السلام عليكم
كنت محتاجه حد يفتيني انا عندي 23سنه مكنتش بخرج من البيت لوحدي بقالي 8 شهور بشتغل عند دكتور المشكله ان من معاملة الدكتور ليا حبيته و دا غصب عني انا عمري ما حبيت ولا كنت اعرف يعني اي احب وكده بس حسيت بشعور غريب لما بدأت اتعامل معه وللاسف هو متجوز وعنده عيال
وحاسه أن هو كمان معجب بيا واللي عرفته قريب أن هو عاوز يتجوز التانيه بسبب مشاكل عنده وكده انا عارفه أن دا غلط و مينفعش بس مش عارفه اعمل اي دا غصب عني والله صحيح هو عنده 40 سنه
حبيبتي،المتجوزين عمومًا بنخرّجهم من دماغنا أساسًا، ولا نعطي حتى فرصة لعقلنا يفكر فيهم، ودايمًا نحط نفسنا مكان أهلهم، يعني قبل ما تفكري في انجذابك له، فكري في زوجته، هل هتقبلي الأمر دا لو كنتي مكانها؟، تاني حاجة : أنت بنت في مقتبل عمرك ما شاء اللّه، ليه تحصري نفسك في حاجة زي كدا؟ ليه تقبلي تكوني زوجة تانية حتى لو افتراضًا؟ إن شاء اللّه الفرص قدامك كتير، وإن شاء اللّه ربنا يكرمك بأحسن، عشان أنتِ تستاهلي الأحسن! وعمومًا اللي أنتِ فيه دا نتيجة إن دا بتتعاملي معاه دايمًا، وإن دماغك مصور لك ان مفيش إلا دا، فحاولي تشغلي نفسك، ومتديلهاش فرصة تفكر فيه، ودايمًا فكري نفسك إن اللي يربطك بيه شغل، وبس، ولازم معاملتك تكون رسمية معاه بحيث لا تُعجبي بيه، ولا يُعجب بكِ لأن الموضوع صعب، وتقيل، ومش هتقدري على احتماله، دا لو افتراضنا موافقة أهلك ع الموضوع، بالتوفيق 💙
تم النشر الأربعاء، ١٧ ديسمبر ٢٠٢٥
السلام عليكم، نصيحة لو عاوزة مصلحتك فعلا، اتركي الشغل عنده واقطعي أي وسيلة تواصل ممكن يوصلك من خلالها. أولا، اللي انتِ فيه ده مش حب، ده مجرد انجذاب أو إعجاب وغالبًا السبب فيه راجع لحاجة من طفولتك أو حاجة ناقصاكِ مع الأهل أو الوالد تحديدًا فمجرد ما حصلتِ على اهتمام ومعاملة لطيفة من شخص أكبر منك انجذبت ِله وحبيتِ فكرة اهتمامه بك. كمان انجذابك ومراية الحب العامية بتخليك تشوفي صورة بس في خيالك لكن الواقع ممكن قوي يكون عكس ما أنتِ فاكرة. أنتِ حابة صورة أنتِ بس اللي شايفاها أو هو ظاهرها للناس ولكِ. فيا ريت تركني المشاعر على جنب وتفكري بعقلك... قبل ما تندمي بعدين. *** ثانيا، بعيدا عن فرق السن، ده شخص متزوج وعنده أولاد. فكرة إنه عاوز يتجوز التانية دي عشان مشاكل عنده غالبا بتكون مجرد حجج فارغة من الرجال عشان يوقعوا البنات في زواج تاني. ولو المعلومة دي مش وصلتك من كلامه معك شخصيا فاحتمال كبير أصلا يكون وصلت لك بتعمد منه عن طريق حد. ** أعتقد لو أنتِ مكان زوجته مش هترضي أبدا حد يكسر قلبك ويخرب بيتك عشان نزوة. وأيوه هي نزوة من ناحية الرجل (لو كان تعمد يعلقك به ويجرك لزواج تاني) حتى لو من ناحيتك كان فيه مشاعر صادقة. الحب مش كل حاجة ولا يستاهل نكسر قلب حد ونخرب بيت تاني عشان مش قادرين نتحكم في نفسنا. *** وعلى فكرة، كتير قوي من الرجال اللي بتعدد بعد فترة من الزواج الثاني بيمل ويرجع للأولى والثانية بتخرج خسرانة... حصلت في حالات كتير... حتى في محيطي شفتها للأسف. أنتِ لسه صغيرة وقدامك الحياة والفرص إن شاء الله. فبلاش ترمي نفسك في علاقة في الغالب هتخرجي منها خسرانة ومجروحة. ** عامة احنا نصحنا وفي النهاية القرار لك. ربنا يصلح لك الأحوال ويبعد عنك أي سوء.
تم النشر الأربعاء، ١٧ ديسمبر ٢٠٢٥
احيانا ما لديك لا يكون حب صادق وانما تعلق غير صحي بسبب الفراغ الذى تمرين به عليك بالابتعاد فترة ومحاولة التفكير بشكل عقلاني أكثر حتى لا تسبب لك المشاعر المندفعة مشاكل او تجعلك تقومين بخطوات غير مدروسه ولا تنسي صلاة الاستخارة واستشارة الأهل ومراجعة نفسك ومعرفة ما تتمنينه فى شريك حياتك هل هو متوفر فى هذا الشخص أم أنها مجرد مشاعر مندفعة واعجاب مؤقت اسال الله العظيم ان يكتب لك الخير حيث كان ويصلح لك امورك
تم النشر الخميس، ١٨ ديسمبر ٢٠٢٥
السلام عليكم.. انتي منجذبة بسبب ٨ شهور في البيت فعندك عطش نوعا ما وهو كذلك بسبب المشاكل اللي عنده .. فده شئ طبيعي .. عموما متفكريش فيه الا لو هو بادر .. والتزمي بعدم الخضوع بالقول وتذكري الآخرة دائما وإن الدنيا متاع الغرور .. وحاولي تعملي مشاعر ايجابية عن طريق الهوايات و تتقربي من حد بتثقي فيه من أهلك زي والدتك مثلا والتقرب ده يعني مش حاجة صعبة ولكن افشاء السلام والكلام وهكذا
تم النشر السبت، ٢٠ ديسمبر ٢٠٢٥
هو دا عامة عباره عن انجذاب مش اكتر بسبب الاختلاط + انك ممكن يكون اعجبتي بيه عشان هو كبير و بيعاملك باهتمام مش اكتر و دا نتيجه تقصير البيت و عدم الاهتمام و دا في سنك طبيعي انك عايزه الاهتمام دا و انتي حاسه انه زي والدك بس دا إعجاب مؤقت صعب يستمر وارد انه يكمل بس في الغالب لاء يفضل تصلي صلاه استخاره و لو انتي او اهلك ممكن يوافقوا خلاص عفي نفسك بس من وجهه نظري انك بعد صلاه استخاره تروحي شغل وعلى قدر الإمكان بلاش اختلاط و خلي في الاعتبار فرق السن الرهيب بينك و بينه و حاجات كتير جدا الشخصيه و التفكير و الاهل و الحاله الاجتماعيه و كل دا يبان انه مختلف و مفيش غير انه حنين و طيب مش اكتر و دا سبب الانجذاب مش اكتر البيت مش بيقوم على حاجه واحده بس عشان لو اتغريت مع العشره الموضوع هيكون صعب و مؤقت فهماني
تم النشر الأربعاء، ١٧ ديسمبر ٢٠٢٥
فيه ضوابط وأحكام وحدود للاختلاط عشان ميحصلش مفاسد زي دي..
تم النشر الجمعة، ١٩ ديسمبر ٢٠٢٥
اه تمام شكرا جزيلا لك
تم النشر الأربعاء، ١٧ ديسمبر ٢٠٢٥
لعرض السؤال في فدني اضغط هنا