مش عارفه ابدأ منين بس انا دايما بعيط من غير سبب ودايما بيقولو عليه عيوطه كل حاجه بتبوظ
وحاسة إني وحيده وجبانه طول الوقت
االعياط هو طريقة صحية وطبيعية جدا لتفريغ المشاعر وكونك بتعيطى بشكل مستمر غدا معناه انك شخص حساس وطيب دى مش نقطة ضعفه ولا عيب لكن الحزن بشكل مستمر دا إلى ممكن يكون ليه اسباب ربما الوحده أو الجبن كما ذكرتي هقولك على تمرين بسيط تعمليه يوميا للتغلب على الجبن وهيخلصك من الوحده مع الوقت حاولى تتعرف على صديقه كل اسبوع أو تتواصل مع صديقة قريبه وتسأل عن أحوالها أو تقومى بزيارتها الأمر هيكون صعب فى البداية ولكن مع الوقت هتعتادى عليه وهيبقا جزء مهم فى حياتك وتعرفي تكونى صداقات كتير. باذن الله اسال الله العظيم ان يرزقك الخير حيث كان ويصلح لك امورك
تم النشر الخميس، ١٨ ديسمبر ٢٠٢٥
السلام عليكم ورحمة الله وبركاته ، انا أري ان هذه طبيعة النساء وليس هناك شيئ غير طبيعي. انتِ طبيعية من حولك هم من تجردوا من الفطره السليمه. ونسأل الله السلامه والعافيه.
تم النشر الثلاثاء، ١٦ ديسمبر ٢٠٢٥
ليه لفظ جبانه ليه منقولش رقيقه مثلا... مهذبه مثلا... صافيه قلباً وقالباً مثلا.... قبل ما نقول انها مشكله ممكن نجرب نبص من ناحيه تانيه ونشوف هل ده هيتغير ولا لأ.... العقل بيترجم المشاعر الي بنحسها وبيظهرها على سلوكنا بمعنى لو قعدتي تقولي انا جبانه انا جبانه عقلك هيقولك من عنيا هظهرك جبانه عشان مينفعش تحسي انك جبانه وماشيه تهزري وتنكشي الناس فاهمه؟.. عقلنا بيواكب الإحساس بالأفعال وده ببساطه لأنه عقل 🙄
تم النشر الثلاثاء، ١٦ ديسمبر ٢٠٢٥
متهتميش لكلام الناس الي بتقلل من مشاعرك ، انت بتبكي علشان في حاجة واجعاك لو ملقتيش حد يفهمك متهتميش . ربنا عارف كل حاجة بس حاولي تغيري نظرتك للأمور شوية وحاولي تفكري دايما في الناحية الإيجابية وحاولي متهتميش لكلام الناس
تم النشر الجمعة، ١٩ ديسمبر ٢٠٢٥
القرب من الله هيغير شخصيتك تماما صدقيني عن تجربه لكن عايزة توكل صادق وارمي الدنيا ورا ضهرك خليها آخر همومك وخلي الهدف الرئيسي القرب من الله والفردوس الأعلي اجعليه نصب عينيك على الدوام وعندها تأتيكي الدنيا راغمه ولا يصحبك إلا التوفيق
تم النشر الخميس، ١٨ ديسمبر ٢٠٢٥
أنا شايفة ان مافيش أي مشكلة كل إنسان وليه قوة تحمل وبيجي عند نقطة معينة وبينهار
تم النشر الأربعاء، ١٧ ديسمبر ٢٠٢٥
الطفولة لها دور رئيسي افتكري و هتلاقي السبب
تم النشر الأربعاء، ١٧ ديسمبر ٢٠٢٥
عادي الحزن عادي مش غلط الانسان طبيعي لما يحصل حاجة تحزنه او تضايقه طبيعي يحزن وسيبك من الي بيقول عيوطة لان اصلا غلط ان احنا نقول على حد لفظ زي ده يعني انتي مفيكيش عيب ولا حاجة غلط اصلا
تم النشر الثلاثاء، ١٦ ديسمبر ٢٠٢٥
لعرض السؤال في فدني اضغط هنا