عايزه انتحر ومش عايزه اعيش تاني وزهقت من الناس واهلي وكل حاجه
انا عارف ومقدر الحاله النفسيه الي انت فيها وقد اي الموضوع صعب عليك وانك مش قادره تتحملي بس لازم يبقا عندك يقين فالله انه هيخرجك من كل الضغوطات دي انا جربت في حياتي صعوبات سنين وفكرت فلانتحار بس كنت بدل التفكير ده بلجأ لربنا والحمد لله بعد سنين مع المرض اتحسنت جدا فادعي ربنا واطلبي منه انه يدلك للطريق الصح ويشفيكي ربنا حاسس بيكي وعارف بالي بتمري بيه بس مينفعش تيأسي وتستسلمي ربنا ابتلاكي الابتلاء ده عشان عارف انك قده وهتقدري تتغلبي عليه لاي كلف الله نفسا الا وسعها انت قد الابتلاء ده لو هو صعب ولا يحتمل فانت قويه وتقدري تعدي منه حاولي تدوري على مساعده ولازم تروحي لدكتور نفسي وده مش عيب ولا غلط انت عندك مشكله ومحتاجه حد يساعدك وده ميقللش منك فشيئ واتمنى ليكي احسن حال وبجد انا واثق فيكي وعارف انك قويه وانك هتقدري تتغلبي على كده وتخرجي منه انت قدها الجأي لربنا وهو هياخد بايدك انت قويه وانا واثق انك هتعدي من الظروف دي
تم النشر الخميس، ٩ أبريل ٢٠٢٦
فكري بس للحظه هتقابلي ربنا تقوليلو اي ولا عملتي اي ف ديتك عشان تشفع لاخرتك قربي م ربنا يحبيبي واعملي للاخرتك الدنيا فانيه اشغلي وقتك بحاجات بلاش الافكار دي اعملي حاجة بتحبيها انزلي جيم صاحبي ناس جديدة بلاش تضيعي حياتك وتبقي كمان مايته كافره
تم النشر الجمعة، ١٠ أبريل ٢٠٢٦
يا بنتي والله كل اللي قولتيه ده وجع كبير مفيش حد يقدر يستحمله لوحده بس عايز أقولك إنك صح في حاجة واحدة ومهمة قوي إن فعلا مش ذنبك المرض النفسي ده زي الصداع وزي أي تعب جسدي ملوش علاقة بجدعنتك ولا بتربيتك ولا بأخلاقك ده تعب غصب عنك بيخليكي مش شايفة النور وبيهد حيلك ويخليكي تهربي للخيال وللتليفون عشان بس تنسي الوجع ثانية واحدة إنتي مش وحشة ولا إنتي قليلة ولا إنتي احتياطية إنتي بس تعبانة ومحتاجة اللي ياخد بإيدك ويطبطب على قلبك بجد بلاش تظلمي نفسك وتحمليها فوق طاقتها وتفتكري إنك مذنبة في مرضك إنتي لسه جواكي الطفلة الحلوة اللي الكل كان بيحبها بس هي دلوقتي مستخبية ورا الحزن والكسرة قومي بس قولي يا رب وسندي على أي حد متخصص يساعدك تخرجي من السواد ده لأن والله فيه مخرج وفيه أمل بس إنتي غالية قوي بلاش تضيعي نفسك عشان خاطر وجع وقتي مهما طال مصيره هيعدي وهتفتكري الأيام دي وتقولي الحمد لله إني عديت منها بالسلامة إنتي ليكي لزمة وليكي قيمة وبكرة أحلى والله بس إنتي اصبري على نفسك وحبيها وطبطبي عليها بدل ما تجلديها لأنك بجد تستاهلي تتحبي وتعيشي مبسوطة ربنا يبرد قلبك ويطمن بالك يا رب وجد ربنا يحفظك ويسعدك 🌷
تم النشر الخميس، ٩ أبريل ٢٠٢٦
حبيبتي، أنا آسفة جداً على التعب النفسي والجسدي اللي بتمرين بيه، ده شعور ثقيل ومؤلم، وأنا فاهمة إحساس الإرهاق ده تماماً. أنتِ مش لوحدك، وده مش نهاية الطريق – الله سبحانه رحيم ومعاكِ في كل لحظة. خطوات عملية دلوقتي عشان تخففي الضغط: ادعي الله : قولي "اللهم أجرني في مصيبتي واخلفني خيراً منها"، واقرئي سورة الشرح يومياً، هي بتفتح الصدر وتريح النفس. راحة جسدية بسيطة : اشربي كوباية ماء دافي مع عسل، ونامي شوية لو قدرتِ، أو امشي 10 دقايق في مكان هادئ. اكتبي اللي مضايقك : على ورقة، حددي 3 حاجات صغيرة تقدري تغيريها النهارده، زي ترتيب الغرفة أو صلاة فرض. أنتِ قوية وتستحقين حياة مليانة فرح، والله هيغير حالك لو توكلتِ عليه. في فدني خبراء نفسيين رائعين هيساعدوكِ، روحي على https://www.fedni.net/experts وابحثي عن استشارة، أو شوفي أسئلة مشابهة هناك عشان تجيبي إجابات أكتر. كلميني تاني في أي وقت، أنا هنا معاكِ 💕. الله يفرج همك ويشرح صدرك.
