الواحد حقيقي متضايق من كل حاجه مخنوق ومقفول حتى في وسط وانت بتضحك مخنوق حقيقي
بقيت بتعمل كل حاجه من غير إحساس كدا
شغل هزار ضحك يومك حياتك معاملاتك
بقت الحياه جافه اوي كدا ملهاش اي طعم حقيقي
حتى وانت مبسوط زهقان (مش عارف اشرح دي 😅)
شغال بلا هدف
حياه بلا هدف
حتى الواحد نفسيا مش مستقر في انه يعجب بواحده من عدمه ودايما بتعجب بفئه متأكد انها مش ليا
حقيقي قرفان من نفسي حاليا
السلام عليكم، راجع الفترة اللي فاتت وشوف إيه جد فيها، غالبا أنت بتمر بمرحلة احتراق نفسي، ممكن كان فيه تراكمات أو ضغوط زادت ومقدرتش تنفس عنها ومع الوقت وصلت للحالة دي. *** بلاش (قرفان من نفسي) دي، لأن أنت محتاج تفهم نفسك وتتواصل معها وتتفهم حالتها عشان تقدر تساعدها، محدش بيساعد حد بيكرهه أو مقروف منه. فراجع نفسك وأفكارك وتفهم مشاعرك وطبيعة الوقت اللي بتمر به ومتضغطش على نفسك بتغيير جذري أو إنك ترجع أفضل في وقت قياسي. *** ابدأ بخطوات صغيرة ولو بسرعة السلحفاة، المهم تكسر الدائرة دي وتخرج خطوة خطوة وإلا هتفضل تلف فيها وهتزيد باكتئاب ومشاكل أكبر. مفيش هدف؟ حدد هدف صغير وابدأ اتحرك تجاهه ببطء عادي، غير حاجة صغيرة في روتينك، هات دفتر واكتب فيه ولو حاجة وقت كل يوم فرقت معك أو خلتك تبتسم أو أدخلت سرور على قلبك مهما كانت صغيرة ولا بحجم ذرة. لما تبدأ تركز وتلتفت للإيجابيات الصغيرة في حياتك هتبدأ تخرج من الفتور وانعدام الطاقة والحياة اللي عندك. *** المهم، استعن بالله أهم حاجة ولا تيأس من نفسك، اعتبر الفترة الحالية مجرد كبوة وهتقدر تقوم منها بإذن الله. ابدأ وربنا معك ويوفقك. 💚
تم النشر الأربعاء، ٧ أكتوبر ٢٠٢٦
أنا مش عارف ديانتك بس هتكلم بصفتك مسلم أولا علاقتك مع ربنا، جرب تصلي ركعتين وقت السحر قبل الفجر بساعتين كده وكلم فيها ربنا إن يرزقك بهدف تمشي ليه في حياتك وبإذن الله الدايرة اللي أنت فيها هتتكسر ثانيا شوف أنت بتبسط نفسك بإيه، لأن فيه حاجات ممكن تبسطك حاليا وتملأ الفراغ اللي جواك بس لما تنتهي الفراغ هيرجع وأكبر من الأول، وأمثلة على الحاجات دي الموسيقى بكل أنواعها وطبعا الإباحيات والمخدات بكل أنواعها، الحاجات دي ممكن تملى الفراغ لكن بترجع تزوده تاني عن الأول وبتفصل هكذا في دائرة نهايتها لا يعلمها إلا الله، ولكنها مبتكونش نهاية حلوة أبدا وربنا يرشدك إلى ما فيه الخير
تم النشر الخميس، ٨ أكتوبر ٢٠٢٦
أنا آسفة إنك بتمر بالإحساس ده دلوقتي، واضح إنك حاسس بثقل كبير وفراغ داخلي مش سهل تشرحه. اللي بتقوله طبيعي لما الإنسان يحس إن حياته بتمشي على "أوتوماتيك" بدون طعم أو هدف، وده بيخلي حتى الضحك والشغل يبقوا مجرد أداء. أنت مش لوحدك في الشعور ده، وإنك قادر تتكلم عنه دلوقتي خطوة مهمة. خلينا نبدأ بخطوات عملية صغيرة. أول حاجة، حاول تكتب كل يوم 3 حاجات بسيطة عملتها (حتى لو كانت "صحيت بدري" أو "أكلت أكلة صحية")، وده هيساعدك تشوف إن فيه حركة حتى لو الإحساس مش موجود. تاني حاجة، حدد هدف صغير يومي أو أسبوعي مرتبط بقيمك الشخصية أو الدينية، زي قراءة صفحة من القرآن أو تعلم مهارة جديدة بسيطة، عشان تبني إحساس بالإنجاز تدريجيًا. ثالث حاجة، لما تحس بالقرف من نفسك، خد لحظة تسأل نفسك: "إيه اللي ممكن أعدله دلوقتي في تصرفاتي أو أفكاري؟" بدل ما تغرق في اللوم. بالنسبة للجزء المتعلق بالإعجاب بناس مش مناسبين، ده غالبًا بيحصل لما الإنسان بيبحث عن إحساس بالحياة من بره، فحاول تركز على بناء نفسك أولًا من جوا، سواء من خلال الصلاة والدعاء أو تطوير مهاراتك. الحياة مش لازم تبقى "مثالية" عشان يكون ليها طعم، لكنها بتحتاج خطوات متكررة حتى لو صغيرة. لو عايز تاخد آراء إضافية، ابحث عن أسئلة مشابهة على فدني. أنت قادر تتجاوز الفترة دي، وأنا هنا لو حبيت تتكلم أكتر.
تم النشر الثلاثاء، ٦ أكتوبر ٢٠٢٦
أسمع قصص الأنبياء هتفرق معاك في اليقين بالله وتعرف الهدف الأسمى من الدنيا أهم حاجة علاقتك بالله لو اتصلحت كل حاجة هتتصلح
تم النشر الثلاثاء، ٦ أكتوبر ٢٠٢٦
والجنة؟ نسيت هدفك الأكبر الجنة أكبر هدفك سبحان الله لو جربت إحساس الحياة لله هتعرف يعني إيه حياة أصلًا! وممكن تدعي ربنا يرزقك لذة الحياة ويرزقك هدف واضح ولكن كنت أنت صادق في طلبك وكافاك تمني!!
تم النشر الثلاثاء، ٦ أكتوبر ٢٠٢٦
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ ..../// الحل من الاخر والله مهما تلف وتدور علشان تشوف حل غير دا، دا هو الحل الوحيد انك ترجع لربنا، اي ذنب حاول توقفه هتقولي مثلا اوقف الذنب ازاي صلي علي النبي كتير بنيه إن ربنا يعينك علي توقيف الذنب، استغفر الله كتير، صلي الصلاه في وقتها ودا الحل بجد اللي هيجيب من الاخر ، ادعي في قيام الليل أنه يفرج عليك همك ولاذم يكون عندك يقين أنه هيستجيب هو الله وعدنا اصلا بالاجابه وطلاما وعد يبقى وعده حق، بس ساعات ممكن الاستحابه تتأخر دا والله بيبقى لمصلحتك يمكن ربنا يريد انك تتعود علي صلاه قيام الليل علشان لما الدنيا تحلو ماتسيبش الصلاه وتتعلق بالله مش باي حاجه ، المهم انك لاذم تدعي كتير اوي وإن شاء الله الدنيا هتبقى حلوه بس اصبر شويه كمان..
تم النشر الخميس، ٨ أكتوبر ٢٠٢٦
لازم توازن و تدي وقت للملل .. لأن لو كل حياتك بتدور على التسلية فأكيد هتزهق ....
تم النشر الخميس، ٨ أكتوبر ٢٠٢٦
عندك حق عامة
تم النشر الأربعاء، ٧ أكتوبر ٢٠٢٦
من الاخر الحياه يعني مجموعه من المهام مطلوب منك انك تعملها علي اكمل وجه وتحت اي ظرف.. تعبان اشتغل قرفان اشتغل.. مخنوق اشتغل.. مفيش حل تاني.. حتي لو غيرت شغلك ودايره معارفك ولا حاجة برده مش هتغير من وضع الاغتراب اللي انتا فيه حاجه... اشتغل اكتر تقرب من نفسك اكتر
تم النشر الأربعاء، ٧ أكتوبر ٢٠٢٦
لعرض السؤال في فدني اضغط هنا