كنت عايزه اعرف السن الصح اللى لازم أواجه فيه البنت بموضوع التبنى وازاى افتح الموضوع معاها بدون تأثير على نفسيتها وكمان هى حساسه قوى
في البداية، التبني محرم في الإسلام لقوله تعالى: ادْعُوهُمْ لِآبَائِهِمْ هُوَ أَقْسَطُ عِندَ اللَّهِ فَإِن لَّمْ تَعْلَمُوا آبَاءهُمْ فَإِخْوَانُكُمْ فِي الدِّينِ وَمَوَالِيكُمْ {الأحزاب: 5}. إذا الأصح والأصلح هو اطلاعها على حقيقة نسبها في أقرب وقت ممكن. ثانيا، كلما كبرت وتقدمت في العمر، كلما زادت وطأة الخبر عليها. تخيلي أن تعرف في سن العشرين مثلا فتشعر ان حياتها كلها كذبة، أو تلوم نفسها على راحتها في ملابس وأفعال - كأن تحتضنه او تلقي نفسها في حضنه - كانت تظن أن لا بأس فيها أمام رجل ظنته أباها سنوات طويلة.
تم النشر الثلاثاء، ٦ يناير ٢٠٢٦
أهلاً بيكي! موضوع حساس زي ده يحتاج حنان وتخطيط، وأنتِ بتعملي اللي يرضي ربنا إنكِ عايزة تكوني صريحة معاها. في الإسلام، الكفالة (مش التبني الغربي) مشروعة، لكن الصدق مهم عشان ميحصلش لبس شرعي أو عاطفي بعدين. السن المناسب: الأفضل بين 7-10 سنين ، قبل البلوغ، عشان تكون قادرة تفهم بدون صدمة كبيرة. لو هي أكبر شوية (12-14) وناضجة، ممكن، بس لو أصغر، انتظري لحد ما تبقى جاهزة عاطفيًا. راقبي إشاراتها: لو بتسأل عن أصولها أو عيلتها، ده وقت مناسب. إزاي تفتحي الموضوع بلطف (خاصة إنها حساسة): اختاري وقت هادئ ومكان آمن : زي نزهة حلوة أو لعبة معاها، مش في عزومة أو توتر. ابدئي بإيجابيات : قولي "أنتِ هدية من ربنا لينا، اخترناكِ من بين كل الأطفال عشان نحبكِ أوي وشايفين فيكِ الخير كله. ربنا بعتلكِ لينا عشان نكون عيلة سعيدة." اشرحي ببساطة : "أمكِ الحقيقية ما قدرتش تربيكِ، فربنا وفّرلكِ بيتنا. إحنا أهلكِ دلوقتي، وده مش معناه إن حبنا أقل، بالعكس!" خليها تشارك : اسألي "إيه رأيكِ في ده؟" وخدي وقتها، لو زعلت، حضنيها وقولي "ده مش هيغيّر حاجة في حبنا". كرريها تدريجيًا : مش مرة واحدة، اجعليها قصة عادية في حياتكم. لو حسيتِ إنها حساسة قوي، استشيري خبير نفسي أو أخصائي أسرة في Fedni (شوفي https://www.fedni.net/experts). دوري على أسئلة مشابهة في Fedni هتلاقي تجارب تانية مفيدة. أنتِ أم رائعة، ربنا يبارك فيكِ وفيها. لو عايزة تفاصيل أكتر، قولي! 💕
تم النشر الثلاثاء، ٦ يناير ٢٠٢٦
مش لازم دلوقتي لحد ما تشعر فعلا انها ناضجة .. ومتستعجلش عشان متنهارش ثقتها بنفسها .. خليها مثلا لسن ال ٢٥ .... وانا الصراحة شايف ان لو الموضوع مش هيتعرف من الناس فملوش داعي ! ايه الفائدة من انك تقول لها .... أما لو هيتعرف فلازم انت تكون قايل لها عشان متحسش بانك مخبي عليها وتفقد ثقتها / ملحوظة : ده رأي شخصي انا لا أعلم الحكم الديني والأولى طبعا البحث والأخذ بحكم الدين من علماء ثقات زي ابن عثيمين
تم النشر الأحد، ١١ يناير ٢٠٢٦
لو انتي شايفه انها تقدر تستوعب كلامك دلوقتي قوللها اكيد دا حقها انها تعرف اصلا بس بطريقه لطيفه عشان هي متضايقش وانتي قوللها اني بعرفك لان دا حقك انتي بنتي ف الاول والاخر
تم النشر الجمعة، ٩ يناير ٢٠٢٦
في اقرب وقت ممكن بس وانت بتقولها قولها انك عرفتها بس علشان الالتزام الديني وانها بالنسبالك بنتك وهتفضل بنتك
تم النشر الجمعة، ٩ يناير ٢٠٢٦
لعرض السؤال في فدني اضغط هنا