سلام عليكم
انا بنت ١٥ سنه مشكلتي اني عندي افكار الحاديه كتير و افكار فلسفيه ملحده كتير دخلت دماغي و المشكله اني خلاص اقتنعت باللي انا فيه و خصوصا اني بعد ما الحدت بطلت اتكل على الدعاء لانو كنت دائما احس انو بدون فايده و بقيت اعتمد على نفسي اكتر اللي خلاني اطور من نفسي و ابقى احسن و افكر اكتر دون الاتكال على مشاعر ممكن تجيلي مثلا لما اصلي استخاره حسيت براحه يبقا ايوا محسيتش براحه يبقى لا
و انا بعتذر لكل حد ممكن كلامي يزعلو بس بجد انا خلاص اقتنعت اعتبروني مسيحيه مثلا و مش عايزه اقنع حد معايا انا بس بفكر في مستقبلي وازاي هقدر أعيش بدون ما احس بوجع الاختلاف او هتقبل اللي من حولي ازاي و هم بيفرضو عليا حاجات انا مش مقتنعه بيها (انا ظاهريا مسلمه) فانا مش عارفه اعمل ايه
هل انتو شايفين انو المفروض اجي على نفسي و افكاري و اكذب على نفسي بس عشان اتعايش معاهم ولا المفروض اعمل ايه عشان اعيش في العالم ده
•مفيش امل انك متشعريش بالإختلاف لأننا في دول مسلمة • انا بحترم التفكير العقلاني ولكن مش لدرجة الإلحاد والتفكير العقلاني له اسباب كثير منها الجينات ومنها البيئة اللي اتربيتي فيها والوالدين فقد يكون بيئة الطفولة مفيهاش اي عواطف وإن الرحمة ضعف وإن الحياة تنافس وده اكيد غلط لأن الكل يحتاج إلى العاطفة والمشاعر وحتى انتي بدليل انك بتسألي عن مشاعر الرفض ! •انا مش عالم ديني ولكن عندي معرفة بسيطة هتديكي خيوط ممكن تغير من تفكيرك .. الملحدين بيؤمنوا بالعلم والعلم اكتشف ان الإنسان عنده عقل باطن وعقل واعي والباطن بيتحكم بأفعال الإنسان بطريقة خارجة عن ارادة الإنسان •بمعنى اني مثلا ممكن اشتم شخص في موقف لا داعي فيه للشتيمة بسبب عقلي الباطن اللي جابلي موقف من الماضي وحد بيعتدي علي فاعتقدت اني لو مشتمتش الشخص هيعتدي علي زي اللي في خيالي •طيب ازاي الدعاء بيتحقق بتفسير منطقي بحت .. الشخص المؤمن بوجود الله ويؤمن انه يجيب الدعاء وبيدعي في اوقات الاستجابة ان الله ينجحه في الدراسة مثلا أليس هذا الدعاء والإيمان واليقين والقناعة سيكون مخزون كبير جدا داخل عقله الباطن وهذا المخزون سيدفعه يوميا للمذاكرة والاجتهاد لأنه اقتنع ان الله سيعطيه وبالتالي هذه المذاكرة تكون سبب في نجاحه فعلا •طبعا ده تفسير منطقي ولكن ده مش مطلوب في الدين احنا سمعا وطاعة وديننا فيه الفضيلة يعني احنا مش في الدنيا عايشين نكنز ونجمع في الأموال ولكن عندنا فضيلة وإيثار للغير نحن لا نعبد أنفسنا ولكن نراعي الآخرين ونتنازل عن بعض المتع لوجه الله فنحن نرى ان للإنسان قيمة بدون شروط بدون انه لازم يفوز في كل المواقف بدون انه يتكبر ٢٤ ساعة فنحن نتواضع ونتنازل ولا نشعر حيالها بالهزيمة لأننا نؤمن ان هناك رب يرحمنا في كل احوالنا في الضعف والقوة __________________ •الإنسان إذا احس بالنقص بدأ يقدس نفسه لتعويض هذا النقص ... الملحد شخص يشعر بالنقص فقرر أن يجعل نفسه معبود وإن يجعل نفسه فوق كل شئ فيقول انا لا اخضع لقواعد انا لا أخطئ انا لا اؤمن الا بما أراه رؤيا العين انا لا استسلم لإله بل انا ند له !! .. •هسألك كم مرة كنتي متيقنة من شئ وطلع الشئ ده غلط وكم مرة غلطتي في امتحان .. إذن نستنتج ان قناعاتك مش دائما هي الواقع ... في فرق بين قناعتك والواقع يعني تفكيرك حاليا وتفكيري انا ايضا (اقصد عموما مش في الدين وحتى في الدين قد يكون عندي سوء فهم) هو مش بالضرورة مطابق للواقع ... وده يخلينا مؤمنين ان في حاجات هي موجودة ولكن غائبة عن تفكيرنا ... وده جوهر الإيمان بالغيب ! خافي على نفسك انتي في غطرسة غير طبيعية اؤمني بالغيب وبالله وملائكته .. والله ما يضر الله أن آمنتي أو كفرتي •وعلى ايه الغطرسة وانتي طولك ميعديش المترين ووزنك ميعديش ال ٢٠٠ كيلو بالكثير في هذه المجرة والأكوان
تم النشر الخميس، ١ يناير ٢٠٢٦
أولا خلينا نقول انك تشبه نفسك بمسيحيه دا لا يجوز تمام لأن الله انعم علينا بنعمة الاسلام كمان مش معني انو امورك كلها تمام يبقي مافيش أخطاء للعلم دي مش افكارك دية افكار الشيطان واعوذ بالله من الشيطان أنت في عمر المراهقة فالشيطان يستغل ذلك ويخليك تفكر في الدين وأنت ليه مقتنع به وهكذا أو يخليك تعملي أشياء حرام تكذبي أو تصاحبي ولاد وهذا حرام اولا إذا مش محجبة تحجبي لانك هتفضلي مقتنعة بأفكارك لدرجة مش تفكري في الحجاب فلازم تكوني محجبه عشان عليه حساب اتنين ابعدي عن ناس تفكر هيك أو لو تعرفي ناس مسيحية صديقتي أو اي حد عموما حاول مش تقعدي كتير معها أو تتكلموا على أمور الدين وكمان اقراي اذكار الصباح والمساء لو مش متعوده خديها تحدي وهتتعودي وعلفكر الدنيا لهياكي يعني انت مبسوطه باشياء بتفكري فيها أو بتعملها على اعتقاد أنها صح وممكن تكون هي السبب في دخولك لنار لأنها خطأ لانك تفكري فيها وتقعدي تحللي كتير فالشيطان يساعد انك توصلي لمرحلة انك مقتنعة بنفسك وبس ولا تصدقي حديث أو قرآن بس اللي مش تعرفي انك ماشيه بستر ربنا انك لغاية الآن بتاكلي وتشربي وتتحركي في اسباب كتير تخليكي تفكري بطريقه غلط ومنهم إللي قلت عليهم وفي كمان انك مش بتصلي في الوقت بتاع الصلاة أو انك مش عامله ورد قرآن في يوم جربي تسمعي قصص الانبياء جربي تسمعي قصة الرسول عليه افضل الصلاه والسلام هتلاقي فعلا مافيش حاجه كانت بتحصله حلو من أهل قريش وازاي في الآخر سامحهم وقال اذهبوا فأنتم الطلقاء ومن ناحية صلاة الاستخارة دي أنا عادي برضو بس بسيبها تمشي وبحط املي في ربنا لان سبحانه وتعالى قادر على كل شيء وناحية استجابة الدعاء اما استجابة الدعاء لها وقت يعني امنيتك ليها وقت وهتحقق فيها إذا كانت خير لكي واما انك بتدعي بشي سيء ليكي أو انت مش عارفه ممكن إللي دعيتي به كويس ليكي أو لا لأن الله هو عالم بكل شيء واخيرا شيلي افكار ومش تمشي ورا حد امشي القرآن يعني اقرأ قرأن وأساليب عن تفسيره وأقرأ احاديث نبويه وتفسيرها هتفيدك جدا وهتنور علقك افكارك دية بسبب قلة ايمانك بربنا فزيدي من إيمانك وقراءة القرآن واذكار الصباح والمساء وربنا يعينك ويساعدك في أيام صيام شوفي الصور راح تفيدك إن شاء الله
تم النشر الخميس، ١ يناير ٢٠٢٦
بدايةً، قولك:" مشكلتي انني عندي... والمشكلة إني خلاص اقتنعت" يدل أنك وإن كان بغير قصد الا انك تعترفين انّ هذه مشكلة كبيرة، باختصار شديد، مادمت تصرين على هذا التفكير فلن تشعري بالراحة أبدا ولن تتأقلمي مع أحد الا بالوهم ، وان كنت قد نجحتي في حياتك بعد الالحاد فهذا غير مؤشر ابدا على ان طريقك هو الصحيح بل هذا مؤشر مخيف جدا: {فلما نسوا ما ذكروا به فتحنا عليهم أبواب كل شيء حتى إذا فرحوا بما أوتوا أخذناهم بغتة فإذا هم مبلسون} (الأنعام:44) ربما ستقولين "جميل مادامت الأبواب ستفتح في وجهي" ، لكن إعلمي ان الراحة ليست بالماديات بل بالروح: وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ (124) {سورة طه} لن اقول ١٥ سنة صغيرة، بل سأقول انقذي نفسك قبل فوات الأوان... لا أحد يعلم متى سيذهب من هذه الحياة، ولن يفيدك أي بشر، وطبعا لن يفيدك الشيطان الذي وسوس لك في كل هذه الافكار، فكما قال الله تعالى في سورة ابراهيم: وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ (22) انصحك بمتابعة قصص الملحدين الذين قد دخلوا للإسلام لا تكوني كالكثير مِن مَن دخلوا في عالم الفلسفة الذي لم يضف لهم أي شيء سوى أنهم ماتو على الإلحاد وخسروا الدنيا والآخرة. وأما بالنسبة للدعاء واستجابة الدعاء؛ هناك شروط للاستجابة منها اليقين ؛ وهناك اسباب لعدم الاجابة منها الاستعجال: وَعَنْ أبي هريرة أَنَّ رَسُول اللَّهِ ﷺ قَالَ: يُسْتجَابُ لأَحَدِكُم مَا لَم يعْجلْ: يقُولُ قَد دَعوتُ رَبِّي، فَلم يسْتَجبْ لِي. متفقٌ عَلَيْهِ. اسال الله ان يهديكِ ويعافيكِ
تم النشر السبت، ٣ يناير ٢٠٢٦
و عليكم السلام ورحمه الله وبركاته بصي حبيبتي ما ينفعش تقولي على نفسك مسيحية و ربنا انعم عليك بالإسلام يا جميل انت بتمري بحاجة فيه ناس كتير مرت عليهم قبل كده بس الشاطر اللى يلحق نفسه ________________ فانت من الاول كده ممكن تشوفي شيوخ كبار بيتكلموا عن الالحاد زي الشيخ هيثم طلعت و لو عايزة بردو هتلاقي ذاكر نايك كويس جدا ________________ انت بس عندك اسئلة و مش لاقية ليها إجابة و كمان انت صغيرة في السن و لسه بتجهلي حاجات كتير انت بس توكلي على الله و شدي حيلك لان دي حيلة من الشيطان علشان يوقعك فخليك اقوى منه💪 _______________ بردو من الحاجات المهمة ان النفس لو " ما شغتليها بالطاعة هتشغلك بالمعصية " فخليكي علطول مشغولة بالمذاكرة او مساعدة اللى حواليكي _______________ و لو فيه محتوى معين هو اللى بيخليك تفكري بالافكار دي ابعدي عنهم نهائي سواء اصحاب او مسلسلات او مجتمع في الفيس او كده و بردو خليك مع صحبة صالحة علشان الصاحب ساحب _______________ و آخر حاجة اقولها لك خليك قوية و قربي من ربنا انت بس تايهة و عايزة حد ياخد بإيدك و احنا بإذن الله موجودين هنا و هنرد عليك بس ما تقسيش على نفسك🕊️
تم النشر الجمعة، ٢ يناير ٢٠٢٦
انتي مش محتاجة تعملي حاجة عشان حد ولا غيره الناس عندها ليكي انك تحترميهم، إنما انتي ١٥ سنة لسه ، بلاش تقولي أفكاري ثبتت ، افكارنا كلنا بتتغير كل ما بنكبر و بلاش تقفلي دماغك لا اسمعي تاني انتي بتقولي انك بتطوري نفسك ماشي طوري نفسك كمان من ناحية دينك. وانا هنا مش بجبرك اصل كل واحد هيتحاسب لوحده انا بقولك كده بجد من قلبي لاني مريت بفترة زي كده مش وصلت الإلحاد بس كانت أفكار نسوية وقلت عمري ما هغير أفكاري اتغيرت عادي ،لو ليا طلب عندك فهو انك تبحثي تاني وانا ارشحلك كتب حلوه اوي لكاتب اسمه هيثم طلعت وعنده قناة على اليوتيوب كل ما تفضي اسمعي منهم فيديو و اعتبريها تطوير ذات ومعلومات زيادة وربنا يوفقك
تم النشر الأربعاء، ٣١ ديسمبر ٢٠٢٥
تعمقي في البحث اكتر وشاهدي الدكتور هيثم طلعت فهو باحث عن الحق بالنطق والدليل
تم النشر الخميس، ١ يناير ٢٠٢٦
نصيحتي لك اقرأي قرآن و اعرفي تفسير كل آيه بتقرأيها، و ربنا يهديكي و يهدينا و يثبتنا جميعا يارب🤲🏻
تم النشر الخميس، ١ يناير ٢٠٢٦
اولا الاسلام شامل كل حاجه فى الحياة ده حرفيا سواء ظاهريا او شئ غير واضح . ثانيا مش المفروض تستسلمي لافكارك ديه طيب هنحل دا ازاي بأنك تفهمي اكثر فى دينك دا اولا ثانيا تسمعي اكثر و تتعلمي من مكان موثوق و معلومة من شخص صح طيب مثلا لو عايزة تدمجي مبين العلم فعلا و الدين عندك مثلا دكتور مصطفى محمود و امثلة كثير فعلا مش هتلاقي مجال انك تشكي فى دينك
تم النشر السبت، ٣ يناير ٢٠٢٦
لا المسيحيه يجوز الزواج منها اما الملحده لا يجوز كما انه يجوز التعامل مع المسيحي واليهودي في البيع والشراء وغيرها من الاشياء اما الملحد لا دين له ولا مله بعيدا عن ان غير المسلم سواء كان كتابي او غير كتابي كافر ، اما بخصوص سؤالك الواضح انك مش عايزه تعرفي الصح لا انتي بتسألي ازاي اتعايش مع الغلط والافكار دي واظهر اني مسلمه فطبعا الي هيساعد هيكون متعاون علي الإثم والعدوان ، لكل انسان يري رسالتي الآن من كان في بيته طفل صغير مثل هذا يبحث خلفه ويفتش ويرشده للصواب ذلك لان الطفل لا يعرف الصح من الغلط ويسير خلف اي هاجس حريه ، ان تريدي التوبه فالله غفور رحيم ونحن عباده رحماء على التوابين نساعدهم ونرشدهم ، وان كنتي عازمه على الكفر فالله شديد العقاب ونحن اشداء على الكفار. وانا مستعد لتوضيح كل شبهه لديك ودحض كل فكره في عقلك بكل الادله العقليه وغير العقليه فقط احتاج منك ان تبدي رغبه بإنك فعلا تحتاجي للتوبه لان غير كدا لن تستجيبي لما اقول.
تم النشر الخميس، ١ يناير ٢٠٢٦
يريت تذكري اي هي الأفكار حتى نقدر نرد عليها
تم النشر الأربعاء، ٣١ ديسمبر ٢٠٢٥
ممكن تشرحي ازاي الأفكار دي دخلت دماغك .. هل بالتأمل المجرد أم بمشاهدة برامج وأفلام غربية أم بالقراءة في كتب معينة؟
تم النشر الأربعاء، ٣١ ديسمبر ٢٠٢٥
لعرض السؤال في فدني اضغط هنا