تم النشر الأربعاء، ٨ أبريل ٢٠٢٦
هو انتي عايشه فى الارياف
تم النشر الأربعاء، ٨ أبريل ٢٠٢٦
لا انتي مش وحشه ابدا انتي بسبب اللى حصل شايفه نفسك كدا دا صوت كداب من جواكي بالعكس انتي قولتي كنت طفله وبنت الكل يتمنها حصل نقطه فى حياتك غيرت ده كله و وصلتك للى انتي فيه الاكتئاب مش سهل وانا عارفه ده كويس ولا حتي ال عاده دي بسبب اللى شوفتيه من محرمات وغيرو
تم النشر الأربعاء، ٨ أبريل ٢٠٢٦
انتى عندك كام سنه لكل ده 🥺
تم النشر الأربعاء، ٨ أبريل ٢٠٢٦
مش زمبي اني مبتحبش مش زمبي اني مدمنه للعاده مش زمبي اني جالي مرض بسبب مرض النفسي مش زمبي اني مبعرفش اجمل كلامي مش زمبي ان اهلي مبيحبونيش مش زمبي اني عيوط مش زمبي ان صحابي مبيحبونيش ومبيحبوش يقعدوا معايا مش زمبي اني مريضه نفسيه مش زمبي اني لما بلاقي الدنيا جاي عليا بشوف محرمات مش زمبي اني دخلت علاقه وطلع عليا سمعه وحشه مش زمبي اني الاحطياتيه واني مليش لازمه مش زمبي اني مش مهم عند الناس مش زمبي اني عالطول عصبيه وبزعق وبتخنق من اقل كلمه ومن اقل حاجه مش زمبي اني مبركزش واني مبذاكرش واني عالطول مسكه التلفون مش زمبي اني بعمل سيناريوهات في خيالي علشان اهرب من الدنيا مش زمبي اني ضايعه وبروح لمكان بعيد في الاراضي علشان اعيط مع نفسي مش زمبي اني مبكلش ومبفكرش في الاكل مش زمبي ان كل فتره بتعب مش زمبي اني لوحده وبعمل حاجه غلط مش زمبي ان الدنيا كرهاني مش زمببي اني مبقدرش اصلي واقرا قران مش زمبي اني بفكر انتحر والله اني كنت طفله الكل يتمناها له بس الكل اذاني وضيع روحي الحلوه اللي الكل كان بيحبها وخلوني بقيت بستني يومي خلوني مكسور وانا بعمل الحرام وانا غافله عن الدنيا خلوني كل ماتوب اندم وكل مافرح اندم علي الفرح وكل ماشوف ناس اتمني اني كنت مت يوميها موتتني الدنيا وانا لسه مكبرتش فيها ❤️🩹❤️🩹
تم النشر الأربعاء، ٨ أبريل ٢٠٢٦
كده هتخسري دنياتك واخرتك
تم النشر الخميس، ٩ أبريل ٢٠٢٦
جميل جدا انك بتحبي القراءة فمن اليوم لازم تشتري كتب كل شويه عشان تشغلي نفسك بيها وانصحك تشوفي مكتبة بالمحافظه بتاعتك واظن الاشتراك بـ ٥٠ جنية (حسب المحافظة) وقصاد كل حاجه كنتي بتاخديها بكره ازاي لو قصدك انك بتقدمي الخير لحد وتشوفي منو الشر فطز فيه انتي بتعملي لله كده كده وثوابك عند الله ومش مستنيين حاجه من حد واحب اقولك كمان متستنيش حد يطبطب عليكي انا واحد من الناس بطبطب عل نفسي لو في ضغط وبفكر ازاي احل مشاكلي بنفسي لاني اكتشفت بالطريقة الصعبه ان محدش *مهتم* اه ممكن في ناس بتسمع وتساعد بس فعليا الشخص ده مشغول هو الاخر بمشاكلة فمش هنستنا او نتعشم في الناس حاجه