اهلا انا بحب واحد بس هو بحسه متجاهلني ولما زعلنا من بعض قالي نبقي بس اخوات او صحاب بس ودا وجعني اوي اوي وحاولت اسيبه مقدرتش
بصي إنتي بنت الراجل إللي يجري ورا البنت مش البنت اول حاجة مينفعش تكلمي حد في السر وعلشان نصلح الغلطه هتصلي الفروض وقت بوقت وهتصلي قيام الليل وياريت تكتري وإقرأي قرآن وإستغفري ربك صدقيني هتحسي الدنيا أحلى وقد ما هتحصل حاجات تزعلك مش هتزعلي وربنا يعوضك باين عليكي طيبه إن شاء الله اكون أفدتك ومع ألف سلامه ✋
تم النشر الخميس، ٢٠ أغسطس ٢٠٢٦
السلام عليكم، طيب هو أخد القرار وقال لك نبقى إخوات وكمان بتقولي متجاهلك أصلا، فليه تتنازلي عن كرامتك عشان شخص مش شايفك مهمة بالنسبة له ولا عاوز حبك ده. *** لو أنت مسلمة، فمفروض تعرفي إن مينفعش أي ارتباط غير رسمي بين ولد وبنت ولا حتى صحوبية.. حتى لو أنت بتحبيه أو هو كان محترم معك ومش بيتجاوز الحدود لازم يكون فيه حدود، والتعامل للضرورة بس. العلاقات دي البنت أكتر حد بيتأذي فيها فليه تعلقي نفسك وتتعبيها في علاقة مش مضمونة وممكن يكون بيتسلى، وحتى لو مش بيتسلى فهو أصلا قال لك مش عاوز مشاعرك وخلينا إخوات، فمتسأليش أكمل ولا لأ. ****** بالنسبة للنسيان فعادي متجبريش نفسك تنسي بالعافية لأن لما بتقولي لنفسك متفكرش في حاجة غصب عنك بتفكري، فأنت ابعدي عنه خالص، حتى لو صعب عليك بس خدي الخطوة، هتتعبي شوية في الأول بس تتعبي دلوقتي أحسن ما قلبك ينكسر أكتر بعد فترة ومتقدريش تتعافي بسهولة. وبعدها خدي وقتك عادي ولو جه في بالك وفكرتِ فيه مش مشكلة. المهم تشغلي نفسك في حياتك سواء مذاكرة ودراسة ولا تحطي أهداف لحاجات تنجزيها في حياتك بحيث يومك يبقى مشغول، ومع الوقت تدريجيا هتلاقي نفسك مشغولة في حاجات أهم فمش لاقية وقت تفكري فيه وهتنسيه في الآخر وتتعودي على خروجه من حياتك. وارجع وأؤكد عليك، ابعدي عنه خالص لو عاوزة مصلحتك. بالتوفيق.💚
تم النشر الأربعاء، ١٩ أغسطس ٢٠٢٦
التعلق مش بيإذى غير صاحبه حتى لو الشخص عزيز عليك متتعلقش لا بأهل لا بأصدقاء لا بحبيب لان كل دا. مسيره يوم و يزول دا مش معناه انك تتعامل مع الناس ببرود بس حاول متتعلقش بحاجه و خصوصا لو هيا من الاول مش بتاعتك يعنى واحد بتحبيه ايه يضمن انه يحبك او يبقى شريك حياه حاجه مش مضمونه ف ليه نتعلق حاولى ابعدى عن الشخص دا تماما حتى لو كان صعب عليكي عشان طول مهو قريب انتى مش هتقدرى تاخدى خطوه فى حياتك لا عارفه تقربيه ولا تبعديه ولو مش قادره ادعى ربنا انه يقربه منك لو خير ربنا هيجيبه لحد عندك ولو شر هيبعده و اعرفى انه فى كلا الامرين هيبقى خير ليكى انتى مش قليله عشان تجرى ورا حد بيتجاهك اعرفى قيمه نفسك وبس كدا بحبك🥰
تم النشر السبت، ٢٢ أغسطس ٢٠٢٦
بصي يا قلبي مفيش حاجة اسمها صحوبيه بين ولد وبنت وأدام بتحبي مستحيل الصحوبيه دي تكمل لان ديما هتحسي بمشاعر معاه وهتتعبي أكتر لو حب وحده تانيه نصيحتي حاولي تتخطي وركزي في دراستك أحسن وإن شاءالله ربنا يكرمك بالاحسن منه وتلاقي الي يحبك بجد
تم النشر الخميس، ٢٠ أغسطس ٢٠٢٦
شكرا💕💐
تم النشر الخميس، ٢٠ أغسطس ٢٠٢٦
تجاوز التعلق العاطفي يتطلب أولاً قبول الواقع الحالي ووضع حدود صارمة لحماية مشاعركِ وكرامتكِ.خطوات التعامل مع الموقف الحالي اقبلي قراره بوضوح. لا تحاولي إقناعه بالبقاء أو التغيير.ارفضي زمالة الصداقة تماماً. الصداقة بعد الحب تؤلمكِ وتزيد تعلقكِ.توقفي عن العتاب واللوم. النقاش المستمر يستهلك طاقتكِ بلا فائدة. اعترفي بحزنكِ ولا تكبتيه. البكاء والألم مشاعر طبيعية لبداية التعافي. طبقي قاعدة قطع الاتصال. احظري أو اخفي حساباته لمنع المراقبة. امسحي المحادثات والصور القديمة. رؤيته المستمرة تجدد الوجع داخل قلبكِ. اشغلي وقتكِ بشكل مكثف. الفراغ هو المغذي الأول للتفكير الزائد. تذكري عيوب العلاقة دائماً. ركزي على تجاهله لكِ وليس اللحظات الجميلة. تقربي من دائرتكِ الداعمة. اقضي وقتاً أطول مع عائلتكِ وصديقاتكِ المقربات.استعيدي تقديركِ لنفسكِ ذاتياً. تذكري أنكِ تستحقين شخصاً يتمسك بوجودكِ بالكامل.
تم النشر الأربعاء، ١٩ أغسطس ٢٠٢٦
كرامتك فوق أي حد
تم النشر السبت، ٢٢ أغسطس ٢٠٢٦
لعرض السؤال في فدني اضغط هنا