إزاي أبقى متحدث بحرية باللغة الإنجليزية؟
مع العلم أني عندي تحصيلة كلمات كتير و ملم بالجرامر و بسمع أغاني أجنبية فقط و بقرأ كتب مترجمة ساعات و بسمع فيديوهات مختلفة المتحدث فيها بيتكلم only English و بفهموا
لكن لما ببقى عايز أتكلم زي ما بتكلم عادي مش بعرف
بختصار لو هسمع بفهم كلام مش بعرف اتكلمك أو بتلجلج فى الكلام (هل فى حل ولا أنا لسا ناقصني حاجات كتير)
تطبيق طليق ممكن يساعدك جدا في انك تقوي اللغة https://play.google.com/store/apps/details?id=com.taleek.app
تم النشر الأربعاء، ٧ يونيو ٢٠٢٣
ممكن تتكلم مع حد بيتكلم انجليزي كويس و تشوف كورسات قراءة ع اليوتيوب
تم النشر الأربعاء، ٧ يونيو ٢٠٢٣
الممارسة بانك تعمل محادثات وتتعلم طريقة تعبير الnative لانها ببساطة اللغة العامية بتاعتهم فى الانجليزى فيها حاجة اسمها idioms ودى اللى تخليك تظهر فى لغتك زى الnative اكتر .
تم النشر الأربعاء، ٧ يونيو ٢٠٢٣
أهلاً كمال! مبسوط إني أول اللي بيشاركوا اجابتهم على سؤالك العظيم. إنت بتعمل مجهود عظيم جدا، عقلك قدر يخزن كتير سواء كلمات أو تعبيرات وحتى سياق الكلام.. طيب وبعدين؟ محتاج بقى تطلع كل المخزون الهايل ده.. إذن هذا وقت التدريب! لازم تعود دماغك ولسانك إنهم يتكلموا، وتبقى بتدور على الكلام في عقلك.. فـ تقطع وتفضل تقول "ااااا ايه.. اااا" ده مهم جدا. ليه؟ بالظبط لأنك بتمرن دماغك إن في طريقة تانية للتعبير محتاجه يتعود عليها. محتاج تدور على أبلكيشنز تتمرن فيها على الكلام مع Native، ممكن حلقات Conversation Club، أو حتى تتكلم مع صحابك اللي حابين هما كمان يتمرنوا. طبعاً تقدر تستخدم الذكاء الاصطناعي زي Bard من مايكروسوفت -على الأقل- وتقدر تسأل عن مواقع أو أبلكيشنز تساعدك في ده. أتمنى اجابتي الطويلة تفيدك قدر الإمكان.. and let's start practicing ahead! 💪🏻😎
تم النشر الأربعاء، ٧ يونيو ٢٠٢٣
لعرض السؤال في فدني اضغط هنا