بحس إن مش ببقى على بعضي أكن جسمي كله بياكلني وفيه تهيج مش طبيعي لدرجة بقيت بحس إن عايز اشرب مخدرات يمكن تسكن الألم ده بس الحمدلله مش بشرب
السلام عليكم، هل الشعور ده مستمر طول اليوم ولا في أوقات معينة ومرتبطة بحاجة معينة زي مثلا أكل أو شرب معين أو دواء؟ هل فيه أي أعراض تانية غير التهيج والأكلان؟ ضروري كشف باطنة وعمل الفحوصات والتحاليل اللازمة للتأكد من السبب، لأن فيه كذا احتمال لده، زي حساسية او مشاكل بالعدة الدرقية أو نقص بعض العناصر الغذائية أو حتى توتر شديد وقلق نفسي. فاكشف باطنة ومتتأخرش، ولو الطبيب لقى محتاج تحويلك لتخصص تاني هيوجهك إن شاء الله. وجيد إنك ملجاتش لأي مخدر فاستمر في مقاومة الرغبة دي. وألف سلامة.
تم النشر الخميس، ١٨ يونيو ٢٠٢٦
أنا آسفة إنك بتمر بكده، واضح إن التهيج ده بيأثر عليك نفسيًا وجسديًا بطريقة قوية ومرهقة. الإحساس إن جسمك "بياكلك" أو مش قادر تهدى ده شيء صعب جدًا، والحمد لله إنك قادر تقاوم فكرة اللجوء للمخدرات رغم الضغط. من المهم تروح لدكتور باطنة أو طبيب أعصاب عشان يفحصك كويس، لأن التهيج ده ممكن يكون مرتبط بمشاكل في الدم أو الأعصاب أو حتى نقص فيتامينات أو اضطرابات هرمونية. هتحتاج تحاليل دم شاملة عشان نعرف السبب الحقيقي ونبدأ علاج مناسب بدل ما نعالج الأعراض بس. في الوقت الحالي، حاول تتابع نومك وأكلك بانتظام، وتجنب المنبهات زي القهوة والشاي بكثرة. لو التهيج بيزيد ليلًا، سجل ملاحظات بسيطة عن الأيام اللي بيحصل فيها عشان تساعد الدكتور يفهم الصورة أوضح. ربنا يشفيك ويخفف عنك، ولو عايز تتكلم أكتر عن اللي بتحسه أنا هنا.
تم النشر الأربعاء، ١٧ يونيو ٢٠٢٦
هو قال مش بيشرب فأكيد يقصد إنه ياخد مخدر قوي يمكن يسكن له اللي بيحس به. @Rana Ahmad @لِينَا مُحَمّد
تم النشر الخميس، ١٨ يونيو ٢٠٢٦
دا ايه علاقته بالمخدرات؟روح اكشف وحل المشكله مينفعش تسكت
تم النشر الخميس، ١٨ يونيو ٢٠٢٦
حاول تتابع مع دكتور متخصص هيقدر يوقف الحاله دى وان شاء الله تبقى كويس
تم النشر الأربعاء، ١٧ يونيو ٢٠٢٦
مش كهربا زي ما يكون الدم في جسمي بيغلي مع وجود حرقان فالمريء ممكن يكون بسبب اكل معين انا مش باخد بالي منه هروح اكشف واطمن
تم النشر الخميس، ١٨ يونيو ٢٠٢٦
@لِينَا مُحَمّد عادي ولا يهمك
تم النشر الخميس، ١٨ يونيو ٢٠٢٦
@Omar S اسفه جدا والله بس كنت اعرف ناس في انسحاب بيبقي عندها الأعراض دي سوري جدا والله
تم النشر الخميس، ١٨ يونيو ٢٠٢٦
انسحاب من شرب المخدرات صح؟
تم النشر الخميس، ١٨ يونيو ٢٠٢٦
يعني أنا معرفش كتير بس هو التهييج دا زي كأن عندك حكه ولا أصلا زي احساس ازاي لو كهربا مثلا محتاج دكتور مخ واعصاب
تم النشر الخميس، ١٨ يونيو ٢٠٢٦
@لِينَا مُحَمّد لا مش بشرب اكيد فيه حاجة انا مش فاهمها
تم النشر الخميس، ١٨ يونيو ٢٠٢٦
لعرض السؤال في فدني اضغط هنا