السلام عليكم ورحمة الله وبركاته
انا محتاجه اعرف طريقه للمذاكره في الثانويه العامه الصف الاول الثانوي محتاج افهم ازاي اعمل جدول وازاي اذاكر وازاي انظم وقتي وافضل مدرسين على السوشيال ميديا
"ابدأ بتنظيم وقتك بجدول بسيط، قسم فيه المواد حسب الصعوبة، وخصص وقت راحة. ذاكر بفهم مش حفظ بس، وحاول تراجع أول بأول. فيه مدرسين كويسين على يوتيوب زي: أ/حاتم الحلفاوي (عربي)، مستر محمد عبدالمعبود (رياضة)، وأ/هيثم الديب (فلسفة). أهم حاجة تذاكر بهدوء وتستمر كل يوم."
تم النشر السبت، ٢٨ يونيو ٢٠٢٥
و عليكم السلام ورحمة الله وبركاته اشجعك ع اصرارك و وضعك لخطة و هدف للمرحلة الثانوية طريقة المذاكرة بتحدديها ع حساب قدرتك و مدة تركيزك و الكم اللي هتذاكريه و كيفية المذاكرة سواء بتلخصي محاضرات أو بتذاكري بالورقة و القلم، و لكن هديكي نصايح و تظبطي جدولك الخاص اول حاجة نظام نومك ظبطيه و اصحي في وقت ثابت كل يوم و قبل ما تنامي تكوني كاتبة الحاجات اللي هتعمليها اول ما تصحي، و بعدين تحددي وقت ثابت للمذاكرة اول ما تصحي زي مثلا: تصحي من النوم....تصلي الفجر/الصبح....تفطري.....تبدأي مذاكرة و بما انك لسه صاحية و بكامل تركيزك و نشاطك ف انصحك تبدأي بالمواد اللي محتاجة تركيز ووقت...حددي وقت معين تركزي فيه ع حسب ان بتقعدي مركزة قد ايه ممكن نص ساعة أو ساعة أو أقل أو اكتر و بعد ما تنتهي المدة بتاخدي بريك خمس او عشر دقايق ع حسب تريحي فيه شوية و تفصلي فيه و بعدين تظبطي نفس الوقت تاني و تكملي مذاكرة، خلي مذاكرتك في مكان خالي من المشتتات و ع قد ما تقدري متستعمليش التلفون غير في الضرورة و اعمليها ميوت أو airplane mode و ذاكري في مكان هادي و يستحسن تكوني قاعدة ع كرسي و قدامك ترابيزة و متقعديش قاعدة غلط عشان ميأثرش ع تركيزك أو جسمك. تاني حاجة انتظمي في صلواتك و عباداتك و قراءة القرآن و اذكارك استعيني بالله في كل خطوة خلي دايما ربنا معاكي في اي حاجة جديدة عشان ربنا يرزقك الفهم و يسهل عليكي كل حاجة صعبة تالت حاجة الصحبة...من الأفضل تقربي من صحابك الكويسين اللي يعينوكي ع فعل الخير و الطاعة و المذاكرة و يديكي نصيحة و يجروكي للثواب مش للمعصية و خدي بالك اوي من اللي انتي مصاحباهم عشان الصاحب ساحب رابع حاجة..غالبا انتي السنة الجاية ان شاء الله نظام بكالوريا ف بتاخدي مواد معينة في السنة الأولى و باقي المواد في السنة التانية و غيروا مناهج و شالوا حاجات و لغوا حاجات ف مش متأكدة اوي من المواد اللي هتاخديها عشان اقترحلك مدرسين و كمان في مواد انتي اللي هتختاري تدرسيها خامسا...خدي بالك من اكلك و كتري من البروتينات و الفاكهة و الخضار و قللي من السكريات و الفاست فود و الأكل اللي من بره كمان حاولي تتعودي من دلوقتي تديري وقتك و تعرفي تتصرفي ازاي تحت ضغط لان مرحلة الثانوية بطبيعتها مليانة احيانا بالضغط ف خلي شخص قريب منك زي ممتك أو حد من صحابك تروحي تحكيله وقت الضغط عشان يساعدوكي و تطلعي اللي جواكي و أخيرا ربنا معاكي و يوفقك يارب و ربنا يكتبلي الخير كله و يحققلك اللي نفسك فيه يا جميلة
تم النشر الخميس، ٢٦ يونيو ٢٠٢٥
