سلام عليكم
انا مسلمه سنيه الحمدلله
بس للاسف احيانا بحب اسمع اللطميات الشيعيه مش فاهمه ليه رغم ان هي فيها كلام شرك كتير بس مش لاقيه تفسير للموضوع
السلام عليكم، أعتقد في الغالب السبب راجع للموسيقى نفسها أو طريقة التلحين والإلقاء وصوت المؤديين، حتى صوت الضربة (اللطمة على الصدر مثلا) بتعمل كمان تأثير على الإلقاء. من كلامك تقريبا انتِ مصرية فساعات أصلا اللهجة كمان بتكون مختلفة وبعض الكلام مش بيبقى واضح ومع ذلك بتتأثري وده اللي بيرجح إن التأثير راجع للحن والإلقاء مش أكتر. والإنسان طبيعي بتثيره وبتحركه النغمات بالأخص لو فيها شجن وحزن وبتلعب على عواطفه. ** عن نفسي لاحظت ده لما كان بيمر قُدامي مقاطع ولقيت إني أصلا مش بركز مع الكلام لكن اللحن والإلقاء بيشد وأحيانًا مش بيحصل انجذاب وبيحصل زي انقباض في قلبي ونفور تجاه البعض ويكون برضه بسبب اختلاف الإلقاء أو حتى انتباهي للكلام اللي بيتقال فنفسيًا مش بقدر أقبله، فبقيت أتجنب أصلا أسمع أي حاجة تقابلني منها حتى لو كلام عادي وملوش دعوة بمعتقدات شيعية. وده اللي أنصحك به تجنبًا لأي مفاسد أو وقوع في شبهات أنتِ في غنى عنها. ممكن تشوفي رابط السؤال ده https://islamqa.info/ar/answers/146334/حكم-الاستماع-لاناشيد-الشيعة-اذا-خلت-من-المنكرات واحنا كمسلمين عامة المفروض بنحكم الشرع حتى لو هوانا مال لحاجة، زي مثلا إنك تحبي أو تميلي لحاجة معينة وتكون حرام فتمنعي نفسك عنها وده معنى التسليم لله. تحياتي.
تم النشر الثلاثاء، ٢٢ يوليو ٢٠٢٥
وعليكم السلام وارد جدا تكونى بتميلى ليها فى وقت الحزن لانهم بيمارسوا فيها طريقة تعبير ( اللطم ) وانتى ممكن تكونى عاوزه تعبرى بيها بردوا بس معرفتك بحرمانيتها موقفاكى او بيوقفك عقلك انك كده هتأذى نفسك
تم النشر الثلاثاء، ٢٢ يوليو ٢٠٢٥
حولي تركزي على القرآن والسنه لأن ممكن الشيطان يكون بيلعب معاكي وعايز يخرجك من الإسلام فمتدوش الخطوة دي انك تسمعي ليهم
تم النشر الخميس، ٢٤ يوليو ٢٠٢٥
الصراحة لطمياتهم ممتعة وحركاتهم والأصوات المتسقة ونبرة الغناء الحماسية .. فببساطة بتسمعيه للتسلية .. ولكن ده شئ لازم تتخلصي منه لأن نحن كسنيين لا نتشرف بسماع هذه الشركيات .. فأوجدي لنفسك روتين معين كالرياضة والهوايات
تم النشر الخميس، ٢٤ يوليو ٢٠٢٥
عليكم السلام ، حاولي تشغلي نفسك ويومك ، راجعي أولوياتك ، ادرسي عقيدة وفقه وحديث .. متفكريش في الموضوع انشغلي بغيره من الأمور
تم النشر الأربعاء، ٢٣ يوليو ٢٠٢٥
و لكن علي نيتك ان تكون بأنك ستعالجين الأمر حتي لا تستمعي الي ما يخالف دينك و قيمك. بنية عبادة و طاعة لله. و ادع الله ان يساعدك و استغفري بعد كل جلسة استماع لها لتقللي من الذنوب. و ايضا النية بالحل مهمة. و اكتبي في البحث"طريقة للتعبير عن المشاعر المكبوتة". جربي لعلها تغني عن ما حَرُم.
تم النشر الأربعاء، ٢٣ يوليو ٢٠٢٥
هقلك علي معلومة نفسية. أعرف شخصا يستمع الي اناس يصرخون او "بيزعقوا" و هو عادة بيكون لانه غاضب او انه حزين و يشعر بإختناق داخلي. في العادة لانه مكبوت. لنركز علي كلمة "مكبوت" و لو لم تصدقيني فكان حتي يسمع هلاوس لناس تبكي ( رغم انه لا يستمع ابدا لاغاني او اشياء بها بكاء!) و لكن هذا من الكبت الداخلي. علينا ايجاد طرق افضل. لمساعدتك علي التعبير. بدلا من اخبارك بأنك عاصية في سماعها و السلام!
تم النشر الأربعاء، ٢٣ يوليو ٢٠٢٥
اشغلي نفسك بحاجة تانية بتحبيها و استعيذي واستغفري
تم النشر الأربعاء، ١٣ أغسطس ٢٠٢٥
اذا للمختصر. تذكري: سؤالك ليس دينيا بطريقة مباشرة بل نفسيا بسبب فقد شخص. فيحدث نوع من التعجب او عدم الفهم او اللاشعورية. فإلتقتك تلك "اللطميات" لتسلط الضوء علي ما خفي من مشاعر دفينة و عميقة. ربما كان الغضب او الخوف من مواجهتها حاجزا بينك و بينها. المهم، ان تتذكري المشكلة ↑
تم النشر الأربعاء، ٢٣ يوليو ٢٠٢٥
انا رجعت. و الآن بعض المعلومات مهمة اولا اسئلة:هل كنتي تهتمين لامر والدك رحمة الله عليك او هل كان قريبا لقلبك ؟ ما هي ظروف موته ؟ هل كان به مرض في حياته ؟ هل تجدينه شخصاً صالحا؟ اه، نعم، ستسألين اليس في تلك الاسئلة تقليل من شأنه؟ كلا، انا فقط اريد ان افهم العلاقة نفسها. لافهم لما رد فعلك هكذا. فحسب...
تم النشر الأربعاء، ٢٣ يوليو ٢٠٢٥
حاضر. هبحثلك مخصوص عن طرق بسيطة لحل الكبت. حاضر
تم النشر الأربعاء، ٢٣ يوليو ٢٠٢٥
هي مشاعر مكبوته فعلا ومتراكمه وفعلا مش بعرف اخرجها مش عارفه اقولهالك ازاي بس انا بابا توفي من اكتر من شهر واحد دلوقت لسه ماعيطش ومش عارفه اعيط 🤦🤷 ومش لاقيه حل
تم النشر الأربعاء، ٢٣ يوليو ٢٠٢٥
لا مش بقرا شعر حزين او ابيات حزينه مانا لو كنت لقيت حل ماكنتش سمعتها ولا سالت 🤭
تم النشر الأربعاء، ٢٣ يوليو ٢٠٢٥
همممم، اذا ماذا عن قراءة شعر حزين ؟ او ابيات ادبية حزينة او الاستماع لها. و لكن ماذا عن حل مشاكل الحزن نفسها ؟!
تم النشر الأربعاء، ٢٣ يوليو ٢٠٢٥
مش بركز في الكلمات قد مابركز في اللحن واصوات اللطم المتسقه مع بعضها وبسرح انا في احزاني مع نفسي
تم النشر الأربعاء، ٢٣ يوليو ٢٠٢٥
طيب، و ما هي كلماتها التي تشعرك بانك مفهومة؟ او بالاحرى المشابهة لمشاعرك ؟ هل ممكن يكون فيه بدائل لنفس الكلمات من كتب أخري ؟
تم النشر الثلاثاء، ٢٢ يوليو ٢٠٢٥
بسمعها لما اكون حزينه للاسف
تم النشر الثلاثاء، ٢٢ يوليو ٢٠٢٥
ممكن فضول ؟ اسألي نفسك. قبل ما اسمع لها ما هو شعوري ؟ و انا اسمعها هل لدي افكار او مشاعر محددة؟ بعد السماع لها، هل تغيرت افكاري و مشاعري عن قبل ؟؟!
تم النشر الثلاثاء، ٢٢ يوليو ٢٠٢٥
لعرض السؤال في فدني اضغط هنا