اكتشفت بالصدفة ان اخويا بيكلم صاحبتى المقربة ليا جدا و بتيجى عندى البيت دايما
حاسة انى اتغدر بيا منهم هم الاتنين
الاتنين خذلونى مش عارفة أبص فى وشهم ولا عارفة اواجهم ازاى بقيت صغيرة اوى قدام نفسى
كرهتهم هم الاتنين
عايزة اقول لاهلى على اخويا عشان مش عايزة لسانه يخاطب لسانى تانى ولا طايقة أبص فى وشه
اولا ولا صغيرة قدام نفسك ولا حاجه انتي كويسه وجميله هيا بس الصديقه مش كويسه واختيارها خطأ وكذلك الاخ الاثنين خطأوا بس لو كانت صديقه صااحه كانت رفضت الارتباط باخوكي واخوكي لو كان شاب صالح كان رفض الارتباط من اي بنت حتي لو صديقتك بس الموقف ولا يأثر فيكي ولا تفكري فيه غير انك تواجهي صاحبتك وانتي مبتسمه وتكلمي معاها وانصحيها ان دا حرام ولو اهتدت ف هي صاحبتك لو مش اهتدت ابعدي عنها افضل
تم النشر الأحد، ١٣ سبتمبر ٢٠٢٦
بصي اول حاجه لازم تعاتبي عشان ميتبنبش كُره جواكي ليهم و الكُره دا وحش و بالاخص ان دا اخوكي مينفعش تقولي مش عايزا لسانه يخاطب لساني تاني لأن دا اخوكي و يعتبر سندك فى الدنيا بعد والدك و حطي ليهم عذر أن ممكن معرفوش يفتحوا الموضوع معاكي ازاى او خافوا تزعلي في سكتوا ، انا عارفه إن الموضوع يضايف فعلا بس حاولي تمحي الغضب اللى جواكي و لازم تعاتبي و تفهمي ليه محدش قالك ، بصي اعملي روم و ضيفي اخوكي و صاحبتك و قوليلهم مفيش حاجه عايزين تقولها لو قالوا ف خير و بركه اسالي ليه محدش قال من بدري و لو قالوا لا قولي انك عارفه انهم بيتكلموا و ان المفروض كانوا يعرفوكي و عاتبي بكل حاجه جواكي المهم غضبك يتمحي تماما و بلاش تعرفي اهلك اعتبري سر عشان صاحبتك و سمعتها ، دى بنوته ف عيب ، و اتكلمي معاهم بعدها انه حرام و مينفعش يعملوا كدا و ياخدوا خطوه جد احسن من الكلام فى السر ، و كل ما يتجدد الكره جواكي انك تزعلي منهم اوى و توصل انك تخاصمي اخوكي اذكري ربنا كتير
تم النشر الجمعة، ١١ سبتمبر ٢٠٢٦
السلام عليكم، طيب إيه سبب زعلك تحديدا؟ يعني عشان اكتشفتِ إنهم مرتبطين وده شرعا حرام (لو انتم مسلمين) ومتوقعتيش منهم ده ولا عشان محدش منهم شاركك السر، يعني لو صاحبتك مثلا جت قالت لك أنا بحب أخوكِ وهرتبط به كان عادي؟ أو لو أخوكِ قال لك من الأول مفيش مشكلة عندك؟ ولا عشان حاسة إنهم كانوا مغفلينك أو مثلا صاحبتك كانت مقربة منك عشانه هو من البداية؟ يعني حددي سبب الزعل الأول عشان تعرفي تتعاملي مع مشاعرك صح، وممكن تواجهي الاتنين وتعرفي اسباب تصرفهم وليه مش قالوا لك، احتمال تلاقي تبرير مقنع عندهم. ويا ريت بعد ما تهدي من ناحيتهم إن شاء الله، تنصحيهم إن مينفعش أي ارتباط غير رسمي بين ولد وبنت ولو أخوكِ كبير وفي سن يسمح له بالزواج فاقنعيه يتقدم لها.
تم النشر الأربعاء، ٩ سبتمبر ٢٠٢٦
أختي العزيزة، أنا آسفة جدًا إنك بتمري بتجربة قاسية زي دي، وإنك حاسة بالخيانة من أقرب الناس ليكِ. الشعور ده طبيعي جدًا، ومن حقك تكوني زعلانة ومضطربة، لأن اللي حصل بيأثر على ثقتك في اللي حواليكِ وعلى صورة نفسك قدام نفسك. بس خلينا نفكر مع بعض بخطوات عملية وهادية تحميكِ وتحافظ على توازنك. أول حاجة، حاولي تهدي نفسك شوية قبل ما تاخدي أي قرار. الغضب والكره دلوقتي بيخلوكِ تشوفي الأمور أسود أو أبيض، وده ممكن يخليكِ تعملي حاجة تندمي عليها بعدين. قولي لنفسك إن اللي حصل مش نهاية العالم، وإنك قادرة تتعاملي معاه بطريقة تحافظ على كرامتك. بدل ما تقولي لأهلك فورًا عن أخوكِ، فكري في النتايج: ده ممكن يسبب مشاكل كبيرة في العيلة، ويخلي العلاقات أسوأ، وأنتِ مش عايزة تكوني السبب في تفكك أسري. الإسلام بيحثنا على صلة الرحم وعدم الإفساد بين الناس إلا لضرورة قصوى. بدل كده، جربي تواجهي الموقف بهدوء. ممكن تبدئي بصاحبتكِ لوحدها، تسأليها بصراحة عن اللي بيحصل بدون اتهامات، وتشوفي رد فعلها. لو لقيتي إن فيه تجاوز، قولي لها إن ده بيوجعكِ وإنكِ مش قادرة تستمري في الصداقة كده. أما بالنسبة لأخوكِ، لو قدرتِ تتكلمي معاه بهدوء وتقوليله إنكِ اكتشفتي الموضوع وإنه خذلكِ، ده ممكن يفتح باب للحوار. لو مش قادرة تواجهيهم دلوقتي، خدي وقتكِ في الابتعاد العاطفي عنهم مؤقتًا، وركزي على نفسكِ: صلي، اقرئي قرآن، ومارسي حاجات بتحبيها عشان ترجعي ثقتكِ في نفسكِ. لو الموضوع ده بيأثر عليكِ نفسيًا بشدة، فكري في إنكِ تكلمي معالج نفسي متخصص عشان تساعدكِ تتعاملي مع الخيانة دي. أنتِ مش صغيرة قدام نفسكِ، بالعكس، إدراككِ للموقف ده دليل على قوتكِ. خدي خطوة بخطوة، ولو عايزة تتكلمي أكتر عن اللي بيحصل، أنا هنا أسمعكِ.
تم النشر الأربعاء، ٩ سبتمبر ٢٠٢٦
فالحالة الافضل انك تبعدي عن صاحبتك دي وتقولي لأهلك على اللي حصل
تم النشر الخميس، ١٠ سبتمبر ٢٠٢٦
لعرض السؤال في فدني اضغط هنا