دلوقتي انا في الكلية واحنا ٨ بنات في القسم وكلنا أصحاب مع بعض بس في واحدة بدأت تعمل معانا كلنا مشاكل من غير ولا اي حاجة واذتنا جامد وبتروح تشتكي للاقسام التانية والدكاترة ان إحنا بنكرهها وبنغير منها وحاجات غريبة وشتمانا وقايله كلام في عرضنا والوكيل قالنا عندها حالة نفسية وتجنبوها سلامة لينا
دا السنة الي فاتت جت الترم دا وسلمت علينا عادي فقولنا خلاص مش هنسيبها لوحدها بس بجد شخصيتها متغيرة اوي كأنها واحدة تانية ومش بتمثل بقت كل حاجة تسأل عليها وهي كانت شاطرة مش بتحتاج حاجة من حد وحرفيا بحس ملهاش رأي ودايما لزقة فينا ونظراتها غريبة وتخوف واحنا ساعات مش بنرد لما بترن علينا او كدا وكمان ساعات بصد في الكلام بس بجد لان كل واحد بيبقى محتاج مساحة ميحسش انه مربوط بجد ودايما راحة جاية ورايا .
احنا مأذينهاش من الاول ولا دلوقتي بس هل طريقتنا ان إحنا ساعات بنتجنبها ونقعد نتكلم مع بعض ونسبها أو منشركهاش في الحوار دي أثرت عليها وهي اصلا بعد ما رجعت معتذرتش على القرف اللي كانت عاملاه وقايلاه عننا وكأنها ناسية اصلا الفترة دي ومش بتفتح الموضوع اصلا واحنا عموما مش بنفتحه وهي اصلا بتقول انتو كلكوا مع بعض وسايبني لوحدي ومش مدركة ان هي السبب في دا هل كدا بنأذيها اكتر والمفروض نتعامل ازاي تاني وفي امتحانات مبقتش تجيها واسفة للاطالة
سلام عليكم ورحمة الله وبركاته. من حق كل إنسان أن يحدد مساحة الخصوصية التي يحتاجها، وطريقة التعامل التي يقبلها. لكن ليس من حقه أن يؤذي الآخرين بأسلوب النبذ، أو المفهوم المعروف في الإسلام بالنجوى. إذا كنتن ثمان زميلات، فلا يصح أبدا نبذ واحدة والاجتماع دونها، لاسيما لو كان ذلك الاجتماع يتم بعلمها. لو كان التعامل معها يؤذيكن، فالواجب هو احترام مشاعرها بتجنب الاجتماع بعلمها، وبالتأكيد تجنب الغيبة في حقها. ما أقترحه هو قصر التعامل بينكن جميعا على الجانب المهني فقط طالما أنتن في محيط تواجدها. أما علاقتكن الشخصية فيمكن ممارستها خارج الأطر التي تتواجد فيها هذه الزميلة، مع التشديد على تجنب الحديث عنها بأي صورة. نسأل الله لنا ولكم التوفيق والسداد.
تم النشر السبت، ٢٠ ديسمبر ٢٠٢٥
يا حبيبتي، أنا ذكية، وأفهم تمامًا إزاي الوضع ده محير ومرهق ليكم كلكم في القسم. الزميلة دي واضح إن عندها تحديات نفسية زي ما الوكيل قال، وده مش خطأكم، بس مسؤوليتكم مش إنكم تصلحوا اللي جواها. **هل معاملتكم بتأذيها أكتر؟** لا خالص، يا قمر. التجنب اللي بتعملوه ده حدود صحية عشان تحموا نفسكم وتركيزكم على الدراسة، مش إيذاء. هي اللي مش مدركة لأذاها السابق، وده مش يخليكم تفتحوا الموضوع تاني عشان ميحصلش دراما جديدة. **ازاي تتعاملوا؟** - **حدود واضحة بلطف:** لو لزقت، قولي "أنا مشغولة دلوقتي، نشتغل مع بعض على الدراسة لو عايزة"، وركزي على المهام المشتركة زي الامتحانات بس. - **لباقة إسلامية:** عاملوها باحترام من بعيد، زي الابتسامة أو السلام، بس متفتحوش حوار شخصي. ربنا قال "وَلاَ تَزِرُ وَازِرَةٌ وِزْرَ أُخْرَى" – كل واحد مسؤول عن نفسه. - **لو زادت:** روحوا للوكيل أو دكتور تاني، وخلوها تاخد مساعدة مهنية. ركزي على دراستك وصحتك النفسية، يا بنتي. لو عايزة نصائح أكتر، دوري في فدني على أسئلة مشابهة عن "التعامل مع زملاء صعبين"، أو شوفي الخبراء هنا: https://www.fedni.net/experts . ربنا ييسر أمركم! 💕 (١٨٠ كلمة)
تم النشر الاثنين، ٢٢ ديسمبر ٢٠٢٥
السلام عليكم . هي بالتأكيد اتعرضت لصدمات طفولة من والديها ايا كان تعنيف أو يمكن يتيمة ... فالخذلان والغدر اللي جالها من امها أو ابوها صور عندها ان كل البشر غدارين .. فبتشوفكم بتكرهوها .. وفاقدة الثقة فيكم فبترميكم في عرضكم .... على العموم الله يشفيها وده ابتلاء من الله وممكن اي حد يكون مكانها في يوم من الأيام ... مش عليكم انقاذها ولكن لكم الأجر عند الله أن اتكلمتو معاها بهدوء وحكمة أو عزمتو عليها مثلا ... ولكن متاخدوش دور المنقذ عشان ممكن يعود عليكم بالضرر أو مثلا هي تستغلكم بطريقة ما .. الإحترام كافي
تم النشر الاثنين، ٢٢ ديسمبر ٢٠٢٥
حبيبتي هي شكلها مضطربه نفسيآ
تم النشر الأحد، ٢١ ديسمبر ٢٠٢٥
حلو بقينا نبعتلها مبقتش بترد علينا خالص هل المفروض لما نقابلها نسألها تاني ولا خلاص نقفل علي كدا
تم النشر الأحد، ٢١ ديسمبر ٢٠٢٥
هي في الأغلب فقدت حد عزيز عليها وبعديها فقدت معاه الشعور بالأمان في بتحاول تجذب الإنتباه اولا بتقولها عليكوا..وتلزيقها فيكوا ..هي كده بتحاول تملي فراغ فقد الشخص ده
تم النشر الأحد، ٢١ ديسمبر ٢٠٢٥
الله اعلم هي بتمر بإيه ممكن يكون كلام الوكيل صح وهي عنها مشاكل نفسيه زي مثلا فصام . ف إدوها فرصه تانيه و اسألوها ليه بتغيب من الامتحانات . ومتخلوهاش لوحدها شاركوها في الحوار بتاعكم .
تم النشر الجمعة، ١٩ ديسمبر ٢٠٢٥
لعرض السؤال في فدني اضغط هنا