حد عنده أي طريقة عشان أذاكر الرياضيات بشكل أحسن علشان انا بحل عادي والسؤال ممكن يكون صعب وبحله عادي بس مش بحب كتير اوي وممكن مهمله فيها شويه علشان باقي المواد كمان بتتذاكر بس انا مذاكره الدروس وحاله كمان
في بقا معايا زمايلي في الدرس ماشاءالله عليهم بيقولوا الإجابة قبل ما المستر يخلص السؤال اصل
انا عايزه ابقى زيهم بقا
تمام أول حاجة هتعرفيها إن الرياضة = حل مش مذاكره طب مثلا أنا عندى صعوبة فى الفهم عادى هتبدأى تأخدى مثلا درس معين ومش قادرة تستوعبيه وتفهميه وعلشان كدا خايفة تحلى ........ ف الغالب كل درس فى الرياضه بفروعها بيبقى مبنى على فكرة وبنبدأ نلعب حوالين الفكره ديه ف هتبدأى تفتحى الدرس تقرأيه كويس وتجيبى أول مسأله تحفظيها حفظ مش لازم تفهميها وبعدين تروحى للتدريبات اللى على الدرس وزى ما قولتلك هتلاقى كلهم متشابهين بيلعبوا فى نفس المنطقة هتبدأى تحلى واللى متعرفيهوش متسيبهوش هترجعى تغشى حلة وطريقة من الدرس وتحفظيه حفظ بعد ما تحليه بحيث لو اتعرض قدامك تانى هو أو حاجه شبهه تكونى أصلا حافظاه حفظ وهكذا مع كل درس مع الوقت هتلاقى نفسك أى سؤال هتشوفيه هتكونى اتعرضتيله قبل كدا وحتى لو مش فاهماه مخك هيسترجع تلقائيا خطوات الحل اللى انتى كنتى حافظاه بالفعل وهكذا فى كل الفروع ديناميكا استاتيكا تفاضل تكامل جبر هندسة فراغيه وهكذا
تم النشر الأحد، ٢٩ مارس ٢٠٢٦
جربي تحملي google notebook LM و ارفعيله المنهج كله و روابط فيديوهات الشرح ، و قبل كل درس هتقوليله يشرحهولم و يفهمهولك بطريقة مبسطة بحيث انك يبقى عندك فكرة مسبقة و شرح مختصر قبل ما تروحي الدرس و الشرح مع الاستاذ هيثبتلك المعلومة و التطبيق هيخليها قابلة للحل في المسائل ، و بالتوفيق 😊
تم النشر السبت، ٢٨ مارس ٢٠٢٦
بتبقى .اجتهاد. ذاتى اللى هوا انت بتحط لنفسك طريقة خاصة بيك وامشى عليها اللى هوا مثلا تقسم السؤال في دماغك وتحله ودا مع كتر الممارسة هتعرف تعمل دا أو مثلا تستخدم آلة وراه وعموما هي مادة فهم اكتر من أنها حفظ فأنت افهم السكة بتاعة الحل ازاى وهتلاقى نفسك بتحل كل المسائل لوحدك
تم النشر الأحد، ٢٩ مارس ٢٠٢٦
يا حبيبتي، ماشاء الله عليكِ إنكِ عارفة إنكِ تقدري تبقي زي زميلاتك اللي بيجاوبوا بسرعة! الرياضيات مش حاجة تحفظيها، ده فهم وممارسة. هقولكِ خطة بسيطة وفعالة عشان تتقدمي بسرعة، وهتغيري نظرتكِ ليها: 1. ابدئي بفهم الأساسيات زي البناء : قبل ما تحلي سؤال صعب، راجعي القاعدة أو الفرع الأساسي بتاعه في 5 دقايق بس (مثل: المعادلات، الهندسة، الدوال). استخدمي فيديوهات قصيرة على يوتيوب (قنوات زي "رياضيات سهلة" أو Khan Academy بالعربي). 2. ممارسة يومية قصيرة ومكثفة : حددي 30-45 دقيقة يومياً للرياضيات بس، مش أكتر عشان ما تملييش. حلي 10 أسئلة متنوعة: 3 سهلة، 4 متوسطة، 3 صعبة. ابدئي بالسهل عشان تبني ثقة. استخدمي كتب تمارين زي "الرياضيات الشاملة" أو تطبيقات زي Photomath عشان تشوفي الحل خطوة بخطوة، بس متعتمديش عليها كتير – حاولي تحلي لوحدك الأول. 3. تقنية "السرعة" زي زميلاتك : حددي تايمر: حلي سؤال في 2-3 دقايق. لو مش عارفة، اكتبي اللي وصلتِ له وراجعيه بعدين. كرري نفس السؤال تاني يوم عشان يثبت. اعملي "خريطة ذهنية" لكل فرع: رسمي الروابط بين المواضيع (مثل: كيف الجبر يساعد في التفاضل؟). 4. اربطيها بحياتكِ عشان تحبيها : فكري في الرياضيات زي لعبة: شوفي إزاي تستخدميها في الحياة (حساب مصروفكِ، تصميم غرفة). هتخليها ممتعة ومش مهمَلة. 5. جدول يومي متوازن : قسمي وقتكِ: 40% رياضيات، 60% باقي المواد. خدي بريك 5 دقايق كل ساعة (اشربي مية أو امشي شوية). إنتِ هتقدري، يا قمر! ابدئي النهارده بسؤال واحد صعب، وهتشوفي الفرق في أسبوع. شدي حيلكِ، ربنا يوفقكِ! 💪✨
تم النشر السبت، ٢٨ مارس ٢٠٢٦
اعتقد دا بيرجع انهم بيقرأو السؤال قبل المستر ف طبيعي يحلو اسرع الانتي محتجاه هو انك تركزي اكثر فى الحصة و الشرح و تقرأي السؤال بتركيز مره فى مره هتلاقي نفسك اسرع مع التعود لكن متضغطيش ع نفسك طلما انتي بس تعرفي تحلي فى العادي و مش مراكمة ديه مرحله حلوه
تم النشر الأحد، ٢٩ مارس ٢٠٢٦
انا تانيه ثانوي عام
تم النشر السبت، ٢٨ مارس ٢٠٢٦
و الاعتماد بيبقى ع المدرسين انك تكتفي بشرح المدرس البتاخدي معاه او ع اليوتيوب تشوفي المدرسين بيحلو ازاي و تبدأي تحلي اكثر و اكثر لكن بلاش ai
تم النشر الأحد، ٢٩ مارس ٢٠٢٦
تمام جزاك الله كل خير
تم النشر الأحد، ٢٩ مارس ٢٠٢٦
طب اعتمد علي ايه
تم النشر الأحد، ٢٩ مارس ٢٠٢٦
لاء لاء بلاش ai معظم الأجابات بتقى غلط بلاش الاعتماد عليه مش حلو
تم النشر الأحد، ٢٩ مارس ٢٠٢٦
ممكن ف الليفل دا اللي يساعدك انك تستعيني ب ai في الحل وتخليه يحل وتشوفيه هيحلها ازاي وقوليله يحل باختصار ويشرحلك عمل اي
تم النشر الأحد، ٢٩ مارس ٢٠٢٦
أزهر ولا عام ؟
تم النشر السبت، ٢٨ مارس ٢٠٢٦
لعرض السؤال في فدني اضغط هنا