السَّلام عليكُم ورحمةُ اللَّهِ وبركاتُه
ازاي اقدر اتعامل مع إحتياجي لراجل فـي حياتي أكون معاه بأنوثتي وهنا مقصدش جنس بالتحديد انا اقصد حنية حب مواساه ونس باختصار ، انا حقيقي نفسي اتجوز بس يعني مش عارفة مفروض اعمل إيه
الإحتياج ده تاعبني وعاملي إحساس في قلبي تاعبني جدا لدرجة إنه مأثر على كل الجوانب في حياتِي أرجو الإفاده
بنت ٢٠ سنة طالبة جامعية...
دا فراغ عاطفي ناتج عن اعزالك عن المجتمع او قد يكون السبب تشدد اسري أو عنف من بيئتك مما يجعل نشاطك العاطفي في إحتياج للإشباع ولكن هذا الشغف العاطفي ينذر بالخطر لانه يعرضك للإستغلال من مصطنعي الحب لذلك كوني على حذر من الدخول في علاقات عشوائية غير رسمية وحاولي التغلب على ذلك الشغف العاطفي من خلال ممارسة هواية مفضلة وكذلك رياضة مفيدة وتجنب مشاهدة الرومانسيات سواء افلام او فديوهات وكذلك الاغاني العاطفية حتى يتم ضبط الفجوة العاطفية إلى أن يأتي الشخص المناسب ليكون عوض عن طول صبر وجبر عن فقدان وحرمان ويارب يرزقك بالزوج الصالح
تم النشر الخميس، ٢٣ أبريل ٢٠٢٦
الدنيا دي عامة دار اختبار و ابتلاء و مش كل حاجه هنطولها وقت ما نحبها لكن الحقيقه اننا هناخد الرزق اللي ربنا يحدده في الوقت اللي يحدده بالشكل اللي يحدده ، انا رأيي تشغلي نفسك بأوراد ذكر و عادات جيده في حياتك تطوري بيها من نفسك و تلتزمي بحق و ليس نص نص و رزقك هيجيلك صدقيني من غير ما تطلبي كمان و يمكن احسن من طلبك يعني باختصار سيبي ربنا يدبر لك و انتي عفي نفسك و طوري في نفسك و استني رزقك
تم النشر الأحد، ٢٦ أبريل ٢٠٢٦
دا شعور طبيعي واحتياج طبيعي والبنت بطبيعتها عاطفية وتحب ديما تحس ان في سند ليها وانها في امان وفي سنك الأفضل تتكلمي مع والدك يكون هو السند والونس دا او انتي قربي منه على الاقل في الفتره دي لغاية ما ربنا يأذن والنصيب يجيلك لان ضغوط الحياه المسئولية اللي على والدك أكيد كتير وممكن بسبب الضغوط دي معندوش وقت يكون صاحب ليكي في الفتره الحرجه دي بقربي انتي منه وقربي من ربنا وصلي وادعي بالزوج الصالح. واحذري من انك تدوري على السند والونس دا في الانترنت ووسائل التواصل لان العواقب بتكون مؤلمة. وربنا يوفقك وييسرلك امرك ويصلح حالك ويريح قلبك ويرزقك الزوج الصالح عاجل غير اجل إن شاء الله.
تم النشر الجمعة، ٢٤ أبريل ٢٠٢٦
وعليكم السلام ورحمة الله وبركاته يا حبيبتي، أولاً، أشكركِ على ثقتكِ وصراحتكِ، وأفهم تمامًا إحساسكِ ده.. الرغبة في الرفقة والحنان طبيعية جدًا في سنِّكِ (20 سنة)، خاصة كطالبة جامعية بتتعاملي مع ضغوط الحياة. ده مش عيب، بل فطرة إلهية، لكن التعامل معاها يحتاج صبر وخطوات عملية من منظور إسلامي. نصائح عملية وإسلامية: التقرب إلى الله : صلِّي النوافل يوميًا، خاصة صلاة الضحى، واقرئي قرآنًا كل يوم. ادعي الله بصدق: "اللهم ارزقني زوجًا صالحًا يُريح قلبي" – الدعاء يغيِّر الشعور والواقع إن شاء الله. ركِّزي على تطوير نفسكِ : استغلي طاقتكِ في الدراسة والمهارات. حددي هدفًا أسبوعيًا (مثل قراءة كتاب نفسي مفيد زي "لا تحزن" لعائض القرني)، مارسي رياضة خفيفة أو هواية زي الرسم أو الكتابة. ده هيملأ الفراغ ويجعلكِ أقوى وأجذب أفضل الخيارات. الزواج الحلال خطوة خطوة : كلِّمي أهلكِ بثقة عن رغبتكِ في الزواج، هم أفضل وسيط. اشتركي في فعاليات جامعية أو جمعيات إسلامية (مساجد، دروس دينية). حدِّدي صفات الزوج المثالي (تقوى، أمانة، طموح) واكتبيها، ثم ثقي بالله. الإحساس ده مؤقت، يا قمر، ومع الوقت هيروح بإذن الله إذا عملتِ بالخطوات دي. أنتِ بنت قوية وجميلة داخلًا وخارجًا، والله هيرزقكِ اللي أحسن لكِ في الوقت المناسب. لو عايزة دعم أكتر، ابحثي في فدني عن أسئلة مشابهة زي "كيف أتعامل مع الشعور بالوحدة"، أو شوفي الخبراء هنا: https://www.fedni.net/experts – فيه متخصصين في الإرشاد الزواجي والنفسي. ثقي بنفسكِ وبالله، أنتِ تستاهلي السعادة! 💕 إذا عندكِ تفاصيل أكتر، قولي.
