السلام عليكم انا 33 سنه متزوجه من 11 شهر ودي تاني جوازه بعد معناه وظلم في جوزتي الاولي اللي كانت تعتبر غصب معنوي من أهلي غير اني قعد بعد انفصالي حوالي خمس سنين من غير ارتباط وده بسبب اني اكتشفت بعد جوزتي التانيه والمشاكل اللي انا فيها حاليا اني في أذي كبير اويالله واعلم ايه هو بس مدمر حياتي سحر حسد الله واعلم وده بردو سبب فسخ كذا خطوبه وطلاقي اول مره مع تأخر الجواز وكمان الخلفه مع اني الحمد لله جميله ومؤدبه ومحترمه ومتدينه وبنت ناس وده بشهاده الناس كلها انا حكيت التفاصيل ده الاول علشان تردو عليا في مشكلتي من وجهه نظركو انا حاليا مع جوزي التاني ده انا اولا بحبو بس مبقتش فاهمه ايه بيحصل انا غلط ولا صح ولا جوزي بيحبني ولا لاء انا جوزي كان متجوز قبل كده ومعاه بنت بس للأسف الجواز كان بدل ولم اختو اطلقت رغم اني علي ما اسمعت هو كان مبسوط مع طلقيتو وبيحبها ومكنش عاوز يطلقها بس هي اختارت اهلها المهم انفصلو وحاول يرجع اهلو رفضو يعني علي ما اعتقد اتظلم من اهلو وطليقتو والاكلام ده من حوالي تلت سنين بس للأسف طليقتو متجوزتش لسه مخطوبه من اسبوع المهم اتجوزتو من 11 شهر كان حنين وكويس رغم كانت بتحصل مشاكل كتير بينا وعلي اسباب تافهه لحد ما اهلنا نصحونا نشوف في ايه لان احنا محدش غصبنا علي بعض بالعكس وجيت حملت بعد جوازي بشهرين كنا فرحانين اوي وكان اول حمل ليا بس للأسف نزل من غير اسباب بس الحمدلله شوفت شيخ بس بتاع ربنا اوي وقالي اني عندي حاجه مش هينه بتأذيني وهي سبب في نزول الجنين وتأخر الحمل وفعلا انا لم بسمع قراءان جسمي بيولع وحاجات بتحصل غريبه مع المشاكل اللي بقت صعبه مغ جوزي انا يعتبر بقيت كويسه بس جوزي بقاا اسوء بقاا في ضرب واهأنع ومعيره وبذات بعد والدو ما اتوفي علي فكرة امو قاسيه واخواتو البنات مش حنينين هما السبب في حاجات كتير حصلتلو ووالدتو دائماً منحازه لاختو الصغيره اللي كانت بدل معاه وواقفه معاها وعمر ما حصلت مشكله سواء صح او غلط وقالت الحق ولا عمري زعلت وطبطبت عليا ولا مشيت ومسكت فيا هيا ست جامده جدا ومتكبره هيا وولده وطبعه وحش استحملتهم علشان جوزي بس جوزي بقاا كمان قاسي وبقاا يقل مني ويشتمني ويهني ويقزلي غلطان اني اتجوزتك وهطلقك وطلقتي احسن ويتصل بوالدي علي اتفه الاسباب ويشكيلو ويشوهني حتي لو بالكدب مع العلم جوزي بيشرب حشيش وساعات بحس انو غصب عنو علشان جوزي وحيد ووالدو ساب كل الهم والمصاريف عليه وضغض عليه وامو ست مش حنينه وانا ساعات برد عليه وبقسي عليه بس احنا بئيتنا وتربيتنا مختلفه هو شغال سواق علي عربيتو ومبيعرفش يعبر وكمان والدتو ست لسانها سليط بالمعني الاصح بيئتو مش حلوه انا دلوقتي غضبانه عند اهلي علشان ضربني وهاني وعيرني وكمان بيسمع كلام امو هو مش وحش هو تايهه ولوحدو واتظلم وساعات بيخرج عن السيطره وبيتغصب اوي وبيتغير بس انا مبقتش عارفه اعمل ايه مبقتش قادره استحمل اهانه وضرب ويقل مني ويعيرني انا عند بابا بقالي شهر اتصل بابا وقالو كلام كدب وكمان راح لعمي قالو كلام كدب وللأسف والدي ووالدتي جايين عليا ومش طايقني ومش حابين وجودي وبيلموني ويغلطوني وهما طول عمرهم كده مش بينصفوني بي للأسف هو كمان عايرني بكده اني اهلي مش عاووني ولا عاملين ليت قيمه وللاسف عندو حق عاوزه اكلمو يجي يخدني بس مش عارفه ده صح ولا غلط مع اني اهلي موقفهم قصاد ضربي وشتمتي واهانتي معروف عادي هو مبيكرهنيش هو اتظلم وانا كمان اتظلمت بس هو غيري هو ضاع ومقربش لربنا وانا لازم استحمل علشان اغيرو واسلوبي يتغير معاه بس ينفع اتصل بيه رغم انو وحشني اوي ولا ده هيبقي غلط بس انا عارفه هو بس رجولي شويه حتي لو هيموت مش هيتصل بس هيرد عليا علي طول وانا كمان اول ما جيت عند بابا عملت ليه بلوكات علي كل حاجه بس علي الرقم لا وراح هو عمل كمان هو مبيتزلش وراجل اوي ولا يمكن يجي علي كرمتو انا تعبت من التفكير مش عارفه اعمل ايه وعاوزه اروح لبيتي وجوزي 😓💔
وعليكم السلام حبيبتى طبعا كل حاجة انتى اجتهدتة انك تشوفى اسبابها ودى حاجة جميلة ناخد بقى بالاسباب دى ونتوكل على الله عشان نغير التفاصيل الوحشة للاحسن باذن الله لو انتى راضية ومرضية بالضرب اللى حصل وسامحتيه من غير حاجة ..يبقى كلميه عادى لو فى نفسك شىء من قلة التقدير لنفسك...استنيه هو يراضيكى اى رجوع الحقيقة الافضل يكون بشروط عدم تكرار انتى جميل انك بتعذريه لاسباب كتير بس ده ميمنعش ان كل واحد عاقل وبالغ وهيتحاسب على افعاله ( انتى وهو ) فنكون مسؤولين ونشيل نتيجة افعالنا وقراراتنا لو قررتى تتحمليه بعيبه ده لحد ما ربنا يكتبله الهدايه ان شاء الله خدى كل الاسباب واتعاملى معاها ...اللى ليه حل وممكن يتغير امشى فى سكته. واللى ملهوش حل ...متركزيش فيه تانى تكلميه عادى بس تتفقوا على اللى جاى بدون تجريح وبشكل واضح
تم النشر الأربعاء، ١٨ أكتوبر ٢٠٢٣
مبدئيا جربي تتنازلي وتصالحيه الاول اعدي معاه وعرفيه كل نقاط تقصيره واسباب مشاكلكم وحاولي تقنعيه انه حر مع أهله بس ميضركيش انتي اللغبطه اللي جوزك فيها هتاخد وقت ويكون تمام بس عايز اقلك اوعي تكوني بتكدبي كدبه وتصدقيها يعني مثلا تقولي كويس ويطلع راجل صاحب حالات مزاجيه لازم تكوني عارفها كويس أو تقولي هيكون كويس وانت عارفه اخرت ده كله متتنزليش اوي عشان متبقيش مضطره ساعتها هتندمي لو عايد عليكي باذي نفسي وجسدي ومعنوي انا راي خدي خطوه مش عايز اقلك سيبيه بس علي الاقلل حطي النقط عالحروف
تم النشر الخميس، ١٩ أكتوبر ٢٠٢٣
اولا بالنسبه أن فيه حد عملك عمل وجو دا لا الكلام ده فارغ واسال سؤال انتي بتصلي ؟ لوبتصلي ومحافظة علي صلاة مفيش اي عمل والحسد وجو دا هيقدر يقرب منك . أما بالنسبة لجوزك علي فكرة هو بحبك بس هو موش بيعرف يعبر عن إلا جواة وكمان ضغوط الحياة صعبه وانتي كمان اكيد بتردي عليه في كلام غيرك انك بتمري بمرحلة صعبه وهي انك شكه انك محسوده وفيه اعمال وكان نفسك تخلفي ومحصلش نصيب فدا كلها كفيل أنه يأثر عليك وغير الحالة المزاجية بتعتك وياثر عليه بردو . بالنسبة للحشيش ، اهم حاجه ميكونش مدمن ودائما أسألي نفسك ،هو بحبك ، هو قريب من ربنا بصلي بحب الخير ضميرة صاحي بحترم عائلتك كل دا لازم تدور فيه في جوزك ، لكن انا من وجهة نظري انك تصبري كمان شهر عليه وعلي فكرة هو بحبك وهيحاول يقرب للصلح لكن فكره انك تكلامية ممكن بس بعد شهر اتقلي عليه وكمان انتي بتحبي بيتك ونفسك ترجعي ودي حاجه كويسه جدا جدا بس الصبر علشان برضوا يحس أن عندك كرامة ممكن بعد كده حد من أهلك يكلمه علشان ترجعي لكن انتي لا لا بلاش تكلامية.
تم النشر الخميس، ١٩ أكتوبر ٢٠٢٣
إن شاء الله ♥ربنا يعوضك 🙂
تم النشر الخميس، ١٩ أكتوبر ٢٠٢٣
بيشرب حشيش انت بجد بتحكي يماما اشتغلي ابعدي عن الكل واكيد مش هتكلم لازم يعرف قيمتك ويعرف قد ايه انتي مهمه وواقفه جنبو
تم النشر الأربعاء، ١٨ أكتوبر ٢٠٢٣
لعرض السؤال في فدني اضغط هنا