وبمناسبه عيله والدك انا كمان عيله والدي (رحمه الله) اعوذ بالله منهم غيره وحقد وعايزين كل الناس تبقا فشلة زيهم بس الحمدلله ربنا نجانا منهم فانتي كمان فكك منهم ولا يهزوكي بل بالعكس انتي دلوقتي في تحدي بينهم هم بيراهنو عل فشلك وبيغيرو منك وبيحاولو يحبطوكي ويوقعوكي في الغلط والفشل فانتي لازم تكوني واقفه عل رجلك واظن ان انتي قدها لازم تاخدي كل حاجه وكل ضغط وكل مشكلة بمنظور "التعلم" لانك دلوقتي بتتعرضي للحجات دي الان بكرا هتكوني فاهمه وعارفه كيف تتعاملي معاها وده في حاله انك بدأتي تصلحي ده اليوم وزي ما قولتلك ضروري تشوفي موضوع المكتبة ده وتشغلي نفسك بحجات تحبيها وهختم كلامي بكلام سيدنا عمر بن الخطاب رضي الله عنه وأرضاه: "إن الله خلق الأيدي لتعمل فإذا لم تجد في الطاعة عملا التمست في المعصية أعمالا.. فاشغلها بالطاعة قبل أن تشغلك في المعصية"
تم النشر الخميس، ٩ أبريل ٢٠٢٦
الحياه صعبه جدا عليا انا عديت بكميه حجات محدش يستحملها بس بعدي بس التراكمات جوايا خلتني شخصيه تانيه لدرجه اني بقيت وحدانيه والكل مش بيحبها بس والله مكنش ذمبي
تم النشر الخميس، ٩ أبريل ٢٠٢٦
انا شخصيه بحب الحياه والناس جدا عارفين لو الشخص بياخد علي قد حبه بس انا قصاد كل حاجه كنت باخد كره فاهمه ان الحياه فيها صعوبات بس انا كنت محتاج اللي يطبطب عليا ومحتاج اللي يحسسني ان كل اللي بديه مش علي الفاضي من كتر حزني دخلت في نوبه اكتئاب جبتلي مرض مزمن خلتني في دوامه تانيه وبسبب عيله والدي اللي كلهم بيكرهوني وبيحسسوني اني قليله مع اني بالعكس خصوصا ان عيالهم اعوذ بالله وحجات كتير بس يالا
تم النشر الخميس، ٩ أبريل ٢٠٢٦
بدرس في اولي ثانوي
تم النشر الخميس، ٩ أبريل ٢٠٢٦
بحب القراءه بس
تم النشر الخميس، ٩ أبريل ٢٠٢٦
المشكلة الأساسية هي عبارة واحدة :"مش ذنبي" ... الله أعلم بالظروف اللي مريت بيها من تعنيف أو ضرب .. كل ده مش ذنبك لأن ده الإمتحان لكن معصية الله هي الذنب وهي التقصير في الإجابة عن الإمتحان ..... الله دلوقتي شاهد على كل شئ وشايف الظلم اللي اتعرضت له وحافظ لك حقك من الناس في الدنيا أو الآخرة ولكن أيضا شايف المعصية والإصرار .... فاستغفر ربك واعتذر له
تم النشر الخميس، ٩ أبريل ٢٠٢٦
انتي كويسه؟
تم النشر الخميس، ٩ أبريل ٢٠٢٦
@Yona Yona والله مستنى ردها وأسمع وجهة نظرها واحنا إن شاء الله معاها ومش هنسيبها بس لو فعلا عايزة تتغير ربنا يكتب لها اللى فيه الخير ويؤجرك على المساعدة اللى بتقدميها ليها ولغيرها
تم النشر الخميس، ٩ أبريل ٢٠٢٦
