السلام عليكم
انا آسف والله على اللي هحكيه ده بس انا والله مش عارف اعمل ايه
انا شاب عندي 20 المهم من اول ما رمضان بدأ من اول صلاه مغرب أذنت وانا الحمد لله بصلي ف المسجد علطول لحد تراويح انهارده
عملت حاجه وحشه جدا وهي (العاده السيئه وطبعا معروف اتفرجت على ايه )
المهم الفكره اني مش عارف انا عملت كدا ليه وطبعا مش هقول أعوذ بالله من الشيطان عشان متسلسل
بقيت اعوذ اعوذ بالله من نفسي (آسف والله لو حرام بس كارهني جدا)
المهم اغتسلت وصليت ركعتين توبه
فسؤالي كدا الايام اللي انا صومتها دي راحت عليا كدا وعلي قضاها والسؤال التاني رمضان كدا بال٢٦يوم الجايين راحوا عليا بسبب الفعل السئ ده
السؤال التالت ربنا ممكن يبصلي بعين رحمه ولا انا بقيت من المغضوب عليهم
والله بحاول على قد مقدر امتنع وكنت مستني رمضان ده عشان اعرف اقف بس للاسف ف الليله الرابعه وقعت
وعليكم السلام ورحمة الله وبركاته، أول حاجة، متقلقش ولا تحس إنك وحيد في ده، كتير زيك بيحصل معاهم كده وده مش نهاية الدنيا. ربنا غفور رحيم، وقال في القرآن: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" (الزمر:53). أنت عملت اللي عليك: غسلت وصليت توبة، ده كويس جدًا. إجابات أسئلتك بالترتيب: الأيام اللي صمتها قبل كده سليمة تمامًا ، مش راحت عليك. الصيام السابق مقبول إن شاء الله، بس اليوم اللي وقعت فيه إذا كنت مارست العادة أثناء الصيام يبقى صيام اليوم فسد ولازم تقضيه بعد رمضان . لا، الـ26 يوم باقي مش راحوا عليك . الفعل ده يبطل يوم واحد بس، مش كل الشهر. استمر صيامك وصلاتك زي ما أنت، ورمضان هيتقبل إن شاء الله. ربنا هيتوب عليك ويغفر لك 100% لو استمريت في التوبة الصادقة. أنت مش من المغضوب عليهم، بالعكس، اللي بيتوب بيحبه ربنا أكتر. قال النبي ﷺ: "التائب من الذنب كمن لا ذنب له". نصائح عملية عشان تقاوم المرة الجاية (خاصة في رمضان): ابتعد عن الخلوة : لوحدك في الغرفة، اخرج للمسجد أو اقعد مع أهلك، أو مارس رياضة خفيفة زي المشي بعد الفجر. غير الروتين : لو بتشوف حاجات بتثيرك (موبايل، إنترنت)، حدد وقت معين للقرآن أو الذكر بدلها، زي قراءة سورة يوسف يوميًا. صوم إضافي : صوم الاثنين والخميس بعد رمضان، ده بيقوي الإرادة. دعاء قوي : كل يوم بعد صلاة الفجر: "اللهم إني أعوذ بك من شر نفسي ومن شر الشيطان وشركه". اشرب كتير في السحور ونم كويس، عشان الجوع والتعب ميزودوش الضغط. أنت قوي وقادر تقف، وده اختبار من ربنا عشان يرفع درجتك. ربنا يثبتك ويغفرلك يا رب، أنت هتطلع أقوى! 💪❤️
تم النشر السبت، ٢١ فبراير ٢٠٢٦
احساسك بالذنب والندم جميل و ربنا انعم عليك بيه لانه بيحبك و اراد توبتك ، ممكن ده يكون عادة اصلا من قبل رمضان؟ ولو مش عادة شوف ايه السبب اللي بيخليك تعمل كده زي ما قولت يمكن احساس ضغط ؟ وحده؟ حتي احساسك ان ربنا مش هيغفرلك ده ممكن يكون احد الاسباب والشيطان بيدخلك منه ويقولك كمل انت عصيت ربنا ومش هيسامحك ف مش فارقه ،بس صدقني ربنا بيحبك و مجرد تفكيرك في التوبه تعتبر توبه في غيرك كتير غافل و شايف انه عادي وان ربنا غفور هو اه ربنا غفور لكن للي تاب وندم وعمل عملا صالحا وانت بتندم وبتوب وبتصلي وتصوم وتستغفر حاول تطلع صدقه بنيه ان ربنا يبعد عن قلبك حب الشهوة ،و صدقني ربنا رحمته اوسع مما تتخيل وهيغفرلك طول ما انت بتستغفره اوعي تسمع للشيطان وهو بيقولك مش هيغفرلك لا هيغفرلك حط دايما في بالك بسم الله الرحمن الرحيم ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ﴾ و اللي بيقنط من رحمة ربك الا الكافر حاول متسمعش كلامه وتجاهد اكتر
تم النشر الثلاثاء، ٢٤ فبراير ٢٠٢٦
وعليكم السلام ورحمه الله وبركاته اول حاجه حابه أهنئك انك بدأت رمضان بقوه وقدرت تجبر نفسك وتجرها جر للمساجد لأن دي حاجه بجد قويه مش كتير بيعملها الا من رحم ربي تاني حاجه وقوعك ده أمر طبيعي جدا نفسك دي عامله زي الوحش وانا قدرت تسيطر عليها وتدخلها المسجد وبتجاهدها الأمر ده صعب عليها لأن حاجه غير اللي اتعودت عليها الأيام اللي صومتها م راحت عليك والايام الجايه كمان ما راحوا عليك يعم ده انت ربك اسمه الكريم تعرف والله انت بطل انك اول ما وقعت جبت ركعتين توبه دلوقتي عليك والاستغفار كتير وخليك عند حسن ظن بالله ماشي بلاش معاملتك دي ربك اسمه الكريم والتواب والغفار وانت بتعمل حاجه عظيمه جدا وأمنها عظيم ولمن خاف مقام ربه ونهي النفس عن الهوي تعرف اي الجزاء فإنه الجنه هي المؤي الجنه يا اخويا فاهم متخليش نفسك تضحك عليك تاني انت خسرت جوله لسه الحرب شغاله ولسه رمضان موجود وربنا يصلح حالك ويهديك في قناه علي الواتساب ابحث عنها اسمها السيره النبويه للشيخ علاء ابو الحسن اقسم لك بالله اني اتغيرت بسبب القناه دي وأنها غيرت الكتير مننا ربنا يثبت الشيخ علاء ابو الحسن انصحك تبحث عنها وتتابعها
تم النشر الثلاثاء، ٢٤ فبراير ٢٠٢٦
لو مش عايز ترجع للذنب عاقب نفسك لوعملته بس بحاجه حلوه زي صدقة مثلا تطلعها لو رجعت للذنب ده او انك تصلي 20ركعة تطوع أواستغفر 1000مره أي حاجه تخليك تمنع نفسك عن الذنب تاني حاجة بالنسبه للنفس الأمارة بالسوء ملهاش غير انك تكون أقوى منها ودا بيكون بعدة طرق أولا انك تجاهدها وتكلمنا وتقف قصادها بس دا أحيانا مخك ممكن يضحك عليك لأن الممنوع مرغوب عندو ودا الجانب السيء من المجاهد تاني حاجه انك تلهي نفسك وتحاول تنشغل عن الموضوع بأي حاجه ودا حل مثالي حتى لو عايز تعمل حاجه كويسه وبتجاهد نفسك عليها لو فكرت كتير مش هتعملها زي انك تصحى للفجر مثلا ولو قمت من غير تفكير هتعملها علطول وعلشان تتغلب على النفس دي الطريق الوحيد اللي يخليك تقوى عليها هوا الطاعات هتخليها تحت طوعك وأهم الطاعات هيا اللي بتحتاج مجاهدة نفس لانك كل مره بتغلبها بتصبح أضعف وانتا بتقوى عليها زي الالتزام بالتكبيرة الاولى في المسجد لمدة 40يوم دا بالإضافة إلى أنو هيبرأك من النار والنفاق هوا من أشد التمارين اللي هتكسبك انضباط وتحكم عالي في النفس والالتزام بصلاة الضحى وقيام الليل وغيرها بس كدا هوا موضوع الذنوب دا والنفس دا عضلات انتا بتنميها وتكبرها كل ما تزود في الطاعات والدنيا كلها تعب وانتا لتختار التعب اللي يناسبك إما تعب مع توهان وضياع وذنوب ونار وإما شوية طاعات للخالق عز وجل في دنيا فانية ماهي إلا ساعة وسنلقاه وأسأل الله تعالى أن يرزقنا وإياكم لذة النظر لوجهه الكريم وأن يعيننا على أنفسنا فلا حول ولا قوه الا به صح نسيت اقول دعاء الإعنة على النفس وتطهيرها (اللهم آت نفوسنا تقواها وزكها أنت خير من زكاها أنت وليها ومولاها ياحي يا قيوم برحمتك استغيث اصلح لي شاني كله ولا تكلني الى نفسي طرفه عين ابدا)
تم النشر الثلاثاء، ٢٤ فبراير ٢٠٢٦
انا كنت عايز اسال سؤال بس لما جيت اسال قالي لازم تكتب تعليق وانا لسه جديد ف الاب بس هكتب سؤال عشان بيقول لازم اكتب تعليق وانا لسه جديد ف الاب ف الاول بتأليف علي اللي هقوله امبارح اليوم كان ماشي فله رحت جمعتي وخلصت ورجعت صليت ونمت وصحيت (حياه روتينيه) اللي يحصل ام بعد مخلص التراويح بشويه الاقيني فاتح الموقع إياه ويوفر تب بتفرج ليه معرفش ف اي حاجه مسيطره عليك لا بس بتفرج حتي بتفرج وانا كاره اللي بيحصل انا مش عايز ابقي هنا مش ده مكاني اكيد اكيد اكيد انا انضف من كدا مليوووون مره (الحمدلله بصلي و بقرا قران بس متأخر لسه ف الجزء التالت عشان بقرا بتفسير وده اللي ماخرني للاسف و الحمدلله بصلي ف المسجد)نرجع لموضوعنا إذ وفجأة اقع مرتين ورا بعض اللي هو ايه ده لا بجد ايه ده انت بتبارز مين انت ف رمضان مكذبش عليك ساعات بقيت مبحسس بندم اه بصلي وبستغفر وماضي ب سبحه بس حسيت اني خلاص ربنا كدا كدا مش هيرحمك حتي ف مره من المرات قولت متنتحر بس لقيتني هروح النار ف عذاب دنيا واخره اللي محتاجه فعلا منكم نصيحه تعمل بيها اكمل بيها رمضان و مقعش ف الايام الباقيه (من الحاجات اللي عملتها اني مسحت السوشيال ميديا وتقريبا كمان مش هتفرق علي مسلسلات هو المداح بس ده لو هينفع وافضل متابع ع المغرب) بكل ود محتاج نصائحك حتي لو انت شايفها تافهه انا واحد بضيع غرقان ف بحر مش عارف اطلع منها هل ربنا بعد كل ده هيغرلي اصل ازاي دانا مش بس عصيته دانا انتهكت حرمته اللي هي شهر رمضان مبقتش حاسس بي اي شئ حلو انت كدا كدا ضايع صلاتك مش هتتقبل ولا صومك ولا قرأتم بقران دانت حتي متأخر عشان بتقراةقران بتفسير كلهم ف الجزء السادس والسابع وانت واقفلي ف التالت ( بعتذر عن الإطالة)
تم النشر الثلاثاء، ٢٤ فبراير ٢٠٢٦
انا بشكر كل اللي رد ربنا يجعله ف ميزان حسناتكم جميعا
تم النشر الثلاثاء، ٢٤ فبراير ٢٠٢٦
بص طبيعي تقع في ذنب في رمضان حتي لو الشياطين متسلسله نفسك امارة بالسوء حتي الرسول عليه الصلاة والسلام قال اعوذ بك من شر نفسي و بما انك ما شاء الله محافظ علي صلاتك وصيامك شوف الوقت اللي بتضعف فيه امتي لما تكون لوحدك او مضغوط او حاجه مضيقاك لان معظم الوقت يا بيكون السبب بسبب الوحده او الضغط ، عايزة اقولك انك ان شاء الله مش من المغضوبين عليه لانك ندمان وربنا بيحب العبد اللي بيندم وبيتوب حتي لو رجع لنفس الذنب مليون مره و تاب ، ولو الفعل ده كان في نهار رمضان يبقي اليك قضاء اليوم ده بس لكن لو بعد المغرب فصيامك صحيح وباقي الشهر مضعش ولا حاجه
تم النشر الثلاثاء، ٢٤ فبراير ٢٠٢٦
إن كانت العادة بالنهار فصيامك لليوم ده فقط باطل وعليك قضاؤه بعد رمضان، اما ان كان بالليل فصيامك صحيح و أحسنت أنك سارعت بالتوبة وعليك العزم بألا تعود إلى تلك الفعلة مرة أخرى واجعل ندمك على تلك الفعلة في ومضان دافعا لك للبعد عند تلك العادة
تم النشر الأحد، ٢٢ فبراير ٢٠٢٦
العادة كانت بالنهار ام بعد الفطار؟
تم النشر الأحد، ٢٢ فبراير ٢٠٢٦
لعرض السؤال في فدني اضغط هنا