انا نفسيتي تعبانه أنا عندي 23حاسه إن وصلت للاحتراق او ما بعد الاحتراق ماعتش عايشه قاعده مع نفس بقول هو أنا ازاي هتجوز وهكون عيله سعيده هو لسه هعيش دا كله
الموضوع بقى ممل وهو أنا ليه عايشه أصلا أنا تعبانه وماعتش عندي طاقه بربع جنيه احكي أنا بقالي 14 شهر بضيع
كنت بحفظ قرآن بصلي الصلاه بطعم الوقتي بصلي وخلاص كنت بجاهد وقعت والمره دي وقعت نهائي ماعتش عارفه أقوم وقفت حفظ قرآن الدنيا باظت علي الاخر تعبانه وبس مش حاسه إن عايشه
بصي يا حبيبتي كلنا يجيلنا يوم ونقع ونحس إنها نهاية الدنيا ونشوف الدنيا سودا ومبقاش فيها حاجة حلوة اللي انتي فيه ممكن يكون اضطراب نفسي أو عندك مشاكل او مريتي بحاجات صعبة عليكي ويمكن حصل عندك تراكم في مشاعرك واللي أكيد انها وسوسة من الشيطان - ومفيش حاجة اسمعها وقعت نهائي الانسان مش بيوصل للمرحلة دي غير لما يبقي في القبر لكن طول ما فيه النفس كل يوم بيمر بتحديات مرة ينجح ويثبت نفسه ومره يقع ويتعلم من غلطه لكن مهما وقع لازم يجي يوم ويقوم -رجعي ثقتك بنفسك وقومي كملي حياتك ارجعي للقران ولو 5 ايات كل يوم حتى لو تلاوة مش حفظ -اهتمي بنفسك اعملي عالم خاص بيكي في اوضتك حبي نفسك اعملي ماسكات اتفرجي على حاجة بتحبيها دوري على السعادة بنفسك متستنيش حد يسعدك وبكرة ربنا يرزقك بابن الحلال اللي يستاهلك هتحبيه وتتجوزي وتخلفي عيال زي القمر خلي دا تفكيرك خليه إيجابي مش سلبي وصلي وادعي ربنا يريح قلبك ويرجعك ليه ولطاعته -هاتي دفتر وفرغي فيه مشاعرك اكتبي انا حاسه بحمل على قلبي .انا مرتاحة النهاردة .انا النهاردة قرأت وجه من سورة البقرة .انا النهاردة حاسة اني حزينة -اكتبي كل حاجة المهم متكتميش في قلبك واتكلمي مع حد قريب منك سواء مامتك او اخواتك او اصحابك ولو حابة انا هنا هسمعك كمان.
تم النشر الاثنين، ١٧ نوفمبر ٢٠٢٥
وسايبة نفسك توصلى للمرحلة دى لي ؟.. صحتنا النفسية بتتكون مننا احنا.. وللاسف انتى سايبة نفسك... انا معرفش انتى مريتى ب اى ولا بحكم عليكى.. لكن جهاد النفس من الحزن والانهزانية صعب والله يعينك
تم النشر الاثنين، ١٧ نوفمبر ٢٠٢٥
ممكن تفاصيل للحاجة اللي تخليكي توصلي لكدا
تم النشر الاثنين، ١٧ نوفمبر ٢٠٢٥
الاحتراق النفسي ماعتش قادره اقاوم ولا اقف من تاني
تم النشر الأحد، ١٦ نوفمبر ٢٠٢٥
معلش مش فاهمة يعني وصلتي للاحتراق ممكن تفسير
تم النشر الأحد، ١٦ نوفمبر ٢٠٢٥
لعرض السؤال في فدني اضغط هنا