هى مش شايفه كدا واضح من كلامها حتي لو هى غلط وكل اللى عملته برضو غلط مش هتشوف كده هتشوف إن هما السبب اهلها او صحابها او اى حد مهتمش بيها ودا اللى فاهمه إن لو كانوا هما اهتموا وقدروني مكنتش وصلت لكده وبعدين هى مكتئبه جدا وشايفه نفسها بطريقه وحشه زي ما هما شايفنها وعملت ده كله عشان تثبت ده فعلا انها متستاهلش وزي ما قولت احنا هنا كلنا اخواتك وهنفهمك وجمبك
تم النشر الخميس، ٩ أبريل ٢٠٢٦
كل الكوارث ديه يا بنت الناس ومش ذنبك ؟ أمال ذنب مين ؟ مين اللى هيتحاسب عليها قدام ربنا عز وجل ؟ وهل لو انتحرتى فعلا جاهزة تقفى قدام ربنا من غير ما تتوبى حتى ؟ كل مشاكلك ديه كلها ليها حل والله بس انتى استهدى بالله ولو مفيش حد مهتم من اللى حواليكى هتلاقى مننا هنا كل الاهتمام وهنحاول نساعدك على قد ما نقدر بس انتى استهدى بالله وكل حاجة هتتحل واحنا كلنا اخواتك هنا
تم النشر الأربعاء، ٨ أبريل ٢٠٢٦
انتى بتدريسي حاليا ولا لا
تم النشر الأربعاء، ٨ أبريل ٢٠٢٦
طيب باين اوي انك كرهتي ده جدا وعايزه فعلا تبعدي انتي بترجعي تاني كسلوك قهري منك انتي كرهتي نفسك وحياتك والشيطان بيقولك اعملى كده انتي محدش بيحبك محدش مهتم اعملى ا.ى غلط لانك مفيش منك فايده دي كلها أصوات عقلك وانتي بتعملى اى غلط يخليكي تعملى كده وبعدها تموتي من الشعور بالذنب وتأنيب الضمير وده اكتر شعور مقرف لأي حد
تم النشر الأربعاء، ٨ أبريل ٢٠٢٦
فلو عندك هوايه نقدر نشوف تقدري تطوريها ازاي وتشغلي نفسك بيها وبل تكسبي منها فلوس وده هيخليكي مشغوله طول الوقت
تم النشر الأربعاء، ٨ أبريل ٢٠٢٦
الحل المثالي انك تشغلي نفسك لان الفضى هو السبب الي هيخليكي تفكري في الحاجات دي وخصوصا انك ذكرتي ان صحابك بعدو عنك فا غالبا عندك وقت فراغ كبير
تم النشر الأربعاء، ٨ أبريل ٢٠٢٦
طيب اي هواياتك او عندك كمبيوتر او لابتوب؟
تم النشر الأربعاء، ٨ أبريل ٢٠٢٦
عملت كل دا ومففيش فايده صدقوني انا مش بقف ساكته انا بجاهد بس بفشل من اللي فيا
تم النشر الأربعاء، ٨ أبريل ٢٠٢٦
وعايزك كل ما تعملي الذنب ده تعملي صدقه عل طول وده هيخلي كل ما قلبك يسود ينظف تاني ومع الوقت هتلاقي نفسك بعيده عن الحوارات دي
تم النشر الأربعاء، ٨ أبريل ٢٠٢٦
طيب اهم حاجه دلوقتي انك تكوني بعيده عن اي حد بيرجعك لورا واي علاقه غير شرعيه ... وبالنسبه العاده عشان تبعدي عن شيء الانسان مدمن عليها لازم يصعب الوصول لها اي ابحثي عن طرق قفل المواقع دي في يوتيوب وغالبا هيدخلك عل حاجات معقده فعشان ترجعليها هتطري تفكي الحاجات المقده وهيبقا الموضوع اصعب فهتتكاسلي
تم النشر الأربعاء، ٨ أبريل ٢٠٢٦
حاولت بكل الطرق والله بس مفيش فايده لاي حاجه الحمدلله والله انا راضيه والله راضيه بس كتير اوي عليا كتير اوي ❤️🩹❤️🩹❤️🩹❤️🩹❤️🩹
تم النشر الأربعاء، ٨ أبريل ٢٠٢٦
لأنها اتحولت لادمان للاسف انتي بتعملى كده لما بتزعلى او بتكوني مضايقه ولا لما بتسمعي حاجه حرام
تم النشر الأربعاء، ٨ أبريل ٢٠٢٦
والعاده السريه كل ما اعملها ارجع لكل كسر اتحط جوايا
تم النشر الأربعاء، ٨ أبريل ٢٠٢٦
هو فعلا البيئه اللى حواليكي هى السبب الاول اكيد بس المفروض مستسلمش ل ده عملتى غلط توبي انتكستي عادي احنا بشر مش ملايكه توبي مره واتنين وعشره والف ربنا بيحب العبد اللى بيحاول بيجاهد نفسه بيتوب دايما والله صعب بس معلش حاولى ادعي ربنا يقربك ليه مش مهم اى حد المهم انتي ابدأي من جديد وانسي كل اللى فات كأنها صفحه واتفقلت أمسحي اى موقع بيعرض ليكي محرمات وبالنسبه للعاده حاولى تشغلي نفسك بحاجه بتحبيها هوايه ليكي حاجات بتخليكي مبسوطه
تم النشر الأربعاء، ٨ أبريل ٢٠٢٦
بقالي سنتين في اكتئاب وبفكر في الماضي كلو ولاني لوحدي كل يوم برجع للي فاات
تم النشر الأربعاء، ٨ أبريل ٢٠٢٦
اي المصيبه الي فعلا خلتك الان تقولي انك قرفتي من الدنيا اكيد في حاجه معينه وصلتك اخراج كل الماضي وتجاوزت حد التحمل
تم النشر الأربعاء، ٨ أبريل ٢٠٢٦
معجزه والله❤️🩹💔💔💔💔
تم النشر الأربعاء، ٨ أبريل ٢٠٢٦
طيب انتي منتظره اي بظبط عشان تقولي الدنيا اتحسنت
تم النشر الأربعاء، ٨ أبريل ٢٠٢٦
توبة والله بس الدنيا متحسنتش ❤️🩹
تم النشر الأربعاء، ٨ أبريل ٢٠٢٦
بصي اختي اولا كده لازم تهدي كل بلاء لازم يقربك من ربنا مش يبعدك... انا متأكد بنسبه كبيره ان البيئه الي حولك هي السبب الاول بس خدي بالك انتي تعرفي تصلحي ومعاكي فرصه والله عظيمه... اول حاجه حاب اقولك طز في من لا يهتم.. اه طز انتي كده كده هتعيشي رحلتك لوحدك ومحدش هيحس بالي بتمري بيه الا انتي فا مبدأيا كده لازم نحط في بالنا ان كل واحد لازم يوقف على رجله بنفسه.... طيب لازم وضروري والان قبل الثانيه الجايه تتوبي فورا وتعزمي عن ترك الذنوب دي كلها وصلي العشاء لو لسه مصلتهاش ولو صلتيها ركعتين لله تشكي ااي جواكي لان محدش هيسمعك غير الي خلقك .... انسي الماضي. عارف مش بالسهوله دي بس ضروري تبدأي من جديد. انتي دلوقتي عرفتي الغلط والصح وان محدش يستاهل وان اقل غلط هتوقعي فيه محدش هيسندك الا نفسك فعزيمتك شرط تكون قويه ... وسواء اتحبينا او لا ده مش هيوقفنا عن تحسين انفسنا وتطويرها وتركيزنا عل بناء مستقبلا حتي لو بالسر بل بالعكس كده محدش هيبصلك في انجازاتك🥲 ... شوفي ملخصا كده استهدي بالله وصلي كده واشكي همك والله ربنا سامعك وادعي بالي جواكي وشوفي كيف تكوني احسن مش نخسر الدنيا والاخره كمان
تم النشر الأربعاء، ٨ أبريل ٢٠٢٦
اه واهلي ناس متدينه
تم النشر الأربعاء، ٨ أبريل ٢٠٢٦
ويمكن انا اللي وحشه والله كل حاجه غلط كنت محتاج اهتمام من صغري يمكن لو كانوا اهتموا بيا مكنتش العاده السريه دي جاتلي او الاكتئاب اصعب حاجتين مكنوش هييجوا لو هما كانوا انتبهوا
تم النشر الأربعاء، ٨ أبريل ٢٠٢٦
يمكن ده احساسك فى اهالى كتير بيعملوا كده بس ده مش معناه انهم مش بيحبوكي اه بيتجاهلوكي وبيتجاهلوا مشاعرك وده غلط اكيد مش صح بس اكيد جواهم حب ليكي ميقدروش يعيشوا من غيرك انتي بنتهم برضو واغلى من اى حد صدقني انتي فى فتره مراهقه ولأن للاسف محدش قريب منك فى سن زي ده وده غلط كبير دا اكتر وقت انتي محتاجه فيه حب واهتمام منهم
تم النشر الأربعاء، ٨ أبريل ٢٠٢٦
يمكن لان عمري ماتحبيت كنت دايما اكتر واحد بتتركن علي جمب ويمكن لاني دايما بكتم جوايا الكلام ودايما لما حد بيخسرني مبيهتمش ويمكن لاني مليش حد دايما طريقي لوحدي ودايما اهلي مكبرين باخواتي انما انا طز فيا دايما مش مهتمين لمشعري يمكن لان اللي بحبه بعيد عني ووحشني مش عارفه كل دا محصلش من شويه حصل كوارث بس من كترها مش فكراها
تم النشر الأربعاء، ٨ أبريل ٢٠٢٦
انا معاكي ممكن تحكيلي الفضفضه بتريح اعتبيرني اختك
تم النشر الأربعاء، ٨ أبريل ٢٠٢٦
اى السبب طيب ممكن اعرف
تم النشر الأربعاء، ٨ أبريل ٢٠٢٦
شعور صعب وانا مصدقاكي جدا وربنا يكون فى عونك والله بس خليكي عارفه ان كل حد مره فى حياته بفترات صعبه وكان مفكر ان دي نهايه العالم وان الدنيا كلها علي بس عدي منها وبقي احسن
تم النشر الأربعاء، ٨ أبريل ٢٠٢٦
مش عارفه صدقيني كل اللي فكراه اني نمت وانا معيط وبعدها حصل كل دا مش فاكره حصل امته ولا ازاي موت بس جسمي كمل حيات
تم النشر الأربعاء، ٨ أبريل ٢٠٢٦
❤️🩹❤️🩹طب ازاي في حياه بتموت
تم النشر الأربعاء، ٨ أبريل ٢٠٢٦
طيب ايه اللى بدأ دا كله ايه اللى وصلك لكده اكيد كل حاجه ليها سبب وبدايه
تم النشر الأربعاء، ٨ أبريل ٢٠٢٦
بصي انا عارفه ان كل حاجه صعبه وكل اللى مريتي مش سهل على حد
تم النشر الأربعاء، ٨ أبريل ٢٠٢٦
❤️🩹❤️🩹❤️🩹
تم النشر الأربعاء، ٨ أبريل ٢٠٢٦
اهدي طيب ممكن تستعيذي بالله الاول
تم النشر الأربعاء، ٨ أبريل ٢٠٢٦
والله ماعنت قادره كل حاجه جوايا ماتت
تم النشر الأربعاء، ٨ أبريل ٢٠٢٦
16 سنه
تم النشر الأربعاء، ٨ أبريل ٢٠٢٦
اهدي بس بالله عليكي الاول وابعدي الفكره دي من دماغك نهائي
تم النشر الأربعاء، ٨ أبريل ٢٠٢٦
الواحد مبقاش عارف يحكي اي ولا ايه كل حاجه بيظه كل ناحيه كل الدنيا كل حاجه بايظه مفيش ذره نور جاتلي حتي
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا