دلوقتي انا بنت عندي ١٤ سنه وكنت يمارس سلوك ال (cutting) والسلوك ده كان فعلا بيريحني وبيعطيني شعور حلو جدا لكن بعدها بفترة (كام ساعة ) ببدأ أشعر بالذنب وازاي انا عملت كده ومش بكون حابه اشوف ايدي خالص وبكون مغطياها طول الوقت بس حاليا وقفته بالإكراه ونفسي ارجعله تاني
وفي مدرس صديق والدي وهما متربيين سوا من الصغر لما عرف وشاف منظر ايدي الشمال عند الشرايين ضربني قلمين بس مكنوش بيوجعوا و قال لبابا يوديني لدكتور نفسي اول مره بابا عرف كلمني ونصحني بكل هدوء وتاني مره هزقني شويه بس لما قولت له كفايه سكت وقالي تمام براحتك وهو مدرس الرياضه اخد مني مشرطين ومدرس العلوم اخد مشرطين وصاحبتي مشرط بس مش دي كل حاجه لان كمان أفكاري احيانا بتكون خطيرة شويه عليا
و انا كمان منعزلة شويتين عن البشر ومش بعرف اتعامل اوي لاني اغلب حياتي عشتها في السعوديه وكنا مش بتخرج من البيت خالص غير للمدرسة ولسه راجعه قريب وقابلت تنمر طبعا بسبب اختلاف اسلوبي عنهم في التعامل والكلام وكمان احيانا مش بعرف افرق بين حدث هل هو في الحقيقة أو في الحلم وده حصل مش كتير تقريبا تلت أو أربع مرات على فترات يعتبر متباعده ودائما بتعصب بسرعة بس انا حساسه أوڤر بعيط من اقل كلمه
عني احنا عندنا المدرسين بتعاقب عن طريق أنها بتضرب على اليد بعصايه فأنا لما المدرسين بيضربوني بحس بعدها براحة لكن لما بيزعقولي بعيط وبفضل مأريفة طول اليوم احيانا بحس اني بدلع أو انا اللي مكبره الموضوع وان انا مفيش فيا حاجه او اني ممكن اكون عايزه الفت انتباه أو حابه دور الضحيه بس بجد والله بتجيلي أفكار وحشه اوي عليا و كمان دائما بحس بالفشل وان كل اللي حواليا سابقين فكرت اقترح علي بابا اروح لدكتور نفسي بس مش عارفه اصارحه ازاي بس في نفس الوقت حاسه اني مكبره الموضوع
أنا آسفة جدًا إنك بتمري بكل ده، وأنا شايفة إن مشاعرك حقيقية ومش مكبرة الموضوع خالص. اللي بتحكيه عن الـ cutting والشعور بالراحة بعدها ثم الذنب، والأفكار الخطيرة، والعزلة، والارتباك بين الحلم والواقع، كل ده بيوضح إن في ضغط نفسي كبير محتاج يتعالج بطريقة مهنية. أنتِ مش لوحدك في الشعور ده، وطلب المساعدة مش ضعف ولا "دور الضحية"، ده خطوة شجاعة وناضجة جدًا في سن 14 سنة. أول حاجة مهمة: اللي بيحصل معاكِ مش هيروح لوحده، والرجوع للسلوك ده ممكن يزود الشعور بالذنب والأفكار السلبية. أفضل خطوة دلوقتي هي إنك تتكلمي مع بابا بصراحة وهدوء، زي ما عملتِ أول مرة. قولي له إنك فعلاً محتاجة مساعدة متخصصة، وإنك مش قادرة تتحكمي في الأفكار دي لوحدك. ممكن تبدئي بجملة زي "بابا أنا خايفة من نفسي ومش عارفة أتعامل مع اللي جوايا، وعايزة نروح لدكتور نفسي عشان أتحسن". هو فعلاً استجاب بهدوء أول مرة، وده بيظهر إنه بيحبك ومستعد يساعدك، فاستغلي ده وكوني واضحة. في نفس الوقت، حاولي تبحثي على فدني عن أسئلة مشابهة عشان تشوفي تجارب ناس تانية وتاخدي أفكار إضافية. ولو قدرتِ تكتبي مشاعرك يوميًا في ورقة أو مذكرات، ده ممكن يساعدك تفهمي اللي بيحصل جواكِ أكتر وتقللي الضغط شوية. أنتِ قوية إنك وقفتِ السلوك ده بالإكراه، وده يثبت إنك قادرة تتغلبي على التحديات دي لما تلاقي الدعم المناسب. الأهم دلوقتي إنك تروحي لدكتور نفسي متخصص في المراهقين، عشان يقيم حالتك بشكل صحيح ويعطيكِ خطة علاجية آمنة. ده مش هيخليكِ "مريضة"، ده هيساعدك ترجعي تشعري بالسيطرة على حياتك تاني. لو عايزة تتكلمي أكتر عن إزاي تقنعي بابا أو أي حاجة تانية، أنا هنا أسمعك وأدعمك. أنتِ تستاهلي تشعري بالراحة والأمان الحقيقي.
تم النشر الجمعة، ٢٦ يونيو ٢٠٢٦
لا انتي مش مكبره الموضوع ولا حاجه، و م دام باباكي اصلا كان عايز يوديكي لدكتور نفسي ف اكيد مش هيرفض طلبك، و تروحي ل دكتور نفسي افضل عشان تتعالجي و تتخلصي من افكارك دي و ايذائك لنفسك.
تم النشر الجمعة، ٢٦ يونيو ٢٠٢٦
الشكر لله..تسلمي ي حببتي بإذن الموضوع دا هيخف و تبقي كويسه 🤍
تم النشر الجمعة، ٢٦ يونيو ٢٠٢٦
بجد شكرا والله على كلامك ده هو بجد أفادني جدا وهحاول اعمل كده بإذن الله 🥰🥹
تم النشر الجمعة، ٢٦ يونيو ٢٠٢٦
لو موافقش ممكن مثلا لو تقدري و تتواصلي مع مختص اونلاين لو دا هينفع لحالتك.
تم النشر الجمعة، ٢٦ يونيو ٢٠٢٦
انا حاسه اني مش قادرة اواجهه وش لوش
تم النشر الجمعة، ٢٦ يونيو ٢٠٢٦
حاولي تقنعي والدك انك تروح ل دكتور نفسي و دا يكون جمبه تقربك لربنا لان هو اللي هيحل كل حاجه من عندوا و استغفري ربنا كتير لاني اللي بتعمليه دا حرام و بدعيلك من كل قلبي انك تبعدي عن الموضوع دا و تقربي من ربنا 🫂🥺
تم النشر السبت، ٢٧ يونيو ٢٠٢٦
معلش ي حببتي ربنا يهونها عليكِ..أنتِ مش مريضه ولا حاجه و حاولي تتغاضي عن معاملتهم و كلامهم. خير بإذن الله
تم النشر الجمعة، ٢٦ يونيو ٢٠٢٦
تمام هجرب وان شاء الله تظبط هو اصلا كل اللي حوليا بقو شايفني مريضة و بيهاودوني زي الاطفال
تم النشر الجمعة، ٢٦ يونيو ٢٠٢٦
طيب حلو جربي و ان شاء الله خير
تم النشر الجمعة، ٢٦ يونيو ٢٠٢٦
بفكر أكلمه في الموضوع ده من الموبايل
تم النشر الجمعة، ٢٦ يونيو ٢٠٢٦
سواء من باب التهديد او لا انتي خدي كلامهم مبرر و اطلبي انك تروحي ل معالج عشان الموضوع ميسوءش اكتر من كدا
تم النشر الجمعة، ٢٦ يونيو ٢٠٢٦
هما لما اقترحوا فكرة الدكتور النفسي كان من باب التهديد أو انهم مش هياخدوا الموضوع جد ففكرت اني ممكن أكلمه في الموضوع على الموبايل و منتكلمش فيه وش لوش وللأسف انا الاخت الكبيرة
تم النشر الجمعة، ٢٦ يونيو ٢٠٢٦
انتي محرجه تفتحي معاه الموضوع ولا اي بالظبط؟ ممكن طيب لو معاكي اخت او اخ كبير هوا اللي يقوله
تم النشر الجمعة، ٢٦ يونيو ٢٠٢٦
و انتِ مش هتفضلي توصفي ف المشكله اوي لانه عارف و مفيش غير تفتحي الموضوع تاني و تقوليله عايزه اروح ل طبيب نفسي و كدا
تم النشر الجمعة، ٢٦ يونيو ٢٠٢٦
ماشي بس يعني شايفه الموضوع دا بلاش يتسكت عليه و كمان والدك عارف اصلا ف مش هيستغرب ولا هيتضايق منك بالعكس ممكن يفرح انك حابه تحلي الموضوع و تروحي ل طبيب نفسي و دا اللي اقترحه عليكي زي م قلتي
تم النشر الجمعة، ٢٦ يونيو ٢٠٢٦
مهو المشكله انا علاقتي بوالدي احسن من والدتي بمراحل بس علاقتنا سطحية اوي
تم النشر الجمعة، ٢٦ يونيو ٢٠٢٦
لي بس؟ طب عادي تدخلي وسيط مابينكم و تقولي لوالدتك؟ منها متحسيش باحراج ولا حاجه و انتي بتتكلمي
تم النشر الجمعة، ٢٦ يونيو ٢٠٢٦
لعرض السؤال في فدني اضغط هنا