تم النشر الأربعاء، ٢٢ أبريل ٢٠٢٦
وعليكم السلام ورحمة الله وبركاته، اولًا الله يرزقك بالزوج الصالح ولكن يا غالية الموضوع مش إحساس فقط نعم هي فطرة ما في حد بينكرها فطرة ميل المرأة للرجل وكذا الرجل للمرأة ولكن الزواج يحتاج منكِ شوية تأهيل؟ أنتِ قولتي عندي إحتياج، وما قولتي مواصفات فتى أحلامك وزوجك المستقبلي الأمر ما هو مجرد إحساس فقط الأمر مسؤولية وتحتاج تأهيل حاولي مثلًا الفترة دي تأهلي نفسك لـ خطبة واعية وتبدأي تشوفي التأهيل لـ الزواج وكدا!!! حرفيًا أنا ما بعقد الأمر بالعكس أنا بشرحلك لأزم تعرفي يعني إيه زواج؟ يعني إيه سكن ومودة ورحمة؟ وبعد الزواج إن شاء الله هيكون في أطفال وبيت ومسؤولية وهنا أنا بشرحلك أنتِ محتاجة تأهيل أو حتى تطلعي على الأمر، معرفتك بـ هتوضح ليكِ أنتِ عايزة إيه وتفهمي نفسك أكتر وأكتر؟ والفكرة هنا الموضوع مش إحساس فقط ورغبة لا لازم يكون عندك وعي إدارك عشان ما يحصلش تصادم وتفكري الزواج مجرد إحساس بالونس في حاجات كتير جدًا
تم النشر الجمعة، ٢٤ أبريل ٢٠٢٦
السلام عليكم، إذا بس مشكلتك في إن المحيطين والمعارف مش مناسبين ممكن تشوفي تطبيق الصالون (تبع مؤسسي فدني) فيه رقابة جامدة وجدية وممكن تشوفي تجارب اللي تزوجوا من خلاله وربنا يوفقك ويرزقك بالزوج الصالح والذرية الصالحة. https://elsalon.net/welcome/. https://play.google.com/store/apps/details?id=com.tasmeem.elsalon&hl=ar
تم النشر الأربعاء، ٢٢ أبريل ٢٠٢٦
@فَاطِمٌ الشَّافِعِيُّ. عشرة على عشرة
تم النشر الجمعة، ٢٤ أبريل ٢٠٢٦
شكرا ليكِي يا فاطِم 🎀
تم النشر الجمعة، ٢٤ أبريل ٢٠٢٦
شوفى التطبيق اللى الدكتورة مى بعتاه فوق وفيه برضة منصتين موثوقين جدا ممكن أبعتهم لحضرتك + الإحتياج دا طبيعى احنا مخلوقين كدا كلا الجنسين محتاج للأخر سواء اهتمام أو حب أو حنية أو ما إلى ذلك فاهمانى ف دا طبيعى
تم النشر الأربعاء، ٢٢ أبريل ٢٠٢٦
مؤخرا فعلا بدئت اقولهم كده، بس احنا في حالنا جدا يعني معارفنا مش كتير خالص وحتى الموجودين متجوزين او صغيريين او مش مناسبين يعني حقيقي الموضوع صعب جدا وتاعبني...
تم النشر الأربعاء، ٢٢ أبريل ٢٠٢٦
طب ما تطلبى من والدك دا وعبريلهم عن إحساسك دا
تم النشر الأربعاء، ٢٢ أبريل ٢٠٢٦
لعرض السؤال في فدني اضغط هنا