هو عادي المعلمه تضرب البنات (١٠،١٢،و١٣سنه كده ) اللي بيستهتروا في المقرأه بعصاية بس مش ضرب شديد أوي بس مؤلم شويه ؟!
وسؤال تاني إيه مواصفات المعلمه وإيه مدى الكلام اللي تتكلم فيه
لا طبعا الضرب مش اسلوب متحضر ابدا وأسلوب سيء وجاهل اولا هما من ١٠ الي ١٣ سنه بيبدأوا يفهموا وعارفين جدا الصح من الغلط وعارفين مصلحتهم ولو استخدمنا معاهم اسلوب التعنيف حتي لو الضرب مش جامد بس مؤلم عمرهم ما هيحبوا اصلا الحاجه دي ولا هيعرفوا إنهم يحفظوا قرآن أو أي حاجه عموما وبعدين حضرتك بتقولي الضرب مش جامد لكنه مؤلم معلش اي الفرق بين انه مش جامد لكنه مؤلم وجامد ومش مؤلم كله ضرب ممكن تفهميها ان الاستهزاء شيء غلط وتعقليهمباسلوي راقي وكلامي عن تجربه انا اتعنفت واتضربت من المعلم اللي بيقولوا عليه معلم من وجهة نظر المجتمع وكنت في سن البنات دول عارفه حضرتك بدعي عليه لحد الان علي قدر ما عذبني في صلاتي فمتخليش حد يكرهك حضرتك واكيد انتي اعلم وادري بنصلحتهم واسفه لو طولت. وازعج حضرتك❤️
تم النشر الأحد، ١ فبراير ٢٠٢٦
لا يا حبيبتي، مش تمام إن المعلمة تضرب البنات (حتى لو خفيف ومؤلم شوية) في المقرأة، خاصة في سن ١٠-١٣ سنة. الإسلام يسمح بالضرب التربوي كآخر حل ممكن، بشرط يكون خفيف جداً (ما يتركش أثر ولا يجرح)، ومش على الوجه أو الأماكن الحساسة، ويفضل تجنبه تماماً مع البنات في هالعمر عشان يبني الثقة والحب للقرآن مش الخوف، والأفضل طرق إيجابية زي التشجيع، الجوائز، أو الحديث الهادئ عشان يصلحوا سلوكهم بدون أذى نفسي. مواصفات المعلمة الجيدة في المقرأة: متدينة ومحافظة، عالمة بالتجويد والقراءات. صبورة، حنونة، ومهذبة في كلامها (تتكلم بلطف، تشجيع، ونصيحة إسلامية مش سب أو إهانة). نظيفة الهيئة، محتشمة، وتكون قدوة في الأخلاق. مدى كلامها: يقتصر على تعليم القرآن، تصحيح الأخطاء بلطف، ونصائح تربوية إيجابية، بدون تدخل في خصوصيات أو كلام خارج عن الدين. لو عايزة نصائح عملية للتعامل مع الاستهتار، جربي: حددي قواعد واضحة من الأول، استخدمي نظام نقاط للجوائز، أو اجعلي الدرس ممتع بألعاب قرآنية. ابحثي في فدني عن أسئلة مشابهة هتلاقي إجابات كتير، أو شوفي الخبراء في https://www.fedni.net/experts لاستشارة متخصصة في التربية الإسلامية. ربنا ييسر أمركِ يا قمر! 💕
تم النشر السبت، ٣١ يناير ٢٠٢٦
كحكم ديني اتأكدي من العلماء ابن عثيمين والألباني وغيرهم ... لكن في طرق كثير غير الضرب زي انك تعملي لوحة مثلا عليها عشر درجات لكل طالبة واللي هتتعاقب تنقصي منها درجة من اللوحة ... لو صغيرين فهتفرق معاهم الحاجات البسيطة دي
تم النشر الأحد، ١ فبراير ٢٠٢٦
لا. الضرب ده أسوأ طريقة للتعليم
تم النشر الثلاثاء، ٣ فبراير ٢٠٢٦
لا لو كده ف أنا مكنتش هستني تكررها اصلا وكنت ههزقها وهطردها ولما تتعلم الاحترام تبقا ترجع ، بس مكنتش هضربها برده
تم النشر الأحد، ١ فبراير ٢٠٢٦
أعتقد إن لو وصلت إن بنت تقول كلمة غير لائقه جدا لبنت تانيه أكتر من مره قدامك مش هتقولي لأ
تم النشر الأحد، ١ فبراير ٢٠٢٦
لا مينفعش ، المفروض اللي تستهتر تعاقبها بأي طريقه تانيه ، تطردها من الحصه أو تتصل بولي امرها لكن الضرب صعب وحرام
تم النشر الأحد، ١ فبراير ٢٠٢٦
لعرض السؤال في فدني اضغط هنا