أنا لسه مكتشف موضوع الأبراج مكنتش مؤمن بيه قبل كده بس لما روحت أجرب أشوف برجي ايه لقيت كثير من الصفات الي في برجي موجودة فيا فا عاوز أعرف هل أقدر اعرف الشخصيه وكل حاجة عن الشخص من برجه وازاي بيبقا في برجك نفس الصفات بتاعتك وهل دا أصلا صحي تؤمن بيه ولا لا
مرحباً، أنا ذكية. أفهم تماماً فضولك وتجربتك الشخصية مع الأبراج، خاصة لما لقيت صفات مشابهة ليك في وصف برجك. ده أمر طبيعي يحصل لكتير من الناس بسبب الطريقة اللي بتكتب بيها الأبراج، اللي بتكون عامة ومرنة بما يكفي إن أي حد يلاقي نفسه فيها. من منظور إسلامي، الأبراج والتنجيم مش حقيقيين ولا يُعتمد عليهم في فهم الشخصية أو توقع الأحداث. الإسلام يؤكد إن الله وحده هو اللي بيحدد مصائرنا ويعلم ما في القلوب، وإن الاعتماد على النجوم أو الأبراج يُعتبر نوع من الخرافات اللي ما فيهاش أساس علمي أو شرعي. الشخصية بتتكون من عوامل كتير زي التربية، التجارب، الاختيارات اليومية، والبيئة المحيطة، مش من تاريخ الميلاد. حتى لو لقيت تشابهات، ده غالباً بسبب التفسير الذاتي أكتر من أي تأثير حقيقي. لو عايز تفهم نفسك والناس أكتر، ركز على تطوير ذاتك من خلال العادات الإيجابية، الصلاة، والتأمل في سلوكياتك الفعلية. ده هيخليك أقوى وأكثر وعياً. جرب تبحث عن أسئلة مشابهة على فدني عشان تشوف وجهات نظر تانية، ولو حابب نتكلم أكتر عن كيفية بناء ثقة في نفسك بعيداً عن الأبراج، أنا هنا.
تم النشر الثلاثاء، ٣٠ يونيو ٢٠٢٦
السلام عليكم، موضوع الأبراج والتنجيم وتحديد الصفات من الأبراج ده يعتبر من ضمن العلوم الزائفة (Pseudoscience) ومفيش أي دليل إن حركة الأجرام السماوية بتأثر على حياتنا وصفاتنا، غير إن أصلا ده يتعارض مع الدين. مش عارفة حضرتك مسلم ولا لأ، بس لو مسلم فده محرم في الإسلام، سواء بقى تصديق الأبراج في التأثير على طباع الإنسان وشخصيته أو في تحديد المصائر والعلاقات بين البشر زي إنك تبعد عن البرج الفلاني عشان مش متوافق مع برجك. عن نفسي، صفات برجي فيها حاجات كتيرة مش شخصيتي وأيوه فيه صفات موجودة بس ده عادي، طبيعي يحصل تصادف، بس عامة أنا مش بصدق إن كل الناس اللي اتولدت في نفس الفترة الزمنية لنفس البرج تحمل نفس الصفات، لأن الإنسان بيتأثر بعوامل البيئة والنشأة والتربية والتجارب الحياتية اللي تعرض لها من وقت ميلاده. بالنسبة لفكرة إنك تلاقي فعلا الصفات تنطبق عليك فممكن تبحث عن حاجة اسمها تأثير بارنوم (Barnum effect) ، الموضوع نفسي وله علاقة بالطريقة اللي بتكتب بها الأبراج. ده فيديو صغير عنه👇 https://www.youtube.com/watch?v=oP_JwWLr3tA بلاش خالص تلجأ للموضوع ده في تحديد علاقاتك بالناس واتخاذ قرارات حياتك. ب تحياتي.
تم النشر الثلاثاء، ٣٠ يونيو ٢٠٢٦
الايمان بالله وحده لا شريك له له الملك وله الحمد وهو على كل شىء قدير وبملائكته وكتبه ورسله و باليوم الآخر والقدر خيره وشره. وفى القران مكتوب أنه لا يعلم الغيب الا الله فما متخليش الشيطان يضحك عليك بالإبراج والكلام ده اتعلم الاسلام الصحيح من كل الجوانب وانتا بعد كده هتعرف الحق من الباطل باذن الله والمتعرفوش اسال فيه أهل الذكر الهما العلماء الصالحين وكن حذر ممن تتلقى تعليمك دائما حتى لا يضلك أحد وتاكدت بنفسك لان فى الاخر جنة ونار
تم النشر الجمعة، ٣ يوليو ٢٠٢٦
هقولك حاجة كمان "كون الأبراج بتطلع صح أحيانًا، ده مش دليل إنها حقيقية. لأن كلامها بيكون عام جدًا، زي: "هتقابل تحدي قريب" أو "في حد بيفكر فيك"، ودي جمل تنطبق على ناس كتير، فكل واحد بيفسرها على حياته ويحس إنها صح." "لو الأبراج فعلًا كانت تعرف المستقبل، كان كل الناس اللي مولودين في نفس البرج هيحصل لهم نفس الأحداث، وده مش بيحصل. هتلاقي ملايين الأشخاص من نفس البرج وكل واحد حياته مختلفة تمامًا." *** "إحنا بنؤمن إن الغيب لا يعلمه إلا الله، فما ينفعش نعتقد إن تاريخ الميلاد أو حركة النجوم تكشف المستقبل أو تحدد الأقدار."
تم النشر الثلاثاء، ٣٠ يونيو ٢٠٢٦
الإيمان بالأبراج إذا كان المقصود به الاعتقاد بأنها تعرف الغيب أو تؤثر في حياة الإنسان ومستقبله أو تحدد شخصيته وقدره، فهذا لا يجوز في الإسلام، لأن علم الغيب من اختصاص الله وحده. قال الله تعالى: ﴿قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ﴾. أما قراءة الأبراج على سبيل التسلية دون تصديق، فقد حذر كثير من العلماء منها أيضًا؛ لأنها قد تجر الإنسان إلى تصديقها أو التعلق بها. لذلك فالمسلم يعتمد على الله، ويؤمن أن ما يصيبه وما يخطئه كله بقضاء الله وقدره، ولا يربط مستقبله أو قراراته بالأبراج.
تم النشر الثلاثاء، ٣٠ يونيو ٢٠٢٦
السلام عليكم ورحمة الله وبركاته "كونك لقيت صفات شبه شخصيتك في برجك، ده مش معناه إن البرج هو السبب أو إنه صحيح. لأن أوصاف الأبراج غالبًا بتكون عامة ومرنة، فناس كتير بتحس إنها بتنطبق عليها، حتى لو كانوا من أبراج مختلفة هقولك مثال: "لو وصفت شخص إنه طيب، وعنيد أحيانًا، وبيحب التقدير، وبيزعل من التجاهل، هتلاقي ناس كتير تقول: دي أنا! مع إن الصفات دي موجودة عند عدد كبير من الناس." ومن الناحية الشرعية: "الإسلام لا يمنع دراسة الشخصيات أو معرفة طباع الناس، لكنه لا يربطها بالأبراج أو تاريخ الميلاد. فالشخصية بتتأثر بعوامل كثيرة مثل التربية، والبيئة، والتجارب، والطباع، وليس البرج." فمجرد توافق بعض الصفات مع شخصيتك ليس دليلًا على صحة الأبراج، كما أن تشابه وصفين لا يثبت أن أحدهما سبب للآخر.
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا