السلام عليكم ورحمة الله
لو سمحت انا كنت عايز اسال ع حاجة
انا خلصت تالته ثانوي عام وتجوزت وخلفت وعايش سعيده
بس
انا لسه ماثر عليا مشوار الكليه وفي دماغي زاد مجبتش مجموع كويس حتى يدخلني كليه حلوة والايام دي حاسه فاشله ومنفعش في اي حاجه لاني فعلاً مش متطوره وبحس نفسي متأخره يعني بهتم ببشرتي وبحس مفيش نتيجه بحس مليش هدف في الحياه حياتي ممله
وانا نفسي اتعلم الاكل جديد ومكياج واتعلم انجليزي واقرب من ربنا وبحس عايز اعمل كل حاجة بس لما اجي اعمل حاجة بكسل
يعني من انا وفي تالته ثانوي جسمي بدا يحب الراحه اي حاجه فيها مجهود مبحبش اعملها بحس عايش من غير هدف مفيش جديد عندي فكرت اجيب كتب واحفظ كلمات انجليزي ممكن رد
و عليكم السلام بصراحة انتي مش محتاجة تنظير ولا نصايح معقدة انتي بس سايبة الروتين ياخدك وبتسميه كسل وهو في الحقيقة زهق وتوهان و تشتت من وقت تالته ثانوي لحد دلوقتي وده طبيعي جدا بعد ضغط كبير وبعدها جواز وخلفة فدماغك فصل شوية وحاسس إن مفيش حاجة جديدة تتحمس لها وكمان موضوع الكلية اللي مضايقك ده طبيعي يفضل مأثر عليكي بس برضه مش نهاية الدنيا ولا حاجة تقفلك باقي حياتك انتي دلوقتي محتاجة تعملي العكس تماما بدل ما تستني الحماس اعملي حاجة صغيرة غصب عنك حتى لو 10 دقايق في اليوم مش مهم ايه هي المهم تكسر الجمود واحدة واحدة هتلاقي نفسك بتفوقي ومش لازم هدف كبير دلوقتي خالص كفاية حاجة بسيطة بتاعتك انتي وسط يومك تحسي فيها إنك لسه موجودة ومش مجرد يوم بيعدي وخلاص و لو عندك اي تساؤلات ولا اي حاجه قوليلي وهرد عليكي وهحاول اساعدك وان شاء الله تستفيدي ( د اللي عرفت اقوله و ان شاء الله الأعضاء هنا يفيدوكي افضل من كدا كمان)
تم النشر الأحد، ٢٦ أبريل ٢٠٢٦
بصي الانسان لما بيضغط نفسه او يحس بضغط جي المخ عنده بيعمل انذار وانه لازم يتجنب اي مجهود الي أخره وبعدين النتيجة مش آخر الدنيا دي مجرد بدايه في حجات كتير بما إنك تزوجتي وكمان خلفتي ف سيبك من كل ده وركزي ازاي ابنك او بنتك يتربوا صح ابدا ركزي مع طفلك واهتمي بيه اهتمي ببيتك واهتمي بزوجك وسيبك من اي حاجة تاني خلي هدفك انك تتطلعي ذرية سويه وبيت صور عايزة تشتغلي على نفسك يبقى البحر يحب الزيادة اهتمي ببشرتك وشعرك وشكلك واهم حاجة الصبر لان الصبر مفتاح لكل حاجة برضو ممكن تثقفي نفسك تقرئي كتب او تذاكري لغة تفيدك او تاخدي كورسات او تنزلي تمرين رياضة مع طفلك انتي عملتي انجاز كبير جدا بكونك كونتي اسرة خلي شغلك الشاغل ازاي تكون أفضل اسرة وباذن الله متكون افضل أسرة وربنا يوفقك فحياتك ويصلح حالك
تم النشر الأربعاء، ٢٩ أبريل ٢٠٢٦
ربنا يوفقك في حياتك ... بصي عارف ان الكلام ده ممكن متقتنعيش ليه ولاني معرفش بيئتك عاملة ازاي بس فعلا كل مننا في الحياة ليه دوره ... عادي جدا تكوني ست بيت شاطره عادي جدا تطوري من نفسك في وقت فراغك بس حطي لنفسك أولوية في الحياة أولوياتك بيتك وجوزك غير كدا اي حاجة تانية متحطيش ضغط على نفسك انك تعمليها .. لو فعلا الشعور دا غالبك حاولي تتعلمي حاجة جديدة free lance مثلا او اي حاجة غير روتينية .. موضوع الكسل دا هيتكسر بعد اول مرة تقعدي فيها بجد تتعلمي هتلاقي متعة هتحفزك شوية .. سلام عليكم
تم النشر الاثنين، ٢٧ أبريل ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنتِ مش فاشلة خالص! خلصتِ ثانوي، اتجوزتِ وعندكِ أسرة سعيدة وأولاد.. ده نجاح كبير جداً. الشعور ده طبيعي بعد الزواج والأمومة، الجسم والعقل بيحتاجوا وقت يتأقلموا، وده مش تأخير، ده مرحلة انتقالية. الحمد لله إنكِ عارفة نفسك وعايزة تتغيري، ده أول خطوة للتقدم. حلول عملية للتشتت والكسل (ابدئي صغير عشان متزهقيش): حددي هدف واحد يومياً فقط : مش كل حاجة مرة واحدة. النهارده مثلاً: 10 دقايق حفظ 5 كلمات إنجليزي (استخدمي تطبيق memrise، سهل وممتع). بكرة: وصفة أكل جديدة واحدة بس. هكذا هتحسي بنتيجة سريعة وتستمري. اعملي جدول يومي بسيط مرتبط بالصلاة : بعد كل صلاة، خصصي 15 دقيقة لشيء واحد (مكياج، بشرة، قرآن). مثلاً: بعد الفجر اقرئي صفحة قرآن وادعي ربنا يقويكِ على الطاعة. ده هيقربكِ منه ويملى حياتكِ معنى. قاومي الكسل بالمكافأة : لما تخلصي الـ10 دقايق، كافئي نفسكِ بشاي أو حلى صغير. وتذكري قول ربنا: "وَمَنْ يَتَّقِ اللَّهَ يَجْعَلْ لَهُ مَخْرَجًا" – التوكل عليه هيفتحلكِ أبواب. للبشرة والمظهر : ابدئي روتين بسيط 3 خطوات (غسول + مرطب + واقي شمس) كل صباح، وتابعي النتيجة أسبوعياً، هتشوفي فرق. يا قمر، أنتِ مش متأخرة، أنتِ في بداية مرحلة جديدة أحلى. استمري كده خطوة خطوة، وهتلاقي حياتكِ مليانة هدف وفرح. لو عايزة أكتر تفاصيل، ابحثي في فدني عن أسئلة مشابهة أو روحي لصفحة الخبراء https://www.fedni.net/experts هتلاقي مدربات حياة زيكِ. ربنا يوفقكِ ويملى أيامكِ سعادة يا رب 🤲💕
تم النشر الأحد، ٢٦ أبريل ٢٠٢٦
حسنا يمكنني إفادتك قليلا بما أنني مررت بنفس الأمر تقريبًا؛ عندما انتهيت من المرحلة الثانوية كانت الأمور غير مستقرة تمامًا و الأيام كانت تمر بالبطئ كنت أحاول النجاة فقط؛ لـٰكن ما أريدك معرفته هو ألا تقلقي كل شئ يأخذ وقته لترجعي لسابق عهدك بنفس الروح المتلهفة و المثابرة و المنجزة خذي وقتك لا تثقلي على نفسك اذا كان شهر شهرين و حتى لو سنة يمكنك فقط محاولة العيش و الاستمتاع بيومك و ركزي في دراستك و مع عائلتك يمكنك اكتشاف مواهبك و تنميتها، مثلا أنا عندي موهبة الرسم و أحاول تشجيع نفسي على الأمر؛ الهوايات تساعدك على معرفة نفسك و الارتباط بها و مصاحبتها و تبعدك عن التشتت (و هذا ما تريدينه، أليس ذلك؟) إن حل التشتت هو: التركيز ... إبقي على تركيزك بكل ما أوتيتِ من قوة فقط التركيز اشغلي عقلك و وقتك بشئ واحد فقط لمدة معينة و حاولي ان تستثمري كل وقتك و جسدك و كل شئ فيه و لن تشعري بأنك تُسلبي أو وقتك يُنهب مِنك مهما كان الشئ: تعلم القرآن الكريم، تعلم الدين و أحكامه، علم معين في محط اهتمامك، موهبة معينة، عمل منغمسة فيه، اللغات ... و ما إلى ذلك
تم النشر السبت، ٢ مايو ٢٠٢٦
اكتب شرح للاستخدام الذكاء الاصطناعي
تم النشر الاثنين، ٢٧ أبريل ٢٠٢٦
تمام
تم النشر الاثنين، ٢٧ أبريل ٢٠٢٦
استخدامه سهل خالص. اهم حاجه ما تتعامليش معاه انه ذكي يعني او عاوزه حاجه بتوصفيها بالضبط عشان هو ما يخمنش ويدكي النتيجه اللي انتي عاوزاها. ممكن تتابعي قنوات يوتيوب بتشرحه زي غريب الشيخ . قناه اسمه اظه انفولجي التعليميه. اهم ملحوظه ان كتير من اللي بيتكلم عن الذكاء الصناعي بيهول منه عشان يحقق مشاهدات فاهم حاجه التجربه نفسها هي اللي هتوضحلك قدرته
تم النشر الاثنين، ٢٧ أبريل ٢٠٢٦
ازاي استخدم الذكاء الاصطناعي
تم النشر الاثنين، ٢٧ أبريل ٢٠٢٦
اتعلمي دينك. احفظي قران في حاجات كتير في الحياه تتعمل. في مثلا اكاديميه زاد لو عاوزه حاجه خفيفه. في البناء المنهجي لو حاجه اعمق . في الأزهر عامل حاجه في كل محافظه لتعليم الدين لو حابه يكون اوفلاين . ممكن تتعلمي انجليزي ولغات كتير ابرهيم عادل وغيره عاملين قنوات على يوتيوب . ممكن تتعلمي حاجات كتير جدا وتستخدمي الذكاء الاصطناعي كمرشد ليك
تم النشر الأحد، ٢٦ أبريل ٢٠٢٦
لعرض السؤال في فدني اضغط هنا