هل ادعية الصدقات كلها مؤكدة استجابتها؟ سؤال بييجي في بالي أن انا لو عايزة حاجة وعمالة اصلي ليل ونهار وادعي ليل ونهار واستغل اوقات استجابة الدعاء وعملت صدقة بنية الموضوع اللي انا عايزاه، ماذا لو مستجبش؟ طب ومجهودي في كل دا؟ ربنا بيستجيب اكيد وبيسمع لعبده، بس على كل المجهود دا هل ممكن متستجابش لو مفيهاش خير؟
الدعاء عبادة عظيمة، لكن استجابة الدعاء مش شرط تكون بنفس الصورة أو في نفس الوقت اللي إحنا عايزينه. ممكن ربنا يستجيب للإنسان بتحقيق طلبه، أو يصرف عنه شر، أو يدّخر له الأجر في الآخرة، وده لا يعني إن الدعاء أو الصدقة ضاعوا. المهم إن الإنسان يجمع بين الدعاء والأخذ بالأسباب، ويصبر ويحسن الظن بالله، من غير ما يستعجل الإجابة أو يربط قبول دعائه بظهور نتيجة فورية. فإحنا علينا الدعاء والسعي، أما توقيت الإجابة وكيفيتها فده من حكمة ربنا سبحانه وتعالى. والسؤال الأهم: هل إحنا بندعي ربنا ثقةً فيه وعبادةً له، ولا بنربط علاقتنا بيه بتحقيق طلباتنا في الوقت اللي إحنا محددينه؟
تم النشر الأحد، ٢٥ أكتوبر ٢٠٢٦
السلام عليكم، الدعاء في حد ذاته عبادة والاستجابة لا يُشترط تكون بالصورة اللي احنا كبشر عاوزينها لأن ربنا عنده العلم المطلق وإيه الخير والشر بالنسبة لنا. "وقال ربكم ادعوني استجب لكم" "وإذا سألك عبادي عني فإني قريب أجيب دعوة الداع إذا دعان" ** الاستجابة زي ما علمنا الرسول عليه الصلاة والسلام على ٣ صور؛ تعجيل الإجابة ... وهي إن ربنا يعطيك ما طلبته. صرف السوء.. . ربنا بيصرف عنك السوء أو الابتلاء أو المرض بمثل دعوتك (هنا ممكن الحاجة اللي عاوزاها كان فيها شر لك وربنا بيصرفه أو ممكن يصرف شر أكبر زي مرض أو غيره) التأجيل والإدخار .. وهنا ربنا بيدخر دعوتك للآخرة وبيبدلها أجر عظيم إن شاء الله.. (وأعتقد وقتها هنكون في أحوج حاجة لأي دعوة مدخرة تساعدنا في حساب الآخرة) فدي صور استجابة الدعاء، بس احنا اقتصرنا الاستجابة في إن ربنا يعطينا اللي طلبناه. *** فمش معنى إن الحاجة اللي طلبتِها مجتش عشان هي كانت شر لك إن كده ربنا مستجابش دعاءك رغم الجهد اللي بذلتِه، بالعكس ده معناه إنه استجاب الدعاء. *** ومش معناه إن مجهودك اللي بذلتِه ضاع. مجهودك وصدقتك محفوظة ومثابة عليها إن شاء الله. الدعاء عبادة، يعني لك ثواب على عبادتك دي لما تدعي بيقين وثقة في الله، مش كأنك بتختبريه، إن هدعي واطلع صدقة عشان آخد الحاجة الفلانية فلو مجتش هوقف اللي بعمله أو أفقد يقيني وإيماني بالله لا سمح الله. احنا بنعمل العبادة وبنسلم الأمر لربنا في الاختيار واحنا واثقين إن السعي والمجهود محفوظ عند ربنا وكمان اللي ربنا هيختاره هو اللي فيه الخير واحنا هنرضى به أيا كان.
تم النشر الأحد، ٢٥ أكتوبر ٢٠٢٦
نعم، ربنا سبحانه وتعالى يسمع كل دعاء ويقدر كل جهد، والصدقة من أعظم الأسباب التي تفتح أبواب الاستجابة، لكن الاستجابة ليست دائمًا بالشكل الذي نتخيله أو في الوقت الذي نريده. الدعاء بالصدقة ليس "ضمانًا آليًا" بأن تتحقق الرغبة بالضبط، بل هو وسيلة قوية للتقرب إلى الله، والله يستجيب حسب حكمته ورحمته. الجهد الذي تبذلينه من صلاة ودعاء وصدقة ليس ضائعًا أبدًا، حتى لو لم تتحقق الحاجة. ربنا يقول: "وَقَالَ رَبُّكُمُ ادْعُونِي أَسْتَجِبْ لَكُمْ"، والاستجابة قد تكون بإعطاء ما تريدين، أو بصرف ما هو أسوأ، أو بتأجيل الإجابة لوقت أفضل، أو بإعطاء شيء أعظم في الدنيا أو الآخرة. كل هذا التعب والنية الصادقة مكتوب لك أجره، والله لا يضيع عمل عامل من ذكر أو أنثى. إذا لم تستجب الحاجة رغم كل هذا، فغالباً يكون فيها خير لكِ لم تريه بعد، أو حماية من شيء لا تعلمينه. استمري في الدعاء والصدقة بنية خالصة، وأضيفي إليها الرضا بقضاء الله والثقة بحكمته، فهذا يريح القلب ويجلب الطمأنينة. جربي أن تسألي الله دائمًا "اللهم إن كان في هذا خيرًا لي فأعطنيه، وإن كان فيه شر فاصرفه عني وارزقني خيرًا منه". يمكنك البحث عن أسئلة مشابهة على فدني لتري تجارب وآراء أخرى، وتذكري أن الله يحب العبد الملح في الدعاء. أنتِ على الطريق الصحيح، وجهدك محسوب عند رب العالمين.
تم النشر الأحد، ٢٥ أكتوبر ٢٠٢٦
شكرًا لأجابتكم ووقتكم جزاكم الله خيرًا 💗
تم النشر الاثنين، ٢٦ أكتوبر ٢٠٢٦
الموضوع بسيط إن شاء الله لا يحتاج لكل هذه الأفكار.
تم النشر الاثنين، ٢٦ أكتوبر ٢٠٢٦
الحّي بالدعاء، ادعي الله وانت موقنة بالاجابة ولا تفكري بالأسباب
تم النشر الاثنين، ٢٦ أكتوبر ٢٠٢٦
مش تبصي للموضوع كد لانك مش عارفه الخير فين او ربنا رايدلك اي خلي عندك حسن ظن بالله طول ما بتعملي دا و حتي لو لسبب برضو اودعي نيتك لله عز و جل و هوه مطلع و شايف لو خير ليكي هتلاقي الحاجات اتحققت بشكل انت لما هتتحقق مش هتصدقي امتا دا حصل اصلا ولو مش اتحقق اعرفي ان كل ال عملتيه و بتعمليه عند الله هيعوضهولك في حاجه تانية انتي مش شيفاها
تم النشر الاثنين، ٢٦ أكتوبر ٢٠٢٦
إن شاءالله خير إن بعد العسر يسر
تم النشر الأحد، ٢٥ أكتوبر ٢٠٢٦
لعرض السؤال في فدني اضغط هنا