انا طالب لسه مخلص ثانويه عامه ومصدوم من مجهودي وتعبي اللي مجوش في مجموعي وجبت مجموع لغايه دلوقتي مش مستوعبه او مصدقه وبقول اكيد فيه غلطه وكل شويه اخش اشوف يمكن يتغير او حاجه انا مش عارف اخش اي ولا اعمل اي مش عارف اسافر ولا اشوف منحه ولا اخش خاص ولا كليه حسب مجموعي انا مجموعي 69.5 وعلمي علوم وياريت محدش يتريق انا شوفت ظلم في مصر وعايز اسافر اكمل تعليمي لو حد يعرف ازاي اسافر او فيه منحه او حاجه ياريت يفدني بأي حاجه انا تايه ومش عارف اعمل اي
أنا آسفة إنك بتمر بالصدمة دي، وأقدر تمامًا إحساسك بالإحباط والإنكار. تعب سنين ومجهود كبير وفي الآخر النتيجة ما تعكسش اللي عملته، ده شعور طبيعي جدًا، وكتير من الطلاب بيحسوا بنفس الشيء. خلينا نبتدي بخطوة مهمة: النتيجة دي مش نهاية الطريق ولا بتحدد قيمتك، هي بس مرحلة، وفي طرق كتير قدامك تقدر تكمل بيها تعليمك وتحقق أهدافك. بمجموع 69.5% علمي علوم، في مصر فيه خيارات زي كليات الزراعة أو بعض المعاهد الفنية أو الجامعات الخاصة اللي بتقبل بنسب أقل، أو حتى الدبلومات الفنية اللي ممكن تحول منها بعدين لكلية. لو عايز تسافر، ركز دلوقتي على تحسين لغتك الإنجليزية أو الألمانية، ودور على برامج المنح الدراسية اللي بتقبل طلاب بمجموعات متوسطة زي منح تركيا أو ماليزيا أو بعض الجامعات الأوروبية اللي بتقدم برامج تحضيرية. ابدأ بجمع أوراقك الرسمية وشهاداتك، وابحث عن اختبارات القبول الدولية زي الـIELTS أو TOEFL لو قدرت، لأنها بتفتح أبواب أكتر. أنت مش تايه لوحدك، كتير من الشباب بيعدوا بنفس اللحظة دي ويطلعوا أقوى. فكر في اهتماماتك الحقيقية: إيه المجال اللي بتحبه؟ ده هيساعدك تختار طريق يناسبك مش بس عشان تسافر. لو عايز أفكار أكتر، دور على أسئلة مشابهة في فدني عشان تشوف تجارب ناس تانية. أنت قادر تتجاوز اللحظة دي، خد نفس وابدأ بخطوة صغيرة النهاردة.
تم النشر الجمعة، ٣١ يوليو ٢٠٢٦
السلام عليكم، هنتريق ليه بس؟ وبعدين مين قال مجهودك ضاع؟ ممكن كان في تفكيرك كلية معينة بس مش معنى إنك مدخلتهاش وربنا كتب لك حاجة تانية أو إنك نزلت في المجموع إن كده مجهودك وتعبك راح على الفاضي وإنك مش هتشوف نتيجة تعبك. أنا مش عارفة هل فيه إمكانية إنك تعمل كشف وتتأكد من درجاتك ولا خلاص، بس عامة الثانوية العامة مش نهاية المطاف ولا هي اللي هتحدد نجاحك في الحياة، هي يا دوب بتوجهك في طريق جديد وأنت في إيدك تخلي الطريق ده بداية نجاح وتفوق إن شاء الله. ناس كتير اتظلمت في الثانوية أو جابوا مجموع صادم رغم مجهودهم الكبير ومع ذلك حققوا نجاحات كبيرة في الكليات اللي دخلوها حتى لو هي مكنتش رغبتهم والكلية اللي كانوا بيحلموا بها، وفيه أكيد ناس تانية تركوا التجربة تكسرهم، فأرجو إنك متكونش منهم ومتحولش الثانوية العامة لكسرة تفضل ملازماك طول العمر وعقدة نفسية جواك. متاخدش أي قرارات دلوقتي وأنت لسه تحت تأثير الصدمة والمشاعر السلبية، وانتظر التنسيق وممكن تشوف تنسيق العام الماضي هيعطيك مؤشرات للكليات اللي أخدت من مجموعك، وإن شاء الله تلاقي من ضمنها كليات كويسة أو ومجالات مكنتش عامل حسابها ممكن تفتح لك طريق جديد في حياتك. اعمل قائمة بالكليات وابحث عن معلومات عنها وشوف إيه الأنسب لما التنسيق يفتح إن شاء الله. وربنا يوفقك في كل حياتك.
تم النشر الأحد، ٢ أغسطس ٢٠٢٦
بلاش كليات خاصة خالص فلوس ع الفاضي وكمان مستقبل البلد زي الزفت اصلا وهتكون بتصرف مجرد فلوس وخلاص ، شوف المنح المتاحة بمجموعك اسأل ع الفيس هتلاقي أو شوف جوجل وكدا هتلاقي كتير ولو انت مصمم ع الخاص ف روح سافر برا ادرس هناك وتبقى فلوس بفلوس بس هتنفعك بعدين لكن مصر وخاص لا خالص ، ولو مفيش قدامك حاجة خالص شوف معهد ممكن تطلع منه كلية أو استنى لحد ما التنسيق ينزل وإن شاء الله ربنا هاييسرلك وصدقني كلنا اتظلمنا ومحدش شاف مجموعه الا وكان ضايع ربنا يوفقك يارب ويهون عليك
تم النشر السبت، ١ أغسطس ٢٠٢٦
ممكن تدخل كلية علوم تطبيقية خاص و لو شديت حيلك بربع مجهود ثانوي عام ممكن تتعين معيد في الجامعة لو بقيت من الأوائل.
تم النشر الاثنين، ٣ أغسطس ٢٠٢٦
ادخل في مصر خاص متخرجش منها وبعد ما تخلص تعليم سافر صدقني هتلاقي ومش آخر الدنيا اسألني وعن تجربه ومهيش آخر الدنيا خالص
تم النشر الأحد، ٢ أغسطس ٢٠٢٦
انا مش عارفه التنسيق بصراحه بس كليه زراعه تحفه
تم النشر السبت، ١ أغسطس ٢٠٢٦
لعرض السؤال في فدني اضغط هنا