انا بنت عندي 17 سنه و اعرف ولد عنده 19 سنه من على النت الموضوع بدأ باصحاب و كدا و بعدين اعترف لي بمشاعره و انا كذلك بصراحه حاسه اني بضيع وقت حاليا حاسه اني خنت ثقة اهلي و ربنا غضبان عليا عشان علاقه محرمه كأصحاب مش مرتبطين
و حاسه اني هخسر كل حاجه و بصراحه مش عارفه بس هو قال اتقدم لك في التخرج بتاعك انا يعني يعني كمان 5 سنين بصراحه كتير و هضيع وقتي عايزة اقطع معاه عشان ربنا بس خايفه عشان هو قال إنه وحيد و ماحدش جنبه و قال ليا انتي الوحيده و انتي كل حاجه بالنسبة ليا بصراحه انا هقوله اني مش هقدر اكمل مدام مفيش علاقة رسميه تربطنا و عشان كدا يا ابني انا هبعد عشان مش هقدر اخون ثقة اهلي و علاقتي بربنا الفترة دي
هي فعلا العلاقات دي مش بييجها من وراها غير تأنيب ضمير وقله توفيق من ربنا فالعديد قبل ما مشاعرك تخونك والموضوع يكون أكبر ولو ليكم نصيب هتلاقوا أن شاء الله ، ده غير أن العلاقات الاونلاين دي مش مضمونه خالص وأنه ممكن يكون بيضحك عليكي فالإسلام ليكي تبعدي من غير ما تحسي بالذنب ناحيته
تم النشر السبت، ٢٧ يونيو ٢٠٢٦
اكيد علاقه حرام و مفيش علاقه حرام لتكمل و لو كملت بتبقي كلها مشاكل بعدين ي ماما انتي لسه كتكوته صغيره مشوارك طويل محتاجه تركزي في تعليمك و مذاكرتك عشان ترفعي راس والدتك و والدك اللي طالع عينهم عشانك و هو لسه صغير اوي اوي اوي دا لسه وراه كليه و جيش و حوارات ي حبيبي و كمان انتوا الاتنين في سن مراهقه ف كل دا تضيع وقت و هو لو فعلا عاوزك و شاريكي يدخل البيت من بابه حتي لو مش معاه حاجه بس يبقي راجل و يحاول غير كده شغل عيال ابوكي ميستهلش منك ابدا ان حتت عيل يعدي من جميع يقول بكلم بنت الراجل دا و مغفله اقطعي علاقتك بيه ي حبيبي و ربنا يوفقك و يصلح حالك يارب
تم النشر الجمعة، ٢٦ يونيو ٢٠٢٦
أختي العزيزة، أحييكِ على شجاعتكِ في الاعتراف بهذه المشاعر والرغبة في تصحيح المسار. الشعور بالذنب تجاه ثقة أهلكِ ورضا ربنا دليل على قلبكِ الطيب وإيمانكِ القوي، وهذا أمر يُحمد لكِ. العلاقة اللي بدأت كصداقة ثم تطورت إلى مشاعر بدون إطار شرعي (زواج) فعلاً محرمة في الإسلام، وإحساسكِ بأنكِ بتضيعي وقتكِ وبتخسري علاقتكِ بربنا طبيعي وصحيح. قراركِ بإنهاء الأمر عشان ربنا قرار ناضج وشجاع، خاصة إن الوعد بالتقدم بعد 5 سنين طويل وغير مضمون، وهو بيحط ضغط عليكِ. الولد بيقول إنه وحيد وإنكِ كل حاجة بالنسبة له، لكن ده مش مبرر لاستمرار علاقة محرمة. أنتِ مش مسؤولة عن سعادته أو وحدته، وكل واحد فينا مسؤول عن نفسه أولاً. لو قلتِ له بصراحة ولطف إنكِ مش قادرة تكملي بدون علاقة رسمية شرعية، وإنكِ هتبعدي عشان تحافظي على علاقتكِ بربكِ وأهلكِ، هيكون ده أفضل طريقة. استخدمي كلمات واضحة وهادئة زي: "أنا آسفة، لكن لازم أبعد عشان ربنا وأهلي، ومش هقدر أكمل كده". بعد القطع، ركزي على نفسكِ: اهتمي بدراستكِ، طوري مهاراتكِ، واقضي وقت أكتر مع أهلكِ. التوبة مفتوحة دايماً، وربنا غفور رحيم، فادعي واستغفري وهو هييسر لكِ الأمور. أنتِ مش لوحدكِ في الشعور ده، وكتير بنات مرّوا بنفس التجربة وقرروا يرجعوا للطريق الصح. لو عايزة تتكلمي أكتر عن كيفية التعامل مع الشعور بعد القطع أو أي حاجة تانية، أنا هنا.
تم النشر الثلاثاء، ٢٣ يونيو ٢٠٢٦
السلام عليكم، علاقات الإنترنت والعلاقات غير الرسمية عموما ملهاش أساس ثابت غير إنها حرام فبلاش تضيعي وقتك فيها، وكويس إنك مدركة الوضع وأبعاده وضرورة إنهاء العلاقة لكل الأسباب اللي قلتِها. لا تضيعي وقت في التحليل أو التفكير في رد فعله أو هل هتجرحيه بتصرفك وتؤذيه، اعملي الصح وبس. هو أصلا ١٩ سنة لسه، فحتى لو هو فعلا كان معجب بك فعادي يقول كلام زي أنتِ الوحيدة لي وهتقدم لك ويفضل يقدم وعود مستقبلية، سواء بقى دي اتقالت تسلية وملأ فراغ عاطفي أو كلام اتقال بسبب فورة مشاعر مؤقتة وأوهام عاطفية فالواقع بيقول حاجة تانية وهي إنكم لسه صغيرين وهو لسه قدامه مشوار على ما يخلص تعليم وجيش ويشتغل ويجهز نفسه، فأنت هتبقي معلقة نفسك سنين معاه على احتمال إن ده يحصل وفي أغلب القصص مش بيحصل، فقرارك صح في إنهاء العلاقة، عرفيه في رسالة أخيرة أسبابك عشان برضه تكوني خلصتِ ضميرك وتقفلي بعدها طرق التواصل معه تماما ولا تسمحي بعدها للشيطان يلعب على مشاعرك ويحسسك بالذنب ناحيته عشان ترجعي له تاني. بالتوفيق.
تم النشر الجمعة، ٢٦ يونيو ٢٠٢٦
لا طبعا مينفعش تقوله علي حاجه زي كدا تخيل مراتك تجي تقولك انا كنت بحب واحد قبل الزواج أو كنت في علاقه أو أي حاجه شبه دي مهما حصل والله ما هتنسي إللي هي قالته فا عشان متدخليش في مشاكل مستقبلا بلاش تقول لحد حتي لو خطيبها الناس مش بينسوا حتي لو الشخص تاب عن ذنب
تم النشر الجمعة، ٢٦ يونيو ٢٠٢٦
هتضيعي مستقبلك وخصوصا لما تكوني في ثانوي انا كنت اعرف شخص بس عمره ماشافني وقال هيتقدم بس قولت له قفل ده يبقي مع بابا وكان الكلام عادي ودلوقتي ندمانه ضيعت اهم سنه في حياتي بس مكنش فيه اي حاجه كان بيساعدك في الكتب وحاجات كتير وهو كان من محافظة وانا من محافظة تانيه وكان سبب في ضياع مستقبلي هو كان دكتور ولما عرف اننا ضعت وممكن مكنش دكتوره اتغلي عني احفظي نفسك ومستقبلك متغلطيش غلطه غيرك
تم النشر الخميس، ٢٥ يونيو ٢٠٢٦
نويت أتوب بجد وأرجع لربنا، أنا عايز أسيبها بس خايف أكون بكسرها مع إنها هي اللي بدأت كل حاجة معايا ج/ إن كنت ترغب في الزواج منها وكنت مستعدا، فتقدم إليها. وإذا كنت لا ترغب، أو كنت غير مستعد، فأرسل لها رسالة قصيرة موجزة فيها خلاصة ما قررت من التوبة، وإغلاق هذا الباب، ونصيحة لها كذلك بأن تصنع مثلك، ثم اطوِ هذه الصفحة. ستنكسر؟ بدأتَ هي؟ بدأتَ أنت؟ أي تفاصيل من هذه، لا تقف معها كثيرا، هذا خطأ مشترك بينكما، وأنت قررت أن تبادر بإصلاحه، فتوكل على الله، وامض في طريقك. المهم كن جادا صادقا. الشيخ القاسم الأزهري
تم النشر الثلاثاء، ٢٣ يونيو ٢٠٢٦
بس انا مش مخطوبه انا عارفه اني غلطت بس رجعت لربنا و الماضي ماضي مش مهم اركز علي الماضي و افتح الدفاتر القديمه لازما أركز في الحاضر و أن شاء الله اقدم كل الحب له و ابعد عن الحرام يآرب اهدني 🥺🌼
تم النشر الجمعة، ٢٦ يونيو ٢٠٢٦
هو الصح بعد كدا متكدبش ع خطيبها وهما قاعدين مع بعض مثلا كدا تبقا تقوله وتقوله انا صارحتك بس مطولتش ف العلاقه
تم النشر الجمعة، ٢٦ يونيو ٢٠٢٦
حاضر 🫂🤍
تم النشر الجمعة، ٢٦ يونيو ٢٠٢٦
عاش إنك بعدتي عنه وخلي إللي حصل دا سر اوعي تقولي لحد إنك كان ليكي علاقه سابقا حتي لو اتقدملك حد وسالك السؤال ده مترديش عليه مدام ربنا سترك يبقي متفضحيش نفسك
تم النشر الجمعة، ٢٦ يونيو ٢٠٢٦
طب تمام الحمد لله
تم النشر الجمعة، ٢٦ يونيو ٢٠٢٦
بصي انا ولد زيه وبقولك دا كداب انت لسه قدامك خمس سنين بعد متخلصي الخمس سنين دول هيكون مبدئيا زهق منك ومبيردش عليكي وهتبقي ضيعتي وقت ع الفاضي وف الحرام وفكيكي بقا من انا وحيد والشغل دا عشان هو ممكن يكون بيكلم حد غيرك انتي متعرفيش وهو لو عايز ياخد خطوه هييجي لوالد انا كذا كذا وعايز بنتك وكدا والدك هيقوله لسه بتتعلم هيقوله انا هحجزها او اي كان بيقولوا اي دا اللي عايز يتجوز لكن شغل انا وحيد وكدا هو بيستغل قلبك الطيب بس
تم النشر الجمعة، ٢٦ يونيو ٢٠٢٦
اقطعي من غير كلام قبل ،،، لإنك عارفه إن ده حرام ، إنتي كده الشخص الأقوى دلوقتي ومستوعبه إن ده حرام ، فلازم تنهي العبث ده .
تم النشر الخميس، ٢٥ يونيو ٢٠٢٦
متتصرفيش .. اعملي حظر وخلص الموضوع
تم النشر الخميس، ٢٥ يونيو ٢٠٢٦
ايش عرفك انه فعلا ١٩ سنة ميمكن بيكذب ... وبعدين ماهو زي ما بيكلمك هيكون بيكلم غيرك .... والكلام بتاع انتي الوحيدة فده كلام عاطفي بيستخدموه النصابين والله أعلم بيه
تم النشر الخميس، ٢٥ يونيو ٢٠٢٦
حاضر هبعت متقلقيش
تم النشر الخميس، ٢٥ يونيو ٢٠٢٦
ابعتي لي طيب
تم النشر الخميس، ٢٥ يونيو ٢٠٢٦
امسحيه اخذته
تم النشر الخميس، ٢٥ يونيو ٢٠٢٦
ازاي وأنا أتواصل معاكي معنديش مانع
تم النشر الخميس، ٢٥ يونيو ٢٠٢٦
ممكن اتوصل معاكي شخصياً من حساب تاني لو سمحتي
تم النشر الخميس، ٢٥ يونيو ٢٠٢٦
طيب يا عمري هل يعقل إن في واحد يعترف بمشاعره لواحده ما شافهاش ؟دا في رؤية شرعيه لما حد بيبقي متقدم لواحدة وممكن متعجبهوش سواء شكل او أسلوب او اي كان بيرفض ويقول كل شيء قسمه ونصيب ...أما بالنسبه لي ردة فعلك طبيعيه لأن البنوته بتمشي ورا مشاعرها ما يهمهاش شافت الشخص دا أولا المهم إنها تملأ الفراغ اللي حاسه بيه فرحتي إعترفتي بمشاعرك المهم أنا معاكي طلعي كل اللي في قلبك لو حابه
تم النشر الخميس، ٢٥ يونيو ٢٠٢٦
ما شافنيش
تم النشر الخميس، ٢٥ يونيو ٢٠٢٦
سؤال آخير بقا هل هو شافك ولا ما شافك ؟
تم النشر الخميس، ٢٥ يونيو ٢٠٢٦
انا اتكلمت و فهمته انا عايزه ايه و قال تمام و بعدنا
تم النشر الجمعة، ٢٦ يونيو ٢٠٢٦
انا بعدت عنه امبارح
تم النشر الجمعة، ٢٦ يونيو ٢٠٢٦
و اي الحل انا مش بعرف اتصرف في المواضيع دي
تم النشر الخميس، ٢٥ يونيو ٢٠٢٦
شكرا
تم النشر الخميس، ٢٥ يونيو ٢٠٢٦
:الله عز وجل بيقول في كتابه العزيز ﴿وَلَا تَقْرَبُوا الزِّنَى ۖ إِنَّهُ كَانَ فَاحِشَةً وَسَاءَ سَبِيلًا﴾ — سورة الإسراء، آية 32. صدق الله العظيم يعني نبعد عن أي طريق ممكن يؤدي إلي الزنا لان علاقه محرمه كفيله انها تؤدي إلي الزنا عافانا الله وإياكم
تم النشر الخميس، ٢٥ يونيو ٢٠٢٦
بصي، أي ولد فعلاً ناوي يتجوز ويعمل الصح بيخبط الباب من أوله. إنما اللي يفضل يكلم بنت في علاقة سرية ويقولها استني وأنا هتجوزك، ده كلام سهل جدًا ومفيش عليه دليل ناس كتير اتعلقت بالوعود دي وفي الآخر اتصدمت بحاجات مقولكيش واللي عايزك بجد هيجي لك بالحلال مش بالكلام وبعدين دا شكله دِخل جامعه وعِرف الدنيا وما عِرفش يضحك علي واحده قده أو أصغر منه عالواقع فلجأ للسوشيال
تم النشر الخميس، ٢٥ يونيو ٢٠٢٦
لعرض السؤال في فدني اضغط هنا