اولا الثانوية العامة ما هي الا مرحله في حياتنا وهتمر زي اي مرحله بنمر بيها ولكن هي مرحله مهمه في حياتنا وهي اللي هتحدد مستقبلنا ومجالنا الوظيفي فلازم نكون قدها ونعمل اللي علينا ونترك الباقي علي الله ثانيا بالنسبه لوضع خطه وجدول فدي بتعتمد علي دروسك ووقتك وحياتك انت وبتختلف من شخص لاخر ولكن افضل وقت للمذاكره بعد صلاة الفجر مباشرة الي قبل ما تروح الدرس سواء كان ظهرا او بعد وتاكد ان دي مش نهاية العالم وكنها مرحله مهمه جدا في حياتنا وانت بتختار الطريق بنفسك بس كده ❤☺
تم النشر الجمعة، ٢٧ يونيو ٢٠٢٥
السلام عليكم ورحمه الله وبركاته انا محتاج انك تعرفي الاول عن نفسك ايه افضل طريقه للمذاكره بالنسبه لك لانه مش كلنا زي بعض فممكن حد ينصحك بنصيحه هي تناسبه ولكن ما تناسبكيش انت في طريقه مذاكرتك فشوفي كده ايه انسب طريقه للمذاكره بالنسبه لك هل طريقه المذاكره انك تشوفي الدرس الاول وبعد كده تبداي تلخصيه هي الافضل بالنسبه لك يبقى اعتمد الطريقه دي هل انك تقري الدرس الاول وبعدين تروحي تسمعي المدرس وهو بيشرح وبعد كده تبقي تحلي اسئله على الدرس يبقى اعملي كده شوفي انهي تنسيق اللي بيناسبك واعرفيه كويس قوي قوي قوي يعني جربي كذا طريقه ولو انت بالفعل عارفه ايه احسن طريقه بالنسبه لك اثبتي عليها حتى لو جه اي حد يقول لك لا انت ليه بتعملي كده دي طريقه اصعب خليكي في الطريقه الاسهل اا يعني لو اخذتي طريقته جربيها ممكن لكن ما تشكيش في طريقتك طالما هي دي فعلا اللي بتخليكي تحطي تركيزك ويطلع لك نتيجه المناسبه ان شاء الله دي اول واهم نقطه انا عايزاك تغذي بالك منها ثاني نقطه بقى هو انك تخلي يومك متوازن يعني في تنسيق جدول الدروس بالذات طالما هتاخدي الدروس اونلاين بلاش يبقى في يوم عندك مسحوم جدا جدا الا طبعا لو اتزنقتي اللي هو خلاص بقى انا عايزه اخد مع المدرس ده فهضطر ان انا جدول يعني تبقى حاجه استثنائيه لكن مش ده الاساس ااا اعملي لنفسك كده تنسيق انه مثلا ما يكونش في اكتر من درسين او ثلاثه على حسب بقى عدد المواد قسميهم على الاسبوع وخليه دائما في يوم اجازه دائما دائما لازم يبقى في يوم اجازه حتى لو حد قال لك انت ازاي يعني يبقى الحياه كده واخده يوم اجازه ليهم التوازن مطلوب التوازن مطلوب عشان لو جالنا وقت حسينا فيه ان احنا مضغوطين جدا هنلاقي نفسنا مش قادرين نعمل في اي يوم خالص ولا نفسنا فجاه محتاجين اسبوع بالكامل اجازه وده طبعا اتمنى ان انا اكون افدتك بشويه النقاط دي وربنا يوفقك ان شاء الله. هيبقى صعب. فخلينا نخلينا متوازيين من الاول عشان ما يبقاش اوفر لود عليه الحاجه كمان المهمه قوي انك ما تخليش وقتك في اليوم محوره هو المذاكره والمذاكره خلي فيه حاجات اجتماعيه في يومك ولو بسيطه انك تكوني في وقت بتقعدي فيه مع اهلك انك تكوني في وقت اا بتعملي فيه حاجه في البيت الحاجات دي كلها بتبقى عامله زي الفواصل حاجه بتفصلني على مذاكره عشان لما ارجع لها احس انها وحشتني ببساطه كده اللي هو ابقى راجع فيه عندي حماسه اني اقعد من جديد لكن لو انا بس قمت من على الكتاب من على الترابيزه او من على المكتب ورحت قعدت على الكرسي او كنبه شويه قلت ده انا بريح شويه وهرجع اكمل مش هاحس ان انا فصلت بشكل كامل ليه لانه هيبقى مخي ما بعدش عن الموضوع اا بشكل كبير فده مش هيكون مريح.
تم النشر الجمعة، ٢٧ يونيو ٢٠٢٥
وعليكم السلام ورحمة الله وبركاته كلو بيبقى كدة فى أولى ثانوى بيبقى شادد حيلو وكدة علشان بقى بيقول أنا بقيت فى ثانوى ولازم أشد وكدة 😂 بس عموما اهم حاجه فى اى مذاكرة عدم التراكمات يعنى مش تراكمى اى درس أنا تنظيم الوقت ف دا على حسب دروسك يعنى مثلا هتروح المدرسة وهتيجى على الساعة 2 وهتروحى درسين على الأقل فى اليوم فكدة ممكن ترجعى البيت على خمسة مثلا هتنامى شوية وهتذاكرى بالليل أنا ازهر باخد أقل يوم 4 دروس بس مش بروح المعهد بس المهم انتى اى كان معاكى وقت كبير وقت الكبير على فى أيام عندك ممكن مش تاخدى فيها دروس ففى الحالة دى انتى ممكن مثلا تراجع اللى اخدتيه مراجعة سريعة كدة وشدة حيلك أما احسن مدرسين ففى الأستاذ خالد صقر دا فى الكيمياء دا بالنسبالى احسن مدرسه كيمياء أما فى الأحياء عند الأستاذ الدكتور أحمد الجوهرى وفى برضو الأستاذ الدكتور محمد ايمن بس بصراحة أنا بفهم أو شايف نفسى مع احمد الجوهرى بس انتى جربى الأتنين وفى فى العربى الأستاذ محمد صلاح أنا ازهر فمعرفش كتير عن العربى وكدة بس انا سمعت كذا فديو للأستاذ محمد صلاح بصراحة حاجه روعة هيشد شوية هيهور شوية مش هتحسى بملل وبس دا اللى اعرفو اتمنى لكى النجاح والتوفيق وشدى حيلك اولى صعبة شوية بس مش تخافى هتعدى عادى وتقنية ساهلة موت أنا فى تانية على فكرة ومنقول لتالتة إن شاء الله بس كنت باخد دورس تالتة من وانا فى تانية فأنا بقلك تالتة دى هتحسيها ولا حاجه طالما انتى شادة ولو مستكترة الخمس مواد احنا عندنا 19 مادة 🙂 فيعنى حاجه مملة بطريقة فظيعة وبس كدة
تم النشر الخميس، ٢٦ يونيو ٢٠٢٥
وعليكم السلام ورحمة الله وبركاته، أهلاً بك يا عزيزتي، واسمحي لي أن أقول لك إن بداية سنة أولى ثانوي هي نقطة انطلاق مهمة ومميزة، وفرصة رائعة لوضع أسس قوية للمذاكرة وتنظيم الوقت بطريقة فعالة تساعدك على النجاح بإذن الله. سأساعدك بخطوات واضحة وعملية حتى تصلي لهدفك بإذن الله. كيف تخططي لمذاكرتك وتنظمي وقتك في الصف الأول الثانوي؟ اعرفي ساعات فراغك اليومية أول حاجة سجلي في ورقة أو ملاحظة على موبايلك الوقت الفارغ المتاح بعد المدرسة، وأوقات راحتك، وحاولي تكوني واقعية في تحديده. اعملي جدول مذاكرة أسبوعي خصصي أوقات محددة كل يوم للمذاكرة، تكون غالبًا بعد الراحة القصيرة بعد المدرسة. رتبي المواد حسب أولوياتك: مثلاً المواد التي تحتاجي لتركيز أكثر أو عندك فيها ضعف ممكن تذاكريها في أوقات نشاطك الذهني الأعلى. ضعي أوقات للراحة القصيرة مثل 10-15 دقيقة بعد كل 45-50 دقيقة مذاكرة. قسمِي المذاكرة إلى فترات صغيرة لا تدرسي فترة طويلة بدون فواصل، لأن تركيز دماغك يقل مع الوقت. جربي طريقة مثل "بومودورو" لكن غيريها على حسب راحتك. استخدمي طرق مذاكرة مختلفة قراءة وفهم المادة. كتابة ملخصات أو نقاط بسيطة. حل تمارين وتطبيقات. استخدام وسائل تعليمية مختلفة مثل الفيديوهات أو البودكاست. حددي أهداف يومية وأسبوعية وتمسكي بها مثلاً: "اليوم هذاكر الباب الأول في اللغة العربية" أو "هذا الأسبوع هراجع الجبر والفيزياء". الأهداف الصغيرة تشجع على الإنجاز. احرصي على النوم الكافي والتغذية السليمة عشان دماغك يشتغل كويس، لازم تأخدي قسط كافي من النوم (٧-٨ ساعات على الأقل) وتأكلي أكل صحي. في موضوع أفضل المدرسين أونلاين: هناك العديد من المدرسين الرائعين الذين يقدمون محتوى جيد على الإنترنت، ومنهم من يقدم دروسًا مجانية على يوتيوب أو منصات تعليمية. بعض النصائح عند اختيار المدرس: تابعي مدرسين معروفين وذوي خبرة في الشرح . بإمكانك مراجعة تعليقات المتابعين وآرائهم على حساباتهم أو قنواتهم. اختاري مدرسين يوفرون محتوى مبسط ومنظم بأسلوب شيق وغير ممل. تأكدي من أن أسلوبهم يناسب طريقتك في التعلم . يمكنك البحث على منصات مثل يوتيوب عن دروس في المواد الأساسية التي تدرسينها (رياضيات، فيزياء، عربي، إنجليزي…) مع إضافة كلمة "شرح" واسم المادة والصف. نصائح إضافية لا تبخلي على نفسك بالوقت في فهم الأساسيات، لأنها مهمة جدًا للنجاح في السنوات القادمة. استخدمي الثقافة الإسلامية والمقولة "العلم نور" كدافع مستمر للتحصيل والاجتهاد. إذا كنتِ تحتاجين مساعدة أكثر تفصيلًا أو متابعة مستمرة، يمكنك زيارة صفحة خبراء التعليم في موقع "فدني" واختيار استشارة تناسبك. إذا أردتِ مني أساعدك بوضع جدول مذاكرة محدد يناسب وقتك أو ترشيح بعض المدرسين المشهورين في مواد معينة، فقط أخبريني، وسأسعد بمساعدتك أكثر. وأيضاً لا تضيعي فرصة البحث في "فدني" عن تجارب وتساؤلات أخرى تخص أولى ثانوي، ففيها الكثير من الفائدة. ذكية معك دومًا، وأتمنى لك النجاح والتوفيق! 🌸✨
تم النشر الخميس، ٢٦ يونيو ٢٠٢٥
شكرا
تم النشر الجمعة، ٢٧ يونيو ٢٠٢٥
أحياء معاكي الجوهري ومستر محمد ايمن الاتنين كويسين بس ك افكار الجوهري أفكاره حلوه والجيو جيو ماجد مبسطها وبتعرفي تحلي معاه بطريقه جميله جدا
تم النشر الجمعة، ٢٧ يونيو ٢٠٢٥
انجليزي : عندك مس مي ماجد وانجلشاوي ولكن انا بحب مس مي الصراحه . *فزياء متابعتش مع حد أون لاين غير عبد المعبود هتحسيه تقيل بس الصراحه أفكاره بتعملي دماغك وحتي الفكره البسيطه عنده بتبقي اعلي فكره في الامتحان ولكن برضو لو اتعقدتي منه متكمليش معاه وشوفي حد تفهمي منه زي مستر محمود مجدي بيقولوا كويس ولكن انا كنت باخد ع الواقع مع مدرس حببني في الماده فاهم حاجه تشوفي حد يسهلك الماده ويحببك منا مش يخوفك
تم النشر الجمعة، ٢٧ يونيو ٢٠٢٥
عربي : مستر محمد صلاح يستاهل الصراحه وعامل معانا كل خير وساعدنا كتير وكان اي واخ قبل ما يكون مدرس وأخلاقه تشهد بكده*
تم النشر الجمعة، ٢٧ يونيو ٢٠٢٥
من جهة تنظيم الوقت فانتي تلقائيا فلما تدخلي السنه هتلاقي نفسك بتعديل حاجات وامورك بتصلحيها والوقت بيجي ع حسب مواعيد دروسك ومذاكرتك يعني لو وراكي درس الساعه 9 Am بتروحيه وتيجي لو هتريحي حبه بسيطه خالص وتقومي تذاكري اللي خدتيه أما فكرة جدول محدد فده هيجي ع أساس دروسك ووقتك ولو ع المدرسين ع السوشيال ميديا ارشحلك عن تجربه
تم النشر الجمعة، ٢٧ يونيو ٢٠٢٥
لعرض السؤال في فدني اضغط هنا