السلام عليكم
انا بنت فى تالته ثانوي عام علمى علوم فى اول السنه كانت درجاتي كويسه جدا وبذاكر كتير ومنظمة وقتى لحد ما كلمنى شب وكنا أصدقاء وكان بيساعدنى فى الدراسه لانه فى تالته كليه طب وحاليا انا معاه بس مستوايا بدأ يتراجع جدا فى الدراسه درجاتي بدأت تقل مش لاقيه وقت اذاكر والفكرة انى بحبه ومش هاين عليا ابعد مش عارفه اعمل اى بجد وخصوصا انى فى سنه مهمه جدا
أولا كده سيبي الولد لأنها علاقه محرمه أساساً حتى لو بيساعدك دراسيا ثانيا لازم تفوقي كده ل تالته ثانوي لأنها مش هزار ولعب أما مشكلة الدرجات ف حلها أنك تذاكري جامد جدا يعني ذاكري الضعف يعني لو ساعه تبقي 2ولو 2تبقي 4 لو تقدري على كده وبلاش تهتمي بحاجة إلا مذاكرتك وبس
تم النشر الأربعاء، ٢٦ نوفمبر ٢٠٢٥
السلام عليكم، أنتِ من نفسك ذكرتِ نتيجة علاقتك به. بيساعدك دي أولا حجة من الشيطان عشان يزين لك ارتباطك به وإنه احنا مش بنعمل أي غلط ده حتى بيساعدني ويشجعني. بس عامة لما المشاعر بتتدخل وخاصة في البدايات بيفضل العقل مشغول ومشتت وكل ما سيطرت المشاعر كل ما هتلاقيكِ تشتتي أكثر ودرجاتك قلت أكتر. فابعدي أحسن واقطعي العلاقة دي، لأن أولا أي علاقة أو ارتباط غير رسمي حرام في ديننا ولا يرضي ربنا. ثانيا، مستقبلك أهم بكتير فركزي في المرحلة دي عشان ممكن يتغير عليها حاجات كتير مستقبلا. ثالثا، المشاعر في المرحلة العمرية دي متقلبة ونادرًا جدا ما بتستمر وممكن قوي هو يتغير أو أنتِ تتغيري فتكوني أهملتِ دراستك على الفاضي في النهاية. فكري في مصلحتك ونفسك وربنا يوفقك إن شاء الله.
تم النشر الخميس، ٢٧ نوفمبر ٢٠٢٥
ي حبيبتي ركزي ف مستقبلك ده الأهم دلوقتي واكيد متفهمه احساسك ناحيته وكل حاجه بس لو محصلش نصيب انتي الي هتتعب واصلا ده كله حرام وغلط ف غلط فمتشليش الذنب
تم النشر الأربعاء، ٢٦ نوفمبر ٢٠٢٥
فيه جروب واتس بيعملوا جدول مذاكرة وبتدخلي معاهم سيشن وبنبقي بنات مع بعض بتفتح الكاميرا علي الكتاب وبيبقي معانا مشرفه بتتابعنا نظام ساعه مذاكرة وبريك احيانا بيبقي ربع او نص ساعه وبيتابعوا مع ولي الامر لو حابه ابعتلك الرقم
تم النشر الثلاثاء، ٢٥ نوفمبر ٢٠٢٥
السلام عليكم ـ اين المشكله لقد ذكرتي السبب والنتيجه والحل واضح.
تم النشر الثلاثاء، ٢٥ نوفمبر ٢٠٢٥
لعرض السؤال في فدني اضغط هنا