السلام عليكم
النهاردة عيد ميلادي، جتلي حاجة أول مرة تحصلي، بنت جارتنا لسه بداءه بال15 وانا 25 سنة فجأة احلوت بعيني، بس عمرها صغير انا تمام ك شغل وبيت، السؤال هنا 15 سنة سن مناسب للخطوبة لو الزواج بعد 3 سنين.
قصدي من دا انها تبدأ من صغرها معايا.
السلام عليكم، رأيي الشخصي، صغيرة جدا على خطوة الخطوبة. حتى لو هي من النوع اللي يبان أكبر من سنه، فهي في الحقيقة عقليا ونفسيا لسه مراهقة وفي مرحلة حساسة جدا، شخصيتها لسه بتتبني وأفكارها ومشاعرها بتتغير. *** ممكن لو تقدمت لها تتعلق بك، طبيعي مع القرب والكلام بينكم لكن هل تضمن إن مشاعرها تفضل ثابتة؟ هل بعد فترة مش هتحس بفرق العمر وإنه عامل اختلاف تفكير وأجيال بينكم؟ مين عارف حتى، ممكن إعجابك بها إعجاب لحظي عشان حسيت فجأة إنها احلوت، ومع الوقت يختفي الإعجاب أو مع القرب والتعارف متحسش بنفس اللهفة ولا الرغبة في الارتباط وتكتشف إنها مش الشريكة اللي كنت عاوزها. *** الثلاث سنوات فترة طويلة، هتفضل تتواصل معها وتقضوا الفترة دي مشاعر وكلام وتعلق؟ مش شايف إن ده صعب، غير إنه أصلا مش صح وهيعمل تعلق عاطفي والله أعلم لكم نصيب في النهاية مع بعض أو لأ. *** ولو بتدرس حاليا وقدامها ثانوي أو غيره فهي محتاجة تركز على ده لأنه هيفرق في مستقبلها سواء ارتبطتم أو لأ، وبالتالي مستقبلها معك ولو فيه أولاد بعد كده. الارتباط أكيد هيجيب مشاعر وتفكير وانشغال وممكن خلافات وده كله هيأثر على نفسيتها فالأصلح لها دلوقتي تتركها تركز في حياتها ولما تنضج نفسيا وعقليا وتفهم معنى الحياة والزواج ومسؤولياته يبقى ساعتها يكون الوقت المناسب. *** بعض الشباب عندهم فكرة "خدها صغيرة وربيها على إيدك" ودي فكرة مش لطيفة ولا صحية أصلا، بيبقى فاكر إنها هتفهم طباعه وهتتعلق به وهتبقى عجينة سهلة هو اللي مشكلها زي ما هو عايز وهيقدر يتحكم فيها ومش هتخالفه أو تعمل حاجة متعجبهوش، وده إن كان ظاهريا في صالحه لكن فعليا هو لا في صالحه ولا في صالحها ولا تعتبر علاقة صحية سوية. أرجو متكونش من النوع اللي بيفكر كده، بالنسبة لمقصدك من الجملة الأخيرة. **** الوقت مش مناسب لا لك ولا لها، فكر كويس في الموضوع من كل جوانبه ولو فيه ميل واهتمام بها فعلا فاختار مصلحتها وبلاش تشغلها، وركز في شغلك وتجهيز نفسك والاستعداد أنت كمان فكريا ونفسيا لمسؤوليات الزواج، ولو لكم نصيب مع بعض وقت إن شاء الله ربنا هيجمعكم في الوقت المناسب والأصلح لكم. بالتوفيق.
تم النشر الأربعاء، ٢١ أكتوبر ٢٠٢٦
وعليكم السلام ورحمة الله. أولاً، كل سنة وأنت بخير بمناسبة عيد ميلادك. بخصوص سؤالك، أنصحك بشدة بعدم التقدم للخطوبة في هذه المرحلة. عمر البنت 15 سنة يعني إنها لا تزال في مرحلة المراهقة المبكرة، وهي فترة يحتاج فيها الإنسان إلى النمو النفسي والعقلي والاجتماعي قبل أن يتحمل مسؤوليات الخطوبة أو الزواج. حتى لو كان الزواج بعد ثلاث سنوات، فإن فكرة "تبدأ معاك من صغرها" تحمل مخاطر كبيرة على الطرفين، لأنها قد تمنعها من تكوين شخصيتها بشكل طبيعي ومستقل. من الناحية الإسلامية، الزواج يشترط النضج والقدرة على تحمل المسؤولية، وليس مجرد بلوغ سن معين. الفرق في العمر بينكما (10 سنوات) كبير في هذه المرحلة، وقد يؤدي إلى عدم تكافؤ في الفهم والتوقعات. كما أن الجارة الصغيرة تحتاج إلى التركيز على دراستها وتطوير نفسها، وليس على التزام مبكر قد يضغط عليها. بدلاً من ذلك، ركز على بناء حياتك بشكل أفضل والبحث عن شريكة أقرب إليك في العمر والنضج، تكون جاهزة للزواج عندما تتقدم. هذا يضمن علاقة أكثر توازناً واستقراراً. لو كنت تشعر بجاذبية مفاجئة، حاول توجيه طاقتك نحو أنشطة مفيدة أو التفكير فيما تبحث عنه حقاً في الزواج.
تم النشر الأربعاء، ٢١ أكتوبر ٢٠٢٦
لعرض السؤال في فدني اضغط هنا