس المشكله انا عامله لغايه دلوقتي ل ١٥ حساب زي كدا حظر وحاليا مسحت الحساب وزهقت هل في حل ؟؟؟؟
السلام عليكم، بصي الأفضل إنك لا تقبلي أي حسابات لمجرد وجود أشخاص مشتركين بينكم. وبرأيي لا تهتمي بعدد المتابعين على صفحتك. المشكلة مش انستا بس، هتلاقي السوشيال ميديا أغلبها كده لما بتضيفي أشخاص لمجرد وجود أصدقاء مشتركين ممكن يكون بينهم حسابات مشبوهة وحسابك هيوصل أكتر للحسابات المشابهة فهيبعتولك طلبات. الأفضل تضيفي بس حسابات أصدقائك اللي عارفاهم أو تتابعي الحسابات اللي أنتِ مهتمة بها أو لو حساب مش عارفاه تابعيه لفترة خاصة لو قديم وبينشر من فترة فتابعي النشاط لفترة وتأكدي إنه مش مشبوه وأضيفيه بعد كده. لو حساب جديد ومش متأكدة منه، بلاش. ممكن يبقى زي ما بتقولي يقلب نشاط الحساب بعد كده. فالحساب اللي تشكي فيه سيبي الطلب معلق أو احذفيه. ** ابدئي نضفي حسابك حاليا من كل الحسابات المشبوهة واعملي لها حظر وبلاغ. ** ممكن تستعيني بأي تطبيق ذكاء اصطناعي وتطلبي منه يعطيك خطوات عملية لتجنب الحسابات المشبوهة وتحسين خوارزميات الانستا بحيث يبعد تماما عن محتوى +18. شغلي خاصية البحث على الانترنت عشان يجيب لك خطوات مجربة وعملية من الإنترنت. *** تابعي محتوى هادف وأشخاص بينزلوا محتوى كويس عشان ده بيؤثر على الخوارزميات وهيخلي المحتوى اللي بيظهر لك مناسب أكتر وبعيد عن أي محتوى سيئ أو إباحي. ** مش عارفة بالنسبة للحسابات اللي بتشاهد الاستوريز بتاعتك هل هي أصلا بتكون حسابات أنتِ أضفتها وهم غيروا الاسم بعد كده ولا حسابات أصلا مش ضايفاها ومع ذلك بيقدروا يشوفوا الاستوريز رغم إن الحساب خاص؟ لو الاحتمال الاول احذفي الحساب من المتابعين واعملي له حظر وبلاغ، لو الاحتمال التاني فحدثي التطبيق وراجعي إعدادات الخصوصية. وربنا يسهل وتقدري تحلي المشكلة دي من غير ما تحتاجي تعملي حساب جديد وتأمنيه من الأول خالص. بالتوفيق.
تم النشر الأحد، ٢٠ سبتمبر ٢٠٢٦
نعم، فيه حلول عملية تقدري تطبقيها عشان تحمي حسابك وتقللي المشكلة دي بشكل كبير. أول حاجة، خلي ستورياتك مقتصرة على "Close Friends" بس، مش كل المتابعين. كده هتقدري تتحكمي في اللي يشوف الستوري، ومتقبليش أي حد غريب حتى لو الحساب يبدو طبيعي في البداية. خدي وقتك في فحص الحسابات اللي بتطلب المتابعة، شوفي الصور والمنشورات والمتابعين بتوعهم قبل ما توافقي. تاني حاجة، استخدمي خاصية "Hide story from" عشان تخفي الستوري عن أي حساب مشكوك فيه، ولو لقيتي حساب +18 بيظهر، احظريه فوراً واعملي report لإنستجرام. كمان، جربي تغيير اسم المستخدم أو الصورة الشخصية لشيء أقل جاذبية للحسابات دي، ومتشاركيش روابط أو تفاصيل شخصية كتير. لو الموضوع مستمر رغم كل ده، ممكن تفكري في استخدام حساب خاص جداً للأصدقاء المقربين بس، أو حتى تقللي من نشر الستوريات مؤقتاً لحد ما تحسي بالأمان أكتر. أنا فاهمة إن الموضوع بيضايق ويخلي الواحدة تزهق، بس بالخطوات دي هتقدري تسيطري عليه تدريجياً. لو عايزة نصايح إضافية عن إعدادات إنستجرام، قوليلي!
تم النشر الأحد، ٢٠ سبتمبر ٢٠٢٦
متسخدميش انستا اصلا وإن شاء الله هترتاحي وهتعرفي بعد كده إنك من غير انستا انت في نعم كتيير
تم النشر الاثنين، ٢١ سبتمبر ٢٠٢٦
اعملي حسابك برايفت او نزلي الستوري close
تم النشر الأحد، ٢٠ سبتمبر ٢٠٢٦
لعرض السؤال في فدني اضغط هنا