السلام عليكم
سؤالى موجه للشباب عايزه اشوف رأيهم
لو انت كشاب بتحب بنت بجد وفعلا عايزها تكون زوجه ليك واتقدمت واترفضت واتقدمت تاني وبرضو اترفضت وكذلك تالت وكان رد البنت ليك فى اخر مره قالتلك انها خايفه من فكره الارتباط دلوقتي وحاسه نفسها لسه صغيره على خطوه زي دي
وكمان خايفه تاخد قرار وبعدين تفشكل بعد الخطوبه هتكون ظلمتك وظلمت نفسها لأنها خدت قرار بناء على مجرد موافقه العيله وعلى رأيهم فيك وكمان عشان تفرح زي باقي البنات حواليها عروسه وكده يعني انا ذكرت إنك بتحبها بجد هيكون اى ردك عليها بجد أتمنى تقولوا رأيكم وانتوا كمان يا بنات هتخدوا القرار ازاى
ولو حد حابب يسألني أي سؤال كتوضيح عادي
وعليكم السلام ورحمة الله يا حبيبتي 💕 أولاً، شكراً إنك شاركتِ السؤال ده بكل صراحة، واضح إنك بتفكري بعمق في الموضوع. أنا هرد عليكِ كذكية، مدربة حياة، وهقولك رأيي كأنثى، وكمان هتخيل رأي شاب مخلص زي اللي وصفتيه، بناءً على فهمي للسلوك البشري والقيم الإسلامية اللي بتشجع على الاحترام والصبر. لو أنا الشاب ده، ردي هيكون كده (باختصار وصدق): "أنا فاهم خوفك تماماً، ومحترم إنك بتاخدي وقتك ومش عايزة تندمي. أنا بحبك بجد ومش هضغط عليكِ، بس هقولك: الزواج قرار كبير، وأنا مستعد أديكِ الوقت اللي تحتاجيه عشان تفكري براحتك، بدون ضغط عائلي أو اجتماعي. لو محتاجة وقت أطول، قولي. أنا هنا عشانك، ولو ربنا كاتبنا لبعض، هيحصل." ليه كده؟ الشاب الحقيقي هيحترم حدودها، يثبت إخلاصه بالصبر مش بالإلحاح، ويذكرها إن القرار لازم يكون من قلبها وقناعتها الشخصية، مش مجرد "فرحة عروسة" زي البنات اللي حواليها. في الإسلام، الزواج مبني على المودة والرحمة، مش الضغط. ورأيي كأنثى (وباقي البنات زيي): أنا كبنت، هقرر بناءً على التوافق الديني والأخلاقي أولاً (هو ملتزم؟ يعامل الناس كويس؟ مستقبله مستقر؟)، ثم الراحة النفسية والعائلية. لو خايفة زي ما وصفتِ، ده إشارة مهمة – متسرعيشِ! خدي وقتك، صلي الاستخارة كتير، وفكري: هل ده اللي هيسعدني على المدى الطويل؟ مش لازم تكوني "عروسة زي الباقيين"، الزواج نعمة مش سباق. لو رفضتِ، خليكِ صريحة عشان مايضيعش وقته، ولو موافقة، ابدئي بخطبة قصيرة للتعارف الشرعي. نصيحتي العملية ليكِ يا قمر: لو أنتِ البنت: حددي معاييرك الخاصة بوضوح، وكلمي أهلك بصراحة عن مخاوفك. لو أنتِ اللي بتسألي عن الشاب: شجعيه يصبر ويثبت نفسه بأفعال (مساعدة، دعاء، عدم إلحاح). في الحالتين: الاستخارة والدعاء أقوى سلاح، وربنا يختارلكِ الخير. لو عايزة توضيح أكتر أو تفاصيل، قولي! وشوفي أسئلة مشابهة في فدني، هتلاقي آراء شباب وبنات كتير هناك، أو زوري صفحة الخبراء https://www.fedni.net/experts لاستشارة متخصص في العلاقات الزوجية. ربنا ييسر أمركِ ويختارلكِ الأفضل 🤲❤️
تم النشر الأحد، ٣ مايو ٢٠٢٦
الشاب لو هينفع يصبر علشان زي ما أنتي بتقولي إنك صغيرة يبقى دي حاجة ترجعله ، لكن لو أي حاجة تانية غير كدا وإنك ترفضيه كذا مرة وخايفة من قصة الإرتباط دي يبقى أحسن شيء له إنه يبعد ويبحث عن زوجة أخرى
تم النشر الأحد، ٣ مايو ٢٠٢٦
اديكي قلت طريقه التفكير مختلفة عاوزة تفهميني أنه ممكن يعيشك حياه حلوة تحت مسمى الحب دا وهم بيوهم نفسه ويوهمك بيه يعني ينفع يبقي مديكي علقة الصبح وبليل يجبلك ورد وشوكلت وهدايا وبقولك سوري كنت متعصب ترضيها علي نفسك انا شخصيا مرضهاش عليك ولا علي نفسي لان احنا غاليات ونستاهل راجل بجد ويولع الحب مس عاوزاه ربنا عز وجل قال جعل بينكم مودة ورحمة مش حب وبيعدين الحب اصلا بيجي مع العشرة وكدا في رأي ارفضي رفض تام لما تكبري وتنضجي ابقي فكري في الموضوع براحتك +لازم لما تكلميه يكون في محرم والاسبيكر يكون مفتوح وهو يبقي عارف بكدا
تم النشر الأحد، ٣ مايو ٢٠٢٦
@ماتيلدا . حتي لو ما مرتش بتجربة زي دي ممكن تكون شافت تجارب ناس كدة أو هي بنفسها حاسة بالقلق من أمر زي ده
تم النشر الأحد، ٣ مايو ٢٠٢٦
طب جميل بس خدي بالك أن قبل الجواز حاجة وبعدة حاجة تانية تاني حاجه الحب مش بيفتح بيوت يعني لازم اتاكد أن أخلاقية كويسة لازم اشوف حافظ قد اية من القرآن بيصلي ولا لا وهل بيصلي حاضر وجماعة طب اية اخبار صلاه الفجر طب بيشرب سجائر ولا لا المهم اني لازم اتاكد أنه انسان كويس وهيعرف يتقي ربنا فيا وهو بصراحه فرق السن حلو تاني حاجه اني زي ما قلت لسة صغنونه وهو كمان لسة بيدرس يعني ميقدرش يفتح بيت ويصرف علي شخصين يعني يعتبر لسة مراهق فمن وجهة نظري لو لقيتى واتاكدتي أن أخلاقية حلوة فصلي استخاره وسلمي امرك لربنا وان شاء الله خير اهم حاجة تركزي في دراستك شهادتك اهم حاجة 🤍
تم النشر الأحد، ٣ مايو ٢٠٢٦
@زهرة الأمل ممكن بردة في في كلا الحالتين لازم تتخلص من المشكلة دي ولازم يكون عندك ثقة في شريك حياتك ومش لازم تعيشي في خوف ابدا لان دي اسوء حاجة بجد والموضوع بيبقي عذاب لكلا الطرفين وربنا عز وجل بيقول في القران الكريم ﴿ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ ﴾ اخذتي بالك من مودة ورحمة دي بس والله هو دا اللي احنا محتاجينه من الطرف الآخر صدقيني حياتك هتبقي حلوة اوووي لو اختارتي شخص عارف ربنا كويس علشان كدا الاخلاق مهمة والرسول ﷺ قال (إِذَا أَتَاكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ، إِلَّا تَفْعَلُوا تَكُنْ فِتْنَةٌ فِي الأَرْضِ، وَفَسَادٌ عَرِيضٌ)يعني حتي الرسول أكد علي الاخلاق وبس كدا صدقيني مش هتلاقي خالص ولا هتحسي انك خايفة لو كان بينكم مودة ورحمة وان شاء الله ربنا يرزقك الزوج الصالح ادعي دايما بيها في الصلاة ودا ميمنعش انك تبقي تزوري استشاري نفسي الموضوع احيانا بيبقي محتاج فضفضة وحد يوجه صح وان شاء الله تتخلصي من المشكلة دي وسوري لو طولت😅♥️
تم النشر الأحد، ٣ مايو ٢٠٢٦
وبالنسبة لنقطة انك خايفة من الفقد أو التعلق فهل مريتي بحاجة زي دي زمان؟
تم النشر الأحد، ٣ مايو ٢٠٢٦
دلوقتي أنا فهمت يا حبيبتي إنك خايفة من التعلق والفقدان .... يعني خايفة أو قلقانة مثلاً لما توافقي وتتعلقي بيه وتبدأي تحبيه يفقد اهتمامه بيكي وما يكونش عايزك بعد كدة ويتخلي عنك ... طبعاً من كلامك عنه أنا فهمت إن هو عمره ما هيتخلي عنك وكون إن هو حاول يطلبك كذا مرة فده يدل على تعلقه بيكي وإن هو عايزك إنتي ... طب انتي مش مرتاحة ... فيه حاجة اسمها صلاة إستخارة دي بتشوري ربنا وبتوقليله يارب لو ده فيه الخير قدمه يسره ولو كان في شر أبعده واصرفه عني 💗وبس يا عسل أنا هنا لو بقي في سؤال تاني 🫶💕
تم النشر الأحد، ٣ مايو ٢٠٢٦
لو هو بيحب طبيعي هيفضل يحاول ويحاول - لكن مهما حب هو بشر في الاخر برضه انا هفضل متمسك جدااااااااااا واحاول واحاول لو عندي نفس طويل ومزهقتش ومملتش هفضل لحد لما اوصلها واخطبها واقنعها او ابعد سبب الرفض دا وأحله واحاول افكر وادعي ربنا يحل او يبعد اسباب الرفض - ولكن لكل واحد طاقته وصبره ومدى انتظاره - انا ممكن مثلا صبري طوييييل حد تاني ممكن ربنا معطيه صبر اقل مني او اطول مني فهي مش ثابتة - لكن اللي ثابت المبدأ وهي اننا كلنا هنحاول طالما بنحب - حد هيحاول ١٠ مرات - وراحد هيحاول ٨ وغيرهم ٣ بس - ومينفعش نلوم الشخص برضه
تم النشر الأحد، ٣ مايو ٢٠٢٦
@Muhammad Al3dl ما دا اللى بقوله ليه اني لسه صغيره وهو كمان ليه مستعجل قالى خايف يجي حد وتوافقي ابقي خسرتك فهمته ان والله مش هوافق باى حد دلوقتي وهوافق لما ببقي مستعده لده لأن كان فيه قبله برضو وبالنسبه حضرتك للتقارب الفكري حاسه انه مختلف بس مش متأكده احنا اتكلمنا تلات اربع مرات بس ومكنتش بطول معاه عشان اوقات كان بيقفلني انا قريت ردك لبنت من يومين وكان ضمن أسبابها انها قارنت وانا للاسف عملت كده لحد أعلى منه ومعترفه ان ده غلط جدا بس اللى حصل برضو مش مقتنعه ايدا بجواز القرايب فيه حد قالى من العيله ابن عمك أولى بيكي من الغريب واحنا شايفينه كويس ومناسب ليكي 🤷♀️ونقطه التعليم عارفه انه مهم بس فى ناس مش متعلمه وبتبقي احسن كتير من المتعلم منعممش
تم النشر الاثنين، ٤ مايو ٢٠٢٦
اكيد يا قلبي ❤️🫂
تم النشر الأحد، ٣ مايو ٢٠٢٦
والله يبنتي قولت كده بس هو لسه مش متأكد هيعرف ينزل ولا لا لأن عنده مشكله فى ورقه احنا اتكلمنا فتره اللى عرفته فيها وقتها ان طريقه تفكيره مختلفه تماما عني و اوقات ردوده بتخليني عايزه اقفل فى وشه وهو قال انه بيصلي بس انا مش مصدقه بصراحه
تم النشر الأحد، ٣ مايو ٢٠٢٦
العفو يا عمري احنا اخوات 💗🫂 ولو احتجتِ اي حاجه في اي وقت اختك موجودة 😉🫂🤍
تم النشر الأحد، ٣ مايو ٢٠٢٦
يارب وياك يا حبيبتي بجد شكرا على كلامك ❤️
تم النشر الأحد، ٣ مايو ٢٠٢٦
ودا اسمه كلام لما ينزل باذن الله نبقي نشوف الموضوع دا انت هتتخطبي لواحد متعرفيش حاجة عنه ازاي انا راي تشيلي الموضوع من دماغك لما يبقي ينزل يبقي يتقدم زي الناس
تم النشر الأحد، ٣ مايو ٢٠٢٦
ايوة فعلا علشان كدا لازم نبدا نغير من نفسنا مش نقعد نستي الكون يتغير لوحدة ابداي بنفسك احفظي قران اقراي أو اسمعي تفسير القرآن وانت بتقراي شوفي ربنا عاوز يقولك اية اية رسالة انهاردة واعرفي وافهمي اسماء الله الحسنى اتعلمي علم شرعي أتعلمي احكام الطهاره وهكذا اوعي تبطي تتعلمي ابدااا سواء في أمور الدين أو الدنيا وربنا يوفقك يا رب ويثبت خطاك🤍
تم النشر الأحد، ٣ مايو ٢٠٢٦
اشطر كتكوت برافو يا لولو ♥️🫂🤭
تم النشر الأحد، ٣ مايو ٢٠٢٦
لا يا روحي الجواز مش مرعب ولا حاجة وبصراحة احنا وصلنا للدرجة دي علشان بعدنا عن ربنا اووي بقى كل واحد من الطرفين مش عارف ايه حقوقه ايه واجباته وكل واحد عاوز يفرض السيطره على الثاني بالغصب وفي الاخر بينتج جيل زي ما انت شايفة كدا ربنا يعافينا بجد🥺🤍
تم النشر الأحد، ٣ مايو ٢٠٢٦
معاكي حق فى كل كلامك جزاكي الله كل خير وانا اوردي هاخد الخطوه قريب جدا و واروح لأني حاسه انه اكبر من كدا 😅🤍
تم النشر الأحد، ٣ مايو ٢٠٢٦
@زهرة الأمل اه ده حقيقي يمكن السوشيال ميديا مأثره عليا بشكل كبير انتوا اكيد عارفين بشوف حاجات بتخليني اترعب اصلا من فكره الجواز او الارتباط وده غلط طبعا لانه مينفعش أصدق كده واخاف للدرجه دي بس اعمل ايه ده اللى حصل
تم النشر الأحد، ٣ مايو ٢٠٢٦
@ماتيلدا . هو للاسف مش متعلم خرج فى ابتدائي ومكملش لظروف حصلتله وقتها وكمان برضو معرفش حاجه عن دينه وعن انتظامه فى الصلاه وكده هو مسافر بقاله ٣ سنين بره مصر عشان يشتغل ف معرفش وبالنسبه للأخلاق هو بصراحه محترم جدا ومش من الشباب اللي مش كويسه وكدا و وكويس مع أهله وكتير بيقولوا عليه كده شوفت حاجه منه قفلاني اوي لقيت حسابه انستا وقلبت فيه شويه بصراحه ولقيته متابع بنات مقرفه حرفيا ومنهم إيطاليين برضو (هو بيشتغل فى إيطاليا) اتصدمت بصراحه بعد ما شوفت كده
تم النشر الأحد، ٣ مايو ٢٠٢٦
العفو يا حبيبتي 😊 الشكر لله وحده وبرضو إقرأي كلام الأخت ماتيلدا واعرفي أحواله وإن شاء الله ربنا يقدملك اللي فيه الخير 🤲💗🫶
تم النشر الأحد، ٣ مايو ٢٠٢٦
@زهرة الأمل شكرا ليكي جدا على كلامك 💕
تم النشر الأحد، ٣ مايو ٢٠٢٦
بالنسبه لنقطه الدراسه بصراحه هو معترضش نهائي حتى لو شغل عادى برضو قالى دا براحتك اللى يريحك اعمليه انا عقدتها كتير بصراحه بس هو كان بيحل كل حاجه واسفه حرفيا زى ما بيقولوا بتمنالى الرضا ورغم حبه الكبير مش حاسه إننا هنكمل لو وافقت على خطوبه انا غريبه اوى ونفسي اعرف اى سبب خوفى الدفين ده وحتى لو مش هو وحد غيره برضو خايفه من ايه طيب اوقات بيجيلي هواجس ان ممكن بعد ما اتعلق بيه واحبه يمشي او يتغير كده ،واهلى برضو قالوا اللى يريحك اعمليه
تم النشر الأحد، ٣ مايو ٢٠٢٦
مش عارف حاسس انك قولتي مشكلتك دي قبل كده من شهر او شهر ونص بس انتي كنتي شايفاه زي اخوكي
تم النشر الاثنين، ٤ مايو ٢٠٢٦
انا شخصيا غير مقتنع بزواج الاقارب لان لو لا قدر الله حصل مشكلة كله بيزعل من بعضه - ثانيا بقى خلينا نكون متفقين انه الزواج دا نصيييييييييب وقدر يعني مهما حصل ربنا هيختارلك - ثالثا بقى المقارنة وحشة ومجحفه وظالمة جدا لكل الاطراف - رابعا : التقارب الفكري والنفسي مش هيظهر في يوم وليلة - مع الوقت - خامسا والاهم : العلماء بيقول "إن التيسير مظِنّة الإذن الإلهي " يعني لو الامر مييسر وكل اسبابه ميسرة فدا ان شاء الله علامة رضا من الله لانه ميسر كل اسبابه - سادسا : مفيش حاجة اسمها خايفك تضيعي مني - او انا مش هوافق على اي حد - فيه حاجة اسمها يتقدم رسمي وانتي تستخيري وخلاص - وجنبي العلاقات والعوائل من الامر دا لان انتي وهو اللي هتعيشوا سوا لو ربنا قدرلكم تكملوا محدش تاني - اخيرا بقى - احنا حتى في العلاقات مبنعرفش او مينفعش نقيس لان كل حالة ووكل شخص مختلفيييين تماما ومعطيات كتيييييييير - اسألي نفسك مرتاحة او لأ - والاجابة اما تفتحي الباب او تقفلييييه - ربنا يقدرلك الخير - بس للاسف عصر السوشيال ميديا والامور دي بتشتتنا اكتر واكتر - فاحذري كدا من بدري -
تم النشر الاثنين، ٤ مايو ٢٠٢٦
@ماتيلدا . ماما بتكون وقاعده وكذالك بابا بيبقي عارف +شكرا بجد🥺
تم النشر الاثنين، ٤ مايو ٢٠٢٦
اول حاجة لفتت انتباهي انكم محمعين ان سنك صغير - ودا من وجهة نظري مش صح خاااالص - ولكن اللي اقدره اقوله فعلا لازم تكون طريقة التفكير قريبة من بعضها بينكم - يعني يكون في تقارب فكري واجتماعي ونفسي كمان - لان البيوت زي ما قلتكم في التعليقات السابقة لا تبنى على الحب فقط - الالفة والمودة وحسن العشرة وغيرها - انتي بقى لازم تسألي نفسك انتي رافضه ليييييييه !!! بكل وضوح كدا - عشان السن !! فقط ؟ ولا عشان هو قريبك اصلا ! ولا عشان هو مش متعلم ؟!
تم النشر الاثنين، ٤ مايو ٢٠٢٦
قال لأهله وهما قالو لاهلى 🙂🤷♀️
تم النشر الأحد، ٣ مايو ٢٠٢٦
لحظة امال هو بيتقدم ازاي لما هو برة 🙂🙂🙂
تم النشر الأحد، ٣ مايو ٢٠٢٦
ربنا يعافينا فعلا حاسه إننا محتاجين نقرب اكتر فعلا واظن ان وضح كل حاجه وأننا احنا اللى تعاملنا غلط فى غلط
تم النشر الأحد، ٣ مايو ٢٠٢٦
المفروض الرؤيه الشرعيه لما هو ينزل اصلا مصر انا معرفش هو بيكلمهم ولا لا هو متابع دا اللى اعرفه
تم النشر الأحد، ٣ مايو ٢٠٢٦
اعتقد دي رساله انك متكمليش انا بصراحه ضد فكرة اني اخد ولد بيكلم بنات وبالنسبة لأن انت متعرفيش حاجة عن أخلاقة الرؤيه الشرعيه معملوله علشان كدا اصلا كل واحد فينا بيسال التاني عن الاسئله المهمة زي الصلاة وكدة وبشوف هل فكرنا متقارب ولا لا
تم النشر الأحد، ٣ مايو ٢٠٢٦
بصي يا لولو 17دي صغنونه يعني تقريبا في 3ثانوي فأنت خليك واضحه معاه ومع اهلك انك رافضة فكرة الارتباط نهائي دلوقتي وان شاء الله لما تكبري شوية تبقي تفكري علي الاقل يبقي عندك 20سنه وبالنسبة للزواج فمن وجهة نظري أنه لازم يبقي بعد ما تتخرجي لأن في ازواج كتير بيخلوا زوجاتهم مش بيكملوا دراسة للاسف وحصلت مع ناس قرايبي للاسف ولو احتجت اي سوال اختك موجودة يا سكرة🫂♥️
تم النشر الأحد، ٣ مايو ٢٠٢٦
طب هتقنعها او هتبعد سبب الرفض ازاى و هى خايفه وعشان تفهمني اكتر هقولك ايه كان رده عليا قالى ما فيه كتير في سنك بيتخطبوا ويتجوز عادي اى اللى يخوف وذكر اخته اللى اتخطبت فى نفس السن هو يبقي ابن عمي وعنده 20سنه و انا17 واول مره رديت عليه بعد شهرين وكان ردي انى شايفه انه زى اخويا وبرضو مش عايزه ارتباط دلوقتي وكذالك تانى مره بس هو قالى انه شاريني وعايزني وان أهله بيزنوا عليه عشان يخطب بس هو مش عايز غيري وعلى فكره انا قولته برضو لو مش عايز يستني يخطب بس تقريبا هو مش مقتنع بده
تم النشر الأحد، ٣ مايو ٢٠٢٦
لعرض السؤال في فدني اضغط هنا