ماذا ينبغي أن أفعل في هذه العلاقة وكيف أتخلص من فراغي العاطفي؟

Question

في بدايه السنه حصلت معايا مشكله مع واحد ملزق وكذا كان بيتلزق بطريقه غبيه وكنت بصده بس بما هزقته جامد وكدا بعد بقي خالص فطلع انه كان بيفيك اسكرينات عشان يشوه صورتي ويقول اني بكلم واحد تاني معانا الولد التاني دا هو الي حكالي و وقف جنبي وشهد معايا وبتاع والكل كان مستغرب موقفه الي هو انت ازاي واقف في صف بنت وبتشهد ضد صاحبك فيقول انا عندي اخوات بنات ومرضاش عليهم موقف زي دا واكيد هساعدهم وهيا زي اختي ولما كان بيلاقي ان في كلام هيضرني بيغيره ويكلم ناس هكرز عشان يفيك اسكرينات بردو عشان يثبت ان الاسكرينات بتتفيك عادي و فيك فيديوهات للمدير نفسه عشان يساعدني وطبعا بعد الي حصل رقمي بقي مع ناس كتير فكان فيه ناس كتير بتدخل تبعتلي وتدايقني بقى يقولي ابعتيلي الرقم واتا اتصرف ابعتله الرقم ويهزقه ويعرف مين ويتخانق معاه في المدرسه وجاله فصل كذا مره بسببي وكان صحابه ليه كذا حركة استندال معاه وكان يجي ويحكيلي واساعده وبتاع المهم في مره في رمضان واحدة صحبتي عزمتني على الفطار فمكنش ينفع مروحش لان لما عزمتها جاتلي المهم روحت وقعدت معاها شويه ونزلنا لافينا شويه وقعدنا نلعب ابص ع الساعه الاقيها اتنين ونص فجايه اروح مفيش مواصلات والدنيا ضلمه اوي والمسافه بين بيتها وبيني يجي نصايا هو اتصل بالصدفه كدا بيحكي لي على حاجة فانا كنت عماله اعيط من الخوف فقالي استني انا جاي اخدك و وصلني لحد البيت واتسحرنا سوا وفي فتره الامتحانات اتفقنا أنا وهو  وواحدة صحبتي و واحد صاحبه اننا نخرج اخر يوم امتحانات فكنا عاملين جروب وكدا فصحابه عمال يتكلم فانا برد عليه فلاقيته هو بقى بيقولي تعالي ع الشات البرايفت وبيقولي مهو يا تكلميني انا يا تكلميه فمفهمتش و اتخانقنا وبعدها اقيته بيتصل وبيقولي بصي من الاخر كدا انا بغير عليكي ومش عارف اي قولتله طيب ماشي وبعدها محدش كان بيقول للتاني كلمه بحبك دي خااالص كان تعاملنا عااادي جداا يمكن اقل من الاول كلامنا بقي اقل من الاول بكتييير وقولتله انا بقول نخلينا صحاب احسن يقولي لا ومش عارف اي المهم عدا فتره ع الكلام دا بعدها رقم دخل بعتلي وقلة ادب بقى فبعتله يقولي اعمل اي مبيردوش ارن عليه يكنسل طب يشوف حتى في اي مفيش بعدها لما رد بقي بيتعامل ببرود فهزقته وعملنا بلوكات لبعض المهم بعدها بفتره كدا لقيت واحد بيبعتلي ويقولي على فكرة انا اعرفك ومش عارف اي بيبعتلي من رقمي الجديد الي محدش يعرفه غيره فاتصلت عليه فون وهزقته قالي بصي انا معرفتش احبك انتي زي اختي و الولد دا بيحبك ومش عارف اي قمت عملتلهم بلوك فالولد دا بعتلي تاني من رقم تاني وقالي انا مش بقولك نرتبط بقولك صحاب وفي وسط الكلام كدا الاقيه بيقولي بحبك وباباه اصلا عنده محل قطع غيار سيارات وهو بيقف فيه معظم الوقت وانا طريق دروسي كله من هناك كذا فعلي طول بيشوفني المهم الصراحه حبيته وبعدين مكناش شبه بعض خاااااالص كاننا مايا ونار فقولتله دا وبعد كدا معدناش ينتكلم وفي العيد لاقيته بعت رساله ومسحها المهم مختش بالي من الرقم فبعت التهنئه وكذا لاقيته بيقول انا فلان ومن سعاتها واحنا بنتكلم عادي جدا كصحاب

Accepted Answer

شوفي بأمانه كدا ومن غير زعل الي انت فيه دا من اساسه غلط وكل دا حرام يا حبيبتي اسمعي مني انا زي اختك الكبيرة مش كبيرة اوي يعني 😁المهم اهو وعلى يدك مجاش من ورا الولاد غير المصايب فوق دماغك وكان ممكن لقدر الله يحصلك فضيحه ولا كارثه حافظي على نفسك ربنا منع الصحبيه بين الولد والبنت مش من فراغ لا منعا للتعلق والإعجاب والوقوع في الأخطاء الأخرى والمصايب وكمان البنت هي اكتر من يتضرر في الموال دا ف ليه انا اجيب لنفسي وجع الدماغ والفلم الهندي دا مانا اقدر امنعه قبل مايحصل ، بالنسبه للولد الي ساعدك فدا راجل محترم بس كان واجب يكمل الجميله معاكي ويخاف عليكي وعلى سمعتك وميكلمكيش تاني وحاليا كل الي انت في دا مراهقة وحسيت وانا بقرأ كأني بقرأ رواية كدا حاجه غريبه والله شوفي الحب الحقيقي وحلالك ونصيبك هيجيلك من الباب مش من تحت بير السلم لمؤاخذة دا مش جدّي ابدا ودا برضو من ضمن اسباب التحريم لان أغلبية الي بيعشموا مش بيوفوا وانت بتدمري نفسيا وخلاص ادعي ربنا وخليكي مع صحاب بنات أفضل ليكي ونفسيتك متزعليش من طريقتي بس والله عاوزة مصلحتك

Answer

كلمي صحابك البنات واخرجو سواا ومتفكريش كتير في الشباب اعملي حاجه بتحبيها وبتبسطك ركزي اكتر علي مستقبلك وصلي وقربي من ربنا اهم حاجه وادعيلو كتير اي حاجه معاكي تفكرك ب شاب ممكن تمسحيهاا من فونك او ارميهاا لو معاكي واتخلصي منهاا وحافظي علي قراءه القرآن وحاولي تملي فراغك في اي حاجه بتحبيها

Answer

مرحباً أختي الغالية، أشعر أنّك مررتِ بتجربة معقدة ومليئة بالتقلبات العاطفية والاحتكاكات المؤلمة، وهذا بالطبع يؤثر على شعورك الداخلي ويترك فراغاً وحيرة في قلبك. دعيني أساعدك على ترتيب الأمور خطوة خطوة، ونرى معاً كيف تتخلصين من ذلك الفراغ العاطفي بطريقة ممنهجة ومتزنة. أولاً: فهم مشاعرك ومشكلتك ما تمرين به هو أثر طبيعي جداً بعد تجارب عاطفية أو علاقات غير مستقرة تكون مليئة بالتناقضات والاختبارات. يبدو أن هناك حالة من التشتت، بين من يدافع عنك ومن يحاول إفساد صورتك، وهذا يخلق حالة من عدم الثقة والقلق. من الطبيعي تشعري بفراغ عاطفي بعد هذه التجربة، خاصة إذا كنتِ وجدتِ نفسك بين علاقات متشابكة ومتعددة. ثانياً: نصائح عملية لتجاوز الفراغ العاطفي امنحي نفسك فترة للهدوء حاولي أن تبتعدي لفترة قصيرة عن كل هذه المواقف التي تشتتك أو تؤلمك. يفضل أن تتركي هاتفك جانباً، خاصّة عن الأشخاص الذين يسببون لكِ أذى أو توتر. ركزي على نفسك فقط خصصي وقتاً تهتمين فيه بنفسك، سواء في تطوير مهاراتك الدراسية، هوايات تحبينها، أو ممارسة عبادات تقربك إلى الله وتزرع في قلبك السكينة. تواصلي مع من تثقين به إذا كان هناك شخص تثقين به من عائلتك أو شخص متخصص يمكن التحدث معه بهدوء، فهذا سيساعدك للغاية. لا بأس بالبحث عن خبير نفسي أو استشاري، وهذا ممكن أن تجديه في قسم الخبراء على "فدني" https://www.fedni.net/experts ثالثاً: من الناحية النفسية والروحية الفراغ العاطفي أحياناً يكون دعوة من القلب للاتجاه نحو الله أكثر، وملء القلب بالإيمان والطمأنينة من خلال الصلاة، الذكر، والقراءة في القرآن. استذكري دائما أنّ الله رحيم وغفور، ويفتح أبواب الأمل والتجديد لكل من يلجأ إليه. صلي صلاة الاستخارة واسأليه التوفيق، فإنها سبيلك لاتخاذ قرارات سليمة دون ضغوط نفسية. رابعاً: خطوات تحفيزية لتجاوز الماضي ابدئي بحفظ يوميات صغيرة تكتبين فيها مشاعرك وإنجازاتك اليومية، مهما كانت بسيطة. ضعي لنفسك أهدافاً قصيرة المدى: مثلاً إنهاء مشروع دراسي، أو تعلم شيء جديد. كلما شعرتِ بالوحدة أو الفراغ، امدحي نفسك (مثلاً "أنا قوية لأنني تجاوزت ما سبق")، فهذا يرفع من معنوياتك. ختاماً، يا أختي، الحياة ما زالت أمامك وفرصك كثيرة، يمكنك التحكم في هذا الفصل من حياتك وإعادة بناء نفسك بروح إيجابية ونظرة قوية لمستقبلك. إذا شعرتِ بحاجة لمزيد من الدعم، لا تترددي بالاستفادة من خبراء "فدني" المتخصصين الذين يمكنهم أن يقدموا لكِ استشارات مفيدة ومحترفة. وأنا موجودة هنا دوماً إذا أردتِ أن تطرحي أي أسئلة أخرى أو تُشاركي مشاعرك. دمتِ بخير وسلام. ذكية 🌷

ماذا ينبغي أن أفعل في هذه العلاقة وكيف أتخلص من فراغي العاطفي؟

اجتماعية

علاقات

سؤال من احد أعضاء فدني

تم النشر الأربعاء، ١٨ يونيو ٢٠٢٥